Sanghano 26
26
Paulo keyoha kulukwega mndewa Agripa
1Agripa kamulongela Paulo, “Nokwingha ulegeho ulonge mwenyecho.”
Baho Paulo kagolosa mkono wake, kuno yoibelela vino. 2“Mtawala Agripa, nodengha mmoyo, kilumbo gose gowondununza Wayuda, nokibelela lelo hakihanga chako gweye. 3Ugatangile nghani nghani mazowela na bamila jose ja Wayuda; avo nokupula, funya umoyo unitegeleze! 4Aho haichanduso vinghalile mmhale hamonga na wamhale wayangu ako Yerusalemu, Wayuda wose wavimanya. 5Kilumbo wanhanga mwaka; na wahalonda, wahanisindile kamba nidikoleleza dale dija digangamale kugoga magweka ga nhambiko yetu ya Mafariseo. 6Avino nima hano nhagusigwe kwa kilumbo nokibeta kija kilaga kiduganye, Mulungu chayawalagane na tata zetu. 7Icho hicho ngholo zetu mulongo umwe na wabili chuwabetele kukivika, kuno ompula Mulungu na mgangamalo imisi na ikilo; go Mndewa Agripa, chowondununza Wayuda, icho kivugulo cha nhamanilo hicho! 8Habali mweye mgelegeza kamba mbuli ino haidahika, Mulungu kozusa wafile?
9Vivo na niye mwenyecho nivona mmoyo kamba inyandakana kusanghana bwando gehasanye na twaga ja Yesu Mnazareti, 10Ago nigatenda Yerusalemu; vininghigwe lwamu na Mtambika Mkulu, niwagela mkifungo wanahina bwando, avija vuwokomigwa, na niye niwataza. 11Viyemela mzingʼanda zose za nhambiko miyanza bwando niwagaza na kuwananahiza wambele Yesu; niwagendela na kuwagevuza kamba mwene kikwale, niwagala kikodwakodwa kulawa mviwambo hata kuugeni. 12Avo vinimalile kwinghigwa mhiko na ndagizo kulawa kwa Watambika Wakulu, nyhola Damasko. 13Vivikile saa kenda ya imisi, go Mndewa, mbona lumwemwe lulawa kuulanga, lubanza mlangaza wa zuwa, lumwemwesela niye na waja wanilongoze nawo behaa. 14Tugwa hasi wose, mhulika dizwi dilonga kwa ulonzi wa Kiebrania, Saulo, Saulo, vilihi vuminga? Kolemelwa kukinha makwata hakisogo cha homelo.
15Nimana kuuza, Uli nani, Mndewa? Mndewa kanongela, Niye nene Yesu nigambile gweye uminga. 16Komu inuka, wime na magulu gako, kwa mzoko acho icho kilumbo kinikulawilile, nikwike gweye ugalamke msanghani na msindila gano gauwene, na gaja gonda nikulagusile. 17Na niye nokuhonya kumwao wali wanhu wako na kumwao wamhazi, kwa mzoko kuko konda nikutume. 18Uwagubule meso gawo na kuwahindula wadileke ziza, wengile muulangaza, walawe muna zimhiko za yuja Imndumu Kinyamkela, wamkoleleze Mulungu; avo wasegezelwe matozo gawo, wenghigwe uhazi hamonga na waja wangʼazigwe kwa kunhogola niye.
19Avo go Mndewa Agripa, silemile kwidikila ayo mbuli ya kuulanga iniwene. 20Komu ichanduso niwapetela waja wa Damasko na Yerusalemu na isi ya Uyuda yose, na wanhu wa kuugeni kose, giladi waikunzule, wamuhindukile Mulungu na kusanghana galumbile na mgaluko wa ihoko. 21Kwa kilumbo hicho Wayuda wangoga vinghalile mdihekalu, wagesa kunghoma. 22Komu Mulungu kanhaza kuvikila dilelo, na niye nima hano nowasindila wadodo na wakulu, kahi silonga mbuli iyagwe komu zija zilongigwe na Watulandagu na Mose, avo gonda galawilile gago gano. 23Imwandama Kristo kugaduswa, imala baho yagalamke waichanduso kuzuswa kulawa kwa wafile, kabili kowagoneka hewo wa lukolo luno na wamhazi, wavike kuli mulangaza.”
