Abɛi 8
8
Nilee yijiemɔ
1Ani jeee blɔmɔ nilee bolɔɔ kɛtsɛɔ lɛ;
ni jeee niiashishinumɔ hu woɔ egbee lɛ?
2Edamɔ hei grɔŋŋi lɛ yɛ gbɛ lɛ he yɛ ŋmaŋmashai lɛ.
3 #
Abɛi 1.20-21
Ebolɔɔ gegeege yɛ maŋ lɛ agboi lɛ anaa yɛ maŋ lɛ klotia yɛ shinaa lɛ shi akɛ,
4“Oo, nyɛ hii, nyɛ mibolɔɔ mitsɛɔ,
ni nyɛ gbɔmɛi abii,
nyɛ miwoɔ migbee nɔ mihãa.
5Oo, nyɛ mɛi ni nyɛnako jwɛŋmɔ, nyɛkasea hiɛtɛ̃ɛ.
Oo, nyɛ hii kwashiai hu, nyɛboa toi jogbaŋŋ.
6Nyɛboa toi, ejaakɛ mibawie wiemɔi wuji ni he jaraa;
ni minaa ni magbele nɛɛ,
wiemɔi ni ja sɔŋŋ aaajɛ mli.
7Ejaakɛ anɔkwale wiemɔ aaajɛ midaaŋ;
minaabu miihi nɔ fɔŋ.
8Midaaŋ wiemɔi fɛɛ lɛ, jalɛ ni,
ekoeko bɛ mli ni ji amale loo kutumpɔo.
9Fɛɛ kã shi faŋŋ hã mɔ ni kɔɔ sane sɛɛ
lɛ, ni amɛja yɛ nilelɔ hiɛ.
10 #
Abɛi 3.14
Nyɛmɔa mitsɔsemɔ lɛ moŋ mli fe jwiɛtɛi,
kɛ nilee hu mli fe shika ŋmiiŋmi.
11Ejaakɛ nilee hi fe tɛ̃ŋlɛ̃o,
ni nɔ ko bɛ ni obaatao ni kɛ lɛ ye hegbɔ.
12Mi, nilee, mihiɛ tɛ̃;
mile nii, ni mibuɔ atɛŋ kpakpa.
13 #
Abɛi 6.12-19
Yehowa gbeyeishemɔ ji ohi nɔ fɔŋ.
Hewoo kɛ hetsɔ̃ɔmɔ kɛ jeŋba fɔŋ kɛ kutumpɔo wiemɔ lɛ miihi.
14Minɔ ji ŋaawoo kɛ nilee kpakpa,
miyɛ sanesɛɛkɔmɔ;
miyɛ hewalɛ hu.
15 #
Abɛi 16.12; Jaj 10.16 Minɔ maŋtsɛmɛi tsɔ̃ɔ yeɔ maŋtsɛ,
ni nɔyelɔi hu woɔ jalɛ mla.
16Minɔ lumɛi tsɔ̃ɔ yeɔ lumɔ,
ni abladei yeɔ shikpɔŋ lɛ nɔ.
17Misumɔɔ mɛi ni sumɔɔ mi;
ni mɛi ni bɔɔ mɔdɛŋ taoɔ mi lɛ, naa mi.
18Ninamɔ kɛ anunyam fɛɛ yɛ midɛŋ;
ninamɔ ni sɛɛ tsɛɔ kɛ shweremɔ fɛɛ yɛ midɛŋ.
19Miyibii hi fe shika, efe shika ŋmiiŋmi;
ni minibaanii lɛ hu hi fe jwiɛtɛi krɔŋŋ.
20Minyiɛɔ jalɛ gbɛ nɔ,
ni mikojoɔ jalɛ naa.
21Ni mɛi ni sumɔɔ mi lɛ, mifeɔ amɛ niiatsɛmɛi,
ni miwoɔ amɛfotroi lɛ obɔ̃bɔ̃.
22Mi Yehowa bɔ kɛje enitsumɔ shishi;
mi ji klɛŋklɛŋ nɔ yɛ eblema nitsumɔi lɛ ateŋ.
23Kɛjɛ naanɔ beebe abɔ mi klɛŋklɛŋ dani aje jeŋbɔɔ shishi.
24Be ni ŋshɔ tete po bɛ lɛ, afɔ mi momo,
be ni nuhiŋmɛi bɛ lɛ, miyɛ momo.
25Dani ashɔ̃ gɔji lɛ kɛ gɔ̃ŋkpɔi lɛ, afɔ mi momo.
26Be ni Nyɔŋmɔ nako ebɔ shikpɔŋ kɛ enɔ jwɛii kɛ je lɛ mli mlu tete lɛ,
mi lɛ, abɔ mi momo.
27 #
Hiob 26.10
Be ni ebɔ ŋwɛi lɛ, miyɛ jɛi; be ni efo ŋshɔ he akrabatsa lɛ, miyɛ.
28Be ni eŋɔ atatui lɛ esɛŋ shi shiŋŋ yɛ ŋwɛi,
ní etsi ŋshɔ lɛ mli nu lɛ naa lɛ, miyɛ.
29 #
Hiob 38.10, 11; Lal 104.9 Be ni efo husu ewo ŋshɔ lɛ he,
ni nu akaku ekitã lɛ nɔ,
be ni eto shikpɔŋ lɛ shishi lɛ,
30miyɛ emasɛi akɛ ŋaawolɔ.
Ni mi ji emiishɛjelɔ daa.
Ni mimii shɛɔ mihe yɛ ehiɛ.
31 #
Deut 33.3
Minaa je lɛ he miishɛɛ,
minaa gbɔmɛiabii ahe tsuijurɔ.
32No hewɔ lɛ, mibii nyɛboa mi toi!
Ajɔɔ mɛi ni yeɔ mimlai anɔ lɛ!
33Nyɛboa tsɔsemɔ toi koni nyɛle nii;
ni nyɛkakwaa lɛ kwraa.
34Ajɔɔ gbɔmɔ ni boɔ mi toi ni ebuɔ migboi lɛ anaa daa
ní emɛɔ daa yɛ mishinai lɛ anaa lɛ.
35Ejaakɛ mɔ ni aaaná mi lɛ,
ena wala ni ehiɛ aaaba nyam yɛ Yehowa hiɛ.
36Shi mɔ ni nine shɛɛɛ minɔ lɛ,
eeye lɛ diɛŋtsɛ esusuma awui.
Mɛi fɛɛ ni nyɛɔ mi lɛ, amɛmiisumɔ gbele.”
Bible in Ga Language © Bible Society of Ghana, 2020.