Sanghano 25
25
Luwali Festo kamnanahiza Paulo yataguswe na Kaisari
1Festo viyasongile utawala wake siku ndatu, kalawa Kaisaria, kachola Yerusalemu. 2Baho Mtambika Mkulu na Wavyele wa Wayuda wamgendela, wamulongela mbuli za Paulo kuno wompembela. 3Wampula yawanogeze, yawagalile Paulo Yerusalemu, kilumbo wenyego wakala wafunga msagu wamkome mnzila. 4Bali Festo kedika, “Paulo kokwimilizwa hiko Kaisaria; vilema niye mwenyecho inyandama kuchola hiko sambi baha. 5Kalonga, Waja wayenu wodaha kwikoleleza na niye twilongoze, na wamdununze kamba katenda mbuli ili bule mzoko.”
6Viyamalile kukala kumwao mazuwa manane au mulongo umwe, kahulumuka kavika Kaisaria; na vuuchele, kakala mkigoda cha ikitala, kalagiza Paulo yagaligwe. 7Viyezile, waja Wayuda walawile Yerusalemu, wema wamvwizila mbuli bwando ngaga, ziwalemele kuzisindila.
8Baho Paulo kabela kalonga, “Niye sitozile mbuli igambile Inzuma ya Wayuda, hebu kubeza dingʼanda ja Mulungu, hebu Mtawala Kaisari.”
9Komu Festo kalonda kuwanogeza Wayuda, kamuuza Paulo kalonga, “Che, kolonda uchole Yerusalemu, ukataguswe hiko hakihanga changu vigambile mbuli ino?”
10Paulo kedika, “Niye vinimile hano hakigoda cha kitala cha Mtawala Kaisari, baho hanyandakane kutaguswa; Wayuda siwatozele mbuli, kamba vuutangile gweye mwenyecho. 11Avo nihawa mbananzi hebu nhenda mbuli igambile kukomigwa, silema kukomigwa, bali kamba si vivo vuwonhagusa, haduhu yodaha kungela mmakono gawo; nolonda nhaguswe na Kaisari!”
12Baho Festo kalonga, hamonga na wakulu wa ikitala chake, kedika, “Kolonda kutaguswa na Kaisari, kochola kwa Kaisari.”
Mndewa Agripa na lumbu Bernike wahulika mbuli za Paulo
13Mazuwa vigabitile, mtawala Agripa na lumbu jake Bernike wavika Kaisaria kumulamusa Festo. 14Vuwakalile hiko mazuwa bwando, Festo kamsimulila Mtawala kivugulo cha Paulo, kalonga, “Hano hana munhu imonga yalekigwe na Feliki mkifungo. 15Viyemela vinghalile Yerusalemu, Watambika Wakulu na Wavyele wa Kiyuda wamhetela kivugulo chake, wanilonda nimkome. 16Niwedika, Tweye Waroma twabule luto lwa kumulava munhu kwa manogelwa ga wayagwe, na heyo hanataguswa na kwibona na watagusi wake meso kwa meso, kabili kugwelelwa ulegeho wa kwibelela. 17Avo vuwetinghanile kuno, sikawile, komu siku yaikabili nghala mkigoda cha ikitala, nilagiza munhu hiyo yagaligwe. 18Na waja wene kumtagusa vuwemile, hawagalile mbuli yoyose ihile, kamba vinyagize. 19Bali wakala na bamila ja inhambiko yawo wenyego; na kivugulo cha munhu imonga Yesu yadanganike mwaka, komu Paulo kagangamala kulonga kamba yahali mgima. 20Na niye vinilekile kuditanga goya bamila jao, nimuuza kamba kolonda kuchola Yerusalemu yataguswe hiko. 21Baho Paulo kalonga chalinze kamba yatagusigwe na Mtawala Kaisari; avo nilagiza yemilizwe kuno, kikomo vonda nimgale kwa Kaisari.”
22Agripa kamulongela Festo, “Na niye mwenyecho nolonda kumtegeleza munhu yuno.” Kalonga, “Komuhulika mayo.”
23Vuuchele Agripa keza hamonga na Bernike, wakala waihambile miguwo ya utawala; wengila hali ikitala hamonga na maakida wakulu na wakulu wa idiwambo; na viyalagize, Paulo kagaligwa. 24Festo kalonga, “Mtawala Agripa na mweye wambigalo wose muli hano hamonga na tweye, loleni munhu ino yadununzigwe vihile na Wayuda wose, wotowa nyangi Yerusalemu na kuno wolonga, havinogile ino yakale muisi. 25Na niye vimbonile, hatendile mbuli yoyose igambile kukomigwa; bali heyo mwenyecho viyalongile chalinze kamba kolonda kutaguswa na Mtawala Kaisari, avo ngelegeza kumgala kuko. 26Komu niye nabule mbuli ya kumwandikila Mtawala Mkulu; avo nimgala hano hameso genu na kiba-nzile, kumwako gweye Mndewa Agripa, giladi muhamala kumuuzagiza, na niye niditange ja kumwandikila Kaisari. 27Kwa mzoko wokuwa ubozi kumgala mfungigwa, uleke kupeta chayabanange.
