1 MACABEOS 4
4
Cu yúuchul ba'atel Emaús
(2 Mac 8.24,34-36)
1Gorgiase' tu ch'a'aj cincuenta mil xíimbal oc aj ba'atelo'ob yéetel mil u asab ma'alobil aj nat' tzíimino'ob, ca jo'op' u bino'ob yéetel áakab 2tu yo'olal u pulicuba'ob tu yóokol le judíobo' yéetel áakab u ti'al u pa'ic u muuko'ob naayal u yóolo'ob. Máaxo'ob nu'ut u belo'obe' u j canano'ob u tuulum caajil Jerusalén. 3Ba'ale' j kuch u tzicbalil tu yicnal Judas, leti' yéetel u j xibil aj ba'atelo'obe' jo'op' u bino'ob u ti'al u puljuba'ob tu yóokol u aj ba'atelo'ob ajaw le yano'ob tu lu'umil Emaús, 4ca'aliquil u ki'itpaja'an u aj ba'atelo'ob. 5Gorgiase' j kuch yéetel áakab tu'ux cu je'elel Judas, ba'ale' mix máac yani'. Jo'op' túun u caxtic ti' le witzo'obo' tumen tu tucultaj púudz tu yo'olal u sajaquil ti' leti'ob.
6Ba'ale' p'el u sáastal ca j chíicpaj Judas te j táax koom yéetel tres mil u j ba'atelo'ob, quex tumen mina'an u nu'ucul u ba'atelo'ob mix u máascabo'ob je'el bix u káato'obe'. 7Tu yilajo'ob u mu'uka'an aj ba'atelo'ob le ma' ocsaj óolo'obo', yaan u ma'alob pix tzeemo'ob bakpachta'ano'ob tumen aj nat' tzíimino'ob, tuláacalo'ob ma'alob u yojelilo'ob ba'atel. 8Judas túune' tu ya'alaj ti' u aj ba'atelo'ob: Ma' a sajactale'ex tumen táan a wilique'ex ya'abcach wíinico'ob, ma' a cha'ique'ex u t'úubul sajaquil ti' te'ex le quéen u puljuba'ob ta wóokole'exe'. 9Ka'ajac te'ex bix úuchic u toquicuba'ob c máanja'an ch'i'ibalo'ob ti' le chac ka'anab, le ca ch'a'apachta'abo'ob tumen u aj ba'atelo'ob faraón. 10Co'one'ex payalchi' ti' Yuum Ku ca u yáanto'on, tu yo'olal u ka'ajal le séeb chi' u beetmaj tu yéetel c máanja'an ch'i'ibalo'ob, u ti'al ca u xe'exet' le aj ba'atelo'ob yaan tu táan c icho'. 11Beyo' tuláacal múuch' caajo'ob bíin u yojéelto'ob yaan máax toquic Israel.
12Le ca tu yilaj le táanxel lu'umilo'ob táan u taal le j israelitaob tu yóokolo'obo', 13jóoko'ob u ti'al u cáajso'ob le ba'atelo'. U aj ba'atelo'ob Judase' tu jóopsajo'ob le paaxo'obo' 14ca tu puljuba'ob j ba'atel. Le ma' ocsaj óolo'obo' j pa'ab u muuko'obe' ca j púudzo'ob ti' le táax koomo'. 15Tuláacal le cu bino'ob paachilo' j lúubo'ob tu yej máascab. Le j israelitaobo' tu ch'a'apachtajo'ob tac tu lu'umil Gezer, u táax koomilo'ob Idumea, Azoto yéetel Jabnia. J kuch tres mil le aj ba'atelo'ob j quíimo'obo'.
16Le ca j suunaj Judas yéetel u aj ba'atelo'ob cu dzo'ocol u ch'a'apachtico'ob le aj p'eeco'obo', 17tu ya'alaj ti' le caajo': Ma' tucultique'ex le ayikalilo'ob bin c mole'exo', tumen yaan u láak ba'atelo'ob pa'atico'on: 18Gorgias yéetel u aj ba'atelo'obe' ti' yano'ob te j witzo', naadz ti' to'on. Xachaba'ex tu táan le aj p'eeco'obo', ba'atelte'exo'ob. Cu dzo'ocole' je'el u páajtal a molique'ex le ayikalilo'.
