Waroma 14
14
Bokeleni waja wanyekile mnhamanilo
1Yanyekile muna zinhamanilo, mbokeleni, sukumumtaguse gaja goyogesa mmoyo! 2Imonga nhamanilo zake kodaha kuja vyose, komu yuja yanyekile, koja mboga iyeka. 3Mwene kuja sekeyamtaguse yuja yalekile kuja; hebu yalekile kuja sekeyamgele kinyala yuja yadile; kwa mzoko Mulungu kambokela. 4Gweye kwa nani, umfyosa msanghani miyago mwene luto luyagwe? Yahema wima hebu yahagwa (kwa kumulamusa mkulu), komsanghanila mndewa wake mwenyecho; na ija mndewa yahalonda kumwinula mwenyecho, kokwima.
5Imonga kasagulaga siku za nhogolwa; iyagwe habagulaga siku; kila munhu nayalolese viyogesa kamba ganoga. 6Mwene kuzigoga siku komgogela Mndewa; na heyo hazigogaga, hazigoga kwa kilumbo cha Mndewa; heyo yoja, komdila Mndewa, kuno yomulavila Mulungu nhogo; kabili yoleka kuja, hadile kwa Mndewa, na heyo komulavila Mulungu nhogo.
7Haduhu munhu kumwetu yokifila mwenyecho, kabili haduhu yokiingha upile mwenyecho. 8Tuhawa wapile, upile wolawa kwa Mndewa, hebu tuhadanganika, tomdanganikila Mndewa; avo tuhawa wapile hebu tuhadanganika, tweye twa wanhu wake Mndewa. 9Kilumbo Kristo kadanganika kabili kazuka, giladi yawatawale waja wafile na iwapile.
10Avo vilihi vuumtagusa ndugu yako? Hebu vilihi vuumzela ndugu yako? Kwa mzoko tweye chose tokwimizwa hakigoda cha kitala ha Mulungu. 11Kilumbo yandikigwa, Vivo Magana viyolonga, Vinili Mwene Upile, wanhu wose wofugamila mavindi, na milimi yose yomvumila Mulungu. 12Avo kwiza kila munhu kolava mbuli zake mwenyecho ha Mulungu.
Sikutuwahonze wayetu, tuhaigoda kamba wagolo
13Sukutwitaguse wenyego kwa wenyego, bali tulave nhaguso ino, munhu sekeyamuhonze ndugu yake, yaikwangwale hebu kumgwisa. 14Nigamanya na kuhuguzwa nghani hakihanga cha Mndewa Yesu, kamba kuduhu kinhu cha mwizilo; komu munhu yahakigesa mwizilo, avo kumwake heyo chokuwa mwizilo. 15Kamba ndugu yahengilwa na kinyanyagazi kilumbo cha mandiya gako, avo gweye kwingiza wihilo. Gweye ujaga, bali sukuumbanange miyago hajaga, Kristo kadanganika kwa kilumbo chake! 16Gaja ganogila kumwenu, gateganyeni sukumgahindule gawe gehile! 17Kwa mzoko Undewa wa Mulungu siko kuja hebu kungʼwa, aka, komu iyo ihoko na mlengemo na ndengha muna Iloho Ingʼalile. 18Yomtumikila Kristo kuno yogoga magweka gano, komnogeza Mulungu, kabili konogelwa na wanhu.
19Ihawa vivo, natukole mbuli za tindiwalo, azo zizo zitutaza kwizenga twetwe kwa twetwe! 20Sikuutengule zengo da Mulungu kwa kilumbo cha mandiya; vilema vyose vodahika kudigwa kumwangu; komu viha kamba munhu yahaja, kuno yogevula umoyo. 21Vinoga sikuuje nyama hebu sikuungʼwe ugimbi, hebu sikuutende chochose kimkwale ndugu yako kumgwisa. 22Gweye mwenyecho ugangamale mmoyo, kuno uhunguzwa nghani hakihanga cha Mulungu; kamota munhu yuja haizumaga mwenyecho muna zimbuli zija zoyotogola. 23Komu yuja yali na kinghwaso kamba yahaja, kotaguswa kamba kabananga, kwa mzoko hadile na moyo ugoloke; na chose munhu choyotenda kamba hamtamanile Mulungu, uwo ubananzi.
