HABAKUKA 2
2
MOKUNA II.
1 ʻO ke kali ʻana o ke kāula i ka ʻōlelo a ke Akua. 2 Kauoha mai ke Akua iā ia e kākau i ka mea i ʻike ʻia.
1¶ Ma luna o koʻu wahi kiaʻi ke kū nei au,
A ma luna o kahi paʻa ke hoʻonoho iaʻu iho,
A e nānā aʻe au e ʻike ai i ka mea āna e ʻōlelo mai ai noʻu,
A i ka mea aʻu e pane aku ai no kuʻu hoʻākāka ʻana.
2ʻŌlelo mai ʻo Iēhova iaʻu, ʻī maila,
“E kākau ʻoe i ka mea i ʻike ʻia,
A e kākau hoʻi ia ma nā papa pōhaku,
I hiki ka mea heluhelu e hoholo.
3“No ka mea, ʻo ka mea i ʻikea no ka manawa maopopo ia;
A ke lalelale nei i ka hope, ʻaʻole ia e hoʻopunipuni;
Inā e hoʻokaʻulua ʻia ʻo ia, e kali ʻoe iā ia;
No ka mea, e hiki ʻiʻo mai nō ia, ʻaʻohe ia e hoʻokaʻulua.
4¶ “Aia hoʻi, ʻo ka mea hoʻokiʻekiʻe,
ʻAʻole pono kona naʻau i loko ona;
Akā, ʻo ka mea pono, e hoʻōla ʻia ʻo ia ma kona manaʻoʻiʻo.
5“A he ʻoiaʻiʻo, ʻo ka waina, ua hoʻopunipuni ia;
ʻO ke kanaka haʻaheo, ʻaʻole ia i noho mālie,
Ua hoʻākea ʻo ia i kona makemake, e like me ka lua kupapaʻu,
A ua like ʻo ia me ka make, ʻaʻole ia e ana;
Hoʻākoakoa ʻo ia nona iho i nā lāhui kanaka a pau,
A ua hōʻuluʻulu nona iho i nā kānaka a pau.
6¶ “ʻAʻole anei e hāpai o kēia poʻe a pau i mele nona,
A i wahi ʻōlelo hōʻino nona,
A e ʻī aku, ‘Auwē ka mea e hoʻomāhuahua i ka waiwai, ʻaʻohe nona!
Pehea ka lōʻihi!
ʻO ka mea e hoʻonui ana ma luna ona i ka ʻaiʻē?’
7“ʻAʻole anei e kū koke mai ka poʻe e nahu mai iā ʻoe,
A e ala mai ka poʻe e hoʻokaumaha iā ʻoe?
A e lilo ʻoe i pio no lākou.
8“No ka mea, ua hoʻopio ʻoe i nā lāhui kanaka he nui,
ʻO ke koena a pau o nā kānaka e hoʻopio lākou iā ʻoe,
No ke koko o kānaka, a no ka hana ʻino i ka ʻāina,
I ke kūlanakauhale, a me ka poʻe a pau e noho ana i loko ona.
9¶ “Auē ka mea kuko i ka waiwai pono ʻole no kona hale,
I hoʻokiʻekiʻe ai ʻo ia i kona pūnana i luna,
I hoʻopakele ai iā ia iho mai ka mana o ka hewa mai!
10“Ua kūkā ʻoe i ka mea hilahila no kou hale,
Ma ka hōʻoki ʻana i nā kānaka he nui,
Ua hana hewa aku hoʻi ʻoe i kou ʻuhane.
11“No ka mea, e kāhea mai ka pōhaku mai ka paia mai,
A ʻo ke kaola lāʻau e pane mai nō ia.
12¶ “Auē ka mea kūkulu i ke kūlanakauhale me ke koko,
ʻO ka mea hoʻokumu i ke kūlanakauhale me ka hewa!
13“Aia hoʻi, na Iēhova o nā kaua anei kēia,
E hoʻoluhi nā kānaka i loko o ke ahi,
A e hoʻokaumaha iā lākou iho no ka mea ʻole?
