Bɔfoi 9

Saul tsuitsakemɔ

(Bɔfoi 22.3-16; 26.12-18)

1 # Bɔf 8.3 Shi Saul kã he ekɛ gbele miiwo Nuŋtsɔ lɛ kaselɔi lɛ ahe gbeyei lolo, ni eyiŋ kɛtee osɔfonukpa lɛ ŋɔɔ, 2ni eyabi lɛ woji ni ekɛya Damasko kpeehei lɛ, bɔ ni afee ni kɛji ena mɛi komɛi ni hiɛ nɛkɛ tsɔ̃ɔmɔ nɛɛ mli lɛ, hii jio, yei jio, ni efimɔ amɛ ni ekpala amɛ kɛba Yerusalɛm. 3#1 Kor 15.8 Shi be ni enyiɛ gbɛ lɛ nɔ ni eebɛŋkɛ Damasko lɛ, trukaa lɛ la kpɛ kɛjɛ ŋwɛi kɛbabɔle lɛ, 4ni eflɛo egbee shi, ni enu gbee ko ni miikɛɛ lɛ akɛ, “Saul, Saul, mɛɛba owaa mi yi?” 5#Bɔf 5.39 Ni ekɛɛ, “Bo namɔŋ, Nuŋtsɔ?” Shi Nuŋtsɔ lɛ kɛɛ, “Mi Yesu, mɔ ni owaa lɛ yi lɛ. Ewa hã bo akɛ ooofã ntia oshi kooloi akpalamɔtso lɛ naa dade lɛ.” 6Ni ekɛ hekpokpomɔ kɛ ŋmiŋmi kɛɛ akɛ, “Nuŋtsɔ, mɛni otaoɔ akɛ mifee?” Ni Nuŋtsɔ lɛ kɛɛ lɛ akɛ, “Tee shi ni oya maŋ lɛ mli, ni aaatsɔ̃ɔ bo nɔ ni sa akɛ ofee.” 7Shi hii ni kɛ lɛ nyiɛ lɛ etɔ mu kɛdamɔ shi, amɛmiinu gbee lɛ moŋ, shi amɛnaaa mɔ ko mɔ ko. 8Ni Saul te shi; shi be ni egbele ehiŋmɛii lɛ, enaaa nii; ni amɛmɔ enine mli, ni amɛkɛ lɛ tee Damasko. 9Ni enaaa nii, ni asaŋ eyeee nii ni enuuu nɔ ko hu gbii etɛ̃.

10Shi kaselɔ ko yɛ Damasko ni atsɛɔ lɛ Anania; ni Nuŋtsɔ lɛ kɛɛ lɛ yɛ ninaa mli akɛ, “Anania!” Ni ekɛɛ, “Naa mi, Nuŋtsɔ.” 11#Bɔf 21.39 Ni Nuŋtsɔ lɛ kɛɛ lɛ akɛ, “Tee shi ni oya blohu ni atsɛɔ lɛ Trɔmɔɔ lɛ mli, ni oyabi mɔ ko ni atsɛɔ lɛ Saul ni jɛ Tarso lɛ shi yɛ Yuda we lɛ; ejaakɛ naa, eesɔle, 12ni Saul na yɛ ninaa mli akɛ nuu ko ni atsɛɔ lɛ Anania lɛ miiba eŋɔɔ, ni ekɛ enine miiŋmɛ enɔ, bɔ ni afee ni ena nii ekoŋŋ.” 13Shi Anania here nɔ ni ekɛɛ, “Nuŋtsɔ, minu nɛkɛ nuu nɛɛ he sane yɛ mɛi pii anaa, akɛ efee omɛi krɔŋkrɔŋi ni yɔɔ Yerusalɛm lɛ efɔŋ babaoo; 14#1 Kor 1.2 ni biɛ hu tete ena hegbɛ kɛjɛ osɔfonukpai lɛ adɛŋ akɛ ebafimɔ mɛi fɛɛ ni tsɛɔ ogbɛi lɛ.” 15#Rom 1.5; Bɔf 25.13; 27.24 Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ. 16#Bɔf 23.23; 2 Kor 11.23-28 Mibatsɔ̃ɔ lɛ amanehului abɔ ni sa akɛ ena yɛ migbɛi lɛ hewɔ.”

17Kɛkɛ ni Anania yiŋ etee ni eyabote shĩa lɛ, ni ekɛ eniji shwie enɔ ni ekɛɛ, “Anyɛmi Saul! Nuŋtsɔ Yesu, mɔ ni jie ehe kpo etsɔ̃ɔ bo be ni obaa yɛ gbɛ lɛ nɔ lɛ, etsu mi oŋɔɔ, bɔ ni afee ni ona nii ekoŋŋ ni oyi obɔ̃ kɛ Mumɔ Krɔŋkrɔŋ lɛ.” 18Ni amrɔ lɛ nibii komɛi jɛ ehiŋmɛii anɔ shwie shi tamɔ loototoi, ni ena nii, ni ete shi ni abaptisi lɛ; 19ni eye nii, ni ehe wa lɛ.

Saul shiɛmɔ yɛ Damasko

20Ni amrɔ lɛ nɔŋŋ eshiɛ yɛ kpeehei lɛ akɛ Yesu ji Nyɔŋmɔ Bi lɛ. 21#Bɔf 9.1; 9.14; 26.10 Ni mɛi fɛɛ ni nu lɛ anaa kpɛ amɛhe, ni amɛkɛɛ, “Ani jeee mɔ nɛ kpãtã mɛi ni tsɛɔ Yesu gbɛi lɛ ahiɛ yɛ Yerusalɛm lɛ, ni jeee no hewɔ nɔŋŋ eba biɛ hu tete koni ebafimɔ amɛ ni ekpala amɛ kɛya osɔfonukpai lɛ aŋɔɔ?” 22#Bɔf 18.28 Shi Saul lɛ, ena hewalɛ babaoo, ni ehã Yudafoi ni yɔɔ Damasko lɛ anaa tã, ejaakɛ etsɔ̃ɔ amɛ faŋŋ akɛ mɔ nɛ ji Kristo lɛ.

