Waroma 2
2
Inzuma itagusaga gaja gafisigwe na munhu
1Avo gweye munhu vuuli wowose, kwabule da kwibelela mwenyecho, kamba uhawananga wayago; kilumbo ago gouwananga wayagwe, kokitagusa mwenyecho, kwa mzoko gweye konanga gagaja gautendaga. 2Na tweye tuvimanya kamba nhaguso ya Mulungu iyo ya ihoko, kowagela kinyala wanhu kamba wano, watangike vuwali. 3Avo gweye unangaga wayagwe wene gehile, bali mwenyecho kumbe kosanghana gagaja, che, kogelegeza kamba kwiza kokihonya na ikitala cha Mulungu? 4Hebu kouzela unozi bwando na nyazaganyo zake na finyilizo zake, uleke kuvitanga kamba unozi wa Mulungu okukwega ugaleke gaja gehile? 5Bali kwa uja uugaga wako, na mmoyo mmwako vumuli bule nghunzulo, kokiikila siga ya lusango, winghigwe siku da ulusango, nhaguso ija igambile vonda igubulwe na Mulungu.
6Vivo vonda yamulihe kila munhu kamba sanghana zake vizili. 7Waja hawadonhaga kusanghana ganogile, wozahila iyenzi na nhogolwa na gayagwe hagabanangikaga, awo wogolelwa ugima wa digunge na digunge. 8Komu waja wadwanzi walemaga kugoga gaja ga ihoko, kuno wonogelwa na ubananzi, awo wolupata lusango lwene moto. 9Usungu na mkwekwe lokwingila mmoyo wa kila munhu yatendaga gehile, wosonga Wayuda, kabili Wagriki na hewo. 10Komu iyenzi na nhogolwa na tindiwalo dijo jonda yagolelwe munhu yatendile ganogile, wosonga Wayuda, kabili Wagriki na hewo.
11Kilumbo Mulungu halolaga kihanga cha munhu. 12Wose watozile kuno hawaitangile Inzuma, wokwangamila vivo halibule Nzuma; awaja wose watozile kuno waitangile Inzuma, wotaguswa muna Inzuma. 13Kilumbo waja wondawagoloke hameso ga Mulungu, siwo wene kuhulika na magutwi yeka, bali wene kuisanghana Inzuma, iwo wonda wagolelwe mgoloko.
14Kwa mzoko wamhazi hawaitangile Nzuma, kamba wahasanghana wenyego magweka ga Inzuma, avo hewo hawaitangile Inzuma, miyoyo yawo iyo ikalile nzuma. 15Awo walagusila kamba Nzuma viilonda yandikigwa mmoyo mmwawo, nago gaja gawatangile mmoyo gowasindila, zizo ngelegeza za mmoyo zokiinukila, nazo zija ziyagwe zokiibelela.
16Higo gotangika siku dija Mulungu vondayamgolele Kristo Yesu kugananga gafisigwe na wanhu, igambile Usenga Unogile ungolelwe.
Mwisraeli yali wa uvwizi na wa ihoko
17Teganya gweye ukemigwa Muyuda, kokiidundula muna Inzuma na kumtamanila Mulungu, 18kugamanya manogelwa gake na kuzisagula mbuli zibanzile, kwa vija vuulangulizwe Inzuma. 19Vivo ukwagiza gomwenyecho kamba kwa kilanja wa Vimbugumbugu, na mulangaza wawo waja wokala mdiziza. 20Kolonda kuzuma wabozi na kulangukiza Vinghele, kilumbo Nzuma ikala ikulagusila mzoko wa fiyuko na ihoko. 21Avo gweye ulangukize iyagwe, che hwilangukiza mwenyecho? Gweye ugomesa sukuwebe, che mwenyecho hwibaga? 22Na gweye ulonga sukuwatende ugoni, che mwenyecho hutendaga ugoni? Agweye wihilagwa na vinyago vya nhambiko, che huvisolile vija vili mngʼanda ya Mulungu? 23Na gweye ukitopela kamba kuigoga Nzuma, che humzela Mulungu kwa kuitozela Inzuma?
24Kilumbo yandikigwa, Twaga ja Mulungu dibezwa muna iwamhazi kwa mzoko wenu mwemwe. 25Avo kwingila kumbi kunoga kamba uhaigoga inzuma; komu uhaibananga inzuma, kumbi jako duwingile, digalamka kamba munhu hengile kumbi! 26Bali yuja yalekile kwingila kumbi, yahaigoga inzuma, che, akuja kuleka kwingila kumbi honda kupetwe kamba kengila kumbi? 27Na yuja hengile kumbi yahagoga inzuma, kokutagusa gweye wingile kumbi, ubananga inzuma.
28Kwa mzoko Mwisraeli senhambo si yuja Mwisraeli yokoneka kunze kamba kengila kumbi. 29Komu yuja Mwisraeli yagambile Mwisraeli mmoyo; na kumbi dijo ja umoyo, disanghanwe na Loho ya Mulungu, si kamba kwa Jandiko da Inzuma; na nhogolwa yake hailawile kwa wanhu, bali kwa Mulungu.
