1 MACABEOS 2
2
Matatíase' cu cáajsic lik óolal
1Ti' le kiino'obo' téec chíicpaj Matatías, u paal Juan u yáabil Simón. Leti'e' aj kiin, u ch'i'ibal Joyarib. Ti' sijnal Jerusalene', ba'ale' j bin cajtal Modín. 2Yaan ca'ach cinco u paalal: Juan cu kaaba'intic xan Gadi; 3Simón cu kaaba'intic xan Tasi; 4Judas cu kaaba'intic xan Macabeo; 5Eleazar cu kaaba'intic xan Avarán, yéetel Jonatán cu kaaba'intic xan Afús.
6Le ca tu yilaj Matatías le pooch'ilo'ob cu beeta'al ti' Yuum Ku tu lu'umil Judea yéetel tu caajil Jerusaleno', 7tu ka'am a'alaj: ¡Jach yaj le ba'ala'! ¡Síijen u ti'al in wila'a u xu'ulsa'al in caajal bey xan le quili'ich caaj, in méekmaj in kabo'ob ca'aliquil táan u lúubul tu kab aj p'eeco'ob cu dzo'ocole' le kulnajo' cu p'áatal tu kab táanxel lu'umilo'ob! 8U quili'ich naje' dzo'oc u p'áatal bey jun túul máac dzo'oc u p'áatal ich sublaquile', 9le ba'axo'ob dzáic ca'ach u nojbe'enile' dzo'oc u bisa'alo'ob táanxel tu'ux, u mejen paalalile' dzo'oc u lúubulo'ob quimeno'ob tu bejilo'ob caaj, u táanquelemilo'obo' dzo'oc u quíimsa'alo'ob lombil tumen le aj p'eeco'. 10Mix jun p'éel caaj p'aatal ma' u tocmaj u páajtalil yéetel u láaj ocoltmaj. 11Láaj ocolta'ab u jadzutzil Jerusalén; ca'ache' ma' palitzili', bejela'e' dzo'oc u suut palitzilil. 12¡C qui'ichquelem kulnaj, c nojbe'enile', dzo'oc u x tocoytal; dzo'oc u manba'alcunta'al tumen ma' ocsaj óolo'ob! 13¿Ba'ax ti'al ca p'áatac cuxa'anon? 14Matatías yéetel u paalalo'obe' tu jatajo'ob u nooko'ob, tu búuquintajo'ob to'otoch nooko'obe' ca j yayaj okolnajo'ob.
15Le ca j kuch u nuuquil u aj meyajo'ob ajaw dza'ano'ob u ti'al u t'onquinto'ob le judíob u manba'alcunto'ob u yocsaj óolo'ob u ti'al ca u beeto'ob u ku'ubul le quiimsbil siibalo'obo', 16ya'ab ti' le judíob tu much'juba'ob tu yéetelo'obo'. Ba'ale' Matatías yéetel u paalalo'obe' tu much'juba'ob táanxel tzéelil. 17U nuuquil u aj meyajo'ob ajaw túune' tu ya'aljo'ob ti' Matatías: Teche' jun túul máac cu yu'uba'al a t'aan, tzica'anech yéetel nojochech ti' le caaj, yéetel u láak ba'ale' yaan teech u yáantaj a paalal bey xan a láako'ob. 18Nadzjabáa tu yo'olal beyo', teech bíin a yáax dzo'ocbes ba'ax cu ya'alic ajaw. Bey tu beetajo'ob tuláacal le múuch' caajo'obo', bey xan tuláacal le judeailo'ob yéetel le cajnáalo'ob p'aatalo'ob Jerusaleno. Beyo' teech yéetel a paalalo'obe', bíin yanaquech ichil u yéet óolo'ob ajaw, bíin tzi'iquiquech yéetel u siibalilo'ob oro yéetel plata bey xan ya'abcach siibalo'ob.
