Popular Bible Verses from Romabii 10

Share

Shi kɛji okɛ onaabu jaje akɛ, “Yesu ji Nuŋtsɔ” lɛ, ni ohe oye yɛ otsui mli akɛ Nyɔŋmɔ tee lɛ shi kɛjɛ gbohii ateŋ lɛ, aaahere oyi wala.

Ejaakɛ tsui akɛheɔ ayeɔ kɛshɛɔ jalɛ he, ni naabu akɛjajeɔ kɛshɛɔ yiwalaheremɔ he.

Belɛ hemɔkɛyeli lɛ, sane toiboo mli jɛɔ, ni sane toiboo hu tsɔ̃ɔ Nyɔŋmɔ wiemɔ lɛ nɔ kɛbaa.

Ejaakɛ ŋmalɛ lɛ kɛɔ akɛ, “Mɔ fɛɛ mɔ ni heɔ enɔ yeɔ lɛ, ehiɛ gboŋ.” Ejaakɛ srɔto ko bɛ Yudanyo kɛ Helanyo teŋ; ejaakɛ Nuŋtsɔ kome amɛ fɛɛ amɛyɔɔ, ni niiatsɛ hu ji lɛ ha mɛi fɛɛ ni boɔ tsɛɔ lɛ lɛ. “Ejaakɛ mɔ fɛɛ mɔ ni aaabo atsɛ Nuŋtsɔ lɛ gbɛi lɛ, aaahere eyi wala.”

Ni te aaafee tɛŋŋ ni amɛaashiɛ, kɛ atsuko amɛ lɛ? Tamɔ bɔ ni aŋma akɛ, “Kwɛ bɔ ni Sanekpakpashiɛlɔi ni shiɛɔ nikpakpai lɛ anaji yɔɔ fɛo ha!”

Shi te aaafee tɛŋŋ ni amɛaabo amɛtsɛ mɔ ni amɛheko lɛ amɛyeko lɛ hu? Ni te aaafee tɛŋŋ ni amɛaahe mɔ ni amɛnuko ehe sane lɛ amɛye hu? Ni asaŋ te aaafee tɛŋŋ ni amɛaanu kɛ shiɛlɔ ko bɛ lɛ?

Ejaakɛ Kristo ji Mla lɛ naagbee, ni lɛ ji jalɛ hã mɔ fɛɛ mɔ ni heɔ yeɔ lɛ.