14“No ka mea, e hoʻopiha ʻia ka honua
I ka ʻike i ka nani o Iēhova,
E like me nā wai i hoʻopiha ai i nā moana.
15¶ “Auē ka mea hoʻohāinu i kona hoalauna,
A e ninini i kou mea e wela ai iā ia, i ʻona ʻo ia,
I nānā aku ai ʻoe i ko lākou ʻōlohelohe!
16“E hoʻopiha ʻia ʻoe i ka hilahila no ka nani,
E inu hoʻi ʻoe, a e hōʻike i kuʻu ʻoki poepoe ʻole ʻia;
ʻO ke kīʻaha o ka lima ʻākau o Iēhova e hiki mai nō ia iā ʻoe,
A ʻo ka luaʻi hilahila e uhi mai i kou nani.
17“No ka mea, ʻo ka hana ʻino iā Lebanona e uhi mai iā ʻoe,
Me ka luku o nā holoholona, i hoʻoweliweli iā lākou,
No ke koko o kānaka, a no ka hana ʻino i ka ʻāina,
I ke kūlanakauhale, a me ka poʻe a pau e noho ana i loko ona.
18¶ “He aha ka pono o ke kiʻi, i ka manawa i kālai ʻia ʻo ia e ka mea nāna ia i hana?
A ʻo ke kiʻi hoʻoheheʻe ʻia, a me ka mea aʻo i ka wahaheʻe?
A ʻo ka mea nāna i hana i kona kiʻi, ua hilinaʻi ia ma luna ona,
Ma ka hana ʻana i akua lapuwale.
19“Auē ka mea ʻōlelo i ka lāʻau, ‘E ala mai!’
A i ka pōhaku leo ʻole, ‘E kū i luna!’
ʻO ia ke aʻo mai?
Aia hoʻi, ua uhi ʻia ʻo ia i ke gula a me ke kālā,
Akā, ʻaʻohe hanu iki i loko ona.
20“Aia nō ʻo Iēhova i loko o kona luakini hoʻāno;
E hāmau i mua ona, e ka honua a pau.”
Currently Selected:
HABAKUKA 2: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
HABAKUKA 2
2
MOKUNA II.
1 ʻO ke kali ʻana o ke kāula i ka ʻōlelo a ke Akua. 2 Kauoha mai ke Akua iā ia e kākau i ka mea i ʻike ʻia.
1¶ Ma luna o koʻu wahi kiaʻi ke kū nei au,
A ma luna o kahi paʻa ke hoʻonoho iaʻu iho,
A e nānā aʻe au e ʻike ai i ka mea āna e ʻōlelo mai ai noʻu,
A i ka mea aʻu e pane aku ai no kuʻu hoʻākāka ʻana.
2ʻŌlelo mai ʻo Iēhova iaʻu, ʻī maila,
“E kākau ʻoe i ka mea i ʻike ʻia,
A e kākau hoʻi ia ma nā papa pōhaku,
I hiki ka mea heluhelu e hoholo.
3“No ka mea, ʻo ka mea i ʻikea no ka manawa maopopo ia;
A ke lalelale nei i ka hope, ʻaʻole ia e hoʻopunipuni;
Inā e hoʻokaʻulua ʻia ʻo ia, e kali ʻoe iā ia;
No ka mea, e hiki ʻiʻo mai nō ia, ʻaʻohe ia e hoʻokaʻulua.
4¶ “Aia hoʻi, ʻo ka mea hoʻokiʻekiʻe,
ʻAʻole pono kona naʻau i loko ona;
Akā, ʻo ka mea pono, e hoʻōla ʻia ʻo ia ma kona manaʻoʻiʻo.
5“A he ʻoiaʻiʻo, ʻo ka waina, ua hoʻopunipuni ia;
ʻO ke kanaka haʻaheo, ʻaʻole ia i noho mālie,
Ua hoʻākea ʻo ia i kona makemake, e like me ka lua kupapaʻu,
A ua like ʻo ia me ka make, ʻaʻole ia e ana;
Hoʻākoakoa ʻo ia nona iho i nā lāhui kanaka a pau,
A ua hōʻuluʻulu nona iho i nā kānaka a pau.