19Matatíase' tu ka'am núucaj: Quex tumen tuláacal le múuch' caajo'ob yano'ob tu yáanal u páajtalil ajawe' cu yu'ubaj t'aano'ob u ti'al manba'alcuntico'ob u yocsaj óol u máanja'an ch'i'ibalo'ob, bey xan quex cu dzo'ocbesico'ob ba'ax cu ya'ala'al ti'obe', 20teen, in paalalo'ob yéetel in láako'obe', bíin c dzo'ocbes le nup t'aan u beetmaj Yuum Ku yéetel c láako'obe'. 21¡Junab Ku bíin u cananto'on ma' c xúump'attic le a'almaj t'aano'ob yéetel le nu'ucben t'aan'ob! 22¡To'one' ma' bíin c u'uyaj t'ant ba'ax cu ya'alic ajawi', ma' xan bíin c p'at c ocsaj óoli'!
23Chéen p'el dzo'oquic u t'aan Matatíase', jun túul judío j máan táanil tu táan yich tuláacalo'ob u ti'al u kub jun p'éel quiimsbil ba'alche' tu yóokol p'ecbe'en multuunil kultaj yaan tu caajil Modín, je'el bix u ya'almajil ajawo'. 24Matatías túune' le ca tu yilaje' sen kuuxchaji, ca'a péecnaj u yóol, sen chuup yéetel p'uja'anilo' j bin u yáalcab le tu'ux yaan le judío ca tu quiimsaj tu yóokol le multuunil kultajo'; 25tu quiimsaj xan u noojoch u j meyajo'ob le ajaw cu t'onquinsaj judíob u ti'al u kubico'ob le quiimsbil ba'alche'obo', ca xan tu pa'aj le multuunil kultajo'. 26U sen p'eec u manba'alcunta'al le a'almaj t'aano', je'el bix úuch ti' Finees tu yo'olal Zimri, u paal Salu. 27Tu séeblaquile' Matatísase' tu ka'am awattaj ichil le caajo': ¡Tuláacal le máax u p'eec u ke'exel le a'almaj t'aan bey xan u káat u dzo'ocbes u nup t'aan Kue', talac tin paach!
28Leti' yéetel u paalalo'obe' j púudzo'ob ti' le witzo'obo', tu p'atajo'ob ti' le caaj tuláacal ba'ax yaan ti'ob.
29Ti' le kiino'obo', ya'ab ti' le máaxo'ob u káato'ob toj cuxtal je'el bix u ya'alic le a'almaj t'aano', cu bino'ob cajtal ti' le x tocoy lu'umo' 30yéetel u paalalo'ob, u yatano'ob tac xan u yaalako'ob, tumen jach ma' tu páajtal u mukyajta'al le ba'ax cu yúuchulo'. 31Bey túuno' túuxta'ab a'albil ti' u nuuquilo'ob u meyaj ajaw bey xan ti' le aj ba'atelo'ob jelecbalo'ob Jerusalén tu Caajil David, le bin le máaxo'ob tu ma' u'uyaj t'anto'ob ba'ax tu ya'alaj ajawo' dzo'oc bino'ob u ta'acbesuba'ob x tocoy lu'um, 32bey túuno' j bin ya'abcach aj ba'atelo'ob ch'a'apachtico'ob. Tu nacpachtajo'obe' ca yanchajo'ob tu táano'obe' ca tu nu'ucbesajuba'ob u puljuba'ob tu yóokolo'ob tu kiinil je'elel 33ca tu ya'alajo'ob ti'ob: ¡Jedzaba'ex! ¡Jóokene'ex a wu'uyaj t'ante'ex ajaw tu yo'olal a p'áatale'ex cuxa'ane'ex!
34Leti'obe' tu núucajo'ob:
¡Ma' bíin jóokoco'oni', mix bíin c u'uy u t'aan ajaw u ti'al c manba'alcuntic u kiinil Sábadoi'!
35Tu séeblaquile' le aj ba'atelo'obo' tu chu'unbesajo'ob le ba'atelo'; 36ba'ale' le j israelitaobo' ma' tu quetajo'ob le ba'atelo'ob, ma' tu pulajo'ob mix jun p'éel tuunichi', mix tu mu'ukanquinsajo'ob tu'ux u ta'acbesmajuba'obi', 37ba'ale' tu ya'alajo'ob: ¡Quíimico'on ichil x ma' si'ipilil! ¡Ca'an yéetel lu'um ilic táan a quiimsico'on quex ma' unaji'!
