HABAKUKA 1
1
MOKUNA I.
1 Hoʻākāka mai ke kāula i ka hewa i waena o kona poʻe kānaka. 5 Hōʻike mai i ka hoʻopaʻi ʻia ʻana o lākou e kā Kaledea. 12 Hoʻomana iā Iēhova; a hōʻike i ka hana ʻino o ka poʻe hewa.
1¶ ʻO ka ʻōlelo, ka mea i hōʻike ʻia iā Habakuka ke kāula.
2¶ Pehea ka lōʻihi o koʻu kāhea ʻana, e Iēhova,
ʻAʻole ʻoe e hoʻolohe mai?
A uē aku hoʻi iā ʻoe no ka hana ʻino,
ʻAʻole ʻoe e hoʻopakele mai?
3No ke aha lā, kou hōʻike ʻana mai iaʻu i ke kaumaha,
A me ka ʻehaʻeha?
Aia nō ka hana ʻino, a me ka hoʻoluhi i mua oʻu;
A ala mai ka hakakā a me ka paio.
4No ia mea, ua nāwaliwali ke kānāwai,
ʻAʻole e hele aku ka hoʻopono ʻana me ka ʻoiaʻiʻo;
Akā, ʻo ka mea hewa ke hoʻopuni i ka mea pono;
No laila, ua hoʻokahuli ʻia ka pono.
5¶ “E nānā ʻoukou i waena o nā lāhui kanaka, a e ʻike pono,
A e kāhāhā nui ka naʻau;
No ka mea, e hana nō au i ka hana i ko ʻoukou mau lā,
Ka mea i manaʻoʻiʻo ʻole ai ʻoukou, ke haʻi ʻia mai ia.
6“No ka mea, aia hoʻi, e hoʻokū au i ko Kaledea,
He lāhui kanaka hana ʻino, a me ka huhū,
Ka mea e hele i nā wahi ākea o ka honua,
E ʻimi i nā noho ʻana, nā mea ʻaʻole no lākou.
7“He mea weliweli a me ka makaʻu ʻo ia;
Nona iho kona kānāwai, a me kona hanohano.
8“Ua ʻoi ka māmā o kona poʻe lio ma mua o ka leopadi,
A ua ʻoi ko lākou māmā ma mua o nā ʻīlio hae i ke ahiahi;
Holo haʻaheo kona poʻe holo lio,
E hele mai kona poʻe hoʻoholo lio mai kahi lōʻihi mai;
E lele lākou me he ʻaeto lā, e lalelale ana e ʻai.
9“Hele mai lākou a pau no ka hao wale;
A ʻo ke ʻano o ko lākou maka, ua like me ka makani hikina;
A hoʻākoakoa lākou i ka poʻe pio e like me ke one.
10“Hoʻomāʻewaʻewa aku nō ia i nā aliʻi,
A lilo nā haku i mea henehene nona;
Ua ʻakaʻaka nō ia i nā wahi paʻa a pau,
A hana nō ia i puʻu lepo, a lawe pio nō ʻo ia ia mea.
11“A laila, e hoʻomāhuahua ʻo ia i kona ikaika, a e hele aku,
A e luku aku, e ʻī aku,
A ʻo kona mana anei kēia, ʻo kona akua ia?”
12¶ ʻAʻole anei ʻoe mai kā kahiko mai,
E Iēhova,
kuʻu Akua, kuʻu Mea Hemolele?
ʻAʻole mākou e make.
ʻO ʻoe, e Iēhova, i hoʻonoho iā ia, no ka hoʻokolokolo ʻana,
ʻO ʻoe, e ka Pōhaku, i kūkulu paʻa iā ia no ka hoʻopaʻi ʻana.
13Ua maʻemaʻe loa kou mau maka,
ʻAʻole ʻoe e nānā i ka hewa;
ʻAʻole loa ʻoe e ʻike mai i ka pono ʻole;
No ke aha ʻoe e nānā mai i ka poʻe lawehala?
A e noho ʻekemu ʻole,
I ka manawa e luku mai ai ka mea hewa i ka mea ua ʻoi ka pono ma mua ona?
14Akā, ua hana ʻoe i ke kanaka e like me nā iʻa o ke kai,
E like hoʻi me ka mea kolo, ʻaʻohe mea e aliʻi ana ma luna ona.
15Huki nō ia iā lākou i luna me ka makau,
A hei iho iā lākou i kāna ʻupena,
A hōʻuluʻulu iā lākou i loko o kāna pahele;
No laila, ʻoliʻoli nō ia, a hauʻoli hoʻi.
16No ia hoʻi, mōhai aku nō ia no kāna ʻupena iho,
A kuni i ka mea ʻala no kāna mea pahele;
No ka mea, ma ia mau mea, ua waiwai kona noho ʻana,
A ua momona kāna ʻai.
17No laila hoʻi, e ninini anei ia i kāna ʻupena,
A e luku mau loa nō hoʻi i nā lāhui kanaka?