Festo na Agripa wainega kuvumila Longa ja Yesu
24Paulo viyakalile yobela kamba hivo, Festo kakomhoka kalonga, “Paulo, kuna kikwale! Kusoma bwando kukuhindula zifiyuko!”
25Paulo kedika, “Go Mndewa mtogolwa, nabule kikwale, bali nolonga malonga ga ihoko gali na fiyuko. 26Kwa mzoko mndewa Agripa kakimanya kivugulo cha magweka gano, kileka nodaha kulonga nayo chalinze; nivitanga nghani kamba haduhu mbuli hata imwe iyalekile kuditanga, kwa mzoko gweka hijo hadisanghanilwe hamngwazo. 27Go Mndewa Agripa, che, kowatogola Watulandagu? Nivimanya kamba kowatogola.”
28Agripa kamulongela Paulo, “Hasigala hadodo uhamnghwegile nigalamke mkristo!”
29Paulo kedika, “Kamba hasigala hadodo hebu hakulu, nompula Mulungu, si gwegwe wiyeka, komu wose womhulika hano, vawagwelele wagalamke kamba nene vinili, komu minyololo ino.”
30Baho Mtawala na Luwali na Bernike na waja wakalile hamonga na hewo, wenuka. 31Wakwenhuka hamngwazo, walongelela walonga, “Munhu yuno hatendile mbuli igambile kifo hebu kufungigwa.” 32Agripa kamulongela Festo, “Munhu ino yahadoholigwe, kamba halondile kutaguswa na Kaisari.”
Currently Selected:
Sanghano 26: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Sanghano 26
26
Paulo keyoha kulukwega mndewa Agripa
1Agripa kamulongela Paulo, “Nokwingha ulegeho ulonge mwenyecho.”
Baho Paulo kagolosa mkono wake, kuno yoibelela vino. 2“Mtawala Agripa, nodengha mmoyo, kilumbo gose gowondununza Wayuda, nokibelela lelo hakihanga chako gweye. 3Ugatangile nghani nghani mazowela na bamila jose ja Wayuda; avo nokupula, funya umoyo unitegeleze! 4Aho haichanduso vinghalile mmhale hamonga na wamhale wayangu ako Yerusalemu, Wayuda wose wavimanya. 5Kilumbo wanhanga mwaka; na wahalonda, wahanisindile kamba nidikoleleza dale dija digangamale kugoga magweka ga nhambiko yetu ya Mafariseo. 6Avino nima hano nhagusigwe kwa kilumbo nokibeta kija kilaga kiduganye, Mulungu chayawalagane na tata zetu. 7Icho hicho ngholo zetu mulongo umwe na wabili chuwabetele kukivika, kuno ompula Mulungu na mgangamalo imisi na ikilo; go Mndewa Agripa, chowondununza Wayuda, icho kivugulo cha nhamanilo hicho! 8Habali mweye mgelegeza kamba mbuli ino haidahika, Mulungu kozusa wafile?