38Bey túuno' j ba'atelta'abo'ob tu kiinil sábado, le j israelitaob, u yatano'ob, u paalalo'ob yéetel u yalak ba'alche'obe', quíimo'ob. Tuláaclo'obe' cu kuchulo'ob mil máaco'ob.
39Le ca tu yojéeltajo'ob Matatías yéetel u yéet óolo'ob le ba'alo'ob úucho', sen yaayaj okolnajo'ob tu yo'olalo'ob. 40Leti'ob túune' tu ya'alajo'ob tu jujun túulilo'ob: Wa tuláacalo'on bíin c beet le ba'ax tu beetaj c láako'ob, u ti'al ma' c ba'atel tu yéetel le ma' j ocsaj óolo'ob, tu yo'olal c cuxtale'ex bey xan tu yo'olal c a'almaj t'aano'obe', séeba'an bíin u láaj tzelo'ono'ob yóokolcaab.
41Ti' le kiin je'elo' tu tucultajo'ob u beetico'ob beya': Wa yaan máax cu pulicubáa t óokol tu kiinil je'elele', to'one' bíin ba'atelnaco'on xan, beyo' ma' bíin láaj quíimico'on je'el bix quíimico'ob c láako'ob le tu'ux u ta'acbesmajuba'obo'.
42Bey túuno' tu much'jubáa tu yéetelo'ob jun múuch' hasideos, j israelitaob j xiixib máaco'ob, tuláacalo'obe' u ch'a'a óoltmajo'ob u dzo'ocbesico'ob a'almaj t'aan. 43U láak ba'ale' tuláacal le máaxo'ob u káat u jecho'ob le yaayaj cuxtalo' cu nupicuba'ob ti' leti'ob beyo' cu bin u ya'abtalo'ob. 44Tu nu'ucbesajo'ob jun múuch' aj ba'atelo'ob, ca tu puljuba'ob tu jaajil u yóolo'ob yóokol kaakas ma' ocsaj óolo'ob bey xan tu yóokol le j israelitaob kéex óolo'ob. Le máaxo'ob páatchaj u púudzulo'ob ti' leti'obe' j bino'ob cajtal ti' yaanal múuch' caajo'ob u ti'al ma' u quíimilo'ob. 45Matatías yéetel u yéet óolo'obe', tu xíimbalto'ob tuláacal le múuch' caajo'ob u ti'al u pa'ico'ob le p'ecbe'en multuunil kultajo'ob 46quex óolta'ac wa ma'e', tu súut kuptajo'ob le mejen paalalo'ob tu nactáantajo'ob tu lu'umil Israel ma' súut kupta'ano'obo'. 47Tu ch'a'apachtajo'ob u ca'anal ich aj p'eeco'ob, tuláacal ba'ax tu yóoltajo'ob u beeto'obe', jóok ma'alobil ti' leti'ob. 48Bey tu toquilaco'ob le a'almaj t'aan ti' le ma' ocsaj óolo'ob, bey xan ti' u ajawo'ob, ma' j t'onlajo'ob tu táan u muuk le ma' ocsaj óolo'.
49Ba'ale' Matatíase' j kuch u kiinil u quíimil, bey túuno' tu ya'alaj ti' u paalal:
Le ma' subtalil yéetel le pooch'ilo' le cu kiinil bajela'e';
ti' jach talam yaayaj jaadzo'ob yano'on.
50Ba'ale' te'exe', in paalale'ex, sen yaabilte'ex le a'almaj t'aano'
kub a cuxtale'ex tu yo'olal le nup t'aan,
le tu beetaj Ku tu yéetel c máanja'an ch'i'ibale'ex;
51ka'ajac te'ex le ba'ax tu beetajo'ob tu kiinilo'obe',
tu yo'olal ca yanac te'ex tziiquil yéetel bíin a'ala'ac ba'axo'ob utz ta wo'olale'ex u ti'al kiino'ob mina'an u xuul.
