Yesaia 18
18
Nyɔŋmɔ baagbala Kush toi
1Ao! Shikpɔŋ ko yɛ Kush fai lɛ asɛɛ ni anuɔ fijiaŋtswaa yɛ nɔ, 2ni etsuɔ ebɔfoi ni taraa ada#18.2 ada: jwɛi ko ni tamɔ glã gbɛi lɛji amli kɛtsɔ̃ɔ Nilo faa lɛ hiɛ. Nyɛ bɔfoi ni nyɛhe yɔɔ oya, nyɛyaa maŋ ko ni emli bii kwɔlɔ ni amɛhe yɔɔ trotro lɛ aŋɔɔ. Asheɔ gbɔmɛi nɛɛ gbeyei yɛ kpaakpa kɛ shɔŋŋ, jaku ko ni he wa pam ni naanaa mɛi anɔ ji amɛ. Fai ejara amɛshikpɔŋ lɛ mli.
3Nyɛ jeŋ gbɔmɛi fɛɛ ni nyɛyɔɔ shikpɔŋ lɛ nɔ, kɛji ashi aflaŋaa yɛ gɔji lɛ anɔ lɛ, nyɛkwɛa, ni kɛji akpã tɛtɛrɛmantɛrɛ lɛ nyɛboa toi. 4Ejaakɛ bɔ ni Yehowa kɛɛ nɛ, “Majɛ mishihilɛhe lɛ makwɛ kpoo tamɔ hulutsoo mli dɔlɛ, loo tamɔ atatu mli bɔ yɛ nikpamɔ be mli. 5Dani aaashɛ nikpamɔ be lɛ, be ni afofro lɛ ekpala, ni wainyibii bibii lɛ epue lɛ, ekɛ klante aaafolɔ niji lɛ ni etsɛ̃rɛ lɛ kɛ niji ni egbalagbalai lɛ eshwie. 6Abaashi gbohii lɛ ashwie shi ahã gɔji lɛ anɔ loofɔji kɛ shikpɔŋ lɛ nɔ kooloi; ni loofɔji lɛ baaye amɛ hulutsoobe mli, ni shikpɔŋ lɛ nɔ kooloi lɛ baaye amɛ yɛ fɛibe mli.”
7 #
Zef 2.2; Lal 68.31, 33 Nakai be lɛ gbɔmɛi ni kwɔlɔ ni amɛhe yɔɔ trotro ni asheɔ amɛ gbeyei yɛ kpaakpa kɛ shɔŋŋ, jaku ko ni he wa pam ni naanaa mɛi anɔ, ni fai ejara amɛshikpɔŋ lɛ mli baatere nikeenii kɛbaha Yehowa, Taiatsɛ lɛ, yɛ Zion Gɔŋ lɛ nɔ he ni ajaa Yehowa, Taiatsɛ lɛ yɛ lɛ.
Currently Selected:
Yesaia 18: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
