Popular Bible Verses from Romabii 8

Share

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

Ejaakɛ miyɛ nɔmimaa akɛ gbele jio, wala jio; ŋwɛi bɔfoi jio, nɔyelɔi jio, nii ni yɔɔ nɛɛ jio, nii ni baaba lɛ jio, hewalɛi jio, ŋwɛi jio, shishi jio, aloo nibii ni abɔ lɛ amli nɔ kroko jio, amɛnyɛŋ amɛgbala wɔ kɛ Nyɔŋmɔ suɔmɔ ni yɔɔ Kristo Yesu, wɔNuŋtsɔ lɛ, mli lɛ mli.

Nakai nɔŋŋ kɛ̃ Mumɔ lɛ hu yeɔ buaa wɔ yɛ wɔgbedemɔi lɛ amli; ejaakɛ bɔ ni sa akɛ wɔsɔle lɛ wɔleee; shi moŋ Mumɔ lɛ diɛŋtsɛ kɛ ŋtsɔidɔɔmɔi ni anyɛŋ akɛɛ lɛ dãmɔɔ mli hãa wɔ.

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Ejaakɛ heloo jwɛŋmɔ lɛ, gbele ni, shi mumɔ jwɛŋmɔ lɛ, wala kɛ hejɔlɛ ni.

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.

Ejaakɛ misusuɔ akɛ ŋmɛnɛŋmɛnɛ amanehului lɛ kɛ anunyam ni wɔsɛɛ abaajie kpo atsɔ̃ɔ wɔ lɛ yeee egbɔ.

Namɔ aaagbala wɔ kɛ suɔmɔ ni Kristo kɛsumɔ wɔ lɛ mli? Amanehulu loo fimɔ loo yiwaa loo hɔ̃mɔ loo yayainyiɛmɔ loo osharã loo klante?

Ni mɔ ni taoɔ tsuii amli lɛ le nɔ ni ji mumɔ lɛ jwɛŋmɔ lɛ, ejaakɛ edãmɔɔ mli ehãa mɛi krɔŋkrɔŋi lɛ yɛ Nyɔŋmɔ suɔmɔ naa.

Ejaakɛ mɛi abɔ ni Nyɔŋmɔ Mumɔ lɛ kpalaa amɛ lɛ, amɛ amɛ ji Nyɔŋmɔ bii.

Mɛi ni hiɔ shi yɛ heloo naa lɛ, heloonii ahe amɛjwɛŋɔ; shi mɛi ni hiɔ shi yɛ mumɔ naa lɛ, mumɔnii ahe amɛjwɛŋɔ.

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

Lɛ Mumɔ lɛ diɛŋtsɛ kɛ wɔmumɔ lɛ yeɔ odase akɛ Nyɔŋmɔ bii ji wɔ. Ni kɛ bii ji wɔ lɛ, belɛ niyelɔi hu ji wɔ, Nyɔŋmɔ niyelɔi kɛ Kristo nanemɛi niyelɔi; kɛji wɔ kɛ lɛ na amanehulu lɛ, koni awo wɔ kɛ lɛ hiɛ nyam hu.

Heloo jwɛŋmɔ lɛ, Nyɔŋmɔ nyɛɛ ni, akɛni ebaaa ehe shi ehãaa Nyɔŋmɔ Mla lɛ, ni esaa enyɛŋ tete lɛ

Ejaakɛ bɔɔnii lɛ kɛ gbɛkwɛmɔ kpɛ̃kpɛ̃ɛkpɛ̃ miimɛ Nyɔŋmɔ bii lɛ akpojiemɔ lɛ.

Ejaakɛ wɔle akɛ bɔɔnii lɛ fɛɛ kɛ̃mɔɔ ni amɛkɔ̃mɔ̃ɔ kɛbashi amrɔ nɛɛ.