1 MACABEOS 3
3
Judas Macabeo
1Judas Macabeo túune' j p'áat u jeelint u cúuchil u taata. 2Áanta'ab tumen tulacáal u láaktzilo'ob bey xan u tzay pacho'ob u taata, tu kubjuba'ob u ti'al j ba'atel yéetel chuca'an óol tu yo'olal Israel.
3Judase' tu beetaj u náachtal u tzicbalil u caajal;
tu beetjubáa jun túul nojoch mu'uka'an j tu dzaj u búuquil ba'atel ca tu ch'icnaktaj u máascabil ba'atel.
Xi'ic u bin u ba'atel x ma' je'elelil,
tu canantaj u aj ba'atelo'ob tu yéetel u yej u máascab.
4Tu yo'olal le ba'axo'ob tu beetaje' j ila'ab bey jun túul léone',
bey jun túul chan léon cu bin tu paach ba'ax cu dzonique'.
5Tu ch'a'apachtaj le j kaakas máaco'obo' ca tu chucpachtajo'ob,
tu kubaj ti' káak le máaxo'ob ja'asic u yóol u caajal.
6Tu táan leti'e' le kaakas máaco'obo' j chu'upo'ob yéetel sajquil,
le máaxo'ob xan cu meen kaaso'obo' ma' j béeychajo'obi';
tu kabe' j bin utzil ti' le jáalkabilo'.
7Tu káajcuntaj u cuxtal ya'ab ajawo'ob,
ba'ale' tu qui'imaccuntaj yóol u caajal Jacob tu yéetel u pa'a muuko'ob.
U kaaba'e' bíin ka'ajsa'ac yéetel qui'iqui' t'aan u ti'al kiino'ob mina'an u xuul.
8Tu xíimbaltaj u caajilo'ob Judeae' ca tu xu'ulsaj le kaakas máaco'ob yano'obo'.
Tu tzelaj Israel ti' nucuch jaadzo'ob;
9u tzicbalile' j kuch tac tu xuul yóokolcaab,
tumen tu much'quintaj jun p'éel caaj ta'itac u xu'ulsa'al ca'achi.
10Apolonioe' tu much'quintaj jun múuch' aj ba'atelo'ob xa'aka'an yéetel j ma' ocsaj óol caajo'ob bey xan yéetel samaritano'ob, u ti'al j ba'atel tu yéetel Israel. 11Judase' tu yojéeltaje' ca jóok u pa'ate', tu pa'aj u muuke' ca tu quiimsaj. Ya'ab u aj p'eeco'ob j quíimo'ob u chuuca'ano'obe' j púudzo'ob. 12Le judíobo' tu molajo'ob le ayikalilo'obo', Judase' tu tocaj u máascab Apolonio. Mantadz kiino'ob ba'atelnaj tu yéetel le máascabo'.
13Le ca tu yojéeltaj Serón, u náacom u aj ba'atelo'ob Siria, dzo'oc u much'quinta'al tumen Judas le máaxo'ob chuca'an yóolo'ob u ti'al j ba'atelo', 14tu tucultaj: bin in ca'aj in beetinbáa nojochil, bin in ca'aj in náajalt ya'abcach tziiquilo'ob ti' le ajawil, iquil in ba'atel yéetel Judas bey xan tu yéetel u t'u'ulpacho'ob, tumen leti'obe' ma' táan u dzo'ocbesico'ob ba'ax cu ya'alic ajaw. 15Tu paache' j bin ya'abcach kéex óol judíob, bino'ob u yáanto'ob u ti'al u sutico'ob u jeel loob ti' le j israelitaobo'. 16Le ca j kuch Serón tu níixil Bet-horone', jóok nactáantbil tumen Judas yéetel jun p'íit j xiibo'ob. 17Ba'ale' le ca tu yilajo'ob le aj ba'atelo'ob cu taal tu yóokolo'obo', tu ya'alajo'ob ti' Judas:
¿Bix bíin ba'atelnaco'on wa jach jun p'íito'on, tu táan aj ba'atelo'ob sen ya'abo'ob bey xan sen mu'ukano'ob?.