52Kue' tu túuntaj u yóol Abraham;
tu yilaj chuca'an u yóole' ca tu kamaj bey aj ti'ibile'.
53Tu chúumuc u kiinilo'ob yaj óolale',
Josee' tu dzo'ocbesaj le a'almaj t'aano'obe' ca j kuch u beetjubáa u noojoch Egipto.
54Finees c máanja'an ch'i'ibale', tu yo'olal u sen chuca'an óolale'
tu kamaj u séeb chi'il mina'an xu'ulul ti' u aj kiinil.
55Josuee' tu dzo'ocbesaj ba'ax túuxta'ab u beete'
ca kuch u beet u jo'ol póopil Israel.
56Calebe' tu ya'alaj ba'ax jaaj tu táan le caajo'
ca j páatchaj u yocol cajtal ti' le lu'umo'.
57Davide' jun túul aj ocsaj óol j xiib
le o'olal tu kamaj le jalach káanche' u ti'al kiino'ob mina'an u xuul.
58Elíase' sen chuca'anchaj y yóol ti' a'almaj t'aan,
ca j bisa'ab j ca'an.
59Ananías, Azarías yéetel Misaele'
yanchaj u yocsaj óolo'obe' ma' j quíimo'ob ichil le káakoo'.
60Daniele' jun túul máac toj u cuxtal
tu jechaj u jaanta'al tumen le leóno'obo'.
61Lelo' bey u bin u yúuchul le ba'alo'ob tuláacal kiino'ob,
ocsaj óolte'exe' ma' tu p'áatal x ma' muuk tuláacal máaxo'ob
u kubmaj u yóolo'ob ti' Yuum Ku tuláacal kiin.
62Ma' a ch'a'ique'ex sajaquil ti' le ba'axo'ob cu ya'alic le j loolob máaco'obo';
u tziiquilo'obe' bíin xu'uluc ich ta' míis, bíin jaanta'ac tumen x nookolo'ob.
63Bejela'e' cu líikil, ba'ale' sáamale' cu samkajal,
tumem bíin suunac lu'umil,
u nu'uc meyajo'obe' bíin p'áatac mix ba'alil.
64¡Ba'ale', in paalale'ex, yanac a wóole'ex,
xibil máacchajque'ex, ch'a'a mukte'ex ti' a'almaj t'aan,
tumen leti' a asab nojbe'enile'ex!
65Je'el cu p'áatal ta wicnale'ex Simón a sucu'une'exo';
leti'e' in wojel ma' tu beetic mix ba'al chéen mina'an u jaajil.
Mantadz ca wu'uye'ex ba'ax cu ya'alic;
leti' bíin u beet u taatail ichile'ex.
66Judas Macabeo, mu'uka'an likbal tu chichanil, j xibil máac tac walquila'.
leti' bíin u beet a náacomile'ex
bíin u ba'atelt u ba'atelilo'ob u caajal.
67Beete'ex u nupcuba'ob te'ex tuláacal le máaxo'ob u káato'ob u dzo'ocbeso'ob le a'almaj t'aano',
ile'ex a canantique'ex u dzo'ocbesa'al ba'ax tu najmatic a caajale'ex.
68Sute'ex u jeel ti' le ma' ocsaj óolo'ob ba'ax tu beetajo'ob ti' te'exo'
bey xan ilawile'ex a dzo'ocbesique'ex ba'ax cu ya'alic a'almaj t'aan.
69Cu dzo'ocole', Matatíase' tu qui' t'antajo'obe', ca j bin u much'ubáa yéetel u máanja'an ch'i'ibalo'ob. 70Quíim tu ja'abil ciento cuarenta y seis, ca j mu'uc tu mucnal u máanja'an ch'i'ibalo'ob tu caajil Modín. Tuláacal Israel okolt yéetel nojoch okom óolal u quíimil.
