Sanghano 28
28
Wanhu watazwa na mkulu Publio, na heyo kamotelwa
1Vitumalile kuhonyokwa, baho tulongelwe kibandasi kija kikemagwa Melita. 2Wenekaye wa hiko watugomela goya kwa manogelwa hagamalaga siku zose; wabwinha moto, watugomela kumwao kilumbo cha ubeho na mvula itutowela. 3Paulo kadondola mzigo wa ngodi, kaugela hamoto, kalawa nyoka kilumbo cha uja umoto, kamzingiliza mumkono. 4Wenekaye vuwamuwene ija inyoka viyokibinzabinza mumkono, wailongela wenyego kwa wenyego, “Munhu yuno kokuwa mkoma wanhu, na igambe kahona kulawa mbahali, avo luja luhungo honda lumulekese yawe mpile.”
5Komu Paulo kamkungʼunha hamoto, hapatigwe na kihile chochose. 6Bali waja wakala wogesa kamba kovimba hanhu hebu kokwidukila yogwa hasi yadanganike; vuwabetile nghani, kuno wolola kamba kuduhu janga jojose dimpatile, wagalula walonga, “Yuyo mulungu!”
7Behi na hanhu haja kukala na mgunda wa mkulu wa kibandasi kija, twaga jake Publio; ayo katugomela kumwake mazuwa madatu. 8Avija tata wake Publio kamhiswa na utamu wa lubahila na kupwaka mulopa; Paulo kengila kumwake, kampula Mulungu, kamwikila makono gake mditwi, kamuhonya. 9Vigamalile kusanghanwa higo, wayagwe wakalile na watamu muja mkibandasi weza, kawahonya. 10Avo watutunila kwa nhunizo bwando; na vutwingile kabili muna dijahazi, watugwelela vinhu, giladi tugende tuja mnzila.
Paulo viyavikile Roma yahali mfungigwa
11Miezi midatu viibitile tuhalawa, twingila mna jahazi dilawile Aleksandria, dikalile dimambukize mazuwa ga kihuhwe haja haimbandasi, dikalile na utango wa Ubasa. 12Vituvikile Sirakusa, tukala hiko siku ndatu. 13Kulawa hiko tuloka tuvika Regio; vitwalize hiko zuwa dimwe, beho da kusi dimana kubwinha, tuvika Puteoli kwa uchozi wa mazuwa mabili. 14Hiko tuwavika wanahina, watupembela tukale kumwao mazuwa Saba. Vivo tucholile magulu, tuvika Roma. 15Wanahina wa hiko vuwahulike kivugulo chetu, weza kutuhingila, wavika Apioforo, wayagwe wavika Tretaberne; Paulo viyawawene, kamtuniza Mulungu, kasamhuka nghani.
16Vutwingile Roma, Paulo kenghigwa ulegeho wa kukala hoyolonda hamonga na asikali yuja yomwimiliza.
Paulo kaiuzagiza na Wayuda wa Roma
17Siku ndatu vizibitile, Paulo kawakema wakulu wa Kiyuda; vuwalundile, kawalongela, “Walume ndugu, niye siwatozele wa ulukolo lwetu hebu luto lwa tata zetu; bali nifungigwa Yerusalemu bule mbuli, ngeligwa mmakono ga Waroma. 18Na hewo vuwakalile woniuzagiza, walonda kunidohola, kilumbo hawawene mbuli kumwangu inyandame kukomigwa. 19Komu Wayuda vuwaiyohile bamila, wanidoheleza kukanha lwinula kwa Kaisari Mtawala, si kamba nghala na mbuli ya kuwagela mkitala wanhu wa lukolo lwangu, aka! 20Avo kilumbo cha mbuli hiyo, nimkemani mwize kunyona na kulonga na niye, kwa mzoko fungigwa na mnyololo uno kilumbo cha nhamanilo ya Israeli.”
