Mateo 7
7
Kojomɔ
(Luka 6.37-42)
1 #
Rom 2.1; 1 Kor 4.5 “Nyɛkakojoa, koni akakojo nyɛ. 2#Mar 4.24 Shi nɔ kojomɔ ni nyɛkɛkojoɔ lɛ, akɛaakojo nyɛ; ni nɔ susumɔnɔ ni nyɛkɛsusuɔ lɛ, akɛasusu ahã nyɛ. 3Shi mɛɛba onaa kuli ni yɔɔ onyɛmi hiŋmɛi mli lɛ, shi bo diɛŋtsɛ ohiŋmɛi mli mplaŋ lɛ oyooo lɛ? 4Aloo te aaafee tɛŋŋ ni oookɛɛ onyɛmi akɛ, ‘Hã majie kuli lɛ yɛ ohiŋmɛi mli,’ be mli ni mplaŋ lɛ yɛ bo diɛŋtsɛ ohiŋmɛi mli lɛ? 5Osatofo, jiemɔ mplaŋ lɛ yɛ bo diɛŋtsɛ ohiŋmɛi mli tsutsu, ni no dani ooona nii faŋŋ ni ojie kuli lɛ yɛ onyɛmi lɛ hiŋmɛi mli. 6Nyɛkɛ nɔ ni yɔɔ krɔŋkrɔŋ lɛ akahãa shifɔji; asaŋ nyɛkashɛrɛa nyɛdiagbai nyɛshwiea kplotoi ahiɛ, ni amɛbanaana nɔ yɛ amɛnajiashi, ni amɛtsɔ̃mɔ amɛhe amɛbatserɛ nyɛ.”
Bimɔ, taomɔ kɛ shimɔ
(Luka 11.5-13)
7 #
Mar 11.24; Yer 29.13, 14 “Nyɛbia, ni aaahã nyɛ; nyɛtaoa, ni nyɛaana; nyɛshia, ni aaagbele ahã nyɛ. 8Shi mɔ fɛɛ mɔ ni biɔ lɛ, enine shɛɔ nɔ; ni mɔ ni taoɔ lɛ, enaa; ni mɔ ni shiɔ lɛ aaagbele ahã lɛ. 9Aloo nyɛteŋ namɔ ni kɛji ebi bi lɛ aboloo, ni eeehã lɛ tɛ? 10Aloo kɛji ebi lɛ ŋshɔŋloo, ni eeehã lɛ onufu? 11#Yak 1.17 Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ nyɛkɛ nikpakpai hãa nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ nikpakpai ehaŋ mɛi ni biɔ lɛ lɛ?
Mla ni jara wa lɛ
12 #
Mat 22.39, 40; Rom 13.8-10 “No hewɔ lɛ, nɔ fɛɛ nɔ ni nyɛtaoɔ akɛ mɛi afee nyɛ lɛ, nyɛ hu nyɛfea amɛ nakai nɔŋŋ; ejaakɛ enɛ ji Mla lɛ kɛ gbalɔi lɛ.”
Agbo fintɔŋŋ lɛ
13 #
Luk 13.24
“Nyɛbotea agbo fintɔŋŋ lɛ mli! Ejaakɛ agbo ni lɛɛ kɛ gbɛ tɛtɛrɛɛ ji nɔ ni kɛ mɔ yaa hiɛkpãtãmɔ mli, ni mɛi ni boteɔ mli lɛ fa. 14#Mat 19.24; Bɔf 14.22 Shi agbo fintɔŋŋ kɛ gbɛ ni etsa ji nɔ ni kɛ mɔ yaa wala mli lɛ, ni mɛi fioo ji mɛi ni naa no.”