18Judase' tu núucaj:
Jach ma' talam u lúubul ya'abcacch aj ba'atelo'ob tu kab jun p'íiti', Kue' cu dzáic pa' muuk tu kab ya'ab bey xan tu kab jun p'íit. 19U náajalta'al jun p'éel ba'atele' ma' tu kab ya'ab aj ba'atelo'ob u taali', ba'ale' ti' le muuk cu dzáic Ku. 20Leti'obe' cu taalo'ob t óokol chuupo'ob yéetel noj ba'alil bey xan yéetel ma' ocsaj óolil, u ti'al u quiimso'ono'ob, c atano'ob c paalal, bey xan u ti'al u yocolto'ob le ba'axo'ob yaan to'ono'. 21Ba'ale' to'one' táan c ba'atel tu yo'olal c cuxtal bey xan tu yo'olal ba'axo'ob suuc ti' to'on. 22Bey túuno' ma' a ch'a'ique'ex sajaquil ti' leti'ob, bíin xe'exeta'aco'ob tumen Ku tu táan c iche'ex.
23Le ca j dzo'oc u t'aane' tu puljubáa tu yóokol u aj p'eeco'ob, Serón yéetel u aj ba'atelo'obe' j pa'ab u muuko'ob. 24Cu dzo'ocole' j ch'a'ab u paacho'ob tac u yéembal Bet-horón, tac u kuchbal táax koom, lúub j lu'um bey ochocientos j xiibo'ob ti' le aj p'eeco'obo', u chuuca'ano'obe' j púudzo'ob tu lu'um j filisteob. 25Tuláacal jo'op' u ch'a'ic sajaquil ti' Judas yéetel u láako'ob, le caajo'ob yano'ob tu tzéelo'obo' j chu'upo'ob tu yéetel sajaquil. 26U Tzicbalil Judase' j kuch tac tu yicnal ajaw, ti' tuláacal múuch' caajo'ob cu tzicbalta'al u pa'a muuko'ob.
Antíoco yéetel u náacomo'ob
27Le ca tu yojéeltaj Antíoco le ba'alo'oba' j p'u'uji, ca tu túuxtaj nu'ucbesbil tuláacal u aj ba'atelo'ob yaan tu ajawil, jun múuch' aj ba'atelo'ob sen mu'uka'an. 28Tu je'aj u nu'ucul tu'ux yaan u taakine' ca tu bo'otaj u aj ba'atelo'ob tuláacal jun p'éel ja'ab, ca tu ya'alaj ti'ob ca u nu'ucbesjuba'ob u ti'al je'el ba'ala'aque'. 29Ba'ale' le ca tu yilaj dzo'oc u xu'upul le taakin te tu ayikalil le jalach najo', u láak ba'ale' le páatano'obo' dzo'oc u p'áatal chéen jun p'íit tu yo'olal le lik óolo'ob bey xan le óotzililo'ob tu taasaj te j múuch' caajo', tumen dzo'oc kexic le ba'ax suucja'an ca'ach úuche', 30tu ch'a'aj sajaquil ca úuchuc ti' le ba'ax yáax ucha'an ti'e': u p'áatal x ma' taakinil u ti'al u bo'ol yéetel u dzáic siibalo'ob asab co'ojtaco'ob ti' le cu dáic le ajawo'ob máanja'ano'ob taanil ti' leti'o'. 31Le ca tu yilaj yaj yanile', tu tucultaj u bin persia u ti'al u tzáa ca bo'ota'ac ti' u páatanilo'ob péet caajo'ob, tu yo'olal u much'quintic ya'abcach taakin. 32Ca'aliquile' tu p'ataj Lisias, jun túul u nojoch máaquil jalach naj, u ti'al ilic u ba'aluba'ob ajawil, cu chu'unpajal tu áalcab ja'il Éufrates tac u kuchbal Egipto. 33Tu ya'alaj xan ti' ca u canant Antíoco u paal ca'aliquil, u suut. 34Tu kubaj tu kab táanchumuc u aj ba'atelo'ob yéetel u elefanteob, tu ya'alaj xan ti' ba'axo'ob cu tucultic u beetic, tu kubentaj ti' tu yo'olal Judea yéetel Jerusalén. 35Tu ya'alaj ti' Lisias ca u túuxte jun múuch' aj ba'atelo'ob u ti'al xu'ulsic u aj ba'atelo'ob Israel bey xan le p'aatalo'ob Jerusaleno', u ti'al ca u lukes ti' le lu'umo' u ti'al tac ca tu'ubsa'aco'ob. 36Ti' tuláacal le lu'umo'ob je'elo' unaj u t'oxic táanxel lu'umilo'obi', ca u t'ox le lu'um ti'obo'. 37Ajaw Antíocoe' tu bisaj u láak táanchumuc le aj ba'atelo'obo', tu ja'abil ciento cuarenta y siete' tu cáajsaj u bin ti' u lukbal Antioquía le noj caajo'. Tu ch'actaj u áalcab ja'il Éufrates ca j bin tac tu bejilo'ob u péet caajilo'ob u táax koomil witz.
