ETUNDILO 11
11
1Yehova wa popia la Mose hati, Mbandekako vali eyambulo limosi ku Fareo loku egito, noke o weci ho tundiko. Eteke a weci u tundisi vosi olumue. 2Sapuila omanu huti, ulume ulume a pinga u a lisungue laye, lukãi ukãi a pinga u a lisungue laye, evi vioku liposuisa viopalata lulu. 3Yehova wa inalisa omanu vaco la va Egito. Kuenda vali Mose layevo wa kemãla ca lua vofeka ye Egito. Wa sumbiwa lakuenje va Fareo lomanu vosi.
4Mose wa linga hati, Ca popia Yehova ceci, hati, Vokati kuteke mita ve Egito. 5Olonuñulu viosi viofeka ye Egito vi fa, tunde konuñulu ya Fareo wa tumãla komangu yuviali toke konuñulu yukãi upika o kasi pocisulilo, lolonuñulu viosi viovinyama. 6Vofeka yosi ye Egito mu kala okulila kua lua, kua soka lakuo ka kua la kala, lokovaso ka ku kala vali. 7Puãi ku va Isareli vosi, ci kale omunu, ci kale ocinyama, lomue o va lamba, ndaño ombua ka yi va kuila. Oco ene vu limbuka okuti Yehova ukuakutepisa pokati ka va Egito la va Isareli. 8Akuenje vove vosi veya kokuange, va petamẽla kokuange vati, Va tundemo, lomanu vosi va ku kuama lavovo. Noke nunda. Kuenje wa tunda ku Fareo lonyeño ya lua. 9Yehova yu wa popia la Mose hati, Fareo ka ku yevi okuti ovikomo viange vi lua vofeka ye Egito.
10Mose la Arone va lingila ovikomo evi viosi kovaso a Fareo, kuenje Yehova wa tĩlĩsa utima wa Fareo. Ka ecele va Isareli ha va tundi vofeka yaye.
Currently Selected:
ETUNDILO 11: EMB63
Highlight
Copy
Compare
Share
Want to have your highlights saved across all your devices? Sign up or sign in
Umbundu Bible © United Bible Societies, 1963.
