1 Wakorinto 4
4
Nyakadala za Kristo watamanilwa, wonekaga vipokozi
1Avo munhu nayatupete tweye, kamba watumwa wa Kristo na wateganya nyongʼonyo za Mulungu. 2Aho kabili wolondigwa waja wateganya woneke kamba watamanilwa. 3Komu kumwangu niye si kinhu, nihataguswa na mweye hebu wayagwe wanhaguse kimunhu; na niye mwenyecho siitagusa. 4Kilumbo nabule kihile kimanyile mmoyo, bali kwa hivyo sikomboke; yondayanhaguse yuyo Mndewa. 5Kwa kilumbo hicho sukumtaguse mbuli yoyose siku zino, kikomo Mndewa vondayeze; na Heyo kolava gaja gafisigwe mdiziza, goneke hamulangaza, na Heyo yuyo yondayavumbule mbuli zili mmiyoyo; baho kila munhu vondayabokele nhogolwa yake kulawa kwa Mulungu.
6Mwandugu, mbuli zino nizilonga, zigalamke mahala ga niye na Apolo kwa kilumbo chenu, giladi kumwetu tweye mwifunze, sukumwidundule kubanza aho handikigwe; na munhu sikuyaitopele yuno, kuno yomzela iyagwe! 7Iyo yalihi yomgolani gweye na miyago? hebu choni kiuli nacho, chuulekile kugolelwa? avo kamba kubokela, kokigodaze kamba hugwelelwe?
8Mweye mziga kwiguta, mgalamka wene mali bwando, mtawala tweye twahaduhu; ihoko vihanogile mtawale, giladi na tweye tutawale hamonga na mweye!
9Nogesa kamba Mulungu katulava tweye watumigwa kukisogo nghani, kamba wanhu wobeta kukomigwa; kilumbo tugalamka lagusilo da imbago hameso ga malaika na ga wanhu. 10Tweye twawabozi kwa kilumbo cha Kristo; komu mweye mwa wene nzewele mmwake Kristo; tweye tuboba, amweye mgangamala; mweye modumbigwa, komu tweye hatudumbigwa. 11Na dilelo vino tuna nzala na nghilu, twa ukulunge, totowigwa mikonde, kabili twamkuzulula. 12Togaya kusanghana kwa makono getu wenyego; tuhaligwa tweye towamoteza; tuhagelwa lusango, tweye tofunya umoyo. 13Tuhavwizilwa, tweye towahembekeza; tutendigwa kamba unyolodo wa muisi, kamba vipokozi vya wanhu wose, na dilelo.
Paulo kaigamba kamba mlezi wa ididale
14Sigandike gano niwagele kinyala, bali nowazuma kamba wanangu wanogele. 15Viyemela munawo walangulizi wa mbuli za Kristo elfu kumi, komu mwabule tata bwando, kilumbo niye nene niwalelile kulawa kwa Kristo Yesu kwa nzila ya Usenga Unogile. 16Kwa kilumbo hicho nowazuma, ngholeni niye!
17Kileka nimtuma Timoteo kumwenu, yuyo mwanangu mnogelwa, mtamanilwa hameso ga Mndewa, na heyo kowakumbusa sanghano zangu vizigondanya na Kristo, na viniwalangukiza madale ga wakristo hanhu hose.
18Komu kumwenu wayagwe wokitopa kamba hondanize kabili! 19Kumbe nokwiza mbwisa kumwenu, Mndewa yahalonda; baho vondanivimanye wokitopela mhiko zilihi; si malonga gawo gayeka. 20Kwa mzoko Undewa wa Mulungu haukalaga muulonzi, bali ukalaga mmhiko. 21Avo molonda choni; nize kumwenu na fimbo, hebu mwene unogelo na loho iholile?
Currently Selected:
1 Wakorinto 4: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
1 Wakorinto 4
4
Nyakadala za Kristo watamanilwa, wonekaga vipokozi
1Avo munhu nayatupete tweye, kamba watumwa wa Kristo na wateganya nyongʼonyo za Mulungu. 2Aho kabili wolondigwa waja wateganya woneke kamba watamanilwa. 3Komu kumwangu niye si kinhu, nihataguswa na mweye hebu wayagwe wanhaguse kimunhu; na niye mwenyecho siitagusa. 4Kilumbo nabule kihile kimanyile mmoyo, bali kwa hivyo sikomboke; yondayanhaguse yuyo Mndewa. 5Kwa kilumbo hicho sukumtaguse mbuli yoyose siku zino, kikomo Mndewa vondayeze; na Heyo kolava gaja gafisigwe mdiziza, goneke hamulangaza, na Heyo yuyo yondayavumbule mbuli zili mmiyoyo; baho kila munhu vondayabokele nhogolwa yake kulawa kwa Mulungu.
6Mwandugu, mbuli zino nizilonga, zigalamke mahala ga niye na Apolo kwa kilumbo chenu, giladi kumwetu tweye mwifunze, sukumwidundule kubanza aho handikigwe; na munhu sikuyaitopele yuno, kuno yomzela iyagwe! 7Iyo yalihi yomgolani gweye na miyago? hebu choni kiuli nacho, chuulekile kugolelwa? avo kamba kubokela, kokigodaze kamba hugwelelwe?
8Mweye mziga kwiguta, mgalamka wene mali bwando, mtawala tweye twahaduhu; ihoko vihanogile mtawale, giladi na tweye tutawale hamonga na mweye!
9Nogesa kamba Mulungu katulava tweye watumigwa kukisogo nghani, kamba wanhu wobeta kukomigwa; kilumbo tugalamka lagusilo da imbago hameso ga malaika na ga wanhu. 10Tweye twawabozi kwa kilumbo cha Kristo; komu mweye mwa wene nzewele mmwake Kristo; tweye tuboba, amweye mgangamala; mweye modumbigwa, komu tweye hatudumbigwa. 11Na dilelo vino tuna nzala na nghilu, twa ukulunge, totowigwa mikonde, kabili twamkuzulula. 12Togaya kusanghana kwa makono getu wenyego; tuhaligwa tweye towamoteza; tuhagelwa lusango, tweye tofunya umoyo. 13Tuhavwizilwa, tweye towahembekeza; tutendigwa kamba unyolodo wa muisi, kamba vipokozi vya wanhu wose, na dilelo.
Paulo kaigamba kamba mlezi wa ididale
14Sigandike gano niwagele kinyala, bali nowazuma kamba wanangu wanogele. 15Viyemela munawo walangulizi wa mbuli za Kristo elfu kumi, komu mwabule tata bwando, kilumbo niye nene niwalelile kulawa kwa Kristo Yesu kwa nzila ya Usenga Unogile. 16Kwa kilumbo hicho nowazuma, ngholeni niye!
17Kileka nimtuma Timoteo kumwenu, yuyo mwanangu mnogelwa, mtamanilwa hameso ga Mndewa, na heyo kowakumbusa sanghano zangu vizigondanya na Kristo, na viniwalangukiza madale ga wakristo hanhu hose.
18Komu kumwenu wayagwe wokitopa kamba hondanize kabili! 19Kumbe nokwiza mbwisa kumwenu, Mndewa yahalonda; baho vondanivimanye wokitopela mhiko zilihi; si malonga gawo gayeka. 20Kwa mzoko Undewa wa Mulungu haukalaga muulonzi, bali ukalaga mmhiko. 21Avo molonda choni; nize kumwenu na fimbo, hebu mwene unogelo na loho iholile?
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.