Bɔfoi 23

Paulo kɛ akwaashɔŋ lɛ wie

1 # Bɔf 22.1; 24.16 Ni Paulo tɛje ehiɛ ekwɛ akwaashɔŋ lɛ hiɛ kɛkpe ni ekɛɛ, “Ataamɛi kɛ anyɛmimɛi! Mi lɛ, henilee kpakpa sɔŋŋ mikɛba mijeŋ yɛ Nyɔŋmɔ hiɛ kɛbashi ŋmɛnɛ gbi nɛɛ.” 2Shi osɔfonukpa Anania lɛ fã mɛi ni damɔ emasɛi lɛ akɛ agba enaabu ma. 3#Mat 23.27 Kɛkɛ ni Paulo kɛɛ lɛ akɛ, “Ma kɛ̃ Nyɔŋmɔ aaagba bo, bo gbogbo ni asha he! Ota shi ookojo mi yɛ Mla lɛ naa, ni osaa ojeɔ Mla lɛ sɛɛ ofãa ni agba mi mã?” 4Shi mɛi ni damɔ emasɛi lɛ kɛɛ, “Ee! Kwɛɛ! Nyɔŋmɔ osɔfonukpa lɛ ojɛɔ nɛɛ?” 5#Ɛks 22.28 Ni Paulo kɛɛ, “Anyɛmimɛi, mileee akɛ osɔfonukpa ni ejaakɛ aŋma akɛ, ‘Kaawie omaŋ onukpa he efɔŋ.’ ”

6 # Bɔf 22.3; 26.5 Shi be ni Paulo yoo akɛ amɛfã kome lɛ Sadukifoi ni, ni amɛfã kroko lɛ Farisifoi ni lɛ, ebo yɛ akwaashɔŋ lɛ teŋ akɛ, “Anyɛmimɛi, naa, mi lɛ Farisifonyo ji mi kɛ Farisifonyo bi hu. Hiɛnɔkãmɔ kɛ gbohiiashitee lɛ hewɔ akojoɔ mi nɛɛ.” 7Be ni ewie nɛkɛ lɛ, bei ba Farisifoi lɛ kɛ Sadukifoi lɛ ateŋ, ni asafo lɛ mli gba enyɔ. 8#Mat 22.23 Ejaakɛ Sadukifoi lɛ kɛɔ akɛ gbohiiashitee ko bɛ ni asaŋ ŋwɛi bɔfo loo mumɔ ko hu bɛ; shi Farisifoi lɛ kɛɔ akɛ enyɔ lɛ fɛɛ yɛ. 9#Bɔf 25.25; 5.39 Ni blɔmɔ babaoo bate shi, ni mlatsɔɔlɔi lɛ ni yɔɔ Farisifoi lɛ agbɛfaŋ lɛ te shi ni amɛbe amɛkɛɛ, “Wɔnaaa nɔ ko fɔŋ ko yɛ nɛkɛ gbɔmɔ nɛɛ he; shi kɛji aleenɔ mumɔ ko loo ŋwɛi bɔfo ko kɛ lɛ ewie lɛ, no lɛ (nyɛkahãa wɔkɛ Nyɔŋmɔ miinɔa.)”

10Shi be ni bei lɛ mli wa lɛ, asafoiatsɛnukpa lɛ she gbeyei akɛ ekolɛ amɛaatserɛ Paulo mli hewɔ lɛ, efã asraafoi lɛ akɛ amɛkpeleke shi ni amɛyashɔ̃ lɛ yɛ amɛdɛŋ, ni amɛkɛ lɛ aba mɔɔ lɛ mli.

11 # Bɔf 18.9; 19.21; 28.16, 23 Shi enɔ nyɔɔŋ lɛ Nuŋtsɔ lɛ badamɔ emasɛi ni ekɛɛ, “Paulo, hã otsui anyɔ omli, ejaakɛ bɔ ni oye mihe odase yɛ Yerusalɛm nɛɛ, ja oyaye odase nakai nɔŋŋ yɛ Roma hu.”

Atee Paulo yinɔ apam

12Shi be ni je tsɛre lɛ, Yudafoi lɛ kpãŋ ni amɛkãmɔ kitãi akɛ amɛyeŋ nii ni asaŋ amɛnuŋ nɔ ko ja amɛgbe Paulo dã. 13Mɛi ni kpãŋ ni amɛkãmɔ amɛhe kitãi nɛɛ fe gbɔmɛi nyɔŋmai ejwɛ. 14Ni amɛtee osɔfonukpai kɛ maŋ onukpai lɛ aŋɔ̃ɔ amɛyakɛɛ, “Wɔkɛ kitãkãmɔ ekpãŋ akɛ wɔsaŋ wɔnaa nɔ ko nɔ ko ja wɔgbe Paulo dã. 15No hewɔ lɛ, agbɛnɛ nyɛkɛ akwaashɔŋ lɛ fɛɛ ayakɛa asafoiatsɛ nukpa lɛ, koni (wɔ lɛ) ekɛ lɛ akpeleke shi kɛba nyɛŋɔɔ, tamɔ nɔ ni esane lɛ mli nyɛbaatao fitsofitso, shi wɔ lɛ, dani eeeshɛ nyɛŋɔɔ lɛ, wɔsaa wɔhe ni wɔgbe lɛ.”

