Yesaia 32
32
Maŋtsɛ Anɔkwafo lɛ
1 #
Yer 23.5
Naa, maŋtsɛ ko baaba ebaye nɔ; ebaaye jalɛ sane; ni lumɛi hu baaba abaye jalɛ sane. 2Amɛteŋ mɔ fɛɛ mɔ baatsɔ̃ tamɔ teemɔhe be mli ni kɔɔyɔɔ miitswa, loo abobaahe be mli ni ahum miitswa; eeetsɔ̃ tamɔ faa yɛ shiaŋa nɔ, loo tamɔ tɛsaa kpele hɔ̃ɔŋ yɛ shikpɔŋ gbiŋ nɔ. 3Amɛteŋ mɛi ni hiŋmɛi nɔ tse baana nɔ fɛɛ nɔ faŋŋ, ni mɛi hu ni toiiaŋ tse baabo nɔ fɛɛ nɔ toi jogbaŋŋ. 4Mɛi ni kulɛ amɛtsuii yɔɔ floflo#32.4 Floflo: mli etsɛɛɛ fumɔ lɛ aaakase nilee kpakpa, ni mumɔhalɔi awiemɔ mli aaatse pɛpɛɛpɛ, ni amɛlilɛii tɛrɛŋ shi dɔŋŋ. 5Atsɛŋ kwashia akɛ ablade dɔŋŋ ni shishiulɔ hu abuŋ lɛ oje dɔŋŋ. 6Kwashia wieɔ kwashiai awiemɔ, ni nishaianii ahe ejwɛŋɔ, ni enifeemɔ etsɔ̃ɔɔ Nyɔŋmɔ gbeyeishemɔ; ewieɔ eshiɔ Yehowa. Ehãaa mɔ ni hɔmɔ miiye lɛ niyenii, ni egbeɔ mɔ ni kumai miiye lɛ kumai. 7Shishiulɔ nifeemɔ lɛ nɔ fɔŋ ni; etoɔ efɔŋfeemɔ he ŋaa koni ekɛ amale wiemɔi akpãtã ohiafo hiɛ kɛji ohiafo sane ja tete po lɛ. 8Shi mɔ ni ji ablade lɛ, efeɔ abladei anii, ni efãa nɔ kpakpa he hu.
Toigbalamɔ kɛ Shweremɔ ekoŋŋ
9Nyɛ yei ni nyɛhe ejɔ nyɛ, nyɛtea shi, nyɛboa mi toi! Nyɛ biyei hu ni nyɛyitsei kãmɔ̃ nyɛyisɛɛ, nyɛfea toi nyɛhãa miwiemɔ lɛ! 10Nyɛ yei ni nyɛyitsei kãmɔ nyɛyisɛɛ, biɛ afi kɛ nɔ ko fioo mli lɛ, nyɛhe aaakpokpo, ejaakɛ wainyibii aaakpala, ni eko baŋ dɔŋŋ ni aaana atse. 11Nyɛ yei ni nyɛhe ejɔ nyɛ, nyɛhe akpokpoa! Nyɛ mɛi ni nyɛyitsei kãmɔ nyɛyisɛɛ, nyɛhe akpokpoa! Nyɛkpɔlɔa nyɛtadei koni nyɛnyiɛ yayai koni nyɛkɔlɔa kpekpe nyɛŋmɔlɔ nyɛhɛ. 12Nyɛyia nyɛtsitsi nɔ ma yɛ ŋmɔji ni yɔɔ fɛo kɛ waintsei ni woɔ yibii pii lɛ ahewɔ; 13yɛ ŋmei kɛ kpitikpiti ni aaakwɛ̃ yɛ mimaŋbii lɛ ashikpɔŋ lɛ nɔ lɛ hewɔ. Hɛɛ! Yɛ shĩai ni eyimɔ kɛ miishɛɛ kɛ maji ni miishɛɛ yɔɔ mli lɛ lɛ ahewɔ. 14Ejaakɛ aaajo foi ashi mɔɔ, ni aaashi maŋ ni emli eyi kɛ gbɔmɛi lɛ afɔ̃ shi. Gɔŋkpɔ kɛ buumɔ̃ɔ lɛ aaatsɔ̃ kooloi abui kɛ ŋaŋ tejii amiishɛɛnamɔhe kɛ toi hu aniyelihe kɛaatee naanɔ.
15 #
Yoel 3.1; Yes 29.17 Be miiba ni Nyɔŋmɔ aaafɔse Mumɔ lɛ kɛaajɛ ŋwɛi eshwie wɔnɔ, ni shiaŋa lɛ aaatsɔ̃ shikpɔŋ ni baa nii, ni shikpɔŋ ni baa nii aaatsɔ̃ koo. 16Kɛkɛ lɛ abaaye jalɛ sane yɛ shiaŋa lɛ nɔ, ni abaafee nɔ ni ja yɛ shikpɔŋ ni baa nii lɛ nɔ. 17Jalɛ saneyeli lɛ hesɛɛnamɔ baafee toiŋjɔlɛ kɛ hejɔlɛ shihilɛ kɛ nyɛmi hemɔkɛyeli. 18Mimaŋbii ashihilɛhei baayi kɛ toiŋjɔlɛ, amɛaahi shi shweshweeshwe kɛ kpoo. 19Nyɔŋmɔŋtɛ aaanɛ koo lɛ nɔ, ni ebaatsɔ̃ lakpatsa, ni aaafite maŋ lɛ kwrakwra. 20Ajɔɔ nyɛ mɛi ni nyɛduduu nii yɛ fai fɛɛ atoii, ni nyɛŋmɛɛ tsina kɛ teji he koni amɛyanyiɛ hei ni amɛsumɔɔ lɛ.
Currently Selected:
Yesaia 32: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