Saul je Yudafoi lɛ adɛŋ

23Shi gbii kplaŋŋ sɛɛ lɛ, Yudafoi lɛ to eyi nɔ apam akɛ amɛaagbe lɛ. 24Ni Saul banu amɛkpãŋmɔ lɛ he. Shi amɛbuɔ maŋ agboi lɛ anaa daa shwane kɛ nyɔɔŋ, bɔ ni afee ni amɛgbe lɛ. 25#2 Kor 11.32-33 Shi ekaselɔi lɛ kɛ lɛ wo kafu mli nyɔɔŋ, ni amɛshiu lɛ kɛtsɔ̃ gbogbo lɛ nɔ kɛyayi shi.

Saul yɛ Yerusalɛm

26 # Gal 1.17-19 Ni be ni Saul ba Yerusalɛm lɛ, eka kaselɔi lɛ ahe kpɛtɛmɔ, shi amɛ fɛɛ amɛmiishe lɛ gbeyei, amɛheee amɛyeee akɛ kaselɔ ji lɛ. 27#Bɔf 9.20 Shi Barnaba ŋɔ lɛ kɛtee bɔfoi lɛ aŋɔɔ, ni eyagba amɛ bɔ ni ena Nuŋtsɔ lɛ yɛ gbɛ lɛ nɔ ni ekɛ lɛ wie, kɛ bɔ ni efee ekãa yɛ Yesu gbɛi lɛ mli yɛ Damasko. 28Ni ekɛ amɛ yaa baa yɛ Yerusalɛm, ni eshiɛ kɛ ekãa yɛ Nuŋtsɔ lɛ gbɛi lɛ mli. 29Ni ekɛ Helenibii lɛ wie ni ekɛ amɛ taa naa; shi amɛka lɛ gbee. 30#Bɔf 11.25; Gal 1.21 Be ni nyɛmimɛi lɛ nu he lɛ amɛkɛ lɛ tee Kaisarea, ni amɛwo lɛ gbɛ kɛtee Tarso.

31Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

Petro tsa Ainea yɛ Lida

32Shi eba mli akɛ, be ni Petro eyakpa hei lɛ fɛɛ lɛ, eba mɛi krɔŋkrɔŋi ni yɔɔ Lida lɛ hu aŋɔɔ. 33Ni ebana nuu ko yɛ jɛi ni atsɛɔ lɛ Ainea ni ekɛ kuumɔhela ekã saa nɔ afii kpaanyɔ sɔŋŋ. 34Ni Petro kɛɛ lɛ akɛ, “Ainea, Yesu Kristo miitsa bo; tee shi ni bo diɛŋtsɛ oŋmɛ osaa lɛ!” Ni amrɔ lɛ ete shi. 35Ni mɛi fɛɛ ni yɔɔ Lida kɛ Sharon lɛ na lɛ, ni amɛtsake ni amɛba Nuŋtsɔ lɛ ŋɔɔ.

Petro tee Dorka shi yɛ Yopa

36Shi yoo kaselɔ ko yɛ Yopa ni atsɛɔ lɛ Tabita, eshishi ji Dorka.#9.36 Dorka: Odabɔ Nitsumɔi kpakpai kɛ ejurɔfeemɔ eyi yoo nɛɛ obɔ̃. 37Shi eba mli akɛ nakai bei lɛ amli lɛ, ehe baye ni egbo. Ni amɛju ehe ni amɛkɛ lɛ yaŋmɛ ŋwɛitsu ko mli. 38Lida kɛ Yopa jɛkɛɛɛ kwraa, ni be ni kaselɔi lɛ nu akɛ Petro yɛ Lida lɛ, amɛtsu hii enyɔ kɛtee eŋɔɔ amɛyakpa lɛ fai akɛ ekashashao shi, shi eba amɛŋɔɔ oya. 39Ni Petro te shi ni ekɛ amɛ tee. Ni be ni eshɛ jɛi lɛ, amɛkɛ lɛ tee ŋwɛitsu lɛ mli, ni yei okulafoi lɛ fɛɛ badamɔdamɔɔ emasɛi amɛmiifofoi, ni amɛkɛ flakai kɛ atadei ni Dorka fee be ni ekɛ amɛ yɔɔ lolo lɛ miitsɔ̃ɔ lɛ. 40#Mar 5.41 Ni Petro shwie amɛ fɛɛ kɛje kpo, ni ekula shi esɔle, ni etsɔ̃ ehiɛ ehã gbonyo lɛ ni ekɛɛ, “Tabita, tee shi!” Ni egbele ehiŋmɛii, ni be ni ena Petro lɛ, ete shi eta shi. 41#Bɔf 9.32 Ni Petro mɔ enine mli, ni ewo enɔ; ni etsɛ mɛi krɔŋkrɔŋi lɛ kɛ okulafoi lɛ kɛba, ni ekɛ lɛ damɔ amɛhiɛ hiɛkãalɔ. 42Ni anu he yɛ Yopa fɛɛ, ni mɛi pii he Nuŋtsɔ lɛ nɔ amɛye. 43#Bɔf 10.6 Ni Petro hi Yopa gbii kplaŋŋ yɛ wolokpoolɔ ko ni atsɛɔ lɛ Simon lɛ ŋɔɔ.

Currently Selected:

Bɔfoi 9: NEGAB

Highlight

Copy