Hosea 14
14
Wambosengasenga Isariyele Dia Nkalula le Latuyalaka
1Isariyele, nyukaluli le Latuyalaka,
Unyashungu anyu,
Ne dia nyu nyakako lʼuhedia anyu.
2Nyotole aui, nyukaluli le Latuyalaka.
Nyutuwateli nyati:
Utudimanyia kolo yasu tshe, ulunguli
kene keli ololo.
Shu tayukulambula elua wʼuma lʼenyo
asu uku ulambu.
3Asuriya naweyi ntushimbela,
Shu hatahema ladiku dia falasa.
Shu hatuyeta diango diakatasek
Lʼanya asu ntu shati: Unyashungu asu.
Ne dia le ye katutanaka ana wa
ditshiki ketshi.
4Dimi, Latuyalaka, layadimanyia
ehedia awo.
Dimi layuwauka ngandji otekoya,
Ne dia kele kami kambukadimo uma
le wo.
5Dimi layuyala uku lopepe le Isariyele.
Vo wayuluwana uku dembo dia
dimena;
Wayudja ediu uku utamba wʼusumba.
6Tahi yawo yayusimbemala;
Dimena diawo diayuyala uku utamba
wa mbeli.
Upumu awo wayuyala uku utamba
wa la Lebanona.
7Vo wayukalula dia ndjudiase lu dedi
diami.
Vo wayongona uku ekambo,
Wayoto alembo uku okodi wa vinyo.
Upumu awo wayuyala uku wanu wa
Lebanona.
8Efarayima wayuta vati:
Kakatatshi ia uikishi diasu ntu?
Ku dimi layakaluya diui, layalamaka,
Dimi leli uku utamba a woto.
Uma le mi kayuwukundja etshoko.
9One leli la yimba, alimbiteli akambu
ane.
One leli la ewu, amani akambu ane
fundu,
Ne dia mbuka ya Latuyalaka yeko
ololo.
Untu ololo atokendakendaka loko,
Keli akanga wʼuhedia wayoko loko.
Currently Selected:
Hosea 14: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
