ETUNDILO 38
38
1Utala wovilumba vioku pia elisi wo tunga lositimi, usõvi ovikeya vitãlo, upati ovikeya vitãlo, avindi awo akuãla a lisoka; okulepa kilu ovikeya vitatu. 2Wa tunga olombinga kavindi aco akuãla; olombinga via linga laco uti umosi. Wo laña losipi. 3Wa tunga ovikuata viosi viutala, olombia lolopa latasu lolongalufu loviyukilo viondalu. Ovikuata viosi wa vi tẽla losipi. 4Wa tungila utala owanda wosipi wa kuata kemẽhi liopalatende ya ñuala utala, oku sulila pokati lakati. 5Wa yenguluila asũsũ aco akuãla owanda osipi ovinunga vikuãla vioku tambula olomuangaluwa. 6Wa pasa olomuangaluwa viositimi, wa vi laña losipi. 7Wa pitisa olomuangaluwa kovinunga kolonẽle viutala ha va wambata, lavio. Wo tunga lavaya, vokati mua kala upulule.
8Wa tunga etasu liosipi, lomangu yaco yosipi, lalumuĩlo akãi vongolokela ha va vumbila puvelo wombalaka yoku ñualẽhẽla la Yehova.
9Wa tunga ocitali; konẽle yo Sul ya imba ovaso ko Sul olongumbo via kala viovalatanya, ocita covikeya. 10Olongunji viaco akui avali lalukuki akuĩ avali osipi; olonjolo violongunji lolombala viaco viopalata. 11Konẽle yoko Norte ocita covikeya; olongunji akui avali lalukuki akuĩ avali, osipi; olonjolo violongunji lolombala viaco viopalata. 12Konẽle yutakelo kua kala olongumbo viakui atãlo kovikeya, olongunji ekui lalukuki ekui; olonjolo violongunji lolombala viaco viopalata. 13Konẽle yutundilo ya imba ovaso kutundilo akuĩ atãlo kovikeya. 14Ongumbo yonẽle yombundi ya kala ekui kovikeya kovikeya vitãlo; olongunji vitatu lalukuki atatu; 15haico konẽle yikuavo; konẽle lonẽle yombundi yocitali kua kala ongumbo yekui kovikeya vitãlo; olongunji vitatu lalukuki atatu. 16Olongumbo viosi viocitali via ñualãko via kala ovalatanya. 17Otualukuki tuolongunji tua kala osipi; olonjolo violongunji lolombala viaco viopalata; oku laña kovitue viaco opalata; olongunji viosi viocitali via kala lolombala viopalata. 18Ombindikiyo yombundi yocitali ya kala upange wukuakuposuisa olonanga, lalinya onoloti la a vumula la a kusuka lovalatanya; usõvi akui avali kovikeya, lokulepa kilu vupati waco ovikeya vitãlo, ca soka lolongumbo viocitali. 19Olongunji viaco vikuãla lalukuki akuãla, osipi olonjolo viaco viopalata, lokulaña kuovitue lolombala viaco viopalata. 20Olombambo viosi viotavernakulu levi viocitali ca ñualako via kala osipi. 21Oco via suapo ovikuata viotavernakulu, haiyo otavernakulu yuvangi ndeci via tendiwa, ndocihandeleko ca Mose, ha vi lingi upange wa va Lewi, peka lia Itamare omõla a arone, eye ocitunda. 22Kuenje Becalele, omõla a Uri, omõla a Huru, kepata lia Yuda, wa tunga viosi Yehova a handeleka Mose. 23Kumosi laye kua kala Aholiava omõla a Ahisamaka, kepata lia Dani, omesele yoku songa kuenda yuloño, haeye ukuakuposuisa lalinya onoloti la a vumbula la a kusuka lovalatanya.
24Ulu wosi vo tiamisa kupange wosi wonjo yi kola, haiwo ulu wolombanjaile, wa kala akui avali kolotalendo kolotalendo ecea, lovita epanduvali kolosiekele kolosiekele akui atatu, ovio olosiekele vionambele. 25Opalata ya vakuahongele va tendiwa ya kala ocita colotalendo lohulukãi kovita epanduvali kakui epanduvali kolosiekele kolosiekele vitãlo, ovio olosiekele vionembele; 26omunu ombeka yimosi, omunu ombeka yimosi, oyo omeyu yosiekele haiyo osiekele yonembele, komanu vosi va sondolokela kokuava va tendiwa, ava va tẽla akui avali kanyamo kua supa, ovo ovita epandu kolohulũkãi kolohulũkãi vitatu vialume lalume ovita vitãlo lakui atãlo. 27Ocita caco colotalendo viopalata va vi tiamisa poku yengulula alukuki onjo yi kola la ongumbo yeyavailo; ocita kolotalendo mekonda liocita calukuki, otalendo yimosi olukuki lumosi. 28Ohulukãi kovita epanduvali kakui epanduvali kolosiekele kolosiekele vitãlo wa tunga lavio olonjolo violongunji, wa laña ovitue viavio, wa vi tungila olombala. 29Osipi yolombanjaile va tẽla akui epanduvali kolotalendo, olohulukãi vivali kovita vikuãla kolosiekele. 30Wa tunga layo olukuki uvelo wombalaka yoku ñualẽhẽla la Yehova, utala wosipi, lowanda waco wosipi lovikuata viosi viutala; 31lalukuki ocitali ca ñualãpo lalukuki ombundi yocitali, lolombambo viosi viotavernakulu lolombambo viosi viocitali ca ñualãpo.
Currently Selected:
ETUNDILO 38: EMB63
Highlight
Copy
Compare
Share
Want to have your highlights saved across all your devices? Sign up or sign in
Umbundu Bible © United Bible Societies, 1963.
