Waroma 1
1
Hongelani muli mmwake Kristo
1Niye Paulo mtumwa wa Kristo Yesu, nghemigwa mtumigwa, kabili mbaguligwa niubwililise Usenga Unogile wa Mulungu; 2Uno aho uhenga Mulungu kawikila kilaga mmilomo ya Watulandagu wake, na hewo wawandika uja usenga muna Ulupwilili Ungʼalile. 3Zizo mbuli za Mwanage yaleligwe kimunhu mulukolo lwa Daudi: 4Kabili aho Yesu Kristo Mndewa wetu hayazusigwe kulawa kwa wafile, kalavilizwa chalinze kamba Mwanage Mulungu, kwa mhiko za Loho yagambile ingʼazulaga; 5Heyo yuyo yatugolele tugalamke watumigwa, tuwalangulize wamhazi wose nhegelezo muna inhamanilo, na twaga jake ditunizwe. 6Mmwanza wawo na mweye mkala mumo, mkemigwe na Yesu Kristo.
7Nomwandikilani mweye mose mkalaga Roma, muli wanogelwa wa Mulungu, wasagulwe wangʼalile; uholo uwakalile na tindiwalo dilawa kwa Mulungu Tata na kwa Mndewa Yesu Kristo!
Sichona kinyala kuugala usenga
8Tanhu nomtogola Mulungu wangu kwa kitando cha Yesu Kristo giladi jenu mweye mose, kwa mzoko kivugulo kibwililika muli imbago yose kamba mumtogola Yesu. 9Na Mulungu inimtumikila mmoyo mmwangu kwa usenga wa Mwanage, ayo yuyo msindi wangu kamba silekile kuwagelegeza mweye mazuwa gose hohose honimpulilani. 10Dinimpula dijo dino, Mulungu yanogelwe kunibabazulila nzila inogile ya kwiza kumwenu. 11Kilumbo nosulukila kwibona namwe, niwagolele na mweye mboto ya kiloho, mgangamazwe vinogile. 12Avo tokihongeza miyoyo hamonga, na kwilagusila nhamanilo zetu vitukala mweye na niye.
13Avo ndugu zangu, nolonda mvimanye goya kamba miyanza bwando nghala nigesa kwiza kumwenu, giladi mhune hata kumwenu kamba vivija vinihunile kwa wamhazi wayagwe, komu nyamhiswa na dilelo.
14Kilumbo nowilwa na denyi da kuwapetela Wagriki hata wamhazi, kabili wene fiyuko hata wabozi; 15Avo vinghalile goya kumpetelani Usenga Unogile na mweye muli Roma. 16Kilumbo sichona kinyala cha kubwililisa Usenga Unogile, kwa mzoko izo mhiko za Mulungu zigalile kukombola wose womtamanila, kusongela Wayuda kuvikila Wagriki. 17Kwa mzoko usenga uwo umgubulila munhu mwene kutogola kamba Mulungu yuyo yagoloke, giladi yagangamale yabanze kutogola, kamba viyandikigwe, Mwene ihoko kowona upile yahamtogola Mulungu.
Matozo ga iwanhu vuwamtozele Mulungu
18Kilumbo lusango lwa Mulungu logubulwa kulawa kuulanga, luwalawile wanhu wose womlema Mulungu na wene kuhohotoka, ozuwila ihoko kwa wiho wawo. 19Kilumbo mbuli za Mulungu zitangika kumwawo, kwa mzoko mwenyecho Mulungu kawagubulila. 20Kilumbo magweka gake hagonekaga hameso ga wanhu, avo godahika koneka umwaka haja hayasongile kuusanghana ulumwengu; mzisanghana hizo mhiko zake za digunge na Ulungu wake zitangika, avo wabule na da kwibelela. 21Viyemela wamtanga Mulungu kabaha, hawamdumbile kamba Mulungu hebu kumtogola, avo ngelegeza zawo zaga, miyoyo yawo ingila ubozi na ziza. 22Vuwaitopile kamba wakalagala nghani, baho wazozelwe. 23Wahindula iyenzi ya Mulungu hayolaga, igambe kihanga cha munhu cholaga, hebu cha ndege, cha mnyama hebu cha mngʼonyo. 24Kilumbo cha higo, Mulungu kawaleka wainange, wakoleleze dongho za miyoyo yawo, na kuigela uchapalisi mzinghuli zawo.