Cu búut'ul aj ba'atelo'ob tu lu'umil Judá
38Lisiase' tu yéeyaj Tolomeo u paal Dorimeno, bey xan Nicanor yéetel Gorgias xiixib máaco'ob ichil u yéet óolo'ob ajaw, 39ca tu túuxtajo'ob tu táan cuarenta mil xíimbal oc aj ba'atelo'ob yéetel siete mil aj nat' tzíimino'ob u ti'al ca ococo'ob u xu'ulso'ob Judá je'el bix u ya'almajil ajawo'. 40Leti'obe' jo'op' u xíimbalo'ob tu yéetel tuláacal u aj ba'atelo'obe' ca j kucho'ob tac Emaús, ti' le táax koom tu'ux je'elo'obo'. 41U man coonolilo'ob le cúuchilo', le ca tu yu'ubajo'ob u tzicbalil le aj ba'atelo'obo', tu ch'a'ajo'ob ya'ab plata yéetel oro bey xan joken jooko'obe', ca j bino'ob ti' le cúuchilo' u ti'al u mano'ob j isrelitaob u ti'al palitzil. Le aj ba'atelo'obo' j ya'abcunta'abo'ob tu yéetel u aj ba'atelilo'ob j siriob bey xan j filisteob. 42Judas yéetel u láako'obe' tu yilajo'ob jach yaj yanilo'ob, tumen le aj ba'atelo'obo' dzo'oc u nu'ucbesicuba'ob ichil le lu'umo'. Tu yojéeltajo'ob xan j a'ala'ab tumen ajaw ca xu'ulsa'ac le caajo', 43ca tu ya'alajo'ob tu baatzilo'ob: ¡Co'one'ex toquic le c caajal ti' le xu'ulsajo'! ¡Ba'atelnaco'on tu yo'olal c lu'um bey xan tu yo'olal kulnaj!
44Bey túuno' j much'laj le caajo' u ti'al ca u nu'ucbesuba'ob u ti'al le ba'atelo', bey xan u ti'al payalchi' tu yo'olal u káatico'ob ti' Ku, ch'a'a óotzilil.
45Jerusalene' bey ca'ach jun p'éel x tocoy lu'um, mina'an u cajnáalilo'obe';
mix máac ca'ach cu péec ichil le caajo';
le kulnajo' dzo'oc ca'ach u manba'alcunta'al;
táanxel lu'umil wíinico'ob cajnáalo'ob ti' le pakil najil canano',
bejela'e' u cúuchil u ta'acbesicubáa táanxel lu'umilo'ob.
Le Judíobo' cu much'icuba'ob Mizpa
(2 Mac 8.16-23)
46Le j israelitaobo' tu much'juba'ob Mizpa actáan ti' Jerusalén, tumen úuch ca'ache' le j israelitaobo' yanchaj te'elo' u cúuchil u kultajo'ob. 47Ti' le kiin j su'ukinajo'ob, tu búuquintajo'ob j to'och nooko'ob, tu tosajo'ob ta'anil káak tu poolo'ob yéetel tu jatajo'ob u nooko'ob. 48Tu machajo'ob u ju'unil a'almaj t'aan u ti'al u xoco'ob tu yo'olal u caxtico'ob le tzol xiquino'ob cu caxta'al tumen le ma' ocsaj óolo'ob ti' beetbil kuo'obo'. 49Taasa'ab xan u nooko'ob le aj kiino'obo', u yáax ich pakalo'ob bey xan diezmos; beeta'ab u taal dze'edzec nazareob dzo'oc u kuchul u kiinil u dzo'ocbesico'ob u séeb chi'ob, 50ca káat óolnajo'ob ti' Ku táan u ya'alico'ob: ¿Ba'ax unaj c beetic yéetel le máaco'oba'? ¿Tu'ux bíin c biso'ob? 51A kulnaje' dzo'oc u manba'alcunta'al; aj kiino'obe' u búuquintmajo'ob u nookilo'ob okom óolal, cu dzo'ocole' t'onquinano'ob. 52Il bix dzo'oc u much'icubáa le ma' ocsaj óolo'ob u ti'al u xu'ulso'ono'. Teche' a wojel ba'ax u kax t'antmajo'ob t o'olal. 53¿Bix je'el u páajtal c ba'atel tu yéetelo'ob wa ma'a ta wáantico'one'? 54Tu séeblaquil jóopsa'ab le paaxo'obo' ca yanchaj ka'am awat.