Currently Selected:
1 MACABEOS 2: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
1 MACABEOS 2
2
Matatíase' cu cáajsic lik óolal
1Ti' le kiino'obo' téec chíicpaj Matatías, u paal Juan u yáabil Simón. Leti'e' aj kiin, u ch'i'ibal Joyarib. Ti' sijnal Jerusalene', ba'ale' j bin cajtal Modín. 2Yaan ca'ach cinco u paalal: Juan cu kaaba'intic xan Gadi; 3Simón cu kaaba'intic xan Tasi; 4Judas cu kaaba'intic xan Macabeo; 5Eleazar cu kaaba'intic xan Avarán, yéetel Jonatán cu kaaba'intic xan Afús.
6Le ca tu yilaj Matatías le pooch'ilo'ob cu beeta'al ti' Yuum Ku tu lu'umil Judea yéetel tu caajil Jerusaleno', 7tu ka'am a'alaj: ¡Jach yaj le ba'ala'! ¡Síijen u ti'al in wila'a u xu'ulsa'al in caajal bey xan le quili'ich caaj, in méekmaj in kabo'ob ca'aliquil táan u lúubul tu kab aj p'eeco'ob cu dzo'ocole' le kulnajo' cu p'áatal tu kab táanxel lu'umilo'ob! 8U quili'ich naje' dzo'oc u p'áatal bey jun túul máac dzo'oc u p'áatal ich sublaquile', 9le ba'axo'ob dzáic ca'ach u nojbe'enile' dzo'oc u bisa'alo'ob táanxel tu'ux, u mejen paalalile' dzo'oc u lúubulo'ob quimeno'ob tu bejilo'ob caaj, u táanquelemilo'obo' dzo'oc u quíimsa'alo'ob lombil tumen le aj p'eeco'. 10Mix jun p'éel caaj p'aatal ma' u tocmaj u páajtalil yéetel u láaj ocoltmaj. 11Láaj ocolta'ab u jadzutzil Jerusalén; ca'ache' ma' palitzili', bejela'e' dzo'oc u suut palitzilil. 12¡C qui'ichquelem kulnaj, c nojbe'enile', dzo'oc u x tocoytal; dzo'oc u manba'alcunta'al tumen ma' ocsaj óolo'ob! 13¿Ba'ax ti'al ca p'áatac cuxa'anon? 14Matatías yéetel u paalalo'obe' tu jatajo'ob u nooko'ob, tu búuquintajo'ob to'otoch nooko'obe' ca j yayaj okolnajo'ob.
15Le ca j kuch u nuuquil u aj meyajo'ob ajaw dza'ano'ob u ti'al u t'onquinto'ob le judíob u manba'alcunto'ob u yocsaj óolo'ob u ti'al ca u beeto'ob u ku'ubul le quiimsbil siibalo'obo', 16ya'ab ti' le judíob tu much'juba'ob tu yéetelo'obo'. Ba'ale' Matatías yéetel u paalalo'obe' tu much'juba'ob táanxel tzéelil. 17U nuuquil u aj meyajo'ob ajaw túune' tu ya'aljo'ob ti' Matatías: Teche' jun túul máac cu yu'uba'al a t'aan, tzica'anech yéetel nojochech ti' le caaj, yéetel u láak ba'ale' yaan teech u yáantaj a paalal bey xan a láako'ob. 18Nadzjabáa tu yo'olal beyo', teech bíin a yáax dzo'ocbes ba'ax cu ya'alic ajaw. Bey tu beetajo'ob tuláacal le múuch' caajo'obo', bey xan tuláacal le judeailo'ob yéetel le cajnáalo'ob p'aatalo'ob Jerusaleno. Beyo' teech yéetel a paalalo'obe', bíin yanaquech ichil u yéet óolo'ob ajaw, bíin tzi'iquiquech yéetel u siibalilo'ob oro yéetel plata bey xan ya'abcach siibalo'ob.
