Génesis 50
50
1José túune' táan u yokole', tu méekaj u wíinclil u taatae' ca tu dzu'udzaj. 2Cu dzo'ocole' tu ya'alaj ti' le aj dzaaco'ob cu meyajo'ob ti' leti'e', ca u kulinto'ob u wíinclil Israel u taata, ca tu beetajo'ob beyo'. 3Xaanchaj cuarenta kiino'ob táan u kulintico'ob, tumen cuarenta kiino'ob cu bisic le meyajo'.
Le j egipciobo' tu búuquintajo'ob u okomil nook setenta kiino'ob. 4Cu dzo'ocol u máan u kiinilo'ob le u okomil nooko', Josee' j t'aanaj yéetel u yéet meyajo'ob tu jalach naj faraone', ca tu ya'alaj ti'ob:
Wa jach tu jaajil utze'ex tin wéetele' beete'ex utz a wa'alique'ex ti' faraón 5le ta'itac u quíimil in taatae', tu beetaj in jalach t'antic ti'e', le quéen quíimique' ca in muc ti' jun p'éel mucnal u máakantmaj tu lu'umil Canaán. Bey túuna', quin káat óoltic ti' ca u cha'a in bin in muc in taata; chéen p'el in muquique' quin suut.
6Le faraono' tu núucaj ti':
Xeen a muc a taata je'el bix tu ya'alijilac teche'.
7Josee', j bin u muc u taata, j láakinta'ab tumen u nuuquilo'ob le jalach najo', le je'enquex yaan páajtalil ti'ob te tu jalach naj faraón tu lu'umil Egiptoo'. 8Tac xan u paalal Jacob, u paalal José, yéetel u sucu'uno'ob. Tu lu'umil Gosene' chéen j p'áato'ob le paalalo'ob yéetel le ba'alche'obo'. 9Yaan xan máaco'ob j bino'ob ti' bolan yéetel ti' tzíimin u ti'al u láakintico'ob José, yanchaj ya'abcach máaco'ob. 10Le ca j kucho'ob Atad-Goren, le yaan tu lakin Jordano' tu beetajo'ob jun p'éel x qui' óotzil u tich'kabil#50.10 tich'kabil, jun p'éel meyaj cu beetico'ob ca'ach le ajkino'ob ichil u kultajo'obo'. Cu ya'alal xan tzolanil. quíimil. Te'elo' Josee' tu búuquintaj u nookil okomil siete kiino'ob.
11Le ca tu yilajo'ob le j cananeob bix u tich'kabil le mucsajo' tu ya'alajo'ob: le egipciobo' jach qui' óotzil u mucsajo'ob. Let o'olal tu dzajo'ob u kaaba'int le cúuchil yaan tu lakin le Jordano', Abel-mizraim.
12U paalal Jacobe' tu beetajo'ob ti' tuláacal je'el bix tu káataj ti'obe', 13Bey tu bisilaco'ob Canaane', ca tu mucajo'ob tu áactunil Macpela le tu manaj Abraham ti' Efrón le j hititaile', u ti'al u mucnal tuláacal le láaktzilo'obo'. Le cúuchil yéetel le mucnalo' ti' yano'ob tu lakin Mamree'. 14Josee', cu dzo'ocol u muquic u taatae', suunaj Egipto pa'ate' yéetel u sucu'uno'ob, je'el bix xan tuláacal le máaxo'ob j láakintico'obo'.
U yalab u kiinilo'ob José
15Tu yo'olal dzo'oc u quíimil Jacobe', u sucu'uno'ob Josee' tu tucultajo'ob: U p'ectmajo'on wal Josee', bin wal u sut ti' to'on le kaas t beetaj ti'e'. 16Ca túun tu túuxtajo'ob a'albil ti': Ma'ili' quíimic a taatae', tu ya'alaj to'on 17ca c a'al ti' teech: Quin káat óoltic ti' teech ca a beet utz a sa'atsic u kasa'anil yéetel u keban a sucu'uno'ob, máaxo'ob tu bisajuba'ob jach kaas ta wéetel. Let o'olale' táan c káat óoltic teech ca a sa'ates c kasa'anil, tumen u palitzilo'on u Ku a taata.
Ca'aliquil le aj bisaj t'aano'ob táan u dzáico'ob le tuchi' t'aana', Josee' táan u yokol. 18J kucho'ob túun u sucu'uno'obe' ca j chinlajo'ob tac kuchic u noctalo'ob j lu'um, ca tu ya'alajo'ob ti':
Way yano'one', a palitzilo'on.
19Ba'ale' j núuca'ab ti'ob tumen José:
Ma' a ch'a'ique'ex sajaquil. Tene' ma' tu páajtal in dzáiquinbáa tu cúuchil Ku. 20Te'exe' ta tucultaje'ex, a beetique'ex teen kaas, ba'ale' Kue' tu kexaj le kaas yéetel utzil, u ti'al u beetic le ba'ax c ilic bejela'e': u ti'al u dzáic cuxtal ti' ya'abcach máaco'ob. 21Bey túuno' ma' ch'a'ique'ex sajaquil. Teen bíin in dzáa ba'al a jaante'ex, bey xan ti' a paalale'ex.
Bey úuchic u jedzcunta'al u yóolo'ob tumem Joseo', leti'e' tu t'anajo'ob yéetel ya'abcach yaacunaj.
U quíimbal José
22José yéetel u láaktzilo'ob u taatae' láili' j p'áato'ob cajtal Egiptoe'. Josee', cuxlaj ciento diez ja'abo'ob, 23J kuch u yil u j ca'a áabilo'ob Efraín. Kuch xan u kam bey j ichnajilo'ob u paalal Maquir u yáabile'; Maquire' u paal Manasés.
24Jun p'éel kiine' Josee' tu ya'alaj ti' u sucu'uno'ob: Jun p'íit kiin cu bineltic in quíimil, ba'ale' Kue' bíin taalac u yáante'ex, bíin u jóokese'ex ti' le múuch' caajo'oba', u ti'al ca u bise'ex te j lu'um u ya'almaj u dzic ti' Abraham, Isaac yéetel ti' Jacob. 25Ca túun tu beetaj ca jalach t'anta'ac ti' tumen u paalal Israel ca tu ya'alaj ti'ob: Jach tu jaajile' yaan u taal Ku u ti'al u yáante'ex. Le quéen béeychajaque', te'exe' unaj a bisique'ex in baaquelo'ob.
26Josee', ciento diez u ja'abilo'ob ca j quíim tu noj caajil Egipto, cu dzo'ocol u kulincunajil u wíinclile', j dzaab ti' jun p'éel x maben che'.
Currently Selected:
Génesis 50: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
