ʻAMOSA 5
5
MOKUNA V.
1 He kanikau no kā ʻIseraʻela. 4 He kauoha e ʻimi i ke Akua. 16 Hoʻopaʻi ana ke Akua i ka poʻe hoʻopaʻakikī. 21 Hoʻowahāwahā ke Akua i ko lākou hoʻokamani ʻana a i ko lākou lilo ʻana i poʻe pio.
1¶ E hoʻolohe ʻoukou i kēia ʻōlelo, aʻu e hāpai aku nei no ʻoukou,
ʻO ia hoʻi, he kanikau, e ka hale o kā ʻIseraʻela.
2Ua hāʻule, ʻaʻole e ala hou aʻe,
Ke kaikamahine puʻupaʻa o kā ʻIseraʻela.
Ua kulaʻina ʻo ia ma luna o kona ʻāina iho;
ʻAʻohe mea nāna ia e hoʻāla.
3No ka mea, ke ʻōlelo mai nei ʻo Iēhova ka Haku, pēnēia:
“ʻO ko ke kūlanakauhale i hele pātausani aku, e koe mai nō he haneri;
A ʻo ka mea i hele pāhaneri aku, e koe mai nō he ʻumi, no ka hale o kā ʻIseraʻela.”
4¶ No ka mea, ke ʻōlelo mai nei ʻo Iēhova pēnēia i ka hale o kā ʻIseraʻela,
“E ʻimi ʻoukou iaʻu, a e ola ʻoukou.
5“Akā, mai ʻimi ʻoukou i Betela,
ʻAʻole hoʻi e komo i Gilegala,
ʻAʻole e hele aku i Beʻereseba;
No ka mea, he ʻoiaʻiʻo, e hele pio aku ko Gilegala,
A e lilo ʻo Betela i mea ʻole.
6“E ʻimi ʻoukou iā Iēhova, a e ola ʻoukou;
O lele mai ia, me he ahi lā, ma ka hale o Iosepa,
A e hoʻopau aku ia,
ʻAʻohe mea nāna ia e kinai ma Betela.
7“E ka poʻe i hoʻolilo i ka ʻōlelo hoʻopono i mea ʻawaʻawa,
A hoʻolei i ka pono ma ka honua,”
8¶ E ʻimi i ka mea nāna i hana iā Peleiade a me ʻOriona,
A hoʻolilo i ka malu o ka make i mālamalama,
A hoʻopouli i ke ao a lilo i pō;
Ka Mea e hoʻopiʻi ana i nā wai o ka moana,
A ninini iho iā lākou ma luna o ka ʻili o ka honua:
ʻO Iēhova kona inoa.
9ʻO ka mea e lawe mai i ka make ma luna o ka poʻe ikaika,
A e hoʻohiki mai i ka luku ma luna o kahi paʻa.
10¶ Ke inaina nei lākou i ka mea e aʻo ana ma ka puka pā,
A hoʻowahāwahā lākou i ka mea e ʻōlelo pono ana.
11No ia mea, no ko ʻoukou hehi ʻana ma luna o ka ʻilihune,
A ke lawe nei ʻoukou i ka ʻai makana mai ona aku lā;
Ua hana ʻoukou i nā hale pōhaku i kālai ʻia,
Akā, ʻaʻole ʻoukou e noho i loko o lākou;
Ua kanu ʻoukou i nā pā waina maikaʻi,
Akā, ʻaʻole ʻoukou e inu i ka waina o lākou.
12No ka mea, ua ʻike au, he nui wale ko ʻoukou lawehala ʻana,
A me ko ʻoukou mau hewa nui;
E hoʻopilikia ana i ka poʻe hoʻopono, e lawe ana i ka uku kīpē,
A e hoʻokahuli ana i ka pono o ka poʻe ʻilihune ma ka puka pā.
13No ia mea, e noho mālie ka mea naʻauao i kēlā manawa;
No ka mea, he manawa ʻino ia.
14¶ E ʻimi ʻoukou i ka maikaʻi, ʻaʻole i ka hewa, i ola ʻoukou;
A pēlā e mau ai ʻo Iēhova, ke Akua o nā kaua me ʻoukou, e like me kā ʻoukou i ʻōlelo ai.
15E inaina i ka hewa, a e aloha i ka maikaʻi,
A e hoʻokūpaʻa ʻoukou i ka hoʻopono ma ka puka pā;
Malia paha e aloha mai ʻo Iēhova, ke Akua o nā kaua, i ke koena o kā Iosepa.
16¶ No ia hoʻi, ke ʻōlelo mai nei ʻo Iēhova, ke Akua o nā kaua, ka Haku, pēnēia:
“Ma nā alanui a pau he auē ʻana;
A ma nā wahi i waho a pau, e ʻōlelo lākou, ‘Auē! Auē!’
A e kāhea aku lākou i ka mea mahi ʻai i ka ʻū ʻana,
A i ka poʻe ʻike e kanikau i ka uē ʻana.