19Matatíase' tu ka'am núucaj: Quex tumen tuláacal le múuch' caajo'ob yano'ob tu yáanal u páajtalil ajawe' cu yu'ubaj t'aano'ob u ti'al manba'alcuntico'ob u yocsaj óol u máanja'an ch'i'ibalo'ob, bey xan quex cu dzo'ocbesico'ob ba'ax cu ya'ala'al ti'obe', 20teen, in paalalo'ob yéetel in láako'obe', bíin c dzo'ocbes le nup t'aan u beetmaj Yuum Ku yéetel c láako'obe'. 21¡Junab Ku bíin u cananto'on ma' c xúump'attic le a'almaj t'aano'ob yéetel le nu'ucben t'aan'ob! 22¡To'one' ma' bíin c u'uyaj t'ant ba'ax cu ya'alic ajawi', ma' xan bíin c p'at c ocsaj óoli'!
23Chéen p'el dzo'oquic u t'aan Matatíase', jun túul judío j máan táanil tu táan yich tuláacalo'ob u ti'al u kub jun p'éel quiimsbil ba'alche' tu yóokol p'ecbe'en multuunil kultaj yaan tu caajil Modín, je'el bix u ya'almajil ajawo'. 24Matatías túune' le ca tu yilaje' sen kuuxchaji, ca'a péecnaj u yóol, sen chuup yéetel p'uja'anilo' j bin u yáalcab le tu'ux yaan le judío ca tu quiimsaj tu yóokol le multuunil kultajo'; 25tu quiimsaj xan u noojoch u j meyajo'ob le ajaw cu t'onquinsaj judíob u ti'al u kubico'ob le quiimsbil ba'alche'obo', ca xan tu pa'aj le multuunil kultajo'. 26U sen p'eec u manba'alcunta'al le a'almaj t'aano', je'el bix úuch ti' Finees tu yo'olal Zimri, u paal Salu. 27Tu séeblaquile' Matatísase' tu ka'am awattaj ichil le caajo': ¡Tuláacal le máax u p'eec u ke'exel le a'almaj t'aan bey xan u káat u dzo'ocbes u nup t'aan Kue', talac tin paach!
28Leti' yéetel u paalalo'obe' j púudzo'ob ti' le witzo'obo', tu p'atajo'ob ti' le caaj tuláacal ba'ax yaan ti'ob.
29Ti' le kiino'obo', ya'ab ti' le máaxo'ob u káato'ob toj cuxtal je'el bix u ya'alic le a'almaj t'aano', cu bino'ob cajtal ti' le x tocoy lu'umo' 30yéetel u paalalo'ob, u yatano'ob tac xan u yaalako'ob, tumen jach ma' tu páajtal u mukyajta'al le ba'ax cu yúuchulo'. 31Bey túuno' túuxta'ab a'albil ti' u nuuquilo'ob u meyaj ajaw bey xan ti' le aj ba'atelo'ob jelecbalo'ob Jerusalén tu Caajil David, le bin le máaxo'ob tu ma' u'uyaj t'anto'ob ba'ax tu ya'alaj ajawo' dzo'oc bino'ob u ta'acbesuba'ob x tocoy lu'um, 32bey túuno' j bin ya'abcach aj ba'atelo'ob ch'a'apachtico'ob. Tu nacpachtajo'obe' ca yanchajo'ob tu táano'obe' ca tu nu'ucbesajuba'ob u puljuba'ob tu yóokolo'ob tu kiinil je'elel 33ca tu ya'alajo'ob ti'ob: ¡Jedzaba'ex! ¡Jóokene'ex a wu'uyaj t'ante'ex ajaw tu yo'olal a p'áatale'ex cuxa'ane'ex!
34Leti'obe' tu núucajo'ob:
¡Ma' bíin jóokoco'oni', mix bíin c u'uy u t'aan ajaw u ti'al c manba'alcuntic u kiinil Sábadoi'!
