Delu dia Jeremiya 4
4
Asui wa Edingelu ka Siona
1Ndi wuhu wambushila paunyi
ngaingai,
Wambukadimo paunyi kuleki
pudipudi li!
Ave wʼekila wambukadjema lu ete
wa esese tshe.
2Ana apami wa ngandji wa Siona,
wedimi la paunyi ka pudipudi,
Ndi wuhu wambuwenama uku mbaka
ya diwumba,
Ulimu wʼanya wʼukingi a puki li!
3Kuyanga mbulu mbetawoka nomia
anʼayo,
Keli ona umuntu a wudja ami
ambuyala ngala,
Uku ateki wa lʼusui wa shenga.
4Lulimi la ona lakalome, lambuma tu
la pusa kʼashi.
Ana wambolomba ma, keli nduku
untu lawashadio.
5Wane wakalekaka ma diuleki dimena,
wambuvo la ndjala lu esese.
Wane wakalotaka eloto wa tilili,
wambetama lʼutuku.
6Uhedia wa ona umuntu a wudja ami
ambuleka kolo ka Sodoma#4:6 Etat. 19:24.
Kakalanyema shashimuya, aha la
lunya la untu.
7Ewandji awo wakaleki lungi lʼekama
la tshitshi pudipudi, wakaleki awele wema.
Diuwu diawo diakaleki ave wa tilili tilili,
Dimena dia diema diawo diaki uku
ave wa ngaingai.
8Keli kakiane dundji diawo diambuleka
udjima tshududu;
Vo hawuyeyama lu esese.
Diuwu diawo diambumamana la
weka, diambuma,
Diambuyala uku utamba wa wumu.
9Wane wakadiakema la yombo, ndeka
wane wakavu la ndjala diese.
Waku watondaka, watundamaka la
ndjala ka mbu ya nde.
10Anya wʼamantu, akanga a ketshi,
wakakati anʼawo.#4:10 Euh. 28:57; Ezek. 5:10.
Vo wakayala ma diawo lu elanyelu ka
ona umuntu a wudja ami.
11Latuyalaka akafudia kele kandi,
akatshulula ududu andi.
Ndi akahetsha dja lu Siona yakatshumbi
ndu atshina ayo.
12Khumi ya dikanga ya la kete
Ndu antu wa la kete tshe kumbetawoka
vati:
Uhetshan yi kana utunyi mbeyaka
mboto lu asuku wa Jerusalema.
13Dikambu so diakayala, ne dia kolo
yʼamvutshi awo.
La ehedia wa elombedi awo,
Wakatshulula dikila diʼantu wʼololo
lʼatei awo.
14Vo wakamamba lu esese uku akanga
a tutshungu,
Wakasana la dikila, wuhu waki antu
kumbeya munanda eloto awo.
15Antu wakahangwela vati: Nyumo!
nyu nyeko mindu!
Nyumo! nyumo! tanyutunandaki!
Okone vo wakayala tekeko la
ambetshetshi,
Ne dia antu wakati lʼatei a wedja vati:
Vo tawudjaseki lʼatei asu ntu.
16Latuyalaka ndame akahandjula, ndi
hulanga mbaenda ntu.
Ndi konemia elombedi kuyanga ndjala
la ketshi le dihangamendi.
17Ashu asu wakayala lungi
lamʼakatendaka wendenda dia nkundja
ekimanyelu.
Lu endelu kasu, shu takendelaka.
Le wudja waki kumbeya ntushimbela.
18Antu wakayangaka wanya asu,
Diako mbakisu kumbeya nkendakenda
lu esese asu.
Ekumelu kasu kakasukana; nshi yasu
yakalema,
Ne dia ekumelu kakakuki.
19Waku wakatutshanya, wakaleki
pungu ya lʼulungu luwangu.
Vo wakatutshanya lʼekungu,
wakatuhulamela lʼesui wa shenga.
20Vo wakandi lumu lasu, ukitami wʼiso
wa Latuyalaka, lu wawu awo.
Shu takataka lu dikambu diandi shati:
La tshina dia didjidji diandi
kayutulumbaka lʼatei a wedja.
21We ona umuntu Edome, ludjashi lu
kete ya Uze,
Ongenongeno, ongenongeno utamanya.
Keli dikoho ne diayukuma ndu le ye;
We ayudjo, ayengola utakataka.
22We ona umuntu Siona, asui
wambukuka lu dikambu dia uhedia.
Ndi hayukotola ntu lu lohombo.
Keli, we ona umuntu Edome, ndi
ayukusuya ne dia ehedia aye;
Ndi ayushula kolo yaye.
Currently Selected:
Delu dia Jeremiya 4: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
