ʻAMOSA 6
6
MOKUNA VI.
1 Ka pōʻino no ka palaka, a me ka hoʻokiʻekiʻe o nā Iudaio, a me kā ʻIseraʻela. 7 Ka wānana o nā ʻino nui.
1¶ Auē ka poʻe palaka ma Ziona,
A hilinaʻi hoʻi ma ka mauna ʻo Samaria;
Ka poʻe i ʻōlelo ʻia, ʻo nā poʻokela o nā lāhui kanaka,
I o lākou lā i hele mai kā ʻIseraʻela!
2E hele aku ʻoukou i Kalene, a e nānā;
A mai laila aku e hele ai ʻoukou i Hamata nui;
A laila, e iho aku i Gata o ko Pilisetia;
Ua ʻoi anei ko lākou maikaʻi ma mua o ko kēia mau aupuni?
Ua ʻoi anei ka pālahalaha o ko lākou mokuna ma mua o ko ʻoukou mokuna?
3Auē ka poʻe i hoʻolōʻihi aku i ka lā ʻino,
A hoʻokokoke i ka noho hoʻokaumaha wale;
4¶ Ka poʻe e moe ana ma luna o nā wahi moe niho ʻelepani,
A moe hoʻolei loa ma luna o ko lākou wahi moe,
A ʻai iho i nā keiki hipa o ka poʻe hipa,
A me nā keiki bipi i kūpele ʻia;
5Ka poʻe mele ma muli o ka viola,
A hana lākou no lākou iho i nā mea kani e like me Dāvida;
6Ka poʻe inu waina ma loko o nā kīʻaha,
A kāhinu iā lākou iho i ka hinu maikaʻi;
Akā, ʻaʻole i kaumaha lākou no ka ʻeha ʻana o kā Iosepa!
7No ia mea, ʻānō e hele pio aku ai lākou i waena o ka poʻe pio mua,
A e lawe ʻia aku ka ʻoliʻoli o ka poʻe moe hoʻolei loa.
8¶ Ua hoʻohiki ʻo Iēhova ka Haku, ma kona ola, wahi a Iēhova, ke Akua o nā kaua,
“Ke hoʻopailua nei au i ka haʻaheo o Iakoba,
A ke hoʻowahāwahā nei hoʻi i kona mau hale aliʻi;
No laila, e hoʻolilo aku ai au i ke kūlanakauhale, a me kona mea i piha ai.”
9A inā e waiho ʻia nā kānaka he ʻumi ma ka hale hoʻokahi, e make nō lākou.
10A ʻo ka hoahānau o kona makua kāne e lawe aku iā ia, a ʻo ka mea i puhi iā ia, e lawe aku i waho i nā iwi mai loko mai o ka hale, a e ʻōlelo aku i ka mea ma loko loa o ka hale, “ʻAʻole anei he mea i koe me ʻoe?” E ʻī mai kēlā, “ʻAʻole.” A laila, e ʻī aku ia, “Hāmau; no ka mea, ʻaʻole e ʻōlelo ma ka inoa ʻo Iēhova.”
11No ka mea, aia hoʻi, ke kauoha mai nei ʻo Iēhova, a e hahau aku ia i ka hale nui me ka nāhāhā, a i ka hale ʻuʻuku ma ka wāwahi.
12¶ E holo anei nā lio ma luna o nā pōhaku?
E mahi ʻōʻō palau ʻia anei ma laila me nā bipi kauō?
No ka mea, ua hoʻolilo ʻoukou i ka hoʻopono ʻana i lāʻau make,
A i ka hua o ka pono, i lāʻau ʻawaʻawa.
13E ʻoukou, ka poʻe e ʻoliʻoli ana i ka mea ʻole,
Ka poʻe e ʻōlelo, “ʻAʻole anei kākou i lawe no kākou i nā pepeiaohao ma ko kākou ikaika?”
14“Akā, aia hoʻi, e hoʻāla kūʻē auaneʻi au i lāhui kanaka iā ʻoukou,
E ko ka hale o ʻIseraʻela,” wahi a Iēhova, ke Akua o nā kaua;
“A e hoʻokaumaha lākou iā ʻoukou mai ke komo ʻana o Hamata
A hiki i ke kahawai o ka pāpū.”
