Waroma 16
16
Kulamusa mbwiga wali hiko Roma
1Nomgala kumwenu lumbu jetu Fibi, msanghani wa didale da Kenkrea. 2Mumbokele mditwaga ja Mndewa, kamba viigambile wanahina, kabili mumtaze chose chondayasulukile kumwenu; kilumbo heyo kawataza wanahina bwando, na niye kanhaza.
3Ndamusileni Priska na Akila, wasanghani wa Kristo Yesu hamonga na niye. 4Hewo wakala mmabehi kukomigwa, giladi niye nihone; nowalavila nhogo si nene niiyeka, komu na gamadale gose ga walilingwa. 5Ndamusileni na wanahina waja wali mngʼanda ya Akila!
Ndamusileni mnogelwa wangu Epaineto, yuyo kilanja wa wanahina wa Asia. 6Ndamusileni Maria mwene kutugaiya nghani! 7Ndamusileni Androniko na Yunia, wa lukolo lwangu, wakalile wafungigwe hamonga na niye; iwo wene nhogolwa mmwanza wa watumigwa, kabili wandongolela kumtamanila Kristo.
8Ndamusileni Ampliato inogele, vituli wasanghani wa Mndewa! 9Ndamusileni Urbano, msanghani miyangu kwa Kristo, na Stakisi mnogelwa wangu!
10Ndamusileni Apele yali mtamanilwa muna zimbuli za Kristo. Ndamusileni waja wa ngʼanda ya Aristobulo! 11Ndamusileni Herodio, wa lukolo lwangu. Ndamusileni waja wa ngʼanda ya Narkiso, wene kumvumila Mndewa! 12Ndamusileni Trifaina na Trifosa, wagayaga kwa kilumbo cha Mndewa. Ndamusileni Persisi, lumbu mnogelwa yagaiye nghani kilumbo cha Mndewa!
13Ndamusileni Rufo, msaguligwa wa Mndewa, hamonga na mama wake, yuyo mama wangu! 14Ndamusileni Asinkrito, Flegoni, Herme, Patroba na Herma, na wanahina wali hamonga nawo! 15Ndamusileni Filologo na Yulia, Nereo na lumbu jake, Olimpa na wanahina wose wali hamonga nawo!
16Ilamuseni mwemwe kwa mwemwe kwa kwinonela kindugu. Madale gose ga Kristo gali kuno wowalamusani.
Teganyeni vinyebu; ndamuso za wayage Paulo
17Mwandugu, nowapembela wateganyeni waja vinyebu, wagelaga nghwalo na mhindula ya malangukizo gaja gatulangukizwe. Mwinege nawo! 18Kilumbo wanhu kamba wano hawamtumikila Mndewa wetu Kristo, bali wozitumikila inda zawo wenyego. Ulonzi wawo wamulile na wa kwinogeza nghani wakongaga miyoyo ya wanhu wali bule ubala.
19Kilumbo mweye mtangika na wanhu wose kamba mgategeleza malangulizo, avo nodenghelela kwa kilumbo chenu; komu nolonda mweye muwe na fiyuko za kugoga gaja ganogile, bali gaja gehile muwe wabozi. 20Na Heyo Mulungu Mwene Tindiwalo komuhonda Mwenembago hasi hamagulu genu chambwisa!
21Wayagwe womulamusani mweye iwo Timoteo, msanghana miyangu, na Lukio, Yasoni, Sosipatro, iwo wa lukolo lwangu. 22Nene Tertio nyandike lupwilili luno, nowalamusa notambula Mndewa. 23Gayo mwenekaye wangu yabokele na didale jose, kowalamusa. Na heyo Erasto yali Mwikamali wa idiwambo dino, na ndugu Kwarto wowalamusa. 24Uholo wa Mndewa wetu Yesu Kristo uwakalile mweye mose!
25Mulungu yuyo yadahile kuwagangamaza mweye mzimhiko za Usenga Unogile wa Yesu Kristo, unibwililisa niye nigubulilwe mzungu uja ufisigwe, giladi ulongigwe milongo yondaize, 26na ugubulwa sambi muna ijandiko ja Watulandagu kwa lagizo da Mulungu Yali bule uzigililo, giladi walilingwa wose walangukizwe nhegelezo za nhamanilo 27– heyo Mulungu Mwene nghungwe zose yaiyeka na yatunizwe kwa mzoko wa Yesu Kristo digunge na digunge! Amina.
