1 Wakorinto 3
3
Migongo ya kilukuli
1Mowandugu, na niye sividaha kulonga na mweye kamba mwa wanhu wa kiloho, bali kamba wene nghuli, kwa vija vumuli wana wadodo kumwake Kristo. 2Niwangʼweza matombo, siwadimile ugali, kilumbo hamnaudahile, vivo na dilelo hamnaudaha. 3Muhali tanhu wanhu wa kilukuli; kilumbo uhawa kuko kumwenu kwiyonela migongo na udesi, che, hamuli wa lukuli, na kugoga uchozi wa kimunhu? 4Kwa mzoko imonga yahalonga, Niye namunhu wa Paulo! na iyagwe, Niye namunhu wa Apolo, che, hamuli wanhu?
5Apolo yuyo yalihi? Paulo yuyo yalihi? Iwo wasanghani wawalangukize mweye kumtamanila Mndewa, na kila imonga kamba Mndewa viyamgwelele. 6Niye mhanda, Apolo kagelela mazi, bali Mulungu yuyo yoteze. 7Avo mwene kuhanda siyo, hebu mgelela mazi siyo, bali Mulungu mwene koteza yuyo. 8Munhu yuja yohanda, na yuja yogelela mazi, wagamba imwe, na hewo wopata kitumetume kila munhu cha kugaya kwake mwenyecho. 9Kilumbo tweye tosanghana hamonga na Mulungu; mweye mwamgunda wake na zengo ja Mulungu.
10Niye kwa vija vingwelelwe ugalu na Mulungu, nika lukwambaza kamba fundi mwene fiyuko za kuzenga; munhu iyagwe kozenga uchana mmwake, komu yateganye vija vondayazenge! 11Kwa mzoko kuduhu yadahile kwika lukwambaza luyagwe komu luluja, lumalile kwikigwa, alo lulo Yesu Kristo. 12Bali munhu yahazenga uchana mwa lukwambaza hilo kamba zahabu hebu feza hebu mabwe gana mali bwando, hebu mibiki hebu mijani hebu usoti – 13sanghano ya kila munhu yolawilila chalinze; yolagilwa siku hiyo ya ikitala, kwa mzoko yogubuligwa kwa moto; uja moto (wa nhaguso) wolinga sanghano ya kila munhu viili. 14Zengo ja munhu diyazengile uchana mwa nghwambaza, dihakala, kobokela miyawi. 15Kamba zengo ja munhu dihabanangika, hondayapate kinhu, komu mwenyecho kokomboligwa, bali kamba kubita umoto.
Ngʼando ya nhamanilo; avo kwitopela wanhu viha
16Hammanyile kamba mweye mwa ngʼanda ya Mulungu, na Loho ya Mulungu yamumo mgati yenu? 17Munhu yahaibananga ngʼanda ya Mulungu, Mulungu kombananga na heyo, kwa mzoko ngʼanda ya Mulungu ingʼala, iyo mweye.
18Munhu sikuyekonge; yahawa munhu kumwenu yokiwalanga kamba kana fiyuko za imbago ino, nayagalamke mbozi tanhu, giladi kwiza yakalagale mwihoko! 19Kilumbo hiwo ubala wa ulumwengu uno uwo ubozi hameso ga Mulungu, kwa mzoko yandikigwa,
Wakalagavu Mulungu kowanamasa muna uubala wawo wihile.
20Kabili,
Mndewa kazitanga ngelegeza za wene ubala kamba zabule lutondo!
21Avo munhu sikuyaitopele wanhu. Kilumbo gose igo genu: 22yahawa Paulo hebu Apolo, yahawa Kefa hebu imbago, uhawa ugima hebu kifo, gahawa galibaho hebu gondagawe baho; gose igo genu! 23Komu mweye mwa wanhu wa Kristo, na Heyo Kristo yuyo wa Mulungu.