19Ma' dzo'ococ u ya'alic le t'aano'ob Judasa', ca j chíicpaj jun múuch' aj ba'atelo'ob cu ch'úuco'ob ti' le witzo'.
20Le aj ba'atelo'oba' tu yilajo'ob yanchaj u púudzul u yéet aj ba'atelo'ob, cu dzo'ocole' j tóoca'ab u cúuchil u je'elelo'ob: Le buudz cu chíicpajalo' cu ye'esic le ba'ax dzo'oc u yúuchulo'. 21Le ca tu yilajo'ob lelo' sen sajacchajo'ob; le ca chíicpaj u yilico'ob ti' yaan u aj ba'atelo'ob Judas te j táax koom u nu'ucbesmajuba'ob u ti'al le ba'atelo', 22láaj púudzo'ob tu lu'um le filisteobo'.
23Judas túune' j suunaj u mool le ayikalil tu cúuchil u je'elel le aj p'eeco'obo', ca tu ch'a'ajo'ob ya'ab oro yéetel plata, jit'bil nooko'ob chacch'ooj yéetel ch'ooj chac, yéetel u láak ya'abcach ayikalilo'ob. 24Le ca j suunaj le j israelitaobo', táan u kayico'ob Salmos bey xan táan u dzáico'ob nib óolal ti' Yuum Ku, tumen leti'e' utz, tumen u yaacunaje' u ti'al kiino'ob mina'an u xuul. 25Lelo' jun p'éel nojoch pa'a muuk tu beetaj Israel ti' le kiino'.
26Le táanxel lu'umilo'ob j p'áato'ob cuxa'ano'obo', bin u tzicbalto'ob ti' Lisias le ba'ax úucho'. 27Leti'e' le ca tu yu'ubaje', sen kuuxchaji, tumen le ba'axo'ob tuculta'an tu yo'olal Israele' ma' jóok je'el bix u káat leti'e' mix je'el bix u ya'almajil ajawe'.
Cu yáax jóokol ba'atel Lisias
28Tu láak ja'abe', Lisiase', tu much'quintaj sesenta mil u asab ma'alobil aj ba'atelo'ob yéetel cinco mil aj nat' tzíimino'ob u ti'al j ba'atel tu yéetel le j israelitaob. 29J kucho'ob Idumeae' ca je'elo'ob Bet-sur. Judase' jóok yéetel diez mil j xiibo'ob u ti'al j ba'atel tu yéetelo'ob. 30Le ca tu yilaj le aj ba'atelo'ob sen mu'uka'ano'obo', payalchi'inaj táan u ya'alic: Qui' t'antbilech Yuumtzil tumen teech u aj tocsaj Israel, ta mixba'alcuntaj u ba'atel wa'apáach' Goliat tu kab David bey xan ta kubaj u aj ba'atelo'ob le j filisteob tu kab Jonatán, u paal Saul, láakinta'an tumen máax cuchic u nu'ucul u ba'atel. 31Bey c káatic teech ca a kub le aj ba'atelo'ob tu kab a caajal Israel, tu yo'olal beyo' leti'ob yéetel tuláacal u aj ba'atelo'obe' ca p'áataco'ob ich manba'alcunaj. 32Chupo'ob yéetel sajaquil, lukes le noj ba'alil dzáic u muuko'obo', ca t'onquinta'aco'ob u ti'al ma' u páajtal u líikilo'ob. 33Lúubso'ob tu yej u máascab le máaxo'ob u yaabilmecho'ob, tu yo'olal beyo' tuláacal le máaxo'ob u kaj óolecho'obe' ca u kayo'ob teech u kaayilo'ob qui'iqui' t'aano'ob.
34Bey túuno' j cáaj le ba'atelo' ca j lúub míin cinco mil u aj ba'atelo'ob Lisias tu táan le j israelitaob. 35Le ca tu yilaj Lisias dzo'oc u pa'abal u muuk u aj ba'atelo'ob bey xan jach nu'uca'an Judas yéetel u aj ba'atelo'ob, tu yo'olal u kubmajuba'ob cuxtal wa j quíimil yéetel j xiibile', j bin Antioquía u ch'a'a asab ya'ab máaxo'ob cu náajalo'ob u ti'al ba'atel u ti'al u ca'a suut Judea.