Currently Selected:
Waroma 16: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 16
16
Kulamusa mbwiga wali hiko Roma
1Nomgala kumwenu lumbu jetu Fibi, msanghani wa didale da Kenkrea. 2Mumbokele mditwaga ja Mndewa, kamba viigambile wanahina, kabili mumtaze chose chondayasulukile kumwenu; kilumbo heyo kawataza wanahina bwando, na niye kanhaza.
3Ndamusileni Priska na Akila, wasanghani wa Kristo Yesu hamonga na niye. 4Hewo wakala mmabehi kukomigwa, giladi niye nihone; nowalavila nhogo si nene niiyeka, komu na gamadale gose ga walilingwa. 5Ndamusileni na wanahina waja wali mngʼanda ya Akila!
Ndamusileni mnogelwa wangu Epaineto, yuyo kilanja wa wanahina wa Asia. 6Ndamusileni Maria mwene kutugaiya nghani! 7Ndamusileni Androniko na Yunia, wa lukolo lwangu, wakalile wafungigwe hamonga na niye; iwo wene nhogolwa mmwanza wa watumigwa, kabili wandongolela kumtamanila Kristo.
8Ndamusileni Ampliato inogele, vituli wasanghani wa Mndewa! 9Ndamusileni Urbano, msanghani miyangu kwa Kristo, na Stakisi mnogelwa wangu!
10Ndamusileni Apele yali mtamanilwa muna zimbuli za Kristo. Ndamusileni waja wa ngʼanda ya Aristobulo! 11Ndamusileni Herodio, wa lukolo lwangu. Ndamusileni waja wa ngʼanda ya Narkiso, wene kumvumila Mndewa! 12Ndamusileni Trifaina na Trifosa, wagayaga kwa kilumbo cha Mndewa. Ndamusileni Persisi, lumbu mnogelwa yagaiye nghani kilumbo cha Mndewa!
13Ndamusileni Rufo, msaguligwa wa Mndewa, hamonga na mama wake, yuyo mama wangu! 14Ndamusileni Asinkrito, Flegoni, Herme, Patroba na Herma, na wanahina wali hamonga nawo! 15Ndamusileni Filologo na Yulia, Nereo na lumbu jake, Olimpa na wanahina wose wali hamonga nawo!
16Ilamuseni mwemwe kwa mwemwe kwa kwinonela kindugu. Madale gose ga Kristo gali kuno wowalamusani.
Teganyeni vinyebu; ndamuso za wayage Paulo
17Mwandugu, nowapembela wateganyeni waja vinyebu, wagelaga nghwalo na mhindula ya malangukizo gaja gatulangukizwe. Mwinege nawo! 18Kilumbo wanhu kamba wano hawamtumikila Mndewa wetu Kristo, bali wozitumikila inda zawo wenyego. Ulonzi wawo wamulile na wa kwinogeza nghani wakongaga miyoyo ya wanhu wali bule ubala.
19Kilumbo mweye mtangika na wanhu wose kamba mgategeleza malangulizo, avo nodenghelela kwa kilumbo chenu; komu nolonda mweye muwe na fiyuko za kugoga gaja ganogile, bali gaja gehile muwe wabozi. 20Na Heyo Mulungu Mwene Tindiwalo komuhonda Mwenembago hasi hamagulu genu chambwisa!
21Wayagwe womulamusani mweye iwo Timoteo, msanghana miyangu, na Lukio, Yasoni, Sosipatro, iwo wa lukolo lwangu. 22Nene Tertio nyandike lupwilili luno, nowalamusa notambula Mndewa. 23Gayo mwenekaye wangu yabokele na didale jose, kowalamusa. Na heyo Erasto yali Mwikamali wa idiwambo dino, na ndugu Kwarto wowalamusa. 24Uholo wa Mndewa wetu Yesu Kristo uwakalile mweye mose!
25Mulungu yuyo yadahile kuwagangamaza mweye mzimhiko za Usenga Unogile wa Yesu Kristo, unibwililisa niye nigubulilwe mzungu uja ufisigwe, giladi ulongigwe milongo yondaize, 26na ugubulwa sambi muna ijandiko ja Watulandagu kwa lagizo da Mulungu Yali bule uzigililo, giladi walilingwa wose walangukizwe nhegelezo za nhamanilo 27– heyo Mulungu Mwene nghungwe zose yaiyeka na yatunizwe kwa mzoko wa Yesu Kristo digunge na digunge! Amina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.