21Waja wamulongela, “Tweye hatupatile lupwilili lwa mbuli zako kulawa Uyuda, hebu munhu yumwe yeze yatupetele gweka kamba dino, hebu yatambule gehile gausanghane. 22Komu tolonda kutegeleza gauli nago mwenyecho, kwa mzoko tuditanga gweka dino kamba dilongigwa vihile hanhu hose.”
23Vuwamalile kuilaga na kwika isiku, wamwizila bwando mngʼanda iyavikile, kawapetela ugaluga, kuno yousindila Undewa wa Mulungu, yowalangukiza mbuli za Yesu muna gamagweka ga Inzuma ya Mose na ga Watulandagu, kulawa imitondo na ichungulo yake. 24Wayagwe watogola gaja galongigwe, na wayagwe hawatogole. 25Avija vuwakalile wokihasanya wenyego kwa wenyego, wahalawa, Paulo viyamalile kulonga mbuli ija imonga igambile, “Loho Yangʼalile kalonga goya na tata zetu mmulomo wa Mtulandagu Yesaya yalongile,
26‘Wagendele wanhu wano ukawalongele,
kuhulika mohulika, komu hondamvimanye;
na kulola molola, komu hondamgatange.
27Kwa mzoko mizoyo ya wanhu wano midala,
na magutwi gawo magaga kwa kuhulika,
na meso gawo wafinyiliza,
sukuwalole na meso gawo
na kuhulika na magutwi gawo,
na kuvimanya mmoyo mmwawo
na kugaluka, kwiza niwahonye.ʼ
28Avo itangike kumwenu kamba mhonelo ino ya Mulungu igaligwa kwa wamhazi, awo wawo wonda waibokele.” 29Viyamalile kulonga higo, Wayuda wagenda na zawo, kuno wokiuzagiza bwando wenyego kwa wenyego. 30Paulo kakala miyaka mibili migima muna ingʼanda yakalile yoilihila, kuno yowabokela wose wamgendele, kaubwililisa Undewa wa Mulungu. 31Kagalangukiza magweka ga Mndewa Yesu Kristo kwa ugalu bwando, kahi hagomeswe na munhu.
Currently Selected:
Sanghano 28: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Sanghano 28
28
Wanhu watazwa na mkulu Publio, na heyo kamotelwa
1Vitumalile kuhonyokwa, baho tulongelwe kibandasi kija kikemagwa Melita. 2Wenekaye wa hiko watugomela goya kwa manogelwa hagamalaga siku zose; wabwinha moto, watugomela kumwao kilumbo cha ubeho na mvula itutowela. 3Paulo kadondola mzigo wa ngodi, kaugela hamoto, kalawa nyoka kilumbo cha uja umoto, kamzingiliza mumkono. 4Wenekaye vuwamuwene ija inyoka viyokibinzabinza mumkono, wailongela wenyego kwa wenyego, “Munhu yuno kokuwa mkoma wanhu, na igambe kahona kulawa mbahali, avo luja luhungo honda lumulekese yawe mpile.”
5Komu Paulo kamkungʼunha hamoto, hapatigwe na kihile chochose. 6Bali waja wakala wogesa kamba kovimba hanhu hebu kokwidukila yogwa hasi yadanganike; vuwabetile nghani, kuno wolola kamba kuduhu janga jojose dimpatile, wagalula walonga, “Yuyo mulungu!”
7Behi na hanhu haja kukala na mgunda wa mkulu wa kibandasi kija, twaga jake Publio; ayo katugomela kumwake mazuwa madatu. 8Avija tata wake Publio kamhiswa na utamu wa lubahila na kupwaka mulopa; Paulo kengila kumwake, kampula Mulungu, kamwikila makono gake mditwi, kamuhonya. 9Vigamalile kusanghanwa higo, wayagwe wakalile na watamu muja mkibandasi weza, kawahonya. 10Avo watutunila kwa nhunizo bwando; na vutwingile kabili muna dijahazi, watugwelela vinhu, giladi tugende tuja mnzila.