16Shi Paulo nyɛmi yoo bi ko nu amɛkawoo nɛɛ he, ni eyiŋ kɛtee mɔɔ lɛ mli eyatswa Paulo adafi. 17Ni Paulo tsɛ asafoiatsɛmɛi lɛ ateŋ mɔ kome kɛba eŋɔɔ, ni ekɛɛ, “Ŋɔɔ nɛkɛ oblanyo nɛɛ ni okɛ lɛ aya asafoiatsɛnukpa lɛ ŋɔɔ, ejaakɛ eyɛ sane ko ni eyaakɛɛ lɛ.” 18Kɛkɛ ni eŋɔ lɛ ni ekɛ lɛ tee asafoiatsɛnukpa lɛ ŋɔɔ ni eyakɛɛ lɛ akɛ “Gboklɛfonyo Paulo lɛ tsɛ mi kɛtee eŋɔɔ, ni ekpa mi fai akɛ mikɛ nɛkɛ oblanyo nɛɛ aba oŋɔɔ, ejaakɛ eyɛ sane ko ni ebaakɛɛ bo” 19Ni asafoiatsɛnukpa lɛ mɔ enine mli ni ekɛ lɛ tee afã, ni eyabi lɛ akɛ, “Mɛɛ sane oyɔɔ ni obaakɛɛ mi?” 20Ni ekɛɛ, “Yudafoi lɛ efee ekome akɛ amɛbaakpa bo fai, ni wɔ ni okɛ Paulo akpeleke shi kɛba akwaashɔŋ lɛ hiɛ, tamɔ nɔ ni esane lɛ mli amɛbaatao fitsofitso. 21Shi bo lɛ, kaakpɛlɛ̃ amɛ ejaakɛ amɛteŋ mɛi fe nyɔŋmai ejwɛ ewo lɛ ka, ni amɛkãmɔ amɛhe kitã akɛ amɛyeŋ nii ni asaŋ amɛnuŋ nɔ ko ja amɛgbe lɛ dã; ni agbɛnɛ lɛ amɛsaa amɛhe, ni amɛmiibo onaa wiemɔ toi.” 22Kɛkɛ ni asafoiatsɛnukpa lɛ wo oblanyo lɛ gbɛ, ni ewo lɛ akpɔ akɛ, “Kaakɛɛ mɔ ko mɔ ko akɛ otsi sane nɛɛ tã otsɔ̃ɔ mi.”

Akɛ Paulo yahã Amralo Felike

23Ni etsɛ asafoiatsɛmɛi lɛ ateŋ mɛi enyɔ kɛba eŋɔɔ, ni ekɛɛ, “Nyɛsaa asraafoi ohai enyɔ kɛ okpoŋɔiatsɛmɛi nyɔŋmai kpawo kɛ akplɔiatsɛmɛi hu ohai enyɔ ni amɛya Kaisarea gbɛkɛ ŋmɛlɛ nɛɛhu mli. 24Nyɛsaa kooloi hu nyɛtoa ni ahã Paulo ata nɔ, ni nyɛkɛ lɛ ayahã Amralo Felike shweshweeshwe.” 25Ni eŋma wolo ni ekɛɛ yɛ mli akɛ,

26“Klaudio Lisia miibi amralo jurɔ Felike jogbaŋŋ! 27#Bɔf 21.33; 22.25 Nɛkɛ nuu nɛɛ, Yudafoi lɛ mɔ lɛ ni kulɛ amɛbaagbe lɛ, shi be ni mina mile akɛ Romanyo ji lɛ lɛ, mikɛ asraafoi lɛ tee miyashɔ̃ lɛ. 28#Bɔf 22.30 Shi akɛni miitao male nɔ sane hewɔ ni amɛfolɔɔ enaa lɛ, mikɛ lɛ tee amɛkuashɔŋ lɛ hiɛ, 29#Bɔf 23.6, 9; 18.14, 15 ni mina akɛ amɛmla lɛ he ŋwanejee saji komɛi ahewɔ amɛfolɔɔ enaa lɛ, shi sane ko ni sa gbele loo tsuŋwoo bɛ ehe. 30#Bɔf 24.8 Shi be ni abatswa mi adafi akɛ Yudafoi lɛ ewo nuu lɛ ka lɛ, amrɔ lɛ mitsu akɛ akɛ lɛ aba oŋɔ̃ɔ, ni mifã enaaflɔlɔi lɛ hu akɛ amɛba ohiɛ ni amɛbajaje saji ni amɛkɛ lɛ yɔɔ lɛ.”

31Kɛkɛ ni asraafoi lɛ ŋɔ Paulo tamɔ bɔ ni afã amɛ lɛ, ni amɛnyiɛ nyɔɔŋ lɛ mli amɛkɛ lɛ ba Antipatri. 32Ni je tsɛre lɛ amɛhã okpɔŋɔiatsɛmɛi lɛ kɛ lɛ tee, ni amɛ lɛ amɛku amɛsɛɛ kɛba mɔɔ lɛ mli. 33Be ni amɛshɛ Kaisarea ni amɛkɛ wolo lɛ yahã amralo lɛ, amɛkɛ Paulo hu badamɔ ehiɛ. 34#Bɔf 23.3 Amralo lɛ kane wolo lɛ, ni ebi lɛ shikpɔŋ nɔ ni ejɛ; ni be ni ena ele akɛ Kilikia ejɛ lɛ, 35ekɛɛ, “Kɛ onaafolɔlɔi lɛ hu ba lɛ, no dani mabo bo toi jogbaŋŋ.” Ni efã akɛ akɛ lɛ ato Herode mɔɔ lɛ mli.

Currently Selected:

Bɔfoi 23: NEGAB

Highlight

Copy