Currently Selected:
ʻAMOSA 6: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ʻAMOSA 6
6
MOKUNA VI.
1 Ka pōʻino no ka palaka, a me ka hoʻokiʻekiʻe o nā Iudaio, a me kā ʻIseraʻela. 7 Ka wānana o nā ʻino nui.
1¶ Auē ka poʻe palaka ma Ziona,
A hilinaʻi hoʻi ma ka mauna ʻo Samaria;
Ka poʻe i ʻōlelo ʻia, ʻo nā poʻokela o nā lāhui kanaka,
I o lākou lā i hele mai kā ʻIseraʻela!
2E hele aku ʻoukou i Kalene, a e nānā;
A mai laila aku e hele ai ʻoukou i Hamata nui;
A laila, e iho aku i Gata o ko Pilisetia;
Ua ʻoi anei ko lākou maikaʻi ma mua o ko kēia mau aupuni?
Ua ʻoi anei ka pālahalaha o ko lākou mokuna ma mua o ko ʻoukou mokuna?
3Auē ka poʻe i hoʻolōʻihi aku i ka lā ʻino,
A hoʻokokoke i ka noho hoʻokaumaha wale;
4¶ Ka poʻe e moe ana ma luna o nā wahi moe niho ʻelepani,
A moe hoʻolei loa ma luna o ko lākou wahi moe,
A ʻai iho i nā keiki hipa o ka poʻe hipa,
A me nā keiki bipi i kūpele ʻia;
5Ka poʻe mele ma muli o ka viola,
A hana lākou no lākou iho i nā mea kani e like me Dāvida;
6Ka poʻe inu waina ma loko o nā kīʻaha,
A kāhinu iā lākou iho i ka hinu maikaʻi;
Akā, ʻaʻole i kaumaha lākou no ka ʻeha ʻana o kā Iosepa!
7No ia mea, ʻānō e hele pio aku ai lākou i waena o ka poʻe pio mua,
A e lawe ʻia aku ka ʻoliʻoli o ka poʻe moe hoʻolei loa.
8¶ Ua hoʻohiki ʻo Iēhova ka Haku, ma kona ola, wahi a Iēhova, ke Akua o nā kaua,
“Ke hoʻopailua nei au i ka haʻaheo o Iakoba,
A ke hoʻowahāwahā nei hoʻi i kona mau hale aliʻi;
No laila, e hoʻolilo aku ai au i ke kūlanakauhale, a me kona mea i piha ai.”
9A inā e waiho ʻia nā kānaka he ʻumi ma ka hale hoʻokahi, e make nō lākou.
10A ʻo ka hoahānau o kona makua kāne e lawe aku iā ia, a ʻo ka mea i puhi iā ia, e lawe aku i waho i nā iwi mai loko mai o ka hale, a e ʻōlelo aku i ka mea ma loko loa o ka hale, “ʻAʻole anei he mea i koe me ʻoe?” E ʻī mai kēlā, “ʻAʻole.” A laila, e ʻī aku ia, “Hāmau; no ka mea, ʻaʻole e ʻōlelo ma ka inoa ʻo Iēhova.”
11No ka mea, aia hoʻi, ke kauoha mai nei ʻo Iēhova, a e hahau aku ia i ka hale nui me ka nāhāhā, a i ka hale ʻuʻuku ma ka wāwahi.
12¶ E holo anei nā lio ma luna o nā pōhaku?
E mahi ʻōʻō palau ʻia anei ma laila me nā bipi kauō?
No ka mea, ua hoʻolilo ʻoukou i ka hoʻopono ʻana i lāʻau make,
A i ka hua o ka pono, i lāʻau ʻawaʻawa.
13E ʻoukou, ka poʻe e ʻoliʻoli ana i ka mea ʻole,
Ka poʻe e ʻōlelo, “ʻAʻole anei kākou i lawe no kākou i nā pepeiaohao ma ko kākou ikaika?”
14“Akā, aia hoʻi, e hoʻāla kūʻē auaneʻi au i lāhui kanaka iā ʻoukou,
E ko ka hale o ʻIseraʻela,” wahi a Iēhova, ke Akua o nā kaua;
“A e hoʻokaumaha lākou iā ʻoukou mai ke komo ʻana o Hamata
A hiki i ke kahawai o ka pāpū.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.