Romabii 10
10
1Anyɛmimɛi, nɔ ni mitsui shweɔ kɛ fai ni mikpaa Nyɔŋmɔ mihãa Israel ji akɛ ahere amɛyiwala. 2Ejaakɛ miiye amɛhe odase akɛ amɛhiɛ dɔɔ yɛ Nyɔŋmɔ he moŋ, shi jeee nilee naa. 3#Rom 9.31, 32 Ejaakɛ amɛleee Nyɔŋmɔ jalɛ lɛ, shi amɛ diɛŋtsɛ amɛjalɛ moŋ amɛtaoɔ amɛkɛma shi, hewɔ lɛ amɛbaaa amɛhe shi amɛhãaa Nyɔŋmɔ jalɛ lɛ. 4#Mat 5.17; Heb 8.13; Yoh 3.18 Ejaakɛ Kristo ji Mla lɛ naagbee, ni lɛ ji jalɛ hã mɔ fɛɛ mɔ ni heɔ yeɔ lɛ.
Yiwalaheremɔ yɛ hã mɛi fɛɛ
5 #
Lev 18.5
Ejaakɛ Mose ŋma yɛ jalɛ ni jɛ Mla mli lɛ he akɛ, “Gbɔmɔ ni yeɔ enɛɛmɛi anɔ lɛ yi aaana wala yɛ mli.” 6#Deut 30.12, 13 Shi bɔ ni jalɛ ni jɛ hemɔkɛyeli mli lɛ kɛɔ nɛ, “Kaakɛɛ yɛ otsui mli akɛ, ‘Namɔ aaakwɔ kɛaatee ŋwɛi?’ ” No ji, koni eyaŋɔ Kristo kɛkpeleke shi. 7Aloo, “Namɔ aaakpeleke shi kɛaatee bu kwɔŋkwɔŋ lɛ mli?” No ji, koni eyaŋɔ Kristo kɛjɛ gbohii ateŋ kɛba. 8#Deut 30.14 Shi moŋ te ekɛɔ tɛŋŋ? “Bɛŋkɛmɔ wiemɔ lɛ ebɛŋkɛ bo yɛ odaa mli kɛ otsui mli fɛɛ,” no ji hemɔkɛyeli wiemɔ lɛ ni wɔshiɛɔ lɛ. 9#2 Kor 4.5 Shi kɛji okɛ onaabu jaje akɛ, “Yesu ji Nuŋtsɔ” lɛ, ni ohe oye yɛ otsui mli akɛ Nyɔŋmɔ tee lɛ shi kɛjɛ gbohii ateŋ lɛ, aaahere oyi wala. 10Ejaakɛ tsui akɛheɔ ayeɔ kɛshɛɔ jalɛ he, ni naabu akɛjajeɔ kɛshɛɔ yiwalaheremɔ he. 11#Yes 28.16 Ejaakɛ ŋmalɛ lɛ kɛɔ akɛ, “Mɔ fɛɛ mɔ ni heɔ enɔ yeɔ lɛ, ehiɛ gboŋ.” 12#Bɔf 10.34; 15.9 Ejaakɛ srɔto ko bɛ Yudanyo kɛ Helanyo teŋ; ejaakɛ Nuŋtsɔ kome amɛ fɛɛ amɛyɔɔ, ni niiatsɛ hu ji lɛ ha mɛi fɛɛ ni boɔ tsɛɔ lɛ lɛ. 13#Yoel 2.32 “Ejaakɛ mɔ fɛɛ mɔ ni aaabo atsɛ Nuŋtsɔ lɛ gbɛi lɛ, aaahere eyi wala.”
14Shi te aaafee tɛŋŋ ni amɛaabo amɛtsɛ mɔ ni amɛheko lɛ amɛyeko lɛ hu? Ni te aaafee tɛŋŋ ni amɛaahe mɔ ni amɛnuko ehe sane lɛ amɛye hu? Ni asaŋ te aaafee tɛŋŋ ni amɛaanu kɛ shiɛlɔ ko bɛ lɛ? 15#Yes 52.7 Ni te aaafee tɛŋŋ ni amɛaashiɛ, kɛ atsuko amɛ lɛ? Tamɔ bɔ ni aŋma akɛ, “Kwɛ bɔ ni Sanekpakpashiɛlɔi ni shiɛɔ nikpakpai lɛ anaji yɔɔ fɛo ha!”
16 #
Yes 53.1
Shi kɛ̃lɛ jeee mɛi fɛɛ bo Sanekpakpa lɛ toi, ejaakɛ Yesaia kɛɔ akɛ, “Nuŋtsɔ, namɔ ehe wɔsane lɛ eye?” 17#Yoh 17.20 Belɛ hemɔkɛyeli lɛ, sane toiboo mli jɛɔ, ni sane toiboo hu tsɔ̃ɔ Nyɔŋmɔ wiemɔ lɛ nɔ kɛbaa.
18 #
Lal 19.4
Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ,
“Amɛgbee ejije kɛtee shikpɔŋ muu lɛ fɛɛ nɔ.
Ni amɛwiemɔi lɛ eshɛ jeŋ naagbeehei lɛ.”
19 #
Deut 32.21
Shi miibi hu akɛ, “Aso le Israel leee?” Mose etsɔ̃ hiɛ ekɛɛ akɛ,
“Mahã nyɛye maŋ ni jeee maŋ ko he awuŋã,
ni mikɛ maŋ ko ni leee nɔ ko aaawo nyɛ mlila.”
20 #
Yes 65.1
Yesaia kɛ ekãa kɛɛ,
“Mihã mɛi ni taooo mi lɛ na mi,
Ni mijie mihe kpo mitsɔ̃ɔ mɛi ni biko mishi lɛ.” 21#Yes 65.2 Shi Israel lɛ, ekɛɛ amɛ akɛ, “Daa jenamɔ migbɛɔ minijiaŋ mihãa maŋ toigbolɔi kɛ sanenaajielɔi lɛ.”
Currently Selected:
Romabii 10: NEGAB
Highlight
Share
Compare
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
