ʻAMOSA 4
4
MOKUNA IV.
1 Aʻo ʻia mai ʻo kā ʻIseraʻela, no ka hoʻokaumaha ʻana, a no ka hoʻomana kiʻi. 6 Hoʻomau lākou i ka hoʻopaʻakikī. 12 Aʻo ʻia mai lākou e hoʻomākaukau e hālāwai me ke Akua; no ka mea, kokoke hoʻopaʻi mai kēlā iā lākou.
1¶ E hoʻolohe ʻoukou i kēia ʻōlelo, e nā bipi wahine o Basana,
Nā mea ma nā mauna o Samaria,
Nā mea e hoʻokaumaha ana i ka poʻe ʻilihune,
Nā mea e hoʻoluhi ana i ka poʻe nele,
Nā mea e ʻōlelo ana i ko lākou mau haku, “E lawe mai, a e inu kākou.”
2Ua hoʻohiki ʻo Iēhova ka Haku, ma kona hemolele,
“Aia hoʻi, e hiki mai ana nā lā ma luna o ʻoukou,
E lawe aku ai ʻo ia iā ʻoukou me nā kīlou,
A i ka poʻe ma hope o ʻoukou i nā makau lawaiʻa.
3“A e puka aku ʻoukou, ma nā wahi hiolo, ʻo kēlā mea kēia mea ma kona alo,
A e hoʻolei ʻia aku i waho o ka pā kaua,” wahi a Iēhova.
4¶ “E hele mai ʻoukou i Betela, a e hana hewa;
E hoʻonui i ka hana hewa ma Gilegala;
A lawe mai ʻoukou i kā ʻoukou mau mōhai no ke kakahiaka,
A i nā hapaʻumi o ʻoukou no ke kolu o nā makahiki.
5“A e puhi i ka berena hū i mōhai aloha,
A e hōʻike aku i nā mōhai aloha i lohe;
No ka mea, ʻo kā ʻoukou makemake nō ia, e nā mamo a ʻIseraʻela,” wahi a Iēhova ka Haku.
6¶ “A ua hāʻawi aku hoʻi au iā ʻoukou i ka maʻemaʻe o nā niho ma ko ʻoukou mau kūlanakauhale a pau,
A i ka nele i ka berena ma ko ʻoukou mau wahi a pau;
Akā, ʻaʻole ʻoukou i hoʻi hou mai iaʻu,” wahi a Iēhova.
7“A paʻa iaʻu ka ua, mai o ʻoukou aku, i ka manawa ʻekolu malama i koe a hiki i ka ʻohi ʻana;
A hoʻoua iho au ma luna o kekahi kūlanakauhale,
A hoʻoua ʻole au ma luna o kekahi kūlanakauhale:
Ua hoʻoua ʻia kauwahi,
A ʻo kahi i hoʻoua ʻole ʻia, ua maloʻo.
8“A hele aku ʻelua ʻekolu paha nā kūlanakauhale i kekahi kūlanakauhale e inu i ka wai, ʻaʻole naʻe i kena;
Akā, ʻaʻole ʻoukou i hoʻi hou mai iaʻu,” wahi a Iēhova.
9“Ua hahau aku au iā ʻoukou i ka hua ʻai maʻalili, a me ka punahelu;
He nui ko ʻoukou kīhāpai, ko ʻoukou mau pā waina, a me ko ʻoukou mau lāʻau fiku, a me ko ʻoukou mau lāʻau ʻoliva, ua ʻai ʻia hoʻi e ka ʻūhini ʻōpiopio hulu ʻole;
Akā, ʻaʻole ʻoukou i hoʻi hou mai iaʻu,” wahi a Iēhova.
10“A ua hoʻouna aku au i waena o ʻoukou i ke ahulau, e like me ia ma ʻAigupita;
Ua luku aku au i ko ʻoukou poʻe kānaka ʻōpio i ka pahi kaua,
Me ko ʻoukou poʻe lio i pio ʻia;
A ua hoʻopiʻi aʻe au i ka pilau o ko ʻoukou hoʻomoana ʻana, a hiki i ko ʻoukou mau ihu;
Akā, ʻaʻole ʻoukou i hoʻi hou mai iaʻu,” wahi a Iēhova.
11“Ua luku aku au i waena o ʻoukou,
E like me ka luku ʻana o ke Akua iā Sodoma a me Gomora;
Ua like hoʻi ʻoukou me ka momoku ahi i kāʻili ʻia mai loko mai o ke ahi;
Akā, ʻaʻole ʻoukou i hoʻi hou mai iaʻu,” wahi a Iēhova.
12“No ia mea, pēlā au e hana aku ai iā ʻoe, e kā ʻIseraʻela;
A no kaʻu hana ʻana aku i kēia iā ʻoe,
E hoʻomākaukau ʻoe e hālāwai me kou Akua, e kā ʻIseraʻela.”
13No ka mea, aia hoʻi, ʻo ka mea nāna i hana nā mauna,
A ʻo ka mea i hana i ka makani,
A haʻi aku i ke kanaka i kona manaʻo,
A ʻo ka mea i hoʻolilo i ka wanaʻao i pouli,
ʻO ka mea e hehi ana ma luna o nā wahi kiʻekiʻe o ka honua,
ʻO Iēhova, ke Akua o nā kaua, kona inoa.