Currently Selected:
Sanghano 25: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Sanghano 25
25
Luwali Festo kamnanahiza Paulo yataguswe na Kaisari
1Festo viyasongile utawala wake siku ndatu, kalawa Kaisaria, kachola Yerusalemu. 2Baho Mtambika Mkulu na Wavyele wa Wayuda wamgendela, wamulongela mbuli za Paulo kuno wompembela. 3Wampula yawanogeze, yawagalile Paulo Yerusalemu, kilumbo wenyego wakala wafunga msagu wamkome mnzila. 4Bali Festo kedika, “Paulo kokwimilizwa hiko Kaisaria; vilema niye mwenyecho inyandama kuchola hiko sambi baha. 5Kalonga, Waja wayenu wodaha kwikoleleza na niye twilongoze, na wamdununze kamba katenda mbuli ili bule mzoko.”
6Viyamalile kukala kumwao mazuwa manane au mulongo umwe, kahulumuka kavika Kaisaria; na vuuchele, kakala mkigoda cha ikitala, kalagiza Paulo yagaligwe. 7Viyezile, waja Wayuda walawile Yerusalemu, wema wamvwizila mbuli bwando ngaga, ziwalemele kuzisindila.
8Baho Paulo kabela kalonga, “Niye sitozile mbuli igambile Inzuma ya Wayuda, hebu kubeza dingʼanda ja Mulungu, hebu Mtawala Kaisari.”
9Komu Festo kalonda kuwanogeza Wayuda, kamuuza Paulo kalonga, “Che, kolonda uchole Yerusalemu, ukataguswe hiko hakihanga changu vigambile mbuli ino?”
10Paulo kedika, “Niye vinimile hano hakigoda cha kitala cha Mtawala Kaisari, baho hanyandakane kutaguswa; Wayuda siwatozele mbuli, kamba vuutangile gweye mwenyecho. 11Avo nihawa mbananzi hebu nhenda mbuli igambile kukomigwa, silema kukomigwa, bali kamba si vivo vuwonhagusa, haduhu yodaha kungela mmakono gawo; nolonda nhaguswe na Kaisari!”
12Baho Festo kalonga, hamonga na wakulu wa ikitala chake, kedika, “Kolonda kutaguswa na Kaisari, kochola kwa Kaisari.”
Mndewa Agripa na lumbu Bernike wahulika mbuli za Paulo
13Mazuwa vigabitile, mtawala Agripa na lumbu jake Bernike wavika Kaisaria kumulamusa Festo. 14Vuwakalile hiko mazuwa bwando, Festo kamsimulila Mtawala kivugulo cha Paulo, kalonga, “Hano hana munhu imonga yalekigwe na Feliki mkifungo. 15Viyemela vinghalile Yerusalemu, Watambika Wakulu na Wavyele wa Kiyuda wamhetela kivugulo chake, wanilonda nimkome. 16Niwedika, Tweye Waroma twabule luto lwa kumulava munhu kwa manogelwa ga wayagwe, na heyo hanataguswa na kwibona na watagusi wake meso kwa meso, kabili kugwelelwa ulegeho wa kwibelela. 17Avo vuwetinghanile kuno, sikawile, komu siku yaikabili nghala mkigoda cha ikitala, nilagiza munhu hiyo yagaligwe. 18Na waja wene kumtagusa vuwemile, hawagalile mbuli yoyose ihile, kamba vinyagize. 19Bali wakala na bamila ja inhambiko yawo wenyego; na kivugulo cha munhu imonga Yesu yadanganike mwaka, komu Paulo kagangamala kulonga kamba yahali mgima. 20Na niye vinilekile kuditanga goya bamila jao, nimuuza kamba kolonda kuchola Yerusalemu yataguswe hiko. 21Baho Paulo kalonga chalinze kamba yatagusigwe na Mtawala Kaisari; avo nilagiza yemilizwe kuno, kikomo vonda nimgale kwa Kaisari.”
22Agripa kamulongela Festo, “Na niye mwenyecho nolonda kumtegeleza munhu yuno.” Kalonga, “Komuhulika mayo.”
23Vuuchele Agripa keza hamonga na Bernike, wakala waihambile miguwo ya utawala; wengila hali ikitala hamonga na maakida wakulu na wakulu wa idiwambo; na viyalagize, Paulo kagaligwa. 24Festo kalonga, “Mtawala Agripa na mweye wambigalo wose muli hano hamonga na tweye, loleni munhu ino yadununzigwe vihile na Wayuda wose, wotowa nyangi Yerusalemu na kuno wolonga, havinogile ino yakale muisi. 25Na niye vimbonile, hatendile mbuli yoyose igambile kukomigwa; bali heyo mwenyecho viyalongile chalinze kamba kolonda kutaguswa na Mtawala Kaisari, avo ngelegeza kumgala kuko. 26Komu niye nabule mbuli ya kumwandikila Mtawala Mkulu; avo nimgala hano hameso genu na kiba-nzile, kumwako gweye Mndewa Agripa, giladi muhamala kumuuzagiza, na niye niditange ja kumwandikila Kaisari. 27Kwa mzoko wokuwa ubozi kumgala mfungigwa, uleke kupeta chayabanange.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.