17“A ma nā pā waina a pau ka uē ʻana:
No ka mea, e hele auaneʻi au i waena ou,” wahi a Iēhova.
18¶ Auē ka poʻe ʻiʻini i ka lā o Iēhova!
No ke aha lā kēia iā ʻoukou?
ʻO ka lā o Iēhova, he pouli ia, ʻaʻole he mālamalama.
19E like me ke kanaka i holo mai ke alo aku o ka liona, a hālāwai ka bea me ia;
A i komo paha i loko o ka hale, a hilinaʻi kona lima ma ka paia, a nahu mai ka nahesa iā ia.
20ʻAʻole anei he pouli ka lā o Iēhova, me ka mālamalama ʻole?
A he pouli loa, ʻaʻohe ona mālamalama.
21¶ “Ke inaina nei au, ke hoʻowahāwahā nei au i ko ʻoukou mau ʻahaʻaina,
ʻAʻole wau e ʻoluʻolu i ko ʻoukou mau hālāwai ʻana.
22“Inā e kaumaha mai ʻoukou noʻu i kā ʻoukou mau mōhai kuni, a me kā ʻoukou mau mōhai makana, ʻaʻole au e ʻoluʻolu ia mea:
ʻAʻole hoʻi au e manaʻo i ka mōhai aloha o ko ʻoukou mau mea momona.
23“E lawe aʻe ʻoe mai oʻu aku nei i ke oli ʻana o kā ʻoukou mau mele;
ʻAʻole au e hoʻolohe i ke kani ʻana o ko ʻoukou mau viola.
24“Akā, e hoʻokahe ʻia ka hoʻopono ʻana e like me ka wai,
A ʻo ka pono e like me ka waikahe ikaika.
25¶ “Ua kaumaha mai anei ʻoukou naʻu i nā mōhai, a me nā makana ma ka wao nahele i nā makahiki he kanahā, e ka hale o kā ʻIseraʻela?
26“Ua hali ʻoukou i ka halelewa o ko ʻoukou Moloka, a me ka hale o ko ʻoukou mau kiʻi, ka hōkū o ko ʻoukou akua, ka mea a ʻoukou i hana ai no ʻoukou.
27“No laila, e lawe pio aku au iā ʻoukou ma ʻō aku o Damaseko,” wahi a Iēhova, ke Akua o nā kaua, kona inoa.
Currently Selected:
ʻAMOSA 5: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ʻAMOSA 5
5
MOKUNA V.
1 He kanikau no kā ʻIseraʻela. 4 He kauoha e ʻimi i ke Akua. 16 Hoʻopaʻi ana ke Akua i ka poʻe hoʻopaʻakikī. 21 Hoʻowahāwahā ke Akua i ko lākou hoʻokamani ʻana a i ko lākou lilo ʻana i poʻe pio.
1¶ E hoʻolohe ʻoukou i kēia ʻōlelo, aʻu e hāpai aku nei no ʻoukou,
ʻO ia hoʻi, he kanikau, e ka hale o kā ʻIseraʻela.
2Ua hāʻule, ʻaʻole e ala hou aʻe,
Ke kaikamahine puʻupaʻa o kā ʻIseraʻela.
Ua kulaʻina ʻo ia ma luna o kona ʻāina iho;
ʻAʻohe mea nāna ia e hoʻāla.
3No ka mea, ke ʻōlelo mai nei ʻo Iēhova ka Haku, pēnēia:
“ʻO ko ke kūlanakauhale i hele pātausani aku, e koe mai nō he haneri;
A ʻo ka mea i hele pāhaneri aku, e koe mai nō he ʻumi, no ka hale o kā ʻIseraʻela.”
4¶ No ka mea, ke ʻōlelo mai nei ʻo Iēhova pēnēia i ka hale o kā ʻIseraʻela,
“E ʻimi ʻoukou iaʻu, a e ola ʻoukou.
5“Akā, mai ʻimi ʻoukou i Betela,
ʻAʻole hoʻi e komo i Gilegala,
ʻAʻole e hele aku i Beʻereseba;
No ka mea, he ʻoiaʻiʻo, e hele pio aku ko Gilegala,
A e lilo ʻo Betela i mea ʻole.
6“E ʻimi ʻoukou iā Iēhova, a e ola ʻoukou;
O lele mai ia, me he ahi lā, ma ka hale o Iosepa,
A e hoʻopau aku ia,
ʻAʻohe mea nāna ia e kinai ma Betela.
7“E ka poʻe i hoʻolilo i ka ʻōlelo hoʻopono i mea ʻawaʻawa,
A hoʻolei i ka pono ma ka honua,”
8¶ E ʻimi i ka mea nāna i hana iā Peleiade a me ʻOriona,
A hoʻolilo i ka malu o ka make i mālamalama,
A hoʻopouli i ke ao a lilo i pō;
Ka Mea e hoʻopiʻi ana i nā wai o ka moana,
A ninini iho iā lākou ma luna o ka ʻili o ka honua:
ʻO Iēhova kona inoa.
