Éxodo 24
24
U jedzcunajil nup t'aan
1Yuumtzile' tu ya'alaj ti' Moisés: na'aquen yéetel Aarón, Nadab, Abiú yéetel xan setenta u nuuquilo'ob Israel, ti' le cúuchil tu'ux yanena'; ba'ale' p'áataco'ob chan náach, xolaco'ob te'elo'. 2Chéen teech je'el u páajtal a náadzal ti' tene'; le u chuca'ano'obo' ma' u najmal u náadzalo'obi', mix le máaco'ob bíin na'acaco'ob ta wéetel.
3Moisese' j bin u tzicbalt ti' le caaj tuláacal le ba'ax a'ala'ab ti' tumen Yuumtzil ca beeta'aco', ca tu núucaajo'ob yéetel jun p'éelili' t'aan: Je'el c beetic tuláacal le ba'ax dzo'oc u ya'alic Yuumtzilo'.
4Moisés túune' tu dzíibtaj tuláacal le ba'ax tu ya'alaj Yuumtzilo'; tu ja'atzcabil u láak kiine', j líike' ca tu beetaj jun p'éel u multuunil kultaj tu chuun le pu'uco', ca tu tzolaj doce quili'ich tuunicho'ob, jun p'éel tu yo'olal u jujun múuch'ul u ch'i'ibalilo'ob Israel. 5Cu dzo'ocole' ca'a tu túuchi'itaj wa jay túul u táanquelem paalilo'ob Israel u quíimso'ob j xiibil wacaxo'ob, u ti'al u táanbeso'ob ti' Yuumtzil láaj tóocbil yéetel quíimsbil u ti'al ca'a bisajbáil. 6Moisese' tu ch'a'aj táanchumuc le ki'iko' ca tu dzáa ti' wa jay p'éel nucuch laco'ob, u láak táancoche' tu tzitzaj yóokol le multuuno'. 7Cu dzo'ocole' tu ch'a'a u dzíibil ju'unil le nup t'aano' ca tu xocaj ti' le caajo', leti'obe' tu ya'alajo'ob: Yaan c dzáic tuláacal c táan óolal u ti'al c beetic ba'ax dzo'oc u ya'alic to'on Yuumtzil.
8Moisés túune' tu ch'a'a le ki'iko' ca tu tzitzaj tu yóokol le máaco'ob ca'aliquil táan u ya'alic: Lela' leti' le ki'ik cu jedzcuntic u nup t'aan Yuumtzil ta wéetele'ex je'el bix u ya'almajile'.
9Moisese' j na'ac te j pu'uc yéetelo'ob Aarón, Nadab, Abiú yéetel setenta u nuuquilo'ob Israel. 10Te'elo' tu yilajo'ob u Ku Israel: tu yáanal yooc tu'ux cu pe'echake' yaan ca'ach jun p'éel ba'al cu léembal bey safiro sáas jope'en bey je'el bix le ca'ano'. 11Kue' ma' tu loobiltaj le máaco'ob u nuuquilo'ob Israelo', leti'obe' tu yilajo'ob Ku, jaano'ob yéetel u kulnajo'ob xan.
Moisese' cu na'acal tu witzil Sinaí
12Yuumtzile' tu ya'alaj ti' Moisés: Na'aquen te j witz tu'ux yanena', pa'aten te'elo', tumen bin in ca'aj in dzáa teech wa jay p'éel jaajay tuunicho'ob tu'ux in dzíibtmaj in nup t'aano'ob u ti'al u ca'ansajil le j israelitaobo'.
13Moisese', j líike' ca j na'ac tu ca'anal jo'ol lu'um Ku pa'ate'e' yéetel Josué u aj áantaj. 14Ti' u nuuquilo'ob Israele' tu ya'alaj: Pa'ate'ex c suut way ti' le cúuchila'. Way cun j bino'ob j p'áatal Aarón yéetel Hur ta wéetele'exe', wa yaan chi'ichnaquil ti' wa máaxe' a'ale'ex ti' leti'ob.
15Cu dzo'ocol u ya'alic lela', Moisese' j na'ac te j witzo', ca j pi'ix le witzo' tumen jun p'éel múuyal. 16U nojbe'enil Yuumtzile', j jáay yóokol u pu'uquil Sinaí, ca tu balaj seis kiino'ob. Tu siete kiine' Yuumtzile' tu t'anaj Moisés ichil le múuyalo'. 17U nojbe'enil Yuumtzile', j chíicpaj ti' le j israelitaob bey jun p'éel káak cu tóoquic u asab ca'analil le pu'uco'. 18Moisese' j ooc ichil le múuyalo' ca j na'ac te j witzo', ca j p'áat cuarenta kiino'ob yéetel cuarenta áakabo'obi'.
Currently Selected:
Éxodo 24: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