55Cu dzo'ocole' Judase' tu yéeyaj ichil le caajo', náacomo'ob tu yóokol u múuch'ul mil, cien, cincuenta yéetel diez. 56Jach je'el bix u ya'alic a'almaj t'aane', tu ya'alaj ca suunac tu yotocho'ob le máaxo'ob táan u beetico'ob u yotocho'ob, le táant u dzo'ocol u beelo'obe', le máaxo'ob táan pakico'ob uvae' yéetel le máaxo'ob sajaco'ob. 57Cu dzo'ocole' le aj ba'atelo'obo' jo'op' u bino'ob, ca je'elo'ob tu j noojol Emaús. 58Judase' tu ya'alaj ti' leti'ob: ¡Nu'ucbesaba'ex! ¡Xiixib máacchajaque'ex, nu'ucbesaba'ex u ti'al j ba'atel sáamal piknal u sáastal tu yéetel le ma' ocsaj óolo'ob cu taalo'ob u puljuba'ob t óokol u ti'al u xu'ulso'ono'ob yéetel u ti'al u jeno'ob c kulnaj! 59Asab ma'alob ca quíimico'on ichil ba'atel tu yo'olal ma' c ilic u lúubul subtzilil ti' c caajal yéetel c kulnaj. 60¡Ba'ale' úuchuc le ba'ax u káat Yuum Kue'!
Currently Selected:
1 MACABEOS 3: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
1 MACABEOS 3
3
Judas Macabeo
1Judas Macabeo túune' j p'áat u jeelint u cúuchil u taata. 2Áanta'ab tumen tulacáal u láaktzilo'ob bey xan u tzay pacho'ob u taata, tu kubjuba'ob u ti'al j ba'atel yéetel chuca'an óol tu yo'olal Israel.
3Judase' tu beetaj u náachtal u tzicbalil u caajal;
tu beetjubáa jun túul nojoch mu'uka'an j tu dzaj u búuquil ba'atel ca tu ch'icnaktaj u máascabil ba'atel.
Xi'ic u bin u ba'atel x ma' je'elelil,
tu canantaj u aj ba'atelo'ob tu yéetel u yej u máascab.
4Tu yo'olal le ba'axo'ob tu beetaje' j ila'ab bey jun túul léone',
bey jun túul chan léon cu bin tu paach ba'ax cu dzonique'.
5Tu ch'a'apachtaj le j kaakas máaco'obo' ca tu chucpachtajo'ob,
tu kubaj ti' káak le máaxo'ob ja'asic u yóol u caajal.
6Tu táan leti'e' le kaakas máaco'obo' j chu'upo'ob yéetel sajquil,
le máaxo'ob xan cu meen kaaso'obo' ma' j béeychajo'obi';
tu kabe' j bin utzil ti' le jáalkabilo'.
7Tu káajcuntaj u cuxtal ya'ab ajawo'ob,
ba'ale' tu qui'imaccuntaj yóol u caajal Jacob tu yéetel u pa'a muuko'ob.
U kaaba'e' bíin ka'ajsa'ac yéetel qui'iqui' t'aan u ti'al kiino'ob mina'an u xuul.
8Tu xíimbaltaj u caajilo'ob Judeae' ca tu xu'ulsaj le kaakas máaco'ob yano'obo'.
Tu tzelaj Israel ti' nucuch jaadzo'ob;
9u tzicbalile' j kuch tac tu xuul yóokolcaab,
tumen tu much'quintaj jun p'éel caaj ta'itac u xu'ulsa'al ca'achi.
