Waroma 15
15
Kwigondanya na wamhazi, tukale lukuli lumwe
1Tweye tugangamale itwandama kuwataza waja hawagangamale, kilumbo cha kunyeka kwawo, sikutuinogeze wenyego. 2Kila munhu na miyage wainogeze twizenge kukala goya! 3Kilumbo na heyo Kristo hainogeze mwenyecho; komu kamba viyandikigwe, Mizugumo yawo wene kukuzuguma gweye imvikila niye. 4Kwa mzoko gose galongole kwandikwa, gandikigwa giladi gatuzume tweye, tugoge chalizilo na mwazaganyo, tuhozwe miyoyo na gaja gandikigwe. 5Na Heyo Mulungu Mwene nyazaganyo na mahozo yawenghe miyoyo igesaga mbuli imwe, mgalamke wanhu wa Kristo Yesu, 6giladi mumtunize Mulungu Tata wa Mndewa wetu Yesu Kristo kwa moyo umwe na ulonzi umwe. 7Avo nivibokele mwemwe kwa mwemwe, kamba Kristo viyatubokele, Mulungu yatunilwe!
8Kwa mzoko nolonga, Kristo kawatumikila Waisraeli kwa kilumbo cha ihoko ya Mulungu, yadihuguze lagano dija diwagolelwe tata zawo. 9Kabili walilingwa nawo wamtunile Mulungu kwa kilumbo cha bazi jake, kamba viyandikigwe,
Avo kwiza nokutunila muli wamhazi,
na twaga jako nodilavila nyila.
10Kabili kalonga,
Dengheni mweye walilingwa hamonga na lukolo lwake!
11Kabili,
Mweye walilingwa wose, mtunizeni Mndewa,
na zingholo zose za wanhu zimtogole nghani.
12Mtulandagu Yesaya kaidandaya kalonga,
Mulukolo lwa Yese kokwinukila munhu yonda yawatawale wamhazi;
hiyo yuyo walilingwa wose yonda wambete.
13Na Heyo Mulungu Mwene kibetelo yawamemeze mweye mose ndengha na tindiwalo, mbanze nghani kumtamanila, kuno mkwaliza kwa mhiko za Loho Yangʼalile!
Giladi ya lupwilili, kuwaswagiza usenga wa Paulo
14Mwandugu, mbuli zenu nizimanya goya, na niye nizihuguza kamba unozi wenu ubwagala, mmema nzewele za kwiizuma mwemwe kwa mwemwe. 15Avo nowandikila, kuno nokidandaya nghani muna lupwilili ludodo luno, giladi niwaswagize kilumbo cha utumigwa ungwelelwe na Mulungu. 16Kwa mzoko nghemigwa na Kristo Yesu, nimsanghanile kuwapetela walilingwa Usenga Unogile, wagalamke nhambiko kumwake Mulungu, ilavigwe nhosa, kuno ingʼazulwa na Loho Yangʼalile. 17Ago gayaninghile Kristo Yesu, gago nokitopela hakihanga cha Mulungu. 18Kilumbo sidaha kulonga mbuli hebu kusanghana mbuli yoyose igambile haisanghane tanhu Kristo, viyanhumile kwa walilingwa, giladi wamvumile. 19Na hewo walagusilwa vinzonza na vilolomboto vilawile mzimhiko za Loho Yangʼalile; avino niubwililisa Usenga. Unogile wa Kristo hohose, kusongela Yerusalemu kuvikila Iliriko, na isi ziyagwe zili mmambwegambwega.
20Komu nghala nikiyoha kuwapetela wanhu waja hawanaditanga twaga ja Kristo; kilumbo silondile kuzenga uchana ya lukwambaza lwa munhu iyagwe. 21Kamba viyandikigwe,
Waja hawalongelwe mbuli yake, womona na meso,
na waja hawanahulika, woutanga mzoko.
Paulo kagesa mwanza kuchola Roma na Spania
22Kwa kilumbo hicho nghala nzuwilwe miyanza bwando kwiza kumwenu. 23Komu vino kabili nabule ulegeho mwambu uno; vilema miyaka bwando nghala nisulukila kwiza kumwenu. 24Avo nowavikilani vonda nyhole Spania, kwa mzoko nololela kwiibona na mweye vonda mbite, giladi sindikizwe na mweye kuchola hiko, niigute tanhu mmoyo kumwenu hadodo.
25Komu sambi nochola Yerusalemu, niwagalile wanahina wa hiko msango. 26Kilumbo ndugu za Makedonia na Ugriki (Akeya) wasanga, giladi wawataze wanahina wakiwa wa hiko Yerusalemu. 27Wanogelwa kutenda msango kwa vija denyi diwandame; kwa mzoko ihawa walilingwa wabokele kumwawo magolelo ga kiloho, iwalumba na hewo wawatumikile kwa mali za lukuli. 28Avo nihamambukiza kuwengha utango wa mujo uwo, nobita kumwenu kuchola Spania. 29Viyemela nivitanga kamba vondanize kumwenu, nokwiza na mmotelo bwando ziyotwingha Kristo.
30Mwandugu, nowapembela mditwaga ja Mndewa wetu Yesu Kristo na nogelo da Loho, gangamaleni kunipulila kwa Mulungu, 31giladi nilokoke mmikono ya Wayuda waja hawamtogole Kristo, kabili wanahina wa Yerusalemu wanogezwe na msango uniwagalila. 32Avo niheza kumwenu, Mulungu yahalonda, na tudenghelele hamonga, nihumule kumwenu.
33Na Heyo Mulungu wa Tindiwalo yakale na mweye mose! Amina.