Cu ca'a úuchul kultaj ich kulnaj
(2 Mac 10.1-8)
36Judas yéetel u yíidzino'obe' tu ya'alajo'ob: Bejela'e' c aj p'eeco'obe' dzo'oc u pa'abal u muuko'ob, co'one'ex p'o'ic le kulnaj ca c lukes u manba'alcunajil u ti'al c kub ti' Yuum Ku. 37Tuláacal le aj ba'atelo'obo' tu much'quintajuba'obe' ca j bino'ob tu jo'ol lu'umil Sión. 38Ca tu yilajo'ob manba'alcuna'an kulnaj, yéetel u multuunil kultaj, u jool najilo'obe' tóoca'ano'ob; tu sujuy lu'umile' cu nuuctal u xíiwilo'ob, je'el bix le x tocoy táancabe' jena'ano'ob. 39Ca túun tu tzi'itzicaj u nooko'ob, j ila'ab sen okom óolo'ob, tu tosajo'ob ta'anil káak tu yóokolo'ob 40j t'onlajo'ob. Le ca jóopsa'ab le paaxo'obo', tu séeblaquil awat payalchi'inajo'ob ti' Yuum Ku.
41Cu dzo'ocole' Judase' tu ya'alaj ti' u aj ba'atelo'ob ca u ba'atelto'ob le máaxo'ob canantic le tuulumo', ca'aliquil leti'e' táan u p'o'ic le kulnajo'. 42Tu yéeyaj aj kiino'ob toj u cuxtalo'ob, cu dzo'ocbesico'ob ba'ax cu ya'alic a'almaj t'aan, 43u ti'al u p'o'ico'ob le kulnajo' bey xan u ti'al ca u biso'ob ca xan tu pulajo'ob u tuunichilo'ob u multuunil u kulta'al le beetbil kuo'ob ti' jun p'éel cúuchil p'ecbe'en. 44Ca j ch'íic u tuculto'ob ba'ax unaj u beetico'ob yéetel le u multuunil u kultajil dzo'oc u manba'alcunta'alo', 45tu dzooque' j taal tu tuuculo'ob ma'alob ca u jeno'ob, tu yo'olal ma' u p'áatal jun p'éel mantadz tac poolal ti' leti'ob, tumen manba'alcunta'ab tumen le ma' ocsaj óolo'obo'. Bey túuno' tu pa'ajo'ob le multuunil kultajo' 46ca dzaab u tuunichilo'ob tu ca'analcabil kulnaj, ti' jun p'éel ma'alob cúuchil, ca'aliquil u pa'atico'ob u taal jun túul aj bóobat u ti'al a'alic ti'ob ba'ax unaj u beetico'ob tu yéetel. 47Cu dzo'ocole' ca tu ch'a'ajo'ob tuunich ma' póolano'ob je'el bix u ya'alic a'almaj t'aane', ca tu beetajo'ob u jeele' je'el bix le úuchbeno'. 48Tu yutzquintajo'ob le kulnajo', tu yutzquintajo'ob ichil bey xan tu místajo'ob u sujuy táancabil. 49Tu beetajo'ob u jeel u quili'ich nu'uculo'ob bey xan tu ca'a dzajo'ob le x t'uchub sáas, u muultuunil u tóoca'al poom yéetel u mayac che'il quili'ich waajo'ob. 50Tóoca'ab poom tu yóokol le multuuno', ca j t'a'ab u sáaso'ob le x t'uchub sáas u ti'al u sáasilcuntic le quili'ich najo'. 51Tzo'ol le waajo'ob tu yóokol le mesao', ca j ch'uyquinta'ab le káasabo'obo', bey dzo'oquic le meyajo.