Currently Selected:
ʻAMOSA 4: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ʻAMOSA 4
4
MOKUNA IV.
1 Aʻo ʻia mai ʻo kā ʻIseraʻela, no ka hoʻokaumaha ʻana, a no ka hoʻomana kiʻi. 6 Hoʻomau lākou i ka hoʻopaʻakikī. 12 Aʻo ʻia mai lākou e hoʻomākaukau e hālāwai me ke Akua; no ka mea, kokoke hoʻopaʻi mai kēlā iā lākou.
1¶ E hoʻolohe ʻoukou i kēia ʻōlelo, e nā bipi wahine o Basana,
Nā mea ma nā mauna o Samaria,
Nā mea e hoʻokaumaha ana i ka poʻe ʻilihune,
Nā mea e hoʻoluhi ana i ka poʻe nele,
Nā mea e ʻōlelo ana i ko lākou mau haku, “E lawe mai, a e inu kākou.”
2Ua hoʻohiki ʻo Iēhova ka Haku, ma kona hemolele,
“Aia hoʻi, e hiki mai ana nā lā ma luna o ʻoukou,
E lawe aku ai ʻo ia iā ʻoukou me nā kīlou,
A i ka poʻe ma hope o ʻoukou i nā makau lawaiʻa.
3“A e puka aku ʻoukou, ma nā wahi hiolo, ʻo kēlā mea kēia mea ma kona alo,
A e hoʻolei ʻia aku i waho o ka pā kaua,” wahi a Iēhova.
4¶ “E hele mai ʻoukou i Betela, a e hana hewa;
E hoʻonui i ka hana hewa ma Gilegala;
A lawe mai ʻoukou i kā ʻoukou mau mōhai no ke kakahiaka,
A i nā hapaʻumi o ʻoukou no ke kolu o nā makahiki.
5“A e puhi i ka berena hū i mōhai aloha,
A e hōʻike aku i nā mōhai aloha i lohe;
No ka mea, ʻo kā ʻoukou makemake nō ia, e nā mamo a ʻIseraʻela,” wahi a Iēhova ka Haku.
6¶ “A ua hāʻawi aku hoʻi au iā ʻoukou i ka maʻemaʻe o nā niho ma ko ʻoukou mau kūlanakauhale a pau,
A i ka nele i ka berena ma ko ʻoukou mau wahi a pau;
Akā, ʻaʻole ʻoukou i hoʻi hou mai iaʻu,” wahi a Iēhova.
7“A paʻa iaʻu ka ua, mai o ʻoukou aku, i ka manawa ʻekolu malama i koe a hiki i ka ʻohi ʻana;
A hoʻoua iho au ma luna o kekahi kūlanakauhale,
A hoʻoua ʻole au ma luna o kekahi kūlanakauhale:
Ua hoʻoua ʻia kauwahi,
A ʻo kahi i hoʻoua ʻole ʻia, ua maloʻo.
8“A hele aku ʻelua ʻekolu paha nā kūlanakauhale i kekahi kūlanakauhale e inu i ka wai, ʻaʻole naʻe i kena;
Akā, ʻaʻole ʻoukou i hoʻi hou mai iaʻu,” wahi a Iēhova.
9“Ua hahau aku au iā ʻoukou i ka hua ʻai maʻalili, a me ka punahelu;
He nui ko ʻoukou kīhāpai, ko ʻoukou mau pā waina, a me ko ʻoukou mau lāʻau fiku, a me ko ʻoukou mau lāʻau ʻoliva, ua ʻai ʻia hoʻi e ka ʻūhini ʻōpiopio hulu ʻole;
Akā, ʻaʻole ʻoukou i hoʻi hou mai iaʻu,” wahi a Iēhova.
10“A ua hoʻouna aku au i waena o ʻoukou i ke ahulau, e like me ia ma ʻAigupita;
Ua luku aku au i ko ʻoukou poʻe kānaka ʻōpio i ka pahi kaua,
Me ko ʻoukou poʻe lio i pio ʻia;
A ua hoʻopiʻi aʻe au i ka pilau o ko ʻoukou hoʻomoana ʻana, a hiki i ko ʻoukou mau ihu;
Akā, ʻaʻole ʻoukou i hoʻi hou mai iaʻu,” wahi a Iēhova.
11“Ua luku aku au i waena o ʻoukou,
E like me ka luku ʻana o ke Akua iā Sodoma a me Gomora;
Ua like hoʻi ʻoukou me ka momoku ahi i kāʻili ʻia mai loko mai o ke ahi;
Akā, ʻaʻole ʻoukou i hoʻi hou mai iaʻu,” wahi a Iēhova.
12“No ia mea, pēlā au e hana aku ai iā ʻoe, e kā ʻIseraʻela;
A no kaʻu hana ʻana aku i kēia iā ʻoe,
E hoʻomākaukau ʻoe e hālāwai me kou Akua, e kā ʻIseraʻela.”
13No ka mea, aia hoʻi, ʻo ka mea nāna i hana nā mauna,
A ʻo ka mea i hana i ka makani,
A haʻi aku i ke kanaka i kona manaʻo,
A ʻo ka mea i hoʻolilo i ka wanaʻao i pouli,
ʻO ka mea e hehi ana ma luna o nā wahi kiʻekiʻe o ka honua,
ʻO Iēhova, ke Akua o nā kaua, kona inoa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.