1 Wakorinto 1
1
Hongeleni wakristo mwigondanye na Yesu
1Niye Paulo nghemigwa ngalamke mtumigwa wa Kristo Yesu kwa manogelwa ga Mulungu, hamonga na ndugu Sostene, 2towandikilani mweye wasagulwe wa Mulungu muli hiko Korinto; na mweye mngʼazulwa na Kristo Yesu, mkemigwa mngʼala hamonga na waja wose woditogola twaga ja Mndewa wetu Yesu Kristo kokose, hiko kumwawo na kuno kumwetu. 3Uholo umkalileni na tindiwalo kulawa kwa Mulungu Tata wetu na kwa Mndewa Yesu Kristo!
4Nomuhongeza Mulungu mazuwa gose kwa unovu wake uyawenghile mweye mmwake Kristo Yesu. 5Kilumbo kwa kukala nayo, vivo vumgwelelwa zose zili muna gamalangukizo na ukalagavu wose – 6na usindi wa Kristo wopata mhiko kumwenu. 7Avo kuduhu golelo jonda mwimigwe, muhambeta Mndewa wetu Yesu Kristo vonda yalawilile kimwagaiye. 8Heyo yuyo yondayawagele mhiko kuvikila ikimambukizo, giladi moneke siku hiyo ya Mndewa wetu Yesu Kristo mkala bule kinghwaso. 9Na Mulungu yuyo mtamanilwa, yawakemile mweye mwigondanye na Mwanage Yesu Kristo Mndewa wetu.
Udesi uwingile muna ididale
10Mowandugu, nowazuma kwa twaga ja Mndewa wetu Yesu Kristo, mulonge mose mbuli imwe, sukumwigole mwemwe kwa mwemwe, bali muwalange longa dimwe! 11Ndugu zangu, nghala nongelwe na waja wa ngʼanda ya Kloe, kamba kumwenu kuna udesi. 12Nolonga dija dimhulike kumwenu; yuno kolonga, Niye namunhu wa Paulo! iyagwe, Niye namunhu wa Apolo! iyagwe, Niye namunhu wa Kefa! iyagwe, Niye namunhu wa Kristo!
13Che, Kristo kabili kaigola? hebu Paulo kawambigwa mdibiki kwa kilumbo chenu? hebu msingulwa kwa twaga ja Paulo?
14Nomuhongeza Mulungu, sibatize munhu kumwenu komu Krispo na Gayo. 15Kwa mzoko munhu sikuyalonge, Mbatizigwa kwa twaga ja Paulo. 16Na igambe niwabatiza wawo wa mngʼanda ya Stefana; vilema sigesa kamba kabaho iyagwe imbatize. 17Kilumbo Kristo hanhumile kubatiza, komu kanhuma kuupeta Usenga Unogile; si kwa malonga ga kunogeza wanhu, giladi msalaba wa Kristo sikuunengulwe.
Ubala okwikwala mumsalaba na muubozi wa Kimulungu
18Kilumbo mbuli ya msalaba iyo ya ubozi kumwawo wene kwangamila, bali kumwetu tweye tukomboligwe, iyo mhiko ya Mulungu. 19Kwa mzoko yandikigwa,
Nozibananga nzewele za wene nzewele,
na nghungwe za wene nghungwe nozilema.
20Kakwahi mkalagavu? Wakulihi wene zifiyuko? Kakwahi mwene bamila wa siku zino? Che, Mulungu hawehule wabala wa imbago ino? 21Kilumbo ubala wa ulumwengu uno haumtangiie Mulungu, kamba fiyuko za Kimulungu vizili za ihoko, avo Mulungu kanogelwa kuwakombola wenekumtamanila kwa usenga ukoneka kamba ubozi. 22Kwa mzoko Wayuda wolonda vilolomboto, na Wagriki wozahila fiyuko. 23Bali tweye tombwililisa Kristo viyawambigwe mumsalaba; baho Wayuda howokikwalila, na Wagriki wovona ubozi. 24Komu waja wakemigwe Wayuda na Wagriki, kumwawo tompetaga Kristo zizo mhiko za Mulungu, kabili zizo fiyuko za Mulungu. 25Kilumbo ubozi wa Kimulungu zizo fiyuko za ihoko kubanza fiyuko za wanhu, na udonhi wa Kimulungu zizo mhiko kubanza mhiko za wanhu. 26Mowandugu, loleni vumkemigwe na Mulungu; kuduhu bwando wene fiyuko za kimunhu, kuduhu bwando wene mhiko, kuduhu bwando wene kudumbigwa. 27Bali wali na ubozi hameso ga ulumwengu uno, iwo Mulungu wayasagule, giladi yawanange wene fiyuko; kabili waja wanyekile mulumwengu uno, iwo Mulungu wayasagule, giladi yawanange wene mhiko. 28Avo vivo wali wakiwa mulumwengu uno na wobezigwa, iwo Mulungu wayasagule, na waja walekigwe kugesigwa kamba kinhu, giladi yawahize waja wotunilwa kamba kinhu. 29Kwa mzoko hakihanga cha Mulungu munhu sikuyaitope! 30Kumwake Heyo kuko mulawile na mweye, muli mumo mmwake Kristo Yesu; yuno yuyo yagalamke fiyuko zetu za Kimulungu, na mgoloko wetu, na mngʼazulo wetu, na nghombolwa yetu. 31Avo kamba viyandikigwe,
Mwene kwitopa, nayaitopele gaja gayatendile Mndewa!