52Tu ja'atzcabil u kiinil u veinticinco bolón winal (le winal cu kaaba'intic Quisleu) tu ja'abil ciento cuarenta y ocho, líiko'ob piknal u jóokol kiin 53ca tu kubajo'ob je'el bix u ya'alic le a'almaj t'aano', jun túul quiimsbil ba'alche' tu yóokol u muultunil kultajil tu beetajo'obo', tu'ux cu tóoca'al ba'alche'ob. 54Tu kiinil ti' le ja'ab manba'alcunta'ab le multuunil kultaj tumen le ma' ocsaj óolo'obo', ti' le kiin xan ca'a túubencunta'abo' yéetel kaayo'ob bey xan yéetel u paax cítaraob, arpaob bey xan platillo'ob. 55Tuláacal le caajo' j xolaje' ca t'onlajo'ob tac lu'um u ti'al u kulto'ob Yuum Ku yéetel u dzico'ob nib óolal tu yo'olal dzo'oc beetic u bin utzil ti'ob. 56Bul ocho kiino'ob tu kiinbesajo'ob u jun páaycunajil u multuunil kultaj ca tu kubajo'ob yéetel qui'imac óolal tóocbil ba'alche'ob quiimsbil ba'alche'ob u ti'al ca bisajbáil yéetel u ti'al nib óolal. 57Tu dzajo'ob u jadzutzilo'ob u actáanil kulnaj, péet jo'olo'ob yéetel chimalo'ob, tu yutzquintajo'ob u joolilo'ob le najo'obo' bey xan tu dzajo'ob u jool najilo'ob. 58Yanchaj ya'ab qui'imac óolal ti' le caajo' tumen dzo'oc u toquicuba'ob ti' le manba'alcunaj j beeta'ab ti'ob tumen le ma' ocsaj óolo'obo'. 59Judas yéetel u yíidzino'ob bey xan tuláacal caajil Israel much'ucbalo' tu tucultajo'ob unaj u ca'a beeta'al le multuunil kultaj jujun ja'ab yéetel qui'imac óolal bul ocho kiino'ob, unaj u cáajal tu veinticinco u kiinil Quisleu.
60Ti' le kiino' tu beetajo'ob tu bakpach u pu'uquil Sión jun p'éel ca'anal pak yéetel witzil najo'ob, tu yo'olal ma' u taal le ma' ocsaj óolo'ob manba'alcuntic le cúuchilo'ob je'el bix dzo'oc u yáax úuchulo'. 61Judase' tu dzaj aj ba'atelo'ob canantic u pu'uquil Sión, bey xan tuulumquinta'ab Bet-sur tu yo'olal u yantal tu'ux u cananta'al le lu'um tu tojil Idumea.
Currently Selected:
1 MACABEOS 4: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
1 MACABEOS 4
4
Cu yúuchul ba'atel Emaús
(2 Mac 8.24,34-36)
1Gorgiase' tu ch'a'aj cincuenta mil xíimbal oc aj ba'atelo'ob yéetel mil u asab ma'alobil aj nat' tzíimino'ob, ca jo'op' u bino'ob yéetel áakab 2tu yo'olal u pulicuba'ob tu yóokol le judíobo' yéetel áakab u ti'al u pa'ic u muuko'ob naayal u yóolo'ob. Máaxo'ob nu'ut u belo'obe' u j canano'ob u tuulum caajil Jerusalén. 3Ba'ale' j kuch u tzicbalil tu yicnal Judas, leti' yéetel u j xibil aj ba'atelo'obe' jo'op' u bino'ob u ti'al u puljuba'ob tu yóokol u aj ba'atelo'ob ajaw le yano'ob tu lu'umil Emaús, 4ca'aliquil u ki'itpaja'an u aj ba'atelo'ob. 5Gorgiase' j kuch yéetel áakab tu'ux cu je'elel Judas, ba'ale' mix máac yani'. Jo'op' túun u caxtic ti' le witzo'obo' tumen tu tucultaj púudz tu yo'olal u sajaquil ti' leti'ob.
6Ba'ale' p'el u sáastal ca j chíicpaj Judas te j táax koom yéetel tres mil u j ba'atelo'ob, quex tumen mina'an u nu'ucul u ba'atelo'ob mix u máascabo'ob je'el bix u káato'obe'. 7Tu yilajo'ob u mu'uka'an aj ba'atelo'ob le ma' ocsaj óolo'obo', yaan u ma'alob pix tzeemo'ob bakpachta'ano'ob tumen aj nat' tzíimino'ob, tuláacalo'ob ma'alob u yojelilo'ob ba'atel. 8Judas túune' tu ya'alaj ti' u aj ba'atelo'ob: Ma' a sajactale'ex tumen táan a wilique'ex ya'abcach wíinico'ob, ma' a cha'ique'ex u t'úubul sajaquil ti' te'ex le quéen u puljuba'ob ta wóokole'exe'. 9Ka'ajac te'ex bix úuchic u toquicuba'ob c máanja'an ch'i'ibalo'ob ti' le chac ka'anab, le ca ch'a'apachta'abo'ob tumen u aj ba'atelo'ob faraón. 10Co'one'ex payalchi' ti' Yuum Ku ca u yáanto'on, tu yo'olal u ka'ajal le séeb chi' u beetmaj tu yéetel c máanja'an ch'i'ibalo'ob, u ti'al ca u xe'exet' le aj ba'atelo'ob yaan tu táan c icho'. 11Beyo' tuláacal múuch' caajo'ob bíin u yojéelto'ob yaan máax toquic Israel.