35Tu séeblaquile' le aj ba'atelo'obo' tu chu'unbesajo'ob le ba'atelo'; 36ba'ale' le j israelitaobo' ma' tu quetajo'ob le ba'atelo'ob, ma' tu pulajo'ob mix jun p'éel tuunichi', mix tu mu'ukanquinsajo'ob tu'ux u ta'acbesmajuba'obi', 37ba'ale' tu ya'alajo'ob: ¡Quíimico'on ichil x ma' si'ipilil! ¡Ca'an yéetel lu'um ilic táan a quiimsico'on quex ma' unaji'!
38Bey túuno' j ba'atelta'abo'ob tu kiinil sábado, le j israelitaob, u yatano'ob, u paalalo'ob yéetel u yalak ba'alche'obe', quíimo'ob. Tuláaclo'obe' cu kuchulo'ob mil máaco'ob.
39Le ca tu yojéeltajo'ob Matatías yéetel u yéet óolo'ob le ba'alo'ob úucho', sen yaayaj okolnajo'ob tu yo'olalo'ob. 40Leti'ob túune' tu ya'alajo'ob tu jujun túulilo'ob: Wa tuláacalo'on bíin c beet le ba'ax tu beetaj c láako'ob, u ti'al ma' c ba'atel tu yéetel le ma' j ocsaj óolo'ob, tu yo'olal c cuxtale'ex bey xan tu yo'olal c a'almaj t'aano'obe', séeba'an bíin u láaj tzelo'ono'ob yóokolcaab.
41Ti' le kiin je'elo' tu tucultajo'ob u beetico'ob beya': Wa yaan máax cu pulicubáa t óokol tu kiinil je'elele', to'one' bíin ba'atelnaco'on xan, beyo' ma' bíin láaj quíimico'on je'el bix quíimico'ob c láako'ob le tu'ux u ta'acbesmajuba'obo'.
42Bey túuno' tu much'jubáa tu yéetelo'ob jun múuch' hasideos, j israelitaob j xiixib máaco'ob, tuláacalo'obe' u ch'a'a óoltmajo'ob u dzo'ocbesico'ob a'almaj t'aan. 43U láak ba'ale' tuláacal le máaxo'ob u káat u jecho'ob le yaayaj cuxtalo' cu nupicuba'ob ti' leti'ob beyo' cu bin u ya'abtalo'ob. 44Tu nu'ucbesajo'ob jun múuch' aj ba'atelo'ob, ca tu puljuba'ob tu jaajil u yóolo'ob yóokol kaakas ma' ocsaj óolo'ob bey xan tu yóokol le j israelitaob kéex óolo'ob. Le máaxo'ob páatchaj u púudzulo'ob ti' leti'obe' j bino'ob cajtal ti' yaanal múuch' caajo'ob u ti'al ma' u quíimilo'ob. 45Matatías yéetel u yéet óolo'obe', tu xíimbalto'ob tuláacal le múuch' caajo'ob u ti'al u pa'ico'ob le p'ecbe'en multuunil kultajo'ob 46quex óolta'ac wa ma'e', tu súut kuptajo'ob le mejen paalalo'ob tu nactáantajo'ob tu lu'umil Israel ma' súut kupta'ano'obo'. 47Tu ch'a'apachtajo'ob u ca'anal ich aj p'eeco'ob, tuláacal ba'ax tu yóoltajo'ob u beeto'obe', jóok ma'alobil ti' leti'ob. 48Bey tu toquilaco'ob le a'almaj t'aan ti' le ma' ocsaj óolo'ob, bey xan ti' u ajawo'ob, ma' j t'onlajo'ob tu táan u muuk le ma' ocsaj óolo'.
49Ba'ale' Matatíase' j kuch u kiinil u quíimil, bey túuno' tu ya'alaj ti' u paalal:
Le ma' subtalil yéetel le pooch'ilo' le cu kiinil bajela'e';
ti' jach talam yaayaj jaadzo'ob yano'on.
50Ba'ale' te'exe', in paalale'ex, sen yaabilte'ex le a'almaj t'aano'
kub a cuxtale'ex tu yo'olal le nup t'aan,
le tu beetaj Ku tu yéetel c máanja'an ch'i'ibale'ex;
51ka'ajac te'ex le ba'ax tu beetajo'ob tu kiinilo'obe',
tu yo'olal ca yanac te'ex tziiquil yéetel bíin a'ala'ac ba'axo'ob utz ta wo'olale'ex u ti'al kiino'ob mina'an u xuul.
