Romabii 8
8
Shihilɛ yɛ mumɔ naa
1 #
Rom 8.31-39
No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ. 2#Rom 3.27; 7.23, 24 Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ. 3#Bɔf 13.38; 15.10; Heb 2.17 Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli, 4#Gal 5.16, 25 koni afee Mla lɛ taomɔnii ni ja lɛ yɛ wɔmli, wɔ mɛi ni wɔnyiɛɛɛ heloo naa, shi moŋ mumɔ naa wɔnyiɛɔ lɛ. 5Mɛi ni hiɔ shi yɛ heloo naa lɛ, heloonii ahe amɛjwɛŋɔ; shi mɛi ni hiɔ shi yɛ mumɔ naa lɛ, mumɔnii ahe amɛjwɛŋɔ. 6#Rom 6.21 Ejaakɛ heloo jwɛŋmɔ lɛ, gbele ni, shi mumɔ jwɛŋmɔ lɛ, wala kɛ hejɔlɛ ni. 7#Yak 4.4 Heloo jwɛŋmɔ lɛ, Nyɔŋmɔ nyɛɛ ni, akɛni ebaaa ehe shi ehãaa Nyɔŋmɔ Mla lɛ, ni esaa enyɛŋ tete lɛ; 8ejaakɛ mɛi ni hiɔ shi yɛ heloo mli lɛ nyɛɛɛ Nyɔŋmɔ hiɛ amɛsa.
9 #
1 Kor 3.16
Nyɛhiii shi yɛ heloo naa, shi moŋ mumɔ naa nyɛhiɔ shi yɛ, kɛji Nyɔŋmɔ Mumɔ lɛ hiɔ nyɛmli lɛ. Shi kɛ mɔ ko bɛ Kristo Mumɔ lɛ, belɛ jeee Kristo nɔ ji lɛ. 10Shi kɛ Kristo yɛ nyɛmli lɛ, no lɛ gbɔmɔtso lɛ egbo yɛ esha hewɔ nɛ, shi Mumɔ lɛ hiɛ kã, yɛ jalɔi ni abu nyɛ lɛ hewɔ. 11Shi kɛ mɔ ni tee Yesu shi kɛjɛ gbohii ateŋ lɛ mumɔ lɛ hiɔ nyɛmli lɛ, mɔ ni tee Kristo shi kɛjɛ gbohii ateŋ lɛ aaahã nyɛgbɔmɔtsei ni baagboi lɛ hu yi ana wala yɛ eMumɔ ni hiɔ nyɛmli lɛ hewɔ.
12 #
Rom 6.7, 18 No hewɔ lɛ, agbɛnɛ, anyɛmimɛi, nyɔjiatsɛmɛi ji wɔ, shi jeee heloo lɛ nyɔmɔ wɔhiɛ ni wɔɔhi shi yɛ heloo naa. 13#Gal 6.8; Efes 4.22-24 Ejaakɛ kɛ heloo naa nyɛhiɔ shi yɛ lɛ, nyɛbaagboi shi kɛ nyɛkɛ Mumɔ lɛ gbeɔ heloo lɛ nitsumɔi lɛ, nyɛhiɛ aaakãmɔ. 14Ejaakɛ mɛi abɔ ni Nyɔŋmɔ Mumɔ lɛ kpalaa amɛ lɛ, amɛ amɛ ji Nyɔŋmɔ bii. 15#2 Tim 1.7; Gal 4.5, 6 Ejaakɛ jeee nyɔŋ mumɔ nyɛna ni aaahã nyɛshe gbeyei ekoŋŋ, shi moŋ Mumɔ ni hãa mɛi tsɔ̃mɔɔ bii ni hãa wɔboɔ wɔtsɛɔ Nyɔŋmɔ akɛ, “Aba! Ataa!” lɛ. 16#2 Kor 1.22 Lɛ Mumɔ lɛ diɛŋtsɛ kɛ wɔmumɔ lɛ yeɔ odase akɛ Nyɔŋmɔ bii ji wɔ. 17#Gal 4.7; Kpoj 21.7 Ni kɛ bii ji wɔ lɛ, belɛ niyelɔi hu ji wɔ, Nyɔŋmɔ niyelɔi kɛ Kristo nanemɛi niyelɔi; kɛji wɔ kɛ lɛ na amanehulu lɛ, koni awo wɔ kɛ lɛ hiɛ nyam hu.