25Wasosokanya ihoko ya Mulungu wagwelelwa uvwizi, watambikila vinyago, na kukigudemela kiumbigwe kubanza Yaumbile, yagambile kutogolwa digunge na digunge! Amina.
26Avo Mulungu kawaleka wengilwe na dongho za kinyala; pinga zawo wahindula mazowela gawo ga kimunhu, wazusa gayagwe galekile kimunhu. 27Vivo na wambigalo waleka kwingilila masano gawo kimunhu; kabili vija dongho zawo viziwasomile kamba moto, wamana kwingilila wambigalo kwa wambigalo wayao wagatenda higo hagalumbile, wenghigwa mmwawo maliho ga wiho gawalumbile.
28Na vija vuwalemile kumgoga Mulungu na kumtambula, Mulungu kawaleka wawinze nzewele ili bule mzoko, wasanghane gaja hagalingane. 29Wamema uponela na wiho, ugila na ubananzi, wamema migongo na kukoma, kuisuna na udesi, giladi dihile na mizundo. 30Wene bamila, wavwizi, wahonza wanhu, wamwihila Mulungu wobamanda, wene matopa na kwigoda, wene udwanzi na kulema kuhulika wavyele. 31Wabule fiyuko hebu kugoga malagano; hawanogelaga lukolo lwawo, wabule bazi. 32Na hewo wakala wamanyile gaja gagoloke hakihanga cha Mulungu, kabili wavitanga kamba munhu yosanghana higo, imwandama kukomigwa; viyemela si ago gayeka gawatendile, komu wawanogela hata waja wagatendile gaja.
Currently Selected:
Waroma 1: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 1
1
Hongelani muli mmwake Kristo
1Niye Paulo mtumwa wa Kristo Yesu, nghemigwa mtumigwa, kabili mbaguligwa niubwililise Usenga Unogile wa Mulungu; 2Uno aho uhenga Mulungu kawikila kilaga mmilomo ya Watulandagu wake, na hewo wawandika uja usenga muna Ulupwilili Ungʼalile. 3Zizo mbuli za Mwanage yaleligwe kimunhu mulukolo lwa Daudi: 4Kabili aho Yesu Kristo Mndewa wetu hayazusigwe kulawa kwa wafile, kalavilizwa chalinze kamba Mwanage Mulungu, kwa mhiko za Loho yagambile ingʼazulaga; 5Heyo yuyo yatugolele tugalamke watumigwa, tuwalangulize wamhazi wose nhegelezo muna inhamanilo, na twaga jake ditunizwe. 6Mmwanza wawo na mweye mkala mumo, mkemigwe na Yesu Kristo.
7Nomwandikilani mweye mose mkalaga Roma, muli wanogelwa wa Mulungu, wasagulwe wangʼalile; uholo uwakalile na tindiwalo dilawa kwa Mulungu Tata na kwa Mndewa Yesu Kristo!
Sichona kinyala kuugala usenga
8Tanhu nomtogola Mulungu wangu kwa kitando cha Yesu Kristo giladi jenu mweye mose, kwa mzoko kivugulo kibwililika muli imbago yose kamba mumtogola Yesu. 9Na Mulungu inimtumikila mmoyo mmwangu kwa usenga wa Mwanage, ayo yuyo msindi wangu kamba silekile kuwagelegeza mweye mazuwa gose hohose honimpulilani. 10Dinimpula dijo dino, Mulungu yanogelwe kunibabazulila nzila inogile ya kwiza kumwenu. 11Kilumbo nosulukila kwibona namwe, niwagolele na mweye mboto ya kiloho, mgangamazwe vinogile. 12Avo tokihongeza miyoyo hamonga, na kwilagusila nhamanilo zetu vitukala mweye na niye.
