Joele 1
1
Elanyelu ka Kete Uma le Endjo
1Diui dia Latuyalaka diakayi le Joele,
Onʼa Petuele, ati:
2Nyu esumbi, nyulungi dikambu ne,
Nyu antu wudjashi lu kete, nyuhuke atui!
Undi, dikambu dia wuhu one
diakatshama lu nshi yanyu kana lu nshi
ya washenyu uka?
3Nyusanyia anʼanyu dikambu ne, la vo
kawudisanyia lolonga lukina.
4Kene kakatshiki ondjo wʼanganga,
Ondjo wa tufumu wakali.
Kene kakatshiki ondjo wa tufumu,
Waomoi a dikita wakali;
La kene kakatshiki waomoi a dikita,
eto wakali.
5Nyu ambidjoki, nyemo, nyuleli;
Nyu anoshi a wanu, nyudi tukuku lu
dikambu diʼashi wʼelua,
Ne dia vo wambunyama uma lʼenyo
anyu.
6Wudja omotshi wakayi dia ndjolosha
kete yami,
Wudja ako weko ndu la antu efula
waheyama mbala.
Anya awo weli uku wa tambwe kʼumi#1:6 Eny. 9:8.
Songo ya wanyu awo, yeli uku ya
tambwe ka wadi.
7Vo wakalanya ekodi ami wa vinyo,
Wakatshatsha etamba ami wa fingu.
Vo wakaweuwula, wakawekadja;
Tahi yawo yakayala wema.
8Nyuleli uku usekaseka wʼemuma
wolotshi dikutu
Dia ndela osonami andi wa nshi yandi
yʼusekaseka.
9Elambu wa shima la elambu wa lutela
wambunyema
Uma lu luudu la Latuyalaka.
Elombedi, ekambi wa Latuyalaka,
waya lʼutanda.
10Dikambo diambulanyema, kete yaya
lʼutanda,
Ne dia epunga wambulanyema, ashi
wʼelua wambuma, iso kambushila.
11Nyu ekambi wa dikambo, nyuleli;
Nyu alami wa vinyo, nyate asulu
Lu dikambu dia epunga wa menge la
wa yelela,
Ne dia dinela kema.
12Ekodi wa vinyo wambolengela,
La etamba wa fingu wambuma.
Etamba wa dikomi, atuku, ahamvu,
Etamba tshe wa lu dikambo,
wambuma;
Ndu ongenongeno wambushila
lʼetema wʼantu.
13Nyu elombedi, nyolote akutu, nyuleli;
Nyu ekambi wa lʼediakelu, nyudi
tukuku.
Nyu ekambi wa Unyashungu ami,
nyuyi,
Nyuhutuya unya lʼakutu lu kindi,
Ne dia elambu wa shima la wa lutela
hawenama ntu
Lu luudu la Unyashungu anyu.
14Nyuyakidia lʼekilelu ka mbu ya nde,
Nyudianganya lukumu dia lusanganya
lʼekila.
Nyusanganya dihangamendi la antu
tshe wa lu wudja
Lu luudu la Latuyalaka, Unyashungu
anyu,
Nyuleli le Latuyalaka.
15Hai! ndi lushi li!
Ne dia lushi la Latuyalaka laya suki,
Lo lambuya uku elanyelu kʼuma le
Kanga-Wulu-Tshe.#1:15 Is. 13:6.
16Mbu ya nde kuminyema uma lu ashu
asu,
Ongenongeno, la ongenongeno wa
wuki
Uma lu luudu la Unyashungu asu
uka?
17Wehu wambuma lu kete, apenge
wambuyala hwe,
La waumbelu wambuhandjo, ne dia
epunga kemako.
18Ndi ndjawi ya nyama li!
Nyimba ya ngombe yambukanana,
Ne dia adiyu wa nde kema;
Nyimba yʼekoko yambena pa.
19Latuyalaka li, we kalelelami!
Ne dia dja yambutshumba adiyu wa
lʼusui,
La lumbi la dja lambulunguya etamba
tshe wa lu dikambo.
20Nyama ya lʼusui yambukawanela,
ne dia tokoko tambuma;
Dja yambutshumba adiyu wa nde wa
lʼusui wa shenga.
Currently Selected:
Joele 1: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
