Levítico 10
10
Cu kebantal Nadab yéetel Abiú
1Nadab yéetel Abiú, tu ch'a'ajo'ob tu jujun túulil u nu'uculil t'aba'an chúuc, tu dzajo'ob u káakil yéetel u poomile', ca tu táanbeso'ob ti' Yuumtzil jela'an káak ma' u ya'almaj ca táanbesa'aqui'. 2Jóok túun káak tu táan Yuumtzile', ca jach tóoca'abo'ob. Bey quíimico'ob tu táan Yuumtzilo'. 3Cu dzo'ocole' Moisese' tu ya'alaj ti' Aarón: Leti' le ba'al tu yóoltaj u ya'al Yuumtzil ca j t'aanaj:
Le máaxo'ob cu náadzal tene' bíin in we'es in quili'ichil ti'ob, bey xan bíin in we'es ti' le j israelitaobo' in nojbe'enil. Aarone' ma' j t'aanaji'.
4Cu dzo'ocole' Moisese' tu t'anaj Misael yéetel Elzafán u paalal Uziel, u dzeyum Aarone', ca tu ya'alaj ti'ob: Co'otene'ex a jóokese'ex a láake'ex ti' le quili'ich naja', bise'ex tu paach le x péet caajo'.
5Leti'ob túune' j náadzo'obe' ca tu biso'ob pa'ate' yéetel u búuco'ob tu paach le x péetcaaj je'el bix tu ya'alajil Moiseso'.
Bix unaj u cuxtal le aj kiino'obo'
6Cu dzo'ocole' Moisese' tu ya'alaj ti' Aarón bey xan ti' Eleazar yéetel Itamar u paalal: Ma' chóoj wach'ic u tzo'otzel a poole'ex, mix a jatic a nooke'ex tu yo'olal u chíiculal okom quíimil, ma' xan ca quíimique'ex, ca u láal u p'u'ujul Yuumtzil tu yóokol le caaja'. Ba'ale' máax bíin oktico'obe' u yéet ki'ikelo'ob yéetel tuláacal u caajil Israel tu yo'olal le tóoc tu beetaj Yuumtzilo'. 7Ma' xan a náachtale'ex tu jool u noj Paselil Muuch'tal tu yo'olal ma' a quíimile'ex, tumen te'exe', jun páaycunta'ane'ex yéetel u aceite Yuumtzil. Je'el bix tu ya'alajil Moisese' bey tu beetilac.
8Yuumtzil xane' tu t'anaj Aarone', ca tu ya'alaj ti': 9Le quéen yanac a wocol, teech wa a paalal tu noj Najil Much'talo', ma' unaj a wukique'ex u kab uvai' mix paj ukulo'ob, tumen ma' xan ca quíimique'exi'. Lela' jun p'éel a'almaj t'aan u ti'al tuláacal kiin bíin máanac ti' taataob tac ti' u paalal, 10tu yo'olal beyo' te'exe' bíin páatac a kaj óoltique'ex ba'ax quili'ich yéetel ba'ax ma' quili'ich, ba'ax utz yanil yéetel ba'ax kaas yanil, 11bey bíin páatac xan a tzol xiquintique'ex ti' le j israelitaob le a'almaj t'aano'ob dzo'oc u dzáic Yuumtzil tu chi' Moiseso'.
12Cu dzo'ocole' Moisese' tu ya'alaj ti' Aarón, ti' Eleazar yéetel ti' Itamar u ca'a túul paalal Aarón cuxa'ano'obo': Ch'a'ex ti' u ti'ibil óolal jejeláas neeko'ob p'aatalo'ob ti' le ti'ibil óolalo'ob cu láaj tóoca'alo'ob ti' Yuumtzilo', jaante'ex x ma' levadurail tu tzéel u multuunil kultaj, tumen lelo' sen quili'ich. 13Jaante'ex ti' jun p'éel quili'ich cúuchil, tumen leti' le jaatz cu dza'abal ti' teech yéetel ti' a paalal ti' le ti'ibil óolalo'ob cu tóoca'al tu nojbe'enil Yuumtzilo'. Bey dzo'oc u nu'ucta'al teno'. 14Bey xan le tzeemo' chéen u ti'al ti'ibil óolal, le muuk ooc u ti'al bo'olilo', unaj a jaantique'ex ti' jun p'éel cúuchil utz yanil, teech, a j xibil paalal yéetel a x ch'upul paalal, tumen leti' le jaatzil cu dza'abal te'ex ti' u quíimsbil ba'alche'ilo'ob ca'a bisajbáil cu ku'ubul tumen le j israelitaobo'. 15Le muuk ooc u ti'al bo'olil, bey xan le tzeem u ti'ibil óolalil ca'a bisajbáilo', bíin bisa'aco'ob tu táan Yuumtzil u ti'al chéen táanbesbil tu tzéel le tzaatzo'ob cu táanbesa'alo'ob u ti'al láaj tóocbilo'. Le jaatz je'ela' mantadz a ti'al yéetel a paalal je'el bix dzo'oc u ya'alic Yuumtzilo'.
16Moisés túune' tu káataj tu'ux yaan le j yuuc cu quíimsa'al tu yo'olal kebano', ca a'ala'ab ti' dzo'oc u tóoca'al. Kuuxchaj túun ti' Eleazar yéetel Itamar, u ca'a túul paalal Aarón kuuxchaja'ano'obo', ca tu ya'alaj ti'ob: 17¿Ba'ax teen ma' ta jaante'ex le ba'alche' quíimsa'an tu yo'olal keban ti' jun p'éel quili'ich cúuchilo'? Lelo' sen quili'ich ba'al, tu dzaj te'ex Yuumtzil u ti'al a cuchique'ex u keban le caaj tu yo'olal a kamique'ex ti' Yuumtzil u sa'atsaj si'ipilo'ob. 18Je'el bix ma' j bisa'ab u ki'ikel ichil le quili'ich najo', te'exe' unaj a jaantique'ex ca'ach le ba'alche' quíimsa'an, ti' jun p'éel quili'ich cúuchil je'el bix in wa'almajilo'.
19Aarone' tu núucaj: Ile leti'obe' dzo'oc u táanbesico'ob bejela'e' tu táan Yuumtzil u quíimsbil ba'alche'il tu yo'olal u kebano'ob yéetel xan le cu láaj tóoca'alo'obo', bey xan dzo'oc u yúuchul teen le ba'alo'oba'. Wa ca kuchquen in jaant ca'ach le ba'alche' cu quíimsa'al tu yo'olal kebano', ¿je'el wa u yutztal tu táan Yuumtzile'? 20Le ca tu yu'ubaj Moisés le ba'ala', j qui'ima'acchaj u yóol.
Currently Selected:
Levítico 10: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