Currently Selected:
HABAKUKA 1: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
HABAKUKA 1
1
MOKUNA I.
1 Hoʻākāka mai ke kāula i ka hewa i waena o kona poʻe kānaka. 5 Hōʻike mai i ka hoʻopaʻi ʻia ʻana o lākou e kā Kaledea. 12 Hoʻomana iā Iēhova; a hōʻike i ka hana ʻino o ka poʻe hewa.
1¶ ʻO ka ʻōlelo, ka mea i hōʻike ʻia iā Habakuka ke kāula.
2¶ Pehea ka lōʻihi o koʻu kāhea ʻana, e Iēhova,
ʻAʻole ʻoe e hoʻolohe mai?
A uē aku hoʻi iā ʻoe no ka hana ʻino,
ʻAʻole ʻoe e hoʻopakele mai?
3No ke aha lā, kou hōʻike ʻana mai iaʻu i ke kaumaha,
A me ka ʻehaʻeha?
Aia nō ka hana ʻino, a me ka hoʻoluhi i mua oʻu;
A ala mai ka hakakā a me ka paio.
4No ia mea, ua nāwaliwali ke kānāwai,
ʻAʻole e hele aku ka hoʻopono ʻana me ka ʻoiaʻiʻo;
Akā, ʻo ka mea hewa ke hoʻopuni i ka mea pono;
No laila, ua hoʻokahuli ʻia ka pono.
5¶ “E nānā ʻoukou i waena o nā lāhui kanaka, a e ʻike pono,
A e kāhāhā nui ka naʻau;
No ka mea, e hana nō au i ka hana i ko ʻoukou mau lā,
Ka mea i manaʻoʻiʻo ʻole ai ʻoukou, ke haʻi ʻia mai ia.
6“No ka mea, aia hoʻi, e hoʻokū au i ko Kaledea,
He lāhui kanaka hana ʻino, a me ka huhū,
Ka mea e hele i nā wahi ākea o ka honua,
E ʻimi i nā noho ʻana, nā mea ʻaʻole no lākou.
7“He mea weliweli a me ka makaʻu ʻo ia;
Nona iho kona kānāwai, a me kona hanohano.
8“Ua ʻoi ka māmā o kona poʻe lio ma mua o ka leopadi,
A ua ʻoi ko lākou māmā ma mua o nā ʻīlio hae i ke ahiahi;
Holo haʻaheo kona poʻe holo lio,
E hele mai kona poʻe hoʻoholo lio mai kahi lōʻihi mai;
E lele lākou me he ʻaeto lā, e lalelale ana e ʻai.
9“Hele mai lākou a pau no ka hao wale;
A ʻo ke ʻano o ko lākou maka, ua like me ka makani hikina;
A hoʻākoakoa lākou i ka poʻe pio e like me ke one.
10“Hoʻomāʻewaʻewa aku nō ia i nā aliʻi,
A lilo nā haku i mea henehene nona;
Ua ʻakaʻaka nō ia i nā wahi paʻa a pau,
A hana nō ia i puʻu lepo, a lawe pio nō ʻo ia ia mea.
11“A laila, e hoʻomāhuahua ʻo ia i kona ikaika, a e hele aku,
A e luku aku, e ʻī aku,
A ʻo kona mana anei kēia, ʻo kona akua ia?”
12¶ ʻAʻole anei ʻoe mai kā kahiko mai,
E Iēhova,
kuʻu Akua, kuʻu Mea Hemolele?
ʻAʻole mākou e make.
ʻO ʻoe, e Iēhova, i hoʻonoho iā ia, no ka hoʻokolokolo ʻana,
ʻO ʻoe, e ka Pōhaku, i kūkulu paʻa iā ia no ka hoʻopaʻi ʻana.
13Ua maʻemaʻe loa kou mau maka,
ʻAʻole ʻoe e nānā i ka hewa;
ʻAʻole loa ʻoe e ʻike mai i ka pono ʻole;
No ke aha ʻoe e nānā mai i ka poʻe lawehala?
A e noho ʻekemu ʻole,
I ka manawa e luku mai ai ka mea hewa i ka mea ua ʻoi ka pono ma mua ona?
14Akā, ua hana ʻoe i ke kanaka e like me nā iʻa o ke kai,
E like hoʻi me ka mea kolo, ʻaʻohe mea e aliʻi ana ma luna ona.
15Huki nō ia iā lākou i luna me ka makau,
A hei iho iā lākou i kāna ʻupena,
A hōʻuluʻulu iā lākou i loko o kāna pahele;
No laila, ʻoliʻoli nō ia, a hauʻoli hoʻi.
16No ia hoʻi, mōhai aku nō ia no kāna ʻupena iho,
A kuni i ka mea ʻala no kāna mea pahele;
No ka mea, ma ia mau mea, ua waiwai kona noho ʻana,
A ua momona kāna ʻai.
17No laila hoʻi, e ninini anei ia i kāna ʻupena,
A e luku mau loa nō hoʻi i nā lāhui kanaka?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.