Currently Selected:
Waroma 14: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 14
14
Bokeleni waja wanyekile mnhamanilo
1Yanyekile muna zinhamanilo, mbokeleni, sukumumtaguse gaja goyogesa mmoyo! 2Imonga nhamanilo zake kodaha kuja vyose, komu yuja yanyekile, koja mboga iyeka. 3Mwene kuja sekeyamtaguse yuja yalekile kuja; hebu yalekile kuja sekeyamgele kinyala yuja yadile; kwa mzoko Mulungu kambokela. 4Gweye kwa nani, umfyosa msanghani miyago mwene luto luyagwe? Yahema wima hebu yahagwa (kwa kumulamusa mkulu), komsanghanila mndewa wake mwenyecho; na ija mndewa yahalonda kumwinula mwenyecho, kokwima.
5Imonga kasagulaga siku za nhogolwa; iyagwe habagulaga siku; kila munhu nayalolese viyogesa kamba ganoga. 6Mwene kuzigoga siku komgogela Mndewa; na heyo hazigogaga, hazigoga kwa kilumbo cha Mndewa; heyo yoja, komdila Mndewa, kuno yomulavila Mulungu nhogo; kabili yoleka kuja, hadile kwa Mndewa, na heyo komulavila Mulungu nhogo.
7Haduhu munhu kumwetu yokifila mwenyecho, kabili haduhu yokiingha upile mwenyecho. 8Tuhawa wapile, upile wolawa kwa Mndewa, hebu tuhadanganika, tomdanganikila Mndewa; avo tuhawa wapile hebu tuhadanganika, tweye twa wanhu wake Mndewa. 9Kilumbo Kristo kadanganika kabili kazuka, giladi yawatawale waja wafile na iwapile.
10Avo vilihi vuumtagusa ndugu yako? Hebu vilihi vuumzela ndugu yako? Kwa mzoko tweye chose tokwimizwa hakigoda cha kitala ha Mulungu. 11Kilumbo yandikigwa, Vivo Magana viyolonga, Vinili Mwene Upile, wanhu wose wofugamila mavindi, na milimi yose yomvumila Mulungu. 12Avo kwiza kila munhu kolava mbuli zake mwenyecho ha Mulungu.
Sikutuwahonze wayetu, tuhaigoda kamba wagolo
13Sukutwitaguse wenyego kwa wenyego, bali tulave nhaguso ino, munhu sekeyamuhonze ndugu yake, yaikwangwale hebu kumgwisa. 14Nigamanya na kuhuguzwa nghani hakihanga cha Mndewa Yesu, kamba kuduhu kinhu cha mwizilo; komu munhu yahakigesa mwizilo, avo kumwake heyo chokuwa mwizilo. 15Kamba ndugu yahengilwa na kinyanyagazi kilumbo cha mandiya gako, avo gweye kwingiza wihilo. Gweye ujaga, bali sukuumbanange miyago hajaga, Kristo kadanganika kwa kilumbo chake! 16Gaja ganogila kumwenu, gateganyeni sukumgahindule gawe gehile! 17Kwa mzoko Undewa wa Mulungu siko kuja hebu kungʼwa, aka, komu iyo ihoko na mlengemo na ndengha muna Iloho Ingʼalile. 18Yomtumikila Kristo kuno yogoga magweka gano, komnogeza Mulungu, kabili konogelwa na wanhu.
19Ihawa vivo, natukole mbuli za tindiwalo, azo zizo zitutaza kwizenga twetwe kwa twetwe! 20Sikuutengule zengo da Mulungu kwa kilumbo cha mandiya; vilema vyose vodahika kudigwa kumwangu; komu viha kamba munhu yahaja, kuno yogevula umoyo. 21Vinoga sikuuje nyama hebu sikuungʼwe ugimbi, hebu sikuutende chochose kimkwale ndugu yako kumgwisa. 22Gweye mwenyecho ugangamale mmoyo, kuno uhunguzwa nghani hakihanga cha Mulungu; kamota munhu yuja haizumaga mwenyecho muna zimbuli zija zoyotogola. 23Komu yuja yali na kinghwaso kamba yahaja, kotaguswa kamba kabananga, kwa mzoko hadile na moyo ugoloke; na chose munhu choyotenda kamba hamtamanile Mulungu, uwo ubananzi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.