Currently Selected:
Waroma 2: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Waroma 2
2
Inzuma itagusaga gaja gafisigwe na munhu
1Avo gweye munhu vuuli wowose, kwabule da kwibelela mwenyecho, kamba uhawananga wayago; kilumbo ago gouwananga wayagwe, kokitagusa mwenyecho, kwa mzoko gweye konanga gagaja gautendaga. 2Na tweye tuvimanya kamba nhaguso ya Mulungu iyo ya ihoko, kowagela kinyala wanhu kamba wano, watangike vuwali. 3Avo gweye unangaga wayagwe wene gehile, bali mwenyecho kumbe kosanghana gagaja, che, kogelegeza kamba kwiza kokihonya na ikitala cha Mulungu? 4Hebu kouzela unozi bwando na nyazaganyo zake na finyilizo zake, uleke kuvitanga kamba unozi wa Mulungu okukwega ugaleke gaja gehile? 5Bali kwa uja uugaga wako, na mmoyo mmwako vumuli bule nghunzulo, kokiikila siga ya lusango, winghigwe siku da ulusango, nhaguso ija igambile vonda igubulwe na Mulungu.
6Vivo vonda yamulihe kila munhu kamba sanghana zake vizili. 7Waja hawadonhaga kusanghana ganogile, wozahila iyenzi na nhogolwa na gayagwe hagabanangikaga, awo wogolelwa ugima wa digunge na digunge. 8Komu waja wadwanzi walemaga kugoga gaja ga ihoko, kuno wonogelwa na ubananzi, awo wolupata lusango lwene moto. 9Usungu na mkwekwe lokwingila mmoyo wa kila munhu yatendaga gehile, wosonga Wayuda, kabili Wagriki na hewo. 10Komu iyenzi na nhogolwa na tindiwalo dijo jonda yagolelwe munhu yatendile ganogile, wosonga Wayuda, kabili Wagriki na hewo.
11Kilumbo Mulungu halolaga kihanga cha munhu. 12Wose watozile kuno hawaitangile Inzuma, wokwangamila vivo halibule Nzuma; awaja wose watozile kuno waitangile Inzuma, wotaguswa muna Inzuma. 13Kilumbo waja wondawagoloke hameso ga Mulungu, siwo wene kuhulika na magutwi yeka, bali wene kuisanghana Inzuma, iwo wonda wagolelwe mgoloko.
14Kwa mzoko wamhazi hawaitangile Nzuma, kamba wahasanghana wenyego magweka ga Inzuma, avo hewo hawaitangile Inzuma, miyoyo yawo iyo ikalile nzuma. 15Awo walagusila kamba Nzuma viilonda yandikigwa mmoyo mmwawo, nago gaja gawatangile mmoyo gowasindila, zizo ngelegeza za mmoyo zokiinukila, nazo zija ziyagwe zokiibelela.
16Higo gotangika siku dija Mulungu vondayamgolele Kristo Yesu kugananga gafisigwe na wanhu, igambile Usenga Unogile ungolelwe.
Mwisraeli yali wa uvwizi na wa ihoko
17Teganya gweye ukemigwa Muyuda, kokiidundula muna Inzuma na kumtamanila Mulungu, 18kugamanya manogelwa gake na kuzisagula mbuli zibanzile, kwa vija vuulangulizwe Inzuma. 19Vivo ukwagiza gomwenyecho kamba kwa kilanja wa Vimbugumbugu, na mulangaza wawo waja wokala mdiziza. 20Kolonda kuzuma wabozi na kulangukiza Vinghele, kilumbo Nzuma ikala ikulagusila mzoko wa fiyuko na ihoko. 21Avo gweye ulangukize iyagwe, che hwilangukiza mwenyecho? Gweye ugomesa sukuwebe, che mwenyecho hwibaga? 22Na gweye ulonga sukuwatende ugoni, che mwenyecho hutendaga ugoni? Agweye wihilagwa na vinyago vya nhambiko, che huvisolile vija vili mngʼanda ya Mulungu? 23Na gweye ukitopela kamba kuigoga Nzuma, che humzela Mulungu kwa kuitozela Inzuma?
24Kilumbo yandikigwa, Twaga ja Mulungu dibezwa muna iwamhazi kwa mzoko wenu mwemwe. 25Avo kwingila kumbi kunoga kamba uhaigoga inzuma; komu uhaibananga inzuma, kumbi jako duwingile, digalamka kamba munhu hengile kumbi! 26Bali yuja yalekile kwingila kumbi, yahaigoga inzuma, che, akuja kuleka kwingila kumbi honda kupetwe kamba kengila kumbi? 27Na yuja hengile kumbi yahagoga inzuma, kokutagusa gweye wingile kumbi, ubananga inzuma.
28Kwa mzoko Mwisraeli senhambo si yuja Mwisraeli yokoneka kunze kamba kengila kumbi. 29Komu yuja Mwisraeli yagambile Mwisraeli mmoyo; na kumbi dijo ja umoyo, disanghanwe na Loho ya Mulungu, si kamba kwa Jandiko da Inzuma; na nhogolwa yake hailawile kwa wanhu, bali kwa Mulungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.