10Apolonioe' tu much'quintaj jun múuch' aj ba'atelo'ob xa'aka'an yéetel j ma' ocsaj óol caajo'ob bey xan yéetel samaritano'ob, u ti'al j ba'atel tu yéetel Israel. 11Judase' tu yojéeltaje' ca jóok u pa'ate', tu pa'aj u muuke' ca tu quiimsaj. Ya'ab u aj p'eeco'ob j quíimo'ob u chuuca'ano'obe' j púudzo'ob. 12Le judíobo' tu molajo'ob le ayikalilo'obo', Judase' tu tocaj u máascab Apolonio. Mantadz kiino'ob ba'atelnaj tu yéetel le máascabo'.
13Le ca tu yojéeltaj Serón, u náacom u aj ba'atelo'ob Siria, dzo'oc u much'quinta'al tumen Judas le máaxo'ob chuca'an yóolo'ob u ti'al j ba'atelo', 14tu tucultaj: bin in ca'aj in beetinbáa nojochil, bin in ca'aj in náajalt ya'abcach tziiquilo'ob ti' le ajawil, iquil in ba'atel yéetel Judas bey xan tu yéetel u t'u'ulpacho'ob, tumen leti'obe' ma' táan u dzo'ocbesico'ob ba'ax cu ya'alic ajaw. 15Tu paache' j bin ya'abcach kéex óol judíob, bino'ob u yáanto'ob u ti'al u sutico'ob u jeel loob ti' le j israelitaobo'. 16Le ca j kuch Serón tu níixil Bet-horone', jóok nactáantbil tumen Judas yéetel jun p'íit j xiibo'ob. 17Ba'ale' le ca tu yilajo'ob le aj ba'atelo'ob cu taal tu yóokolo'obo', tu ya'alajo'ob ti' Judas:
¿Bix bíin ba'atelnaco'on wa jach jun p'íito'on, tu táan aj ba'atelo'ob sen ya'abo'ob bey xan sen mu'ukano'ob?.
18Judase' tu núucaj:
Jach ma' talam u lúubul ya'abcacch aj ba'atelo'ob tu kab jun p'íiti', Kue' cu dzáic pa' muuk tu kab ya'ab bey xan tu kab jun p'íit. 19U náajalta'al jun p'éel ba'atele' ma' tu kab ya'ab aj ba'atelo'ob u taali', ba'ale' ti' le muuk cu dzáic Ku. 20Leti'obe' cu taalo'ob t óokol chuupo'ob yéetel noj ba'alil bey xan yéetel ma' ocsaj óolil, u ti'al u quiimso'ono'ob, c atano'ob c paalal, bey xan u ti'al u yocolto'ob le ba'axo'ob yaan to'ono'. 21Ba'ale' to'one' táan c ba'atel tu yo'olal c cuxtal bey xan tu yo'olal ba'axo'ob suuc ti' to'on. 22Bey túuno' ma' a ch'a'ique'ex sajaquil ti' leti'ob, bíin xe'exeta'aco'ob tumen Ku tu táan c iche'ex.
23Le ca j dzo'oc u t'aane' tu puljubáa tu yóokol u aj p'eeco'ob, Serón yéetel u aj ba'atelo'obe' j pa'ab u muuko'ob. 24Cu dzo'ocole' j ch'a'ab u paacho'ob tac u yéembal Bet-horón, tac u kuchbal táax koom, lúub j lu'um bey ochocientos j xiibo'ob ti' le aj p'eeco'obo', u chuuca'ano'obe' j púudzo'ob tu lu'um j filisteob. 25Tuláacal jo'op' u ch'a'ic sajaquil ti' Judas yéetel u láako'ob, le caajo'ob yano'ob tu tzéelo'obo' j chu'upo'ob tu yéetel sajaquil. 26U Tzicbalil Judase' j kuch tac tu yicnal ajaw, ti' tuláacal múuch' caajo'ob cu tzicbalta'al u pa'a muuko'ob.