9Vivo na niye mwenyecho nivona mmoyo kamba inyandakana kusanghana bwando gehasanye na twaga ja Yesu Mnazareti, 10Ago nigatenda Yerusalemu; vininghigwe lwamu na Mtambika Mkulu, niwagela mkifungo wanahina bwando, avija vuwokomigwa, na niye niwataza. 11Viyemela mzingʼanda zose za nhambiko miyanza bwando niwagaza na kuwananahiza wambele Yesu; niwagendela na kuwagevuza kamba mwene kikwale, niwagala kikodwakodwa kulawa mviwambo hata kuugeni. 12Avo vinimalile kwinghigwa mhiko na ndagizo kulawa kwa Watambika Wakulu, nyhola Damasko. 13Vivikile saa kenda ya imisi, go Mndewa, mbona lumwemwe lulawa kuulanga, lubanza mlangaza wa zuwa, lumwemwesela niye na waja wanilongoze nawo behaa. 14Tugwa hasi wose, mhulika dizwi dilonga kwa ulonzi wa Kiebrania, Saulo, Saulo, vilihi vuminga? Kolemelwa kukinha makwata hakisogo cha homelo.
15Nimana kuuza, Uli nani, Mndewa? Mndewa kanongela, Niye nene Yesu nigambile gweye uminga. 16Komu inuka, wime na magulu gako, kwa mzoko acho icho kilumbo kinikulawilile, nikwike gweye ugalamke msanghani na msindila gano gauwene, na gaja gonda nikulagusile. 17Na niye nokuhonya kumwao wali wanhu wako na kumwao wamhazi, kwa mzoko kuko konda nikutume. 18Uwagubule meso gawo na kuwahindula wadileke ziza, wengile muulangaza, walawe muna zimhiko za yuja Imndumu Kinyamkela, wamkoleleze Mulungu; avo wasegezelwe matozo gawo, wenghigwe uhazi hamonga na waja wangʼazigwe kwa kunhogola niye.
19Avo go Mndewa Agripa, silemile kwidikila ayo mbuli ya kuulanga iniwene. 20Komu ichanduso niwapetela waja wa Damasko na Yerusalemu na isi ya Uyuda yose, na wanhu wa kuugeni kose, giladi waikunzule, wamuhindukile Mulungu na kusanghana galumbile na mgaluko wa ihoko. 21Kwa kilumbo hicho Wayuda wangoga vinghalile mdihekalu, wagesa kunghoma. 22Komu Mulungu kanhaza kuvikila dilelo, na niye nima hano nowasindila wadodo na wakulu, kahi silonga mbuli iyagwe komu zija zilongigwe na Watulandagu na Mose, avo gonda galawilile gago gano. 23Imwandama Kristo kugaduswa, imala baho yagalamke waichanduso kuzuswa kulawa kwa wafile, kabili kowagoneka hewo wa lukolo luno na wamhazi, wavike kuli mulangaza.”
Festo na Agripa wainega kuvumila Longa ja Yesu
24Paulo viyakalile yobela kamba hivo, Festo kakomhoka kalonga, “Paulo, kuna kikwale! Kusoma bwando kukuhindula zifiyuko!”
25Paulo kedika, “Go Mndewa mtogolwa, nabule kikwale, bali nolonga malonga ga ihoko gali na fiyuko. 26Kwa mzoko mndewa Agripa kakimanya kivugulo cha magweka gano, kileka nodaha kulonga nayo chalinze; nivitanga nghani kamba haduhu mbuli hata imwe iyalekile kuditanga, kwa mzoko gweka hijo hadisanghanilwe hamngwazo. 27Go Mndewa Agripa, che, kowatogola Watulandagu? Nivimanya kamba kowatogola.”
28Agripa kamulongela Paulo, “Hasigala hadodo uhamnghwegile nigalamke mkristo!”
29Paulo kedika, “Kamba hasigala hadodo hebu hakulu, nompula Mulungu, si gwegwe wiyeka, komu wose womhulika hano, vawagwelele wagalamke kamba nene vinili, komu minyololo ino.”
30Baho Mtawala na Luwali na Bernike na waja wakalile hamonga na hewo, wenuka. 31Wakwenhuka hamngwazo, walongelela walonga, “Munhu yuno hatendile mbuli igambile kifo hebu kufungigwa.” 32Agripa kamulongela Festo, “Munhu ino yahadoholigwe, kamba halondile kutaguswa na Kaisari.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.