1 Wakorinto 5
5
Mgoni vilumba kubagulwa mdidale
1Vino sambi zolongwa kamba kumwenu kuna ugoni, na ugoni hiwo hata kwa wanhu hawamtangile Mulungu, haunakoneka, munhu yasole mwehe wa tata wake. 2Na mweye mokidundula – hamnyunguwala mmoyo, giladi mumsegeze mdidale jenu yuja yatendile mzonza hiwo! 3Aniye lukuli lwangu viluli haduhu kumwenu, bali moyo wangu wakuko kumwenu, avo nimala kumtagusa yuja yatendile kihile, kamba nakuko kumwenu: 4mditwaga ja Mndewa Yesu ilundizeni mweye na loho yangu hamonga na mhiko za Mndewa wetu Yesu! 5Imala yuja munhu yali hivo, mulaveni na kumwingha Mwenembago, giladi lukuli lwake lutowigwe, bali loho yake ihonyigwe siku hiyo, Mndewa Yesu vondayeze.
6Matopa genu haganogile; hammanyile kamba usasu mdodo usasulaga bonge gima? 7Usegezeni uja usasu wa umwaka, mgalamke bonge da sambi kamba vija, vumlekile kugeligwa usasu! Kilumbo na tweye tusikilwa nghondolo wetu wa Inghombola, yuyo Kristo; 8avo tuije sikunghulu yetu ilibule usasu wa umwaka, uwo usasu wa ubananzi na wiho, bali tuuje mgate uja ulibule usasu, iyo miyoyo ingʼalile yene ihoko!
9Nimwandikilani mweye muna umtapa wangu, Sukumwihanganye na wagoni! 10Siwalongile wagoni waja hawamtangile Mulungu, hebu waja walondaga mhiya, wabokonyo hebu watambikila vinyago wali mumo mulumwengu; ihawa hivo, ihawandakane kusegela mwimbago! 11Bali niwandikilani, Sukumwihanganye na munhu yokemigwa ndugu mkristo, yahawa mgoni hebu mlonda mhiya, mtambikila vinyago hebu mwene maligo hebu mlonda ngholwa! 12Che, nina kiloto kilihi kileka niwataguse waja wali kunze; hamuwatagusa waja wamuli nawo? 13Waja wali kunze, Mulungu kowatagusa; msegezeni yuja mbananzi kumwenu!
Currently Selected:
1 Wakorinto 5: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
1 Wakorinto 5
5
Mgoni vilumba kubagulwa mdidale
1Vino sambi zolongwa kamba kumwenu kuna ugoni, na ugoni hiwo hata kwa wanhu hawamtangile Mulungu, haunakoneka, munhu yasole mwehe wa tata wake. 2Na mweye mokidundula – hamnyunguwala mmoyo, giladi mumsegeze mdidale jenu yuja yatendile mzonza hiwo! 3Aniye lukuli lwangu viluli haduhu kumwenu, bali moyo wangu wakuko kumwenu, avo nimala kumtagusa yuja yatendile kihile, kamba nakuko kumwenu: 4mditwaga ja Mndewa Yesu ilundizeni mweye na loho yangu hamonga na mhiko za Mndewa wetu Yesu! 5Imala yuja munhu yali hivo, mulaveni na kumwingha Mwenembago, giladi lukuli lwake lutowigwe, bali loho yake ihonyigwe siku hiyo, Mndewa Yesu vondayeze.
6Matopa genu haganogile; hammanyile kamba usasu mdodo usasulaga bonge gima? 7Usegezeni uja usasu wa umwaka, mgalamke bonge da sambi kamba vija, vumlekile kugeligwa usasu! Kilumbo na tweye tusikilwa nghondolo wetu wa Inghombola, yuyo Kristo; 8avo tuije sikunghulu yetu ilibule usasu wa umwaka, uwo usasu wa ubananzi na wiho, bali tuuje mgate uja ulibule usasu, iyo miyoyo ingʼalile yene ihoko!
9Nimwandikilani mweye muna umtapa wangu, Sukumwihanganye na wagoni! 10Siwalongile wagoni waja hawamtangile Mulungu, hebu waja walondaga mhiya, wabokonyo hebu watambikila vinyago wali mumo mulumwengu; ihawa hivo, ihawandakane kusegela mwimbago! 11Bali niwandikilani, Sukumwihanganye na munhu yokemigwa ndugu mkristo, yahawa mgoni hebu mlonda mhiya, mtambikila vinyago hebu mwene maligo hebu mlonda ngholwa! 12Che, nina kiloto kilihi kileka niwataguse waja wali kunze; hamuwatagusa waja wamuli nawo? 13Waja wali kunze, Mulungu kowatagusa; msegezeni yuja mbananzi kumwenu!
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.