13Avo ndugu zangu, nolonda mvimanye goya kamba miyanza bwando nghala nigesa kwiza kumwenu, giladi mhune hata kumwenu kamba vivija vinihunile kwa wamhazi wayagwe, komu nyamhiswa na dilelo.
14Kilumbo nowilwa na denyi da kuwapetela Wagriki hata wamhazi, kabili wene fiyuko hata wabozi; 15Avo vinghalile goya kumpetelani Usenga Unogile na mweye muli Roma. 16Kilumbo sichona kinyala cha kubwililisa Usenga Unogile, kwa mzoko izo mhiko za Mulungu zigalile kukombola wose womtamanila, kusongela Wayuda kuvikila Wagriki. 17Kwa mzoko usenga uwo umgubulila munhu mwene kutogola kamba Mulungu yuyo yagoloke, giladi yagangamale yabanze kutogola, kamba viyandikigwe, Mwene ihoko kowona upile yahamtogola Mulungu.
Matozo ga iwanhu vuwamtozele Mulungu
18Kilumbo lusango lwa Mulungu logubulwa kulawa kuulanga, luwalawile wanhu wose womlema Mulungu na wene kuhohotoka, ozuwila ihoko kwa wiho wawo. 19Kilumbo mbuli za Mulungu zitangika kumwawo, kwa mzoko mwenyecho Mulungu kawagubulila. 20Kilumbo magweka gake hagonekaga hameso ga wanhu, avo godahika koneka umwaka haja hayasongile kuusanghana ulumwengu; mzisanghana hizo mhiko zake za digunge na Ulungu wake zitangika, avo wabule na da kwibelela. 21Viyemela wamtanga Mulungu kabaha, hawamdumbile kamba Mulungu hebu kumtogola, avo ngelegeza zawo zaga, miyoyo yawo ingila ubozi na ziza. 22Vuwaitopile kamba wakalagala nghani, baho wazozelwe. 23Wahindula iyenzi ya Mulungu hayolaga, igambe kihanga cha munhu cholaga, hebu cha ndege, cha mnyama hebu cha mngʼonyo. 24Kilumbo cha higo, Mulungu kawaleka wainange, wakoleleze dongho za miyoyo yawo, na kuigela uchapalisi mzinghuli zawo.
25Wasosokanya ihoko ya Mulungu wagwelelwa uvwizi, watambikila vinyago, na kukigudemela kiumbigwe kubanza Yaumbile, yagambile kutogolwa digunge na digunge! Amina.
26Avo Mulungu kawaleka wengilwe na dongho za kinyala; pinga zawo wahindula mazowela gawo ga kimunhu, wazusa gayagwe galekile kimunhu. 27Vivo na wambigalo waleka kwingilila masano gawo kimunhu; kabili vija dongho zawo viziwasomile kamba moto, wamana kwingilila wambigalo kwa wambigalo wayao wagatenda higo hagalumbile, wenghigwa mmwawo maliho ga wiho gawalumbile.
28Na vija vuwalemile kumgoga Mulungu na kumtambula, Mulungu kawaleka wawinze nzewele ili bule mzoko, wasanghane gaja hagalingane. 29Wamema uponela na wiho, ugila na ubananzi, wamema migongo na kukoma, kuisuna na udesi, giladi dihile na mizundo. 30Wene bamila, wavwizi, wahonza wanhu, wamwihila Mulungu wobamanda, wene matopa na kwigoda, wene udwanzi na kulema kuhulika wavyele. 31Wabule fiyuko hebu kugoga malagano; hawanogelaga lukolo lwawo, wabule bazi. 32Na hewo wakala wamanyile gaja gagoloke hakihanga cha Mulungu, kabili wavitanga kamba munhu yosanghana higo, imwandama kukomigwa; viyemela si ago gayeka gawatendile, komu wawanogela hata waja wagatendile gaja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.