Paulo viyavikile Roma yahali mfungigwa
11Miezi midatu viibitile tuhalawa, twingila mna jahazi dilawile Aleksandria, dikalile dimambukize mazuwa ga kihuhwe haja haimbandasi, dikalile na utango wa Ubasa. 12Vituvikile Sirakusa, tukala hiko siku ndatu. 13Kulawa hiko tuloka tuvika Regio; vitwalize hiko zuwa dimwe, beho da kusi dimana kubwinha, tuvika Puteoli kwa uchozi wa mazuwa mabili. 14Hiko tuwavika wanahina, watupembela tukale kumwao mazuwa Saba. Vivo tucholile magulu, tuvika Roma. 15Wanahina wa hiko vuwahulike kivugulo chetu, weza kutuhingila, wavika Apioforo, wayagwe wavika Tretaberne; Paulo viyawawene, kamtuniza Mulungu, kasamhuka nghani.
16Vutwingile Roma, Paulo kenghigwa ulegeho wa kukala hoyolonda hamonga na asikali yuja yomwimiliza.
Paulo kaiuzagiza na Wayuda wa Roma
17Siku ndatu vizibitile, Paulo kawakema wakulu wa Kiyuda; vuwalundile, kawalongela, “Walume ndugu, niye siwatozele wa ulukolo lwetu hebu luto lwa tata zetu; bali nifungigwa Yerusalemu bule mbuli, ngeligwa mmakono ga Waroma. 18Na hewo vuwakalile woniuzagiza, walonda kunidohola, kilumbo hawawene mbuli kumwangu inyandame kukomigwa. 19Komu Wayuda vuwaiyohile bamila, wanidoheleza kukanha lwinula kwa Kaisari Mtawala, si kamba nghala na mbuli ya kuwagela mkitala wanhu wa lukolo lwangu, aka! 20Avo kilumbo cha mbuli hiyo, nimkemani mwize kunyona na kulonga na niye, kwa mzoko fungigwa na mnyololo uno kilumbo cha nhamanilo ya Israeli.”
21Waja wamulongela, “Tweye hatupatile lupwilili lwa mbuli zako kulawa Uyuda, hebu munhu yumwe yeze yatupetele gweka kamba dino, hebu yatambule gehile gausanghane. 22Komu tolonda kutegeleza gauli nago mwenyecho, kwa mzoko tuditanga gweka dino kamba dilongigwa vihile hanhu hose.”
23Vuwamalile kuilaga na kwika isiku, wamwizila bwando mngʼanda iyavikile, kawapetela ugaluga, kuno yousindila Undewa wa Mulungu, yowalangukiza mbuli za Yesu muna gamagweka ga Inzuma ya Mose na ga Watulandagu, kulawa imitondo na ichungulo yake. 24Wayagwe watogola gaja galongigwe, na wayagwe hawatogole. 25Avija vuwakalile wokihasanya wenyego kwa wenyego, wahalawa, Paulo viyamalile kulonga mbuli ija imonga igambile, “Loho Yangʼalile kalonga goya na tata zetu mmulomo wa Mtulandagu Yesaya yalongile,
26‘Wagendele wanhu wano ukawalongele,
kuhulika mohulika, komu hondamvimanye;
na kulola molola, komu hondamgatange.
27Kwa mzoko mizoyo ya wanhu wano midala,
na magutwi gawo magaga kwa kuhulika,
na meso gawo wafinyiliza,
sukuwalole na meso gawo
na kuhulika na magutwi gawo,
na kuvimanya mmoyo mmwawo
na kugaluka, kwiza niwahonye.ʼ
28Avo itangike kumwenu kamba mhonelo ino ya Mulungu igaligwa kwa wamhazi, awo wawo wonda waibokele.” 29Viyamalile kulonga higo, Wayuda wagenda na zawo, kuno wokiuzagiza bwando wenyego kwa wenyego. 30Paulo kakala miyaka mibili migima muna ingʼanda yakalile yoilihila, kuno yowabokela wose wamgendele, kaubwililisa Undewa wa Mulungu. 31Kagalangukiza magweka ga Mndewa Yesu Kristo kwa ugalu bwando, kahi hagomeswe na munhu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.