12Le ca tu yilaj le táanxel lu'umilo'ob táan u taal le j israelitaob tu yóokolo'obo', 13jóoko'ob u ti'al u cáajso'ob le ba'atelo'. U aj ba'atelo'ob Judase' tu jóopsajo'ob le paaxo'obo' 14ca tu puljuba'ob j ba'atel. Le ma' ocsaj óolo'obo' j pa'ab u muuko'obe' ca j púudzo'ob ti' le táax koomo'. 15Tuláacal le cu bino'ob paachilo' j lúubo'ob tu yej máascab. Le j israelitaobo' tu ch'a'apachtajo'ob tac tu lu'umil Gezer, u táax koomilo'ob Idumea, Azoto yéetel Jabnia. J kuch tres mil le aj ba'atelo'ob j quíimo'obo'.
16Le ca j suunaj Judas yéetel u aj ba'atelo'ob cu dzo'ocol u ch'a'apachtico'ob le aj p'eeco'obo', 17tu ya'alaj ti' le caajo': Ma' tucultique'ex le ayikalilo'ob bin c mole'exo', tumen yaan u láak ba'atelo'ob pa'atico'on: 18Gorgias yéetel u aj ba'atelo'obe' ti' yano'ob te j witzo', naadz ti' to'on. Xachaba'ex tu táan le aj p'eeco'obo', ba'atelte'exo'ob. Cu dzo'ocole' je'el u páajtal a molique'ex le ayikalilo'.
19Ma' dzo'ococ u ya'alic le t'aano'ob Judasa', ca j chíicpaj jun múuch' aj ba'atelo'ob cu ch'úuco'ob ti' le witzo'.
20Le aj ba'atelo'oba' tu yilajo'ob yanchaj u púudzul u yéet aj ba'atelo'ob, cu dzo'ocole' j tóoca'ab u cúuchil u je'elelo'ob: Le buudz cu chíicpajalo' cu ye'esic le ba'ax dzo'oc u yúuchulo'. 21Le ca tu yilajo'ob lelo' sen sajacchajo'ob; le ca chíicpaj u yilico'ob ti' yaan u aj ba'atelo'ob Judas te j táax koom u nu'ucbesmajuba'ob u ti'al le ba'atelo', 22láaj púudzo'ob tu lu'um le filisteobo'.
23Judas túune' j suunaj u mool le ayikalil tu cúuchil u je'elel le aj p'eeco'obo', ca tu ch'a'ajo'ob ya'ab oro yéetel plata, jit'bil nooko'ob chacch'ooj yéetel ch'ooj chac, yéetel u láak ya'abcach ayikalilo'ob. 24Le ca j suunaj le j israelitaobo', táan u kayico'ob Salmos bey xan táan u dzáico'ob nib óolal ti' Yuum Ku, tumen leti'e' utz, tumen u yaacunaje' u ti'al kiino'ob mina'an u xuul. 25Lelo' jun p'éel nojoch pa'a muuk tu beetaj Israel ti' le kiino'.
26Le táanxel lu'umilo'ob j p'áato'ob cuxa'ano'obo', bin u tzicbalto'ob ti' Lisias le ba'ax úucho'. 27Leti'e' le ca tu yu'ubaje', sen kuuxchaji, tumen le ba'axo'ob tuculta'an tu yo'olal Israele' ma' jóok je'el bix u káat leti'e' mix je'el bix u ya'almajil ajawe'.