Currently Selected:
1 Wakorinto 1: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
1 Wakorinto 1
1
Hongeleni wakristo mwigondanye na Yesu
1Niye Paulo nghemigwa ngalamke mtumigwa wa Kristo Yesu kwa manogelwa ga Mulungu, hamonga na ndugu Sostene, 2towandikilani mweye wasagulwe wa Mulungu muli hiko Korinto; na mweye mngʼazulwa na Kristo Yesu, mkemigwa mngʼala hamonga na waja wose woditogola twaga ja Mndewa wetu Yesu Kristo kokose, hiko kumwawo na kuno kumwetu. 3Uholo umkalileni na tindiwalo kulawa kwa Mulungu Tata wetu na kwa Mndewa Yesu Kristo!
4Nomuhongeza Mulungu mazuwa gose kwa unovu wake uyawenghile mweye mmwake Kristo Yesu. 5Kilumbo kwa kukala nayo, vivo vumgwelelwa zose zili muna gamalangukizo na ukalagavu wose – 6na usindi wa Kristo wopata mhiko kumwenu. 7Avo kuduhu golelo jonda mwimigwe, muhambeta Mndewa wetu Yesu Kristo vonda yalawilile kimwagaiye. 8Heyo yuyo yondayawagele mhiko kuvikila ikimambukizo, giladi moneke siku hiyo ya Mndewa wetu Yesu Kristo mkala bule kinghwaso. 9Na Mulungu yuyo mtamanilwa, yawakemile mweye mwigondanye na Mwanage Yesu Kristo Mndewa wetu.
Udesi uwingile muna ididale
10Mowandugu, nowazuma kwa twaga ja Mndewa wetu Yesu Kristo, mulonge mose mbuli imwe, sukumwigole mwemwe kwa mwemwe, bali muwalange longa dimwe! 11Ndugu zangu, nghala nongelwe na waja wa ngʼanda ya Kloe, kamba kumwenu kuna udesi. 12Nolonga dija dimhulike kumwenu; yuno kolonga, Niye namunhu wa Paulo! iyagwe, Niye namunhu wa Apolo! iyagwe, Niye namunhu wa Kefa! iyagwe, Niye namunhu wa Kristo!
13Che, Kristo kabili kaigola? hebu Paulo kawambigwa mdibiki kwa kilumbo chenu? hebu msingulwa kwa twaga ja Paulo?
14Nomuhongeza Mulungu, sibatize munhu kumwenu komu Krispo na Gayo. 15Kwa mzoko munhu sikuyalonge, Mbatizigwa kwa twaga ja Paulo. 16Na igambe niwabatiza wawo wa mngʼanda ya Stefana; vilema sigesa kamba kabaho iyagwe imbatize. 17Kilumbo Kristo hanhumile kubatiza, komu kanhuma kuupeta Usenga Unogile; si kwa malonga ga kunogeza wanhu, giladi msalaba wa Kristo sikuunengulwe.
Ubala okwikwala mumsalaba na muubozi wa Kimulungu
18Kilumbo mbuli ya msalaba iyo ya ubozi kumwawo wene kwangamila, bali kumwetu tweye tukomboligwe, iyo mhiko ya Mulungu. 19Kwa mzoko yandikigwa,
Nozibananga nzewele za wene nzewele,
na nghungwe za wene nghungwe nozilema.
20Kakwahi mkalagavu? Wakulihi wene zifiyuko? Kakwahi mwene bamila wa siku zino? Che, Mulungu hawehule wabala wa imbago ino? 21Kilumbo ubala wa ulumwengu uno haumtangiie Mulungu, kamba fiyuko za Kimulungu vizili za ihoko, avo Mulungu kanogelwa kuwakombola wenekumtamanila kwa usenga ukoneka kamba ubozi. 22Kwa mzoko Wayuda wolonda vilolomboto, na Wagriki wozahila fiyuko. 23Bali tweye tombwililisa Kristo viyawambigwe mumsalaba; baho Wayuda howokikwalila, na Wagriki wovona ubozi. 24Komu waja wakemigwe Wayuda na Wagriki, kumwawo tompetaga Kristo zizo mhiko za Mulungu, kabili zizo fiyuko za Mulungu. 25Kilumbo ubozi wa Kimulungu zizo fiyuko za ihoko kubanza fiyuko za wanhu, na udonhi wa Kimulungu zizo mhiko kubanza mhiko za wanhu. 26Mowandugu, loleni vumkemigwe na Mulungu; kuduhu bwando wene fiyuko za kimunhu, kuduhu bwando wene mhiko, kuduhu bwando wene kudumbigwa. 27Bali wali na ubozi hameso ga ulumwengu uno, iwo Mulungu wayasagule, giladi yawanange wene fiyuko; kabili waja wanyekile mulumwengu uno, iwo Mulungu wayasagule, giladi yawanange wene mhiko. 28Avo vivo wali wakiwa mulumwengu uno na wobezigwa, iwo Mulungu wayasagule, na waja walekigwe kugesigwa kamba kinhu, giladi yawahize waja wotunilwa kamba kinhu. 29Kwa mzoko hakihanga cha Mulungu munhu sikuyaitope! 30Kumwake Heyo kuko mulawile na mweye, muli mumo mmwake Kristo Yesu; yuno yuyo yagalamke fiyuko zetu za Kimulungu, na mgoloko wetu, na mngʼazulo wetu, na nghombolwa yetu. 31Avo kamba viyandikigwe,
Mwene kwitopa, nayaitopele gaja gayatendile Mndewa!
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.