Wɔsɛɛ anunyam
18 #
2 Kor 4.17
Ejaakɛ misusuɔ akɛ ŋmɛnɛŋmɛnɛ amanehului lɛ kɛ anunyam ni wɔsɛɛ abaajie kpo atsɔ̃ɔ wɔ lɛ yeee egbɔ. 19#Kol 3.4 Ejaakɛ bɔɔnii lɛ kɛ gbɛkwɛmɔ kpɛ̃kpɛ̃ɛkpɛ̃ miimɛ Nyɔŋmɔ bii lɛ akpojiemɔ lɛ. 20#Jaj 1.2; Jɛn 3.17-19; 5.29 Ejaakɛ akɛ bɔɔnii lɛ ewo yakayakanii ashishi, jeee yɛ amɛ diɛŋtsɛ amɛsuɔmɔ naa, shi moŋ yɛ mɔ ni ba amɛ shi lɛ suɔmɔ naa; kɛ̃lɛ hiɛnɔkãmɔ yɛ 21#2 Pet 3.13 akɛ bɔɔnii lɛ diɛŋtsɛ hu abaahã amɛye amɛhe kɛjɛ fitemɔ ni yeɔ amɛ nyɔŋ lɛ shishi kɛya Nyɔŋmɔ bii lɛ anunyam heyeli lɛ mli. 22Ejaakɛ wɔle akɛ bɔɔnii lɛ fɛɛ kɛ̃mɔɔ ni amɛkɔ̃mɔ̃ɔ kɛbashi amrɔ nɛɛ. 23#2 Kor 5.2 Shi jeee amɛ kɛkɛŋ, shi moŋ wɔ diɛŋtsɛ tete, wɔ ni wɔyɔɔ Mumɔ lɛ klɛŋklɛŋ yibii lɛ, wɔ diɛŋtsɛ hu wɔkɛ̃mɔ̃ɔ yɛ wɔmli, ni wɔkwɛɔ gbɛ akɛ wɔbaatsɔ̃mɔ bii, no ji abaakpɔ̃ wɔgbɔmɔtso lɛ. 24#2 Kor 5.7 Ejaakɛ hiɛnɔkãmɔ naa ahere wɔyiwala yɛ. Hiɛnɔkãmɔ ni anaa lɛ, ejeee hiɛnɔkãmɔ, ejaakɛ namɔ hiɛ kãa nɔ ni enaa nɔ? 25Shi kɛ nɔ ni wɔnaaa lɛ nɔ wɔhiɛ kã lɛ, belɛ wɔkɛ tsuishiŋmɛɛ kwɛɔ lɛ gbɛ.
26Nakai nɔŋŋ kɛ̃ Mumɔ lɛ hu yeɔ buaa wɔ yɛ wɔgbedemɔi lɛ amli; ejaakɛ bɔ ni sa akɛ wɔsɔle lɛ wɔleee; shi moŋ Mumɔ lɛ diɛŋtsɛ kɛ ŋtsɔidɔɔmɔi ni anyɛŋ akɛɛ lɛ dãmɔɔ mli hãa wɔ. 27Ni mɔ ni taoɔ tsuii amli lɛ le nɔ ni ji mumɔ lɛ jwɛŋmɔ lɛ, ejaakɛ edãmɔɔ mli ehãa mɛi krɔŋkrɔŋi lɛ yɛ Nyɔŋmɔ suɔmɔ naa.
28 #
Efes 1.11; 3.11 Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ. 29#Kol 1.18; Heb 1.6 Ejaakɛ mɛi ni ele amɛ eto momo lɛ, amɛ ejie eto ni amɛsubaŋ atamɔ eBi lɛ nɔ lɛ, koni efee nyɛmimɛi pii ateŋ kromɔbi. 30Shi mɛi ni ejie eto lɛ, amɛ nɔŋŋ etsɛ; ni mɛi ni etsɛ lɛ, amɛ nɔŋŋ bem ebu; ni mɛi ni ebu amɛ bem lɛ, amɛ nɔŋŋ amɛhiɛ nyam ewo.
Nyɔŋmɔ suɔmɔ ni ekɛsumɔ wɔ yɛ Yesu Kristo mli
31Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ? 32Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ? 33Namɔ aaafolɔ Nyɔŋmɔ halamɔbii lɛ anaa? Nyɔŋmɔ ji mɔ ni buɔ bem. 34#Rom 8.1; 1 Yoh 2.1 Namɔ ji mɔ ni buɔ fɔ lɛ? Kristo, mɔ ni gbo, shi nɔ ni fe no lɛ, mɔ ni atee lɛ shi ni eyɔɔ Nyɔŋmɔ ninejurɔ nɔ, ni esaa edamɔɔ mli ehãa wɔ lɛ? 35Namɔ aaagbala wɔ kɛ suɔmɔ ni Kristo kɛsumɔ wɔ lɛ mli? Amanehulu loo fimɔ loo yiwaa loo hɔ̃mɔ loo yayainyiɛmɔ loo osharã loo klante? 36#Lal 44.22; 2 Kor 4.11 Tamɔ bɔ ni aŋma akɛ,
“Ohewɔ lɛ agbeɔ wɔ aahu jenamɔ tuu;
abu wɔ akɛ toi ni ayaagbe amɛ.”
37Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃. 38Ejaakɛ miyɛ nɔmimaa akɛ gbele jio, wala jio; ŋwɛi bɔfoi jio, nɔyelɔi jio, nii ni yɔɔ nɛɛ jio, nii ni baaba lɛ jio, hewalɛi jio, 39ŋwɛi jio, shishi jio, aloo nibii ni abɔ lɛ amli nɔ kroko jio, amɛnyɛŋ amɛgbala wɔ kɛ Nyɔŋmɔ suɔmɔ ni yɔɔ Kristo Yesu, wɔNuŋtsɔ lɛ, mli lɛ mli.
Currently Selected:
Romabii 8: NEGAB
Highlight
Share
Compare
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