Amɛyibii lɛ nyɛkɛaale amɛ
(Luka 6.43-44)
15 #
Mat 24.4; 5.24; Bɔf 20.29 “Shi nyɛhiɛ ahia nyɛhe nɔ yɛ amale gbalɔi lɛ ahe; amɛkɛ too wolo haa amɛhe kɛbaa nyɛŋɔɔ, shi amɛmligbɛ lɛ klãji fulɔi ji amɛ. 16#Gal 5.19-22; Yak 3.12 Amɛyibii lɛ nyɛkɛaale amɛ. Ani atseɔ wainyibii yɛ ŋmeitsei anɔ, aloo atseɔ agbãmii yɛ aŋlɛŋlɛi anɔ? 17Nakai nɔŋŋ tso fɛɛ tso ni ji ekpakpa lɛ woɔ yibii kpakpai; shi tso gbonyo woɔ yibii gbohii. 18Tso kpakpa nyɛɛɛ awo yibii gbohii, ni asaŋ tso gbonyo nyɛɛɛ awo yibii kpakpai. 19#Mat 3.10; Luk 3.9; Yoh 15.2, 6 Tso fɛɛ tso ni wooo yibii kpakpai lɛ, atoɔ lɛ ni ashɛɔ lɛ afɔ̃ɔ la mli. 20#Mat 12.33 No hewɔ lɛ, amɛyibii lɛ nyɛkɛale amɛ.”
Mileee nyɛ kwraa
21 #
Rom 2.13; Yak 1.22, 25; 2.14 “Jeee mɔ fɛɛ mɔ ni kɛɔ mi akɛ, ‘Nuŋtsɔ, Nuŋtsɔ!’ lɛ, aaabote ŋwɛi maŋtsɛyeli lɛ mli; shi moŋ mɔ ni feɔ miTsɛ ni yɔɔ ŋwɛi lɛ suɔmɔnaanii lɛ. 22#Luk 13.25-27; 1 Kor 13.1, 2 Mɛi pii aaakɛɛ mi nakai gbi lɛ akɛ, ‘Nuŋtsɔ, Nuŋtsɔ! Ani jeee bo ogbɛi lɛ mli wɔfee hewalɛnii pii yɛ lo?’ 23#Mat 25.41; 2 Tim 2.19 Ni no lɛ magba mli makɛɛ amɛ akɛ, ‘Mileee nyɛ kwraa, nyɛjea minɔ nyɛyaa, nyɛ mɛi ni nyɛtsuɔ nibii ni ejaaa gbɛ!’ ”
Tsumalɔi enyɔ lɛ
(Luka 6.46-49)
24 #
Mat 7.21 “No hewɔ lɛ, mɔ fɛɛ mɔ ni nuɔ miwiemɔi nɛɛ ni eyeɔ nɔ lɛ, akɛ lɛ aaato nilelɔ ni ma etsu yɛ tɛsaa nɔ lɛ he. 25Ni nyɔŋmɔ tue, ni fai ba, ni kɔɔyɔi tswa, ni amɛshimɔ tsu lɛ, shi ewuleee; ejaakɛ ato shishi yɛ tɛsaa nɔ. 26Shi mɔ fɛɛ mɔ ni nuɔ miwiemɔi nɛɛ ni eyeee nɔ lɛ, akɛ lɛ aaato nuu kwashia ni ma etsu yɛ shia nɔ lɛ he. 27#Eze 13.10, 11Ni nyɔŋmɔ tue, ni fai ba, ni kɔɔyɔi tswa, ni amɛshimɔ tsu lɛ, ni ewule, ni ewulemɔ lɛ da!”
28 #
Mar 1.22; Luk 4.32 Ni be ni Yesu egbe wiemɔi nɛɛ anaa lɛ, asafoi lɛ ahe jɔ̃ amɛhe yɛ enitsɔ̃ɔmɔ lɛ he; 29#Yoh 7.46 ejaakɛ etsɔ̃ɔ amɛ nii akɛ mɔ ko ni yɔɔ hegbɛ, shi jeee tamɔ mlatsɔɔlɔi lɛ.
Bible in Ga Language © Bible Society of Ghana, 2020.