Currently Selected:
Waroma 15: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 15
15
Kwigondanya na wamhazi, tukale lukuli lumwe
1Tweye tugangamale itwandama kuwataza waja hawagangamale, kilumbo cha kunyeka kwawo, sikutuinogeze wenyego. 2Kila munhu na miyage wainogeze twizenge kukala goya! 3Kilumbo na heyo Kristo hainogeze mwenyecho; komu kamba viyandikigwe, Mizugumo yawo wene kukuzuguma gweye imvikila niye. 4Kwa mzoko gose galongole kwandikwa, gandikigwa giladi gatuzume tweye, tugoge chalizilo na mwazaganyo, tuhozwe miyoyo na gaja gandikigwe. 5Na Heyo Mulungu Mwene nyazaganyo na mahozo yawenghe miyoyo igesaga mbuli imwe, mgalamke wanhu wa Kristo Yesu, 6giladi mumtunize Mulungu Tata wa Mndewa wetu Yesu Kristo kwa moyo umwe na ulonzi umwe. 7Avo nivibokele mwemwe kwa mwemwe, kamba Kristo viyatubokele, Mulungu yatunilwe!
8Kwa mzoko nolonga, Kristo kawatumikila Waisraeli kwa kilumbo cha ihoko ya Mulungu, yadihuguze lagano dija diwagolelwe tata zawo. 9Kabili walilingwa nawo wamtunile Mulungu kwa kilumbo cha bazi jake, kamba viyandikigwe,
Avo kwiza nokutunila muli wamhazi,
na twaga jako nodilavila nyila.
10Kabili kalonga,
Dengheni mweye walilingwa hamonga na lukolo lwake!
11Kabili,
Mweye walilingwa wose, mtunizeni Mndewa,
na zingholo zose za wanhu zimtogole nghani.
12Mtulandagu Yesaya kaidandaya kalonga,
Mulukolo lwa Yese kokwinukila munhu yonda yawatawale wamhazi;
hiyo yuyo walilingwa wose yonda wambete.
13Na Heyo Mulungu Mwene kibetelo yawamemeze mweye mose ndengha na tindiwalo, mbanze nghani kumtamanila, kuno mkwaliza kwa mhiko za Loho Yangʼalile!
Giladi ya lupwilili, kuwaswagiza usenga wa Paulo
14Mwandugu, mbuli zenu nizimanya goya, na niye nizihuguza kamba unozi wenu ubwagala, mmema nzewele za kwiizuma mwemwe kwa mwemwe. 15Avo nowandikila, kuno nokidandaya nghani muna lupwilili ludodo luno, giladi niwaswagize kilumbo cha utumigwa ungwelelwe na Mulungu. 16Kwa mzoko nghemigwa na Kristo Yesu, nimsanghanile kuwapetela walilingwa Usenga Unogile, wagalamke nhambiko kumwake Mulungu, ilavigwe nhosa, kuno ingʼazulwa na Loho Yangʼalile. 17Ago gayaninghile Kristo Yesu, gago nokitopela hakihanga cha Mulungu. 18Kilumbo sidaha kulonga mbuli hebu kusanghana mbuli yoyose igambile haisanghane tanhu Kristo, viyanhumile kwa walilingwa, giladi wamvumile. 19Na hewo walagusilwa vinzonza na vilolomboto vilawile mzimhiko za Loho Yangʼalile; avino niubwililisa Usenga. Unogile wa Kristo hohose, kusongela Yerusalemu kuvikila Iliriko, na isi ziyagwe zili mmambwegambwega.
20Komu nghala nikiyoha kuwapetela wanhu waja hawanaditanga twaga ja Kristo; kilumbo silondile kuzenga uchana ya lukwambaza lwa munhu iyagwe. 21Kamba viyandikigwe,
Waja hawalongelwe mbuli yake, womona na meso,
na waja hawanahulika, woutanga mzoko.
Paulo kagesa mwanza kuchola Roma na Spania
22Kwa kilumbo hicho nghala nzuwilwe miyanza bwando kwiza kumwenu. 23Komu vino kabili nabule ulegeho mwambu uno; vilema miyaka bwando nghala nisulukila kwiza kumwenu. 24Avo nowavikilani vonda nyhole Spania, kwa mzoko nololela kwiibona na mweye vonda mbite, giladi sindikizwe na mweye kuchola hiko, niigute tanhu mmoyo kumwenu hadodo.
25Komu sambi nochola Yerusalemu, niwagalile wanahina wa hiko msango. 26Kilumbo ndugu za Makedonia na Ugriki (Akeya) wasanga, giladi wawataze wanahina wakiwa wa hiko Yerusalemu. 27Wanogelwa kutenda msango kwa vija denyi diwandame; kwa mzoko ihawa walilingwa wabokele kumwawo magolelo ga kiloho, iwalumba na hewo wawatumikile kwa mali za lukuli. 28Avo nihamambukiza kuwengha utango wa mujo uwo, nobita kumwenu kuchola Spania. 29Viyemela nivitanga kamba vondanize kumwenu, nokwiza na mmotelo bwando ziyotwingha Kristo.
30Mwandugu, nowapembela mditwaga ja Mndewa wetu Yesu Kristo na nogelo da Loho, gangamaleni kunipulila kwa Mulungu, 31giladi nilokoke mmikono ya Wayuda waja hawamtogole Kristo, kabili wanahina wa Yerusalemu wanogezwe na msango uniwagalila. 32Avo niheza kumwenu, Mulungu yahalonda, na tudenghelele hamonga, nihumule kumwenu.
33Na Heyo Mulungu wa Tindiwalo yakale na mweye mose! Amina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.