9ʻO ka mea e lawe mai i ka make ma luna o ka poʻe ikaika,
A e hoʻohiki mai i ka luku ma luna o kahi paʻa.
10¶ Ke inaina nei lākou i ka mea e aʻo ana ma ka puka pā,
A hoʻowahāwahā lākou i ka mea e ʻōlelo pono ana.
11No ia mea, no ko ʻoukou hehi ʻana ma luna o ka ʻilihune,
A ke lawe nei ʻoukou i ka ʻai makana mai ona aku lā;
Ua hana ʻoukou i nā hale pōhaku i kālai ʻia,
Akā, ʻaʻole ʻoukou e noho i loko o lākou;
Ua kanu ʻoukou i nā pā waina maikaʻi,
Akā, ʻaʻole ʻoukou e inu i ka waina o lākou.
12No ka mea, ua ʻike au, he nui wale ko ʻoukou lawehala ʻana,
A me ko ʻoukou mau hewa nui;
E hoʻopilikia ana i ka poʻe hoʻopono, e lawe ana i ka uku kīpē,
A e hoʻokahuli ana i ka pono o ka poʻe ʻilihune ma ka puka pā.
13No ia mea, e noho mālie ka mea naʻauao i kēlā manawa;
No ka mea, he manawa ʻino ia.
14¶ E ʻimi ʻoukou i ka maikaʻi, ʻaʻole i ka hewa, i ola ʻoukou;
A pēlā e mau ai ʻo Iēhova, ke Akua o nā kaua me ʻoukou, e like me kā ʻoukou i ʻōlelo ai.
15E inaina i ka hewa, a e aloha i ka maikaʻi,
A e hoʻokūpaʻa ʻoukou i ka hoʻopono ma ka puka pā;
Malia paha e aloha mai ʻo Iēhova, ke Akua o nā kaua, i ke koena o kā Iosepa.
16¶ No ia hoʻi, ke ʻōlelo mai nei ʻo Iēhova, ke Akua o nā kaua, ka Haku, pēnēia:
“Ma nā alanui a pau he auē ʻana;
A ma nā wahi i waho a pau, e ʻōlelo lākou, ‘Auē! Auē!’
A e kāhea aku lākou i ka mea mahi ʻai i ka ʻū ʻana,
A i ka poʻe ʻike e kanikau i ka uē ʻana.
17“A ma nā pā waina a pau ka uē ʻana:
No ka mea, e hele auaneʻi au i waena ou,” wahi a Iēhova.
18¶ Auē ka poʻe ʻiʻini i ka lā o Iēhova!
No ke aha lā kēia iā ʻoukou?
ʻO ka lā o Iēhova, he pouli ia, ʻaʻole he mālamalama.
19E like me ke kanaka i holo mai ke alo aku o ka liona, a hālāwai ka bea me ia;
A i komo paha i loko o ka hale, a hilinaʻi kona lima ma ka paia, a nahu mai ka nahesa iā ia.
20ʻAʻole anei he pouli ka lā o Iēhova, me ka mālamalama ʻole?
A he pouli loa, ʻaʻohe ona mālamalama.
21¶ “Ke inaina nei au, ke hoʻowahāwahā nei au i ko ʻoukou mau ʻahaʻaina,
ʻAʻole wau e ʻoluʻolu i ko ʻoukou mau hālāwai ʻana.
22“Inā e kaumaha mai ʻoukou noʻu i kā ʻoukou mau mōhai kuni, a me kā ʻoukou mau mōhai makana, ʻaʻole au e ʻoluʻolu ia mea:
ʻAʻole hoʻi au e manaʻo i ka mōhai aloha o ko ʻoukou mau mea momona.
23“E lawe aʻe ʻoe mai oʻu aku nei i ke oli ʻana o kā ʻoukou mau mele;
ʻAʻole au e hoʻolohe i ke kani ʻana o ko ʻoukou mau viola.
24“Akā, e hoʻokahe ʻia ka hoʻopono ʻana e like me ka wai,
A ʻo ka pono e like me ka waikahe ikaika.
25¶ “Ua kaumaha mai anei ʻoukou naʻu i nā mōhai, a me nā makana ma ka wao nahele i nā makahiki he kanahā, e ka hale o kā ʻIseraʻela?
26“Ua hali ʻoukou i ka halelewa o ko ʻoukou Moloka, a me ka hale o ko ʻoukou mau kiʻi, ka hōkū o ko ʻoukou akua, ka mea a ʻoukou i hana ai no ʻoukou.
27“No laila, e lawe pio aku au iā ʻoukou ma ʻō aku o Damaseko,” wahi a Iēhova, ke Akua o nā kaua, kona inoa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.