6¶ “ʻAʻole anei e hāpai o kēia poʻe a pau i mele nona,
A i wahi ʻōlelo hōʻino nona,
A e ʻī aku, ‘Auwē ka mea e hoʻomāhuahua i ka waiwai, ʻaʻohe nona!
Pehea ka lōʻihi!
ʻO ka mea e hoʻonui ana ma luna ona i ka ʻaiʻē?’
7“ʻAʻole anei e kū koke mai ka poʻe e nahu mai iā ʻoe,
A e ala mai ka poʻe e hoʻokaumaha iā ʻoe?
A e lilo ʻoe i pio no lākou.
8“No ka mea, ua hoʻopio ʻoe i nā lāhui kanaka he nui,
ʻO ke koena a pau o nā kānaka e hoʻopio lākou iā ʻoe,
No ke koko o kānaka, a no ka hana ʻino i ka ʻāina,
I ke kūlanakauhale, a me ka poʻe a pau e noho ana i loko ona.
9¶ “Auē ka mea kuko i ka waiwai pono ʻole no kona hale,
I hoʻokiʻekiʻe ai ʻo ia i kona pūnana i luna,
I hoʻopakele ai iā ia iho mai ka mana o ka hewa mai!
10“Ua kūkā ʻoe i ka mea hilahila no kou hale,
Ma ka hōʻoki ʻana i nā kānaka he nui,
Ua hana hewa aku hoʻi ʻoe i kou ʻuhane.
11“No ka mea, e kāhea mai ka pōhaku mai ka paia mai,
A ʻo ke kaola lāʻau e pane mai nō ia.
12¶ “Auē ka mea kūkulu i ke kūlanakauhale me ke koko,
ʻO ka mea hoʻokumu i ke kūlanakauhale me ka hewa!
13“Aia hoʻi, na Iēhova o nā kaua anei kēia,
E hoʻoluhi nā kānaka i loko o ke ahi,
A e hoʻokaumaha iā lākou iho no ka mea ʻole?
14“No ka mea, e hoʻopiha ʻia ka honua
I ka ʻike i ka nani o Iēhova,
E like me nā wai i hoʻopiha ai i nā moana.
15¶ “Auē ka mea hoʻohāinu i kona hoalauna,
A e ninini i kou mea e wela ai iā ia, i ʻona ʻo ia,
I nānā aku ai ʻoe i ko lākou ʻōlohelohe!
16“E hoʻopiha ʻia ʻoe i ka hilahila no ka nani,
E inu hoʻi ʻoe, a e hōʻike i kuʻu ʻoki poepoe ʻole ʻia;
ʻO ke kīʻaha o ka lima ʻākau o Iēhova e hiki mai nō ia iā ʻoe,
A ʻo ka luaʻi hilahila e uhi mai i kou nani.
17“No ka mea, ʻo ka hana ʻino iā Lebanona e uhi mai iā ʻoe,
Me ka luku o nā holoholona, i hoʻoweliweli iā lākou,
No ke koko o kānaka, a no ka hana ʻino i ka ʻāina,
I ke kūlanakauhale, a me ka poʻe a pau e noho ana i loko ona.
18¶ “He aha ka pono o ke kiʻi, i ka manawa i kālai ʻia ʻo ia e ka mea nāna ia i hana?
A ʻo ke kiʻi hoʻoheheʻe ʻia, a me ka mea aʻo i ka wahaheʻe?
A ʻo ka mea nāna i hana i kona kiʻi, ua hilinaʻi ia ma luna ona,
Ma ka hana ʻana i akua lapuwale.
19“Auē ka mea ʻōlelo i ka lāʻau, ‘E ala mai!’
A i ka pōhaku leo ʻole, ‘E kū i luna!’
ʻO ia ke aʻo mai?
Aia hoʻi, ua uhi ʻia ʻo ia i ke gula a me ke kālā,
Akā, ʻaʻohe hanu iki i loko ona.
20“Aia nō ʻo Iēhova i loko o kona luakini hoʻāno;
E hāmau i mua ona, e ka honua a pau.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.