Antíoco yéetel u náacomo'ob
27Le ca tu yojéeltaj Antíoco le ba'alo'oba' j p'u'uji, ca tu túuxtaj nu'ucbesbil tuláacal u aj ba'atelo'ob yaan tu ajawil, jun múuch' aj ba'atelo'ob sen mu'uka'an. 28Tu je'aj u nu'ucul tu'ux yaan u taakine' ca tu bo'otaj u aj ba'atelo'ob tuláacal jun p'éel ja'ab, ca tu ya'alaj ti'ob ca u nu'ucbesjuba'ob u ti'al je'el ba'ala'aque'. 29Ba'ale' le ca tu yilaj dzo'oc u xu'upul le taakin te tu ayikalil le jalach najo', u láak ba'ale' le páatano'obo' dzo'oc u p'áatal chéen jun p'íit tu yo'olal le lik óolo'ob bey xan le óotzililo'ob tu taasaj te j múuch' caajo', tumen dzo'oc kexic le ba'ax suucja'an ca'ach úuche', 30tu ch'a'aj sajaquil ca úuchuc ti' le ba'ax yáax ucha'an ti'e': u p'áatal x ma' taakinil u ti'al u bo'ol yéetel u dzáic siibalo'ob asab co'ojtaco'ob ti' le cu dáic le ajawo'ob máanja'ano'ob taanil ti' leti'o'. 31Le ca tu yilaj yaj yanile', tu tucultaj u bin persia u ti'al u tzáa ca bo'ota'ac ti' u páatanilo'ob péet caajo'ob, tu yo'olal u much'quintic ya'abcach taakin. 32Ca'aliquile' tu p'ataj Lisias, jun túul u nojoch máaquil jalach naj, u ti'al ilic u ba'aluba'ob ajawil, cu chu'unpajal tu áalcab ja'il Éufrates tac u kuchbal Egipto. 33Tu ya'alaj xan ti' ca u canant Antíoco u paal ca'aliquil, u suut. 34Tu kubaj tu kab táanchumuc u aj ba'atelo'ob yéetel u elefanteob, tu ya'alaj xan ti' ba'axo'ob cu tucultic u beetic, tu kubentaj ti' tu yo'olal Judea yéetel Jerusalén. 35Tu ya'alaj ti' Lisias ca u túuxte jun múuch' aj ba'atelo'ob u ti'al xu'ulsic u aj ba'atelo'ob Israel bey xan le p'aatalo'ob Jerusaleno', u ti'al ca u lukes ti' le lu'umo' u ti'al tac ca tu'ubsa'aco'ob. 36Ti' tuláacal le lu'umo'ob je'elo' unaj u t'oxic táanxel lu'umilo'obi', ca u t'ox le lu'um ti'obo'. 37Ajaw Antíocoe' tu bisaj u láak táanchumuc le aj ba'atelo'obo', tu ja'abil ciento cuarenta y siete' tu cáajsaj u bin ti' u lukbal Antioquía le noj caajo'. Tu ch'actaj u áalcab ja'il Éufrates ca j bin tac tu bejilo'ob u péet caajilo'ob u táax koomil witz.
Cu búut'ul aj ba'atelo'ob tu lu'umil Judá
38Lisiase' tu yéeyaj Tolomeo u paal Dorimeno, bey xan Nicanor yéetel Gorgias xiixib máaco'ob ichil u yéet óolo'ob ajaw, 39ca tu túuxtajo'ob tu táan cuarenta mil xíimbal oc aj ba'atelo'ob yéetel siete mil aj nat' tzíimino'ob u ti'al ca ococo'ob u xu'ulso'ob Judá je'el bix u ya'almajil ajawo'. 40Leti'obe' jo'op' u xíimbalo'ob tu yéetel tuláacal u aj ba'atelo'obe' ca j kucho'ob tac Emaús, ti' le táax koom tu'ux je'elo'obo'. 41U man coonolilo'ob le cúuchilo', le ca tu yu'ubajo'ob u tzicbalil le aj ba'atelo'obo', tu ch'a'ajo'ob ya'ab plata yéetel oro bey xan joken jooko'obe', ca j bino'ob ti' le cúuchilo' u ti'al u mano'ob j isrelitaob u ti'al palitzil. Le aj ba'atelo'obo' j ya'abcunta'abo'ob tu yéetel u aj ba'atelilo'ob j siriob bey xan j filisteob. 42Judas yéetel u láako'obe' tu yilajo'ob jach yaj yanilo'ob, tumen le aj ba'atelo'obo' dzo'oc u nu'ucbesicuba'ob ichil le lu'umo'. Tu yojéeltajo'ob xan j a'ala'ab tumen ajaw ca xu'ulsa'ac le caajo', 43ca tu ya'alajo'ob tu baatzilo'ob: ¡Co'one'ex toquic le c caajal ti' le xu'ulsajo'! ¡Ba'atelnaco'on tu yo'olal c lu'um bey xan tu yo'olal kulnaj!
