1 Wakorinto 6
6
Wakristo wana mhiko kutagusa mbuli zili mgati mmwawo
1Che, munhu wa kumwenu yahawa na mbuli na miyage, kodahaze kumgala kwa watagusi hawamtangile Mulungu, yaleke kuigala mbuli yake kwa didale? 2Hammanyile kamba wanhu wa Mulungu iwo wonda wautaguse ulumwengu? ihawa ulumwengu wotagusigwa na mweye, che, hamgambile kutagusa mbuli zino ndodo? 3Hebu hamvimanya kamba towatagusa malaika? Avo mbuli za muno muisi zotulemela vilihi! 4Kabili muhalonda kwitagusa mbuli za muno muisi, vokuwaze msagula watagusi walibule nhogolwa mdidale! 5Nogalonga gano, niwagele kinyala; che, kumwenu kuduhu hata yumwe mwene nzewele, yodaha kulamula wayage? 6Habali mweye mwigelaga mkitala ndugu kwa ndugu, ilawabaho kumwawo waja walemile nhamanilo! 7Mbuli hizo zose za kwigela mkitala mwemwe kwa mwemwe, iko kuswela mgangamalo! Vilihi vumlema kwimigwa chenu; vihanogile kamba mvumile kubokigwa mali genu! 8Amweye wenyego moboka wanhu na kubazaza mali gawo; viyemela gano mowatendela ndugu zenu!
9Hammanyile kamba wabananzi hondawauhale Undewa wa Mulungu? Sikumkongigwe; wagoni, watambikila vinyago, wafutuzi, wene kwiwasa, wahindula ngendelo; 10Wabavi, wene ugila, walonda ngholwa, wene maligo na wabazazi, awo wose hondawauhale Undewa wa Mulungu. 11Vyemela kumwenu umwaka wakala wakuko wali hivo; bali msunhigwa, mngʼazulwa, mpetigwa mwihoko kwa ditwaga ja Mndewa Yesu Kristo na muna Iloho ya Mulungu wetu.
Nghuli zetu zigalamka vilungo vyake Kristo
12Kumwangu niye kuduhu kinhu chene mwizilo, komu si vyose vinogile; kumwangu niye kuduhu mwizilo wowose, komu chondakinihume, sikilonda mbe. 13Chakuja cholondwa na inda, nayo inda yolondwa na chakuja; komu Mulungu kovimambukiza vyose vibili; bali lukuli si lwa ugoni, kilumbo igo mali ga Mndewa, na heyo Mndewa yuyo Mwene lukuli. 14Kwa mzoko Mulungu kamzusa Mndewa, avo kotuzusa na tweye kwa mhiko zake. 15Hamvitanga kamba nghuli zenu ivyo vilungo vya Kristo; che, nivisole vilungo vya Kristo, nivihindule vigalamke vya ugoni? Aka, sivivo!
16Hamvitanga kamba mwene kwinanahila na mtwanzi mgoni kagalamka lukuli lumwe na heyo? kwa mzoko Jandiko dilonga, Awo wabili wokuwa lukuli lumwe. 17Komu mwene kwinanahila na Mndewa kogalamka loho imwe hamonga na Heyo. 18Ukimbileni ugoni! Ubananzi wowose, munhu uyobananga, wokala kunze kwa lukuli lwake, bali ugoni wotozela lukuli lwake mwenyecho. 19Hamvitanga kamba nghuli zenu iyo ngʼanda ya Loho Yangʼalile yomkalilani? yuyo yumgwelelwe na Mulungu, avo mweye si mali genu wenyecho! 20Mgulika hakulu; kwa kilumbo hicho mtunizeni Mulungu mzinghuli zenu na mloho zenu, kwa mzoko zizo zake Mulungu.
Currently Selected:
1 Wakorinto 6: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
1 Wakorinto 6
6
Wakristo wana mhiko kutagusa mbuli zili mgati mmwawo
1Che, munhu wa kumwenu yahawa na mbuli na miyage, kodahaze kumgala kwa watagusi hawamtangile Mulungu, yaleke kuigala mbuli yake kwa didale? 2Hammanyile kamba wanhu wa Mulungu iwo wonda wautaguse ulumwengu? ihawa ulumwengu wotagusigwa na mweye, che, hamgambile kutagusa mbuli zino ndodo? 3Hebu hamvimanya kamba towatagusa malaika? Avo mbuli za muno muisi zotulemela vilihi! 4Kabili muhalonda kwitagusa mbuli za muno muisi, vokuwaze msagula watagusi walibule nhogolwa mdidale! 5Nogalonga gano, niwagele kinyala; che, kumwenu kuduhu hata yumwe mwene nzewele, yodaha kulamula wayage? 6Habali mweye mwigelaga mkitala ndugu kwa ndugu, ilawabaho kumwawo waja walemile nhamanilo! 7Mbuli hizo zose za kwigela mkitala mwemwe kwa mwemwe, iko kuswela mgangamalo! Vilihi vumlema kwimigwa chenu; vihanogile kamba mvumile kubokigwa mali genu! 8Amweye wenyego moboka wanhu na kubazaza mali gawo; viyemela gano mowatendela ndugu zenu!
9Hammanyile kamba wabananzi hondawauhale Undewa wa Mulungu? Sikumkongigwe; wagoni, watambikila vinyago, wafutuzi, wene kwiwasa, wahindula ngendelo; 10Wabavi, wene ugila, walonda ngholwa, wene maligo na wabazazi, awo wose hondawauhale Undewa wa Mulungu. 11Vyemela kumwenu umwaka wakala wakuko wali hivo; bali msunhigwa, mngʼazulwa, mpetigwa mwihoko kwa ditwaga ja Mndewa Yesu Kristo na muna Iloho ya Mulungu wetu.
Nghuli zetu zigalamka vilungo vyake Kristo
12Kumwangu niye kuduhu kinhu chene mwizilo, komu si vyose vinogile; kumwangu niye kuduhu mwizilo wowose, komu chondakinihume, sikilonda mbe. 13Chakuja cholondwa na inda, nayo inda yolondwa na chakuja; komu Mulungu kovimambukiza vyose vibili; bali lukuli si lwa ugoni, kilumbo igo mali ga Mndewa, na heyo Mndewa yuyo Mwene lukuli. 14Kwa mzoko Mulungu kamzusa Mndewa, avo kotuzusa na tweye kwa mhiko zake. 15Hamvitanga kamba nghuli zenu ivyo vilungo vya Kristo; che, nivisole vilungo vya Kristo, nivihindule vigalamke vya ugoni? Aka, sivivo!
16Hamvitanga kamba mwene kwinanahila na mtwanzi mgoni kagalamka lukuli lumwe na heyo? kwa mzoko Jandiko dilonga, Awo wabili wokuwa lukuli lumwe. 17Komu mwene kwinanahila na Mndewa kogalamka loho imwe hamonga na Heyo. 18Ukimbileni ugoni! Ubananzi wowose, munhu uyobananga, wokala kunze kwa lukuli lwake, bali ugoni wotozela lukuli lwake mwenyecho. 19Hamvitanga kamba nghuli zenu iyo ngʼanda ya Loho Yangʼalile yomkalilani? yuyo yumgwelelwe na Mulungu, avo mweye si mali genu wenyecho! 20Mgulika hakulu; kwa kilumbo hicho mtunizeni Mulungu mzinghuli zenu na mloho zenu, kwa mzoko zizo zake Mulungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.