Currently Selected:
1 Wakorinto 3: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
1 Wakorinto 3
3
Migongo ya kilukuli
1Mowandugu, na niye sividaha kulonga na mweye kamba mwa wanhu wa kiloho, bali kamba wene nghuli, kwa vija vumuli wana wadodo kumwake Kristo. 2Niwangʼweza matombo, siwadimile ugali, kilumbo hamnaudahile, vivo na dilelo hamnaudaha. 3Muhali tanhu wanhu wa kilukuli; kilumbo uhawa kuko kumwenu kwiyonela migongo na udesi, che, hamuli wa lukuli, na kugoga uchozi wa kimunhu? 4Kwa mzoko imonga yahalonga, Niye namunhu wa Paulo! na iyagwe, Niye namunhu wa Apolo, che, hamuli wanhu?
5Apolo yuyo yalihi? Paulo yuyo yalihi? Iwo wasanghani wawalangukize mweye kumtamanila Mndewa, na kila imonga kamba Mndewa viyamgwelele. 6Niye mhanda, Apolo kagelela mazi, bali Mulungu yuyo yoteze. 7Avo mwene kuhanda siyo, hebu mgelela mazi siyo, bali Mulungu mwene koteza yuyo. 8Munhu yuja yohanda, na yuja yogelela mazi, wagamba imwe, na hewo wopata kitumetume kila munhu cha kugaya kwake mwenyecho. 9Kilumbo tweye tosanghana hamonga na Mulungu; mweye mwamgunda wake na zengo ja Mulungu.
10Niye kwa vija vingwelelwe ugalu na Mulungu, nika lukwambaza kamba fundi mwene fiyuko za kuzenga; munhu iyagwe kozenga uchana mmwake, komu yateganye vija vondayazenge! 11Kwa mzoko kuduhu yadahile kwika lukwambaza luyagwe komu luluja, lumalile kwikigwa, alo lulo Yesu Kristo. 12Bali munhu yahazenga uchana mwa lukwambaza hilo kamba zahabu hebu feza hebu mabwe gana mali bwando, hebu mibiki hebu mijani hebu usoti – 13sanghano ya kila munhu yolawilila chalinze; yolagilwa siku hiyo ya ikitala, kwa mzoko yogubuligwa kwa moto; uja moto (wa nhaguso) wolinga sanghano ya kila munhu viili. 14Zengo ja munhu diyazengile uchana mwa nghwambaza, dihakala, kobokela miyawi. 15Kamba zengo ja munhu dihabanangika, hondayapate kinhu, komu mwenyecho kokomboligwa, bali kamba kubita umoto.
Ngʼando ya nhamanilo; avo kwitopela wanhu viha
16Hammanyile kamba mweye mwa ngʼanda ya Mulungu, na Loho ya Mulungu yamumo mgati yenu? 17Munhu yahaibananga ngʼanda ya Mulungu, Mulungu kombananga na heyo, kwa mzoko ngʼanda ya Mulungu ingʼala, iyo mweye.
18Munhu sikuyekonge; yahawa munhu kumwenu yokiwalanga kamba kana fiyuko za imbago ino, nayagalamke mbozi tanhu, giladi kwiza yakalagale mwihoko! 19Kilumbo hiwo ubala wa ulumwengu uno uwo ubozi hameso ga Mulungu, kwa mzoko yandikigwa,
Wakalagavu Mulungu kowanamasa muna uubala wawo wihile.
20Kabili,
Mndewa kazitanga ngelegeza za wene ubala kamba zabule lutondo!
21Avo munhu sikuyaitopele wanhu. Kilumbo gose igo genu: 22yahawa Paulo hebu Apolo, yahawa Kefa hebu imbago, uhawa ugima hebu kifo, gahawa galibaho hebu gondagawe baho; gose igo genu! 23Komu mweye mwa wanhu wa Kristo, na Heyo Kristo yuyo wa Mulungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.