44Bey túuno' j much'laj le caajo' u ti'al ca u nu'ucbesuba'ob u ti'al le ba'atelo', bey xan u ti'al payalchi' tu yo'olal u káatico'ob ti' Ku, ch'a'a óotzilil.
45Jerusalene' bey ca'ach jun p'éel x tocoy lu'um, mina'an u cajnáalilo'obe';
mix máac ca'ach cu péec ichil le caajo';
le kulnajo' dzo'oc ca'ach u manba'alcunta'al;
táanxel lu'umil wíinico'ob cajnáalo'ob ti' le pakil najil canano',
bejela'e' u cúuchil u ta'acbesicubáa táanxel lu'umilo'ob.
Le Judíobo' cu much'icuba'ob Mizpa
(2 Mac 8.16-23)
46Le j israelitaobo' tu much'juba'ob Mizpa actáan ti' Jerusalén, tumen úuch ca'ache' le j israelitaobo' yanchaj te'elo' u cúuchil u kultajo'ob. 47Ti' le kiin j su'ukinajo'ob, tu búuquintajo'ob j to'och nooko'ob, tu tosajo'ob ta'anil káak tu poolo'ob yéetel tu jatajo'ob u nooko'ob. 48Tu machajo'ob u ju'unil a'almaj t'aan u ti'al u xoco'ob tu yo'olal u caxtico'ob le tzol xiquino'ob cu caxta'al tumen le ma' ocsaj óolo'ob ti' beetbil kuo'obo'. 49Taasa'ab xan u nooko'ob le aj kiino'obo', u yáax ich pakalo'ob bey xan diezmos; beeta'ab u taal dze'edzec nazareob dzo'oc u kuchul u kiinil u dzo'ocbesico'ob u séeb chi'ob, 50ca káat óolnajo'ob ti' Ku táan u ya'alico'ob: ¿Ba'ax unaj c beetic yéetel le máaco'oba'? ¿Tu'ux bíin c biso'ob? 51A kulnaje' dzo'oc u manba'alcunta'al; aj kiino'obe' u búuquintmajo'ob u nookilo'ob okom óolal, cu dzo'ocole' t'onquinano'ob. 52Il bix dzo'oc u much'icubáa le ma' ocsaj óolo'ob u ti'al u xu'ulso'ono'. Teche' a wojel ba'ax u kax t'antmajo'ob t o'olal. 53¿Bix je'el u páajtal c ba'atel tu yéetelo'ob wa ma'a ta wáantico'one'? 54Tu séeblaquil jóopsa'ab le paaxo'obo' ca yanchaj ka'am awat.
55Cu dzo'ocole' Judase' tu yéeyaj ichil le caajo', náacomo'ob tu yóokol u múuch'ul mil, cien, cincuenta yéetel diez. 56Jach je'el bix u ya'alic a'almaj t'aane', tu ya'alaj ca suunac tu yotocho'ob le máaxo'ob táan u beetico'ob u yotocho'ob, le táant u dzo'ocol u beelo'obe', le máaxo'ob táan pakico'ob uvae' yéetel le máaxo'ob sajaco'ob. 57Cu dzo'ocole' le aj ba'atelo'obo' jo'op' u bino'ob, ca je'elo'ob tu j noojol Emaús. 58Judase' tu ya'alaj ti' leti'ob: ¡Nu'ucbesaba'ex! ¡Xiixib máacchajaque'ex, nu'ucbesaba'ex u ti'al j ba'atel sáamal piknal u sáastal tu yéetel le ma' ocsaj óolo'ob cu taalo'ob u puljuba'ob t óokol u ti'al u xu'ulso'ono'ob yéetel u ti'al u jeno'ob c kulnaj! 59Asab ma'alob ca quíimico'on ichil ba'atel tu yo'olal ma' c ilic u lúubul subtzilil ti' c caajal yéetel c kulnaj. 60¡Ba'ale' úuchuc le ba'ax u káat Yuum Kue'!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.