Cu yáax jóokol ba'atel Lisias
28Tu láak ja'abe', Lisiase', tu much'quintaj sesenta mil u asab ma'alobil aj ba'atelo'ob yéetel cinco mil aj nat' tzíimino'ob u ti'al j ba'atel tu yéetel le j israelitaob. 29J kucho'ob Idumeae' ca je'elo'ob Bet-sur. Judase' jóok yéetel diez mil j xiibo'ob u ti'al j ba'atel tu yéetelo'ob. 30Le ca tu yilaj le aj ba'atelo'ob sen mu'uka'ano'obo', payalchi'inaj táan u ya'alic: Qui' t'antbilech Yuumtzil tumen teech u aj tocsaj Israel, ta mixba'alcuntaj u ba'atel wa'apáach' Goliat tu kab David bey xan ta kubaj u aj ba'atelo'ob le j filisteob tu kab Jonatán, u paal Saul, láakinta'an tumen máax cuchic u nu'ucul u ba'atel. 31Bey c káatic teech ca a kub le aj ba'atelo'ob tu kab a caajal Israel, tu yo'olal beyo' leti'ob yéetel tuláacal u aj ba'atelo'obe' ca p'áataco'ob ich manba'alcunaj. 32Chupo'ob yéetel sajaquil, lukes le noj ba'alil dzáic u muuko'obo', ca t'onquinta'aco'ob u ti'al ma' u páajtal u líikilo'ob. 33Lúubso'ob tu yej u máascab le máaxo'ob u yaabilmecho'ob, tu yo'olal beyo' tuláacal le máaxo'ob u kaj óolecho'obe' ca u kayo'ob teech u kaayilo'ob qui'iqui' t'aano'ob.
34Bey túuno' j cáaj le ba'atelo' ca j lúub míin cinco mil u aj ba'atelo'ob Lisias tu táan le j israelitaob. 35Le ca tu yilaj Lisias dzo'oc u pa'abal u muuk u aj ba'atelo'ob bey xan jach nu'uca'an Judas yéetel u aj ba'atelo'ob, tu yo'olal u kubmajuba'ob cuxtal wa j quíimil yéetel j xiibile', j bin Antioquía u ch'a'a asab ya'ab máaxo'ob cu náajalo'ob u ti'al ba'atel u ti'al u ca'a suut Judea.
Cu ca'a úuchul kultaj ich kulnaj
(2 Mac 10.1-8)
36Judas yéetel u yíidzino'obe' tu ya'alajo'ob: Bejela'e' c aj p'eeco'obe' dzo'oc u pa'abal u muuko'ob, co'one'ex p'o'ic le kulnaj ca c lukes u manba'alcunajil u ti'al c kub ti' Yuum Ku. 37Tuláacal le aj ba'atelo'obo' tu much'quintajuba'obe' ca j bino'ob tu jo'ol lu'umil Sión. 38Ca tu yilajo'ob manba'alcuna'an kulnaj, yéetel u multuunil kultaj, u jool najilo'obe' tóoca'ano'ob; tu sujuy lu'umile' cu nuuctal u xíiwilo'ob, je'el bix le x tocoy táancabe' jena'ano'ob. 39Ca túun tu tzi'itzicaj u nooko'ob, j ila'ab sen okom óolo'ob, tu tosajo'ob ta'anil káak tu yóokolo'ob 40j t'onlajo'ob. Le ca jóopsa'ab le paaxo'obo', tu séeblaquil awat payalchi'inajo'ob ti' Yuum Ku.
