Levítico 12
12
Bix u ma'alob utztal jun túul co'olel dzo'oc u si'ijil u yaal
1Yuumtzile' tu t'anaj Moisese' ca tu ya'alaj ti': 2A'al ti' le j israelitaobo': le quéen x yo'omchajac jun túul co'olel ca u síijes jun túul j xibil paale', cu p'áatal ma' utz yanil siete kiino'ob je'el bix wa táan u yilic u nooke'. 3Le chan paalo' yaan u súut kupta'al tu ocho kiinil síijic. 4Ba'ale' u maamae' yaan u dzaquicubáa u láak treinta yéetel óox p'éel kiino'ob. Ma' bíin páatac u machic mix jun p'éel quili'ich ba'ali', mix bíin páatac u yocol ich quili'ich naj wa ma' kuchuc u kiinil u yutztali'. 5Ba'ale' wa cu síijsic jun túul chan x ch'úupale', cu p'áatal ma' utz yanil catorce kiino'ob je'el bix wa táan u yilic u nooke', yéetel yaan u dzaquicubáa leti u láak sesenta yéetel seis kiino'ob.
6Le quéen dzo'ococ u dzaquicubáa ti' jun túul chan j xi'ipal wa ti' jun túul chan x ch'úupale', le maamao' unaj u bisic tu jool u noj Paselil Muuch'tal jun túul chan j taman ja'aben u ti'al u táanbes láaj tóocbil, bey xan jun túul chan sacpacal wa jun túul mucuy u ti'al quíimsbil tu yo'olal keban. Bíin u kub ti' le aj kiino', 7le aj kiino' cu táanbesic tu táan Yuumtzil u ti'al u káatic sa'atsaj si'ipil tu yo'olal leti; beyo' cu p'áatal utz yanil ti' u máansic u ki'ikel.
Le'ela' u a'almaj xiquinilo'ob u síijsa'al mejen j xi'ipal wa mejan x ch'úupalal. 8Wa le maama ma' chuca'an u taakin u ti'al u manic jun túul chan j tamane', je'el u páajtal u taasic ca'a túul mucuy wa ca'a túul mejen sacpacale', jun túul u ti'al u táanbes láaj tóocbili', yéetel u láak jun túule' u ti'al quíimsbil tu yo'olal keban; le aj kiino' bíin u káat sa'atsaj si'ipil tu yo'olal leti', beyo' leti'e' cu p'áatal utz yanil.
Currently Selected:
Levítico 12: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
