ETUNDILO 22
22
1Omunu nda iva ongombe pamue omeme kuenje o yipa pamue o yi landisa, ongombe o feta olongombe vitãlo; omeme olomeme vikuãla. O feta muẽle. Nda ka kuete eci a feta vo landisa kuenje evi a nyana vi fetiwa.
2Ocimunu nda vo sanga, o li loku tuiyila onjo kuenje vo veta okuti o fa, ka kuli ongole yosonde omo a fa. 3Puãi nda ekumbi lio tundila kuli ongole yosonde omo a fa. 4Nda ocinyama ca iviwa va ci sanga lomuenyo peka liaye, o feta vivali, ocinyama caco ci kale ongombe, ci kale ocimbulu, ci kale omeme.
5Nda omunu o timiha epia liaye pamue ocumbo caye cayuva, kuenje ondalu yaco yenda, yi yoka epia liomunu ukuavo, eye o tiula evi via velapo viovepia liaye levi via velapo viovocumbo caye cayuva.
6Nda ondalu yi sambuka ha yi kuata kolosongo, kuenje ovitungu viotiliku vi pia pamue otiliku ka ya keluiwile handi yi pia, pamue epia liaco muẽle li pia, u wa miha ondalu yaco o vi piñainyapo.
7Nda omunu o pindikisa kukuavo olombongo pamue ovikuata oku vi tata kuenje via iviwa vonjo yomunu waco, ocimunu nda va ci kuata ci feta luvali. 8Nda ocimunu ka ca molẽhele va tuala muẽleonjo kologanji, oku kũlĩhisa nda hẽ eye muẽle wa nyañula ovikuata viukuavo leka liaye.
9Ondaka yosi yoku pindikisa, ci kale ongombe, ci kale ocimbulu, ci kale omeme, ci kale uwalo, ci kale cimue ca nyelẽla, nda umue o linga hati, cange, ukuavo layevo hati, cange, oco ondaka yavo, kavali kavo, yenda kolonganji. U olonganji vi pisa o feta luvali kukuavo.
10Nda omunu o pindikisa kukuavo ocimbulu, pamue ongombe, pamue omeme, pamue ocinyama ciñi, oku ci tata kuenje ci fa, pamue ci lemẽhua, pamue ci kuatiwa, lu wa ci mõla ka kuli, 11oku lisinga la Yehova ku kala pokati kavo nda okuti eye muẽle ka nyañuile ovipako viukuavo leka liaye. Muẽle yaco o tava, oco ka ci piñainyuapo. 12Puãi nda ca iviwa kokuaye o ci piñainyapo. 13Nda ca takĩliwa lovinyama a nene ocindekaise. Eci ca takĩliwa ka ci piñainyapo.
14Nda omunu undila cimue kukuavo kuenje ci lemẽhua pamue ci fa, osimbu muẽle ka kasipo, o ci piñainyapo. 15Nda muẽle haipo a kasi, u wa ci undila ka ci piñainyapo vali. Nda condiliwa oku ci feta feta ca takata vonganyu.
16Nda umue o tamba ufeko ka kuelele kuenje o pekela laye, ulume eca olombongo violohuela, kuenje ufeko waco o linga ukãi waye. 17Nda isiaco ka kuatako oku weca kokuaye ulume waco o feta olombongo ndeci va eca ilombo violohuela viafeko.
18Ka ci tava onganga oku kala lomuenyo.
19Omunu o pekela locinyama ipaiwa muẽle.
20U o lumba ocilumba ku suku yiñi, okuti ku yehova hakoko, o nyolĩwa.
21Ka ci tava oku linga civi ukombe pamue oku u talisa ohali. Momo ene wa kali akombe vofeka ye Egito. 22Ka ci tava oku fukĩlĩsa ocimbumba pamue osiwe. 23Nda wu va fũkĩlisa kuenje va mbilikiya, ame njeva muẽle evilikiyo liavo. 24Kuenje onyeño yange yi wenguka, ndu wipayi losipata. Akãi vene va linga ovimbumba, lomãla vene va linga olosiwe.
25Nda ove o levalisa olombongo kosuke yimue pokati komanu vange vu kasi lavo, ka ci ka lingile ndonganyu. Ka ci tava oku yi fetisa osindike. 26Nda o tambula onganga yokuẽle ndonjeke yi tiula kokuaye osimbu ekumbi ka lia iñilĩle. 27Omo oyo onanga yaye yoku wala haiyo yoku lisikĩlĩla. O pekela ndati? Nda o mbilikiya ndu yeva omo ndukuahenda.
28Ka ci tava oku tondala Suku ndaño oku siñala ombiali yofeka yove.
29Ka ci tava oku lenda oku upa kovaima wongula pamue kovinyu vi tunda kovikamelo oku vi lumba.
Vu nyiha olonuñulu pokati komãla vene valume. 30Haico vu linga lolongombe viene vialume lolomeme. Oloneke epanduvali onuñulu yi kala la inaco, eteke liecelãla vu yi nyiha.
31Wu linga omanu vange va kola, oco ka vu li ositu ya takĩliwila vusenge lovinyama. Vu yimba kolombua.
Currently Selected:
ETUNDILO 22: EMB63
Highlight
Copy
Compare
Share
Want to have your highlights saved across all your devices? Sign up or sign in
Umbundu Bible © United Bible Societies, 1963.