52Kue' tu túuntaj u yóol Abraham;
tu yilaj chuca'an u yóole' ca tu kamaj bey aj ti'ibile'.
53Tu chúumuc u kiinilo'ob yaj óolale',
Josee' tu dzo'ocbesaj le a'almaj t'aano'obe' ca j kuch u beetjubáa u noojoch Egipto.
54Finees c máanja'an ch'i'ibale', tu yo'olal u sen chuca'an óolale'
tu kamaj u séeb chi'il mina'an xu'ulul ti' u aj kiinil.
55Josuee' tu dzo'ocbesaj ba'ax túuxta'ab u beete'
ca kuch u beet u jo'ol póopil Israel.
56Calebe' tu ya'alaj ba'ax jaaj tu táan le caajo'
ca j páatchaj u yocol cajtal ti' le lu'umo'.
57Davide' jun túul aj ocsaj óol j xiib
le o'olal tu kamaj le jalach káanche' u ti'al kiino'ob mina'an u xuul.
58Elíase' sen chuca'anchaj y yóol ti' a'almaj t'aan,
ca j bisa'ab j ca'an.
59Ananías, Azarías yéetel Misaele'
yanchaj u yocsaj óolo'obe' ma' j quíimo'ob ichil le káakoo'.
60Daniele' jun túul máac toj u cuxtal
tu jechaj u jaanta'al tumen le leóno'obo'.
61Lelo' bey u bin u yúuchul le ba'alo'ob tuláacal kiino'ob,
ocsaj óolte'exe' ma' tu p'áatal x ma' muuk tuláacal máaxo'ob
u kubmaj u yóolo'ob ti' Yuum Ku tuláacal kiin.
62Ma' a ch'a'ique'ex sajaquil ti' le ba'axo'ob cu ya'alic le j loolob máaco'obo';
u tziiquilo'obe' bíin xu'uluc ich ta' míis, bíin jaanta'ac tumen x nookolo'ob.
63Bejela'e' cu líikil, ba'ale' sáamale' cu samkajal,
tumem bíin suunac lu'umil,
u nu'uc meyajo'obe' bíin p'áatac mix ba'alil.
64¡Ba'ale', in paalale'ex, yanac a wóole'ex,
xibil máacchajque'ex, ch'a'a mukte'ex ti' a'almaj t'aan,
tumen leti' a asab nojbe'enile'ex!
65Je'el cu p'áatal ta wicnale'ex Simón a sucu'une'exo';
leti'e' in wojel ma' tu beetic mix ba'al chéen mina'an u jaajil.
Mantadz ca wu'uye'ex ba'ax cu ya'alic;
leti' bíin u beet u taatail ichile'ex.
66Judas Macabeo, mu'uka'an likbal tu chichanil, j xibil máac tac walquila'.
leti' bíin u beet a náacomile'ex
bíin u ba'atelt u ba'atelilo'ob u caajal.
67Beete'ex u nupcuba'ob te'ex tuláacal le máaxo'ob u káato'ob u dzo'ocbeso'ob le a'almaj t'aano',
ile'ex a canantique'ex u dzo'ocbesa'al ba'ax tu najmatic a caajale'ex.
68Sute'ex u jeel ti' le ma' ocsaj óolo'ob ba'ax tu beetajo'ob ti' te'exo'
bey xan ilawile'ex a dzo'ocbesique'ex ba'ax cu ya'alic a'almaj t'aan.
69Cu dzo'ocole', Matatíase' tu qui' t'antajo'obe', ca j bin u much'ubáa yéetel u máanja'an ch'i'ibalo'ob. 70Quíim tu ja'abil ciento cuarenta y seis, ca j mu'uc tu mucnal u máanja'an ch'i'ibalo'ob tu caajil Modín. Tuláacal Israel okolt yéetel nojoch okom óolal u quíimil.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.