41Cu dzo'ocole' Judase' tu ya'alaj ti' u aj ba'atelo'ob ca u ba'atelto'ob le máaxo'ob canantic le tuulumo', ca'aliquil leti'e' táan u p'o'ic le kulnajo'. 42Tu yéeyaj aj kiino'ob toj u cuxtalo'ob, cu dzo'ocbesico'ob ba'ax cu ya'alic a'almaj t'aan, 43u ti'al u p'o'ico'ob le kulnajo' bey xan u ti'al ca u biso'ob ca xan tu pulajo'ob u tuunichilo'ob u multuunil u kulta'al le beetbil kuo'ob ti' jun p'éel cúuchil p'ecbe'en. 44Ca j ch'íic u tuculto'ob ba'ax unaj u beetico'ob yéetel le u multuunil u kultajil dzo'oc u manba'alcunta'alo', 45tu dzooque' j taal tu tuuculo'ob ma'alob ca u jeno'ob, tu yo'olal ma' u p'áatal jun p'éel mantadz tac poolal ti' leti'ob, tumen manba'alcunta'ab tumen le ma' ocsaj óolo'obo'. Bey túuno' tu pa'ajo'ob le multuunil kultajo' 46ca dzaab u tuunichilo'ob tu ca'analcabil kulnaj, ti' jun p'éel ma'alob cúuchil, ca'aliquil u pa'atico'ob u taal jun túul aj bóobat u ti'al a'alic ti'ob ba'ax unaj u beetico'ob tu yéetel. 47Cu dzo'ocole' ca tu ch'a'ajo'ob tuunich ma' póolano'ob je'el bix u ya'alic a'almaj t'aane', ca tu beetajo'ob u jeele' je'el bix le úuchbeno'. 48Tu yutzquintajo'ob le kulnajo', tu yutzquintajo'ob ichil bey xan tu místajo'ob u sujuy táancabil. 49Tu beetajo'ob u jeel u quili'ich nu'uculo'ob bey xan tu ca'a dzajo'ob le x t'uchub sáas, u muultuunil u tóoca'al poom yéetel u mayac che'il quili'ich waajo'ob. 50Tóoca'ab poom tu yóokol le multuuno', ca j t'a'ab u sáaso'ob le x t'uchub sáas u ti'al u sáasilcuntic le quili'ich najo'. 51Tzo'ol le waajo'ob tu yóokol le mesao', ca j ch'uyquinta'ab le káasabo'obo', bey dzo'oquic le meyajo.
52Tu ja'atzcabil u kiinil u veinticinco bolón winal (le winal cu kaaba'intic Quisleu) tu ja'abil ciento cuarenta y ocho, líiko'ob piknal u jóokol kiin 53ca tu kubajo'ob je'el bix u ya'alic le a'almaj t'aano', jun túul quiimsbil ba'alche' tu yóokol u muultunil kultajil tu beetajo'obo', tu'ux cu tóoca'al ba'alche'ob. 54Tu kiinil ti' le ja'ab manba'alcunta'ab le multuunil kultaj tumen le ma' ocsaj óolo'obo', ti' le kiin xan ca'a túubencunta'abo' yéetel kaayo'ob bey xan yéetel u paax cítaraob, arpaob bey xan platillo'ob. 55Tuláacal le caajo' j xolaje' ca t'onlajo'ob tac lu'um u ti'al u kulto'ob Yuum Ku yéetel u dzico'ob nib óolal tu yo'olal dzo'oc beetic u bin utzil ti'ob. 56Bul ocho kiino'ob tu kiinbesajo'ob u jun páaycunajil u multuunil kultaj ca tu kubajo'ob yéetel qui'imac óolal tóocbil ba'alche'ob quiimsbil ba'alche'ob u ti'al ca bisajbáil yéetel u ti'al nib óolal. 57Tu dzajo'ob u jadzutzilo'ob u actáanil kulnaj, péet jo'olo'ob yéetel chimalo'ob, tu yutzquintajo'ob u joolilo'ob le najo'obo' bey xan tu dzajo'ob u jool najilo'ob. 58Yanchaj ya'ab qui'imac óolal ti' le caajo' tumen dzo'oc u toquicuba'ob ti' le manba'alcunaj j beeta'ab ti'ob tumen le ma' ocsaj óolo'obo'. 59Judas yéetel u yíidzino'ob bey xan tuláacal caajil Israel much'ucbalo' tu tucultajo'ob unaj u ca'a beeta'al le multuunil kultaj jujun ja'ab yéetel qui'imac óolal bul ocho kiino'ob, unaj u cáajal tu veinticinco u kiinil Quisleu.
60Ti' le kiino' tu beetajo'ob tu bakpach u pu'uquil Sión jun p'éel ca'anal pak yéetel witzil najo'ob, tu yo'olal ma' u taal le ma' ocsaj óolo'ob manba'alcuntic le cúuchilo'ob je'el bix dzo'oc u yáax úuchulo'. 61Judase' tu dzaj aj ba'atelo'ob canantic u pu'uquil Sión, bey xan tuulumquinta'ab Bet-sur tu yo'olal u yantal tu'ux u cananta'al le lu'um tu tojil Idumea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.