Jeremiya 24
24
Asaka Ahendi wa Fingu
1Lʼokongo a la nʼakatole Nebukadineza, khumʼekanga ka Babilona, Koniya, onʼa Jehoyakima, khumʼekanga ka Juda, ewandji wa Juda kame la etshudi wʼabaya la etshudi wa mbulu uma la Jerusalema utsha la Babilona,#24:1 2 Khum. 24:12-16; 2 Ek. 36:10. Latuyalaka akamenya asaka ahendi wa fingu wukitshami la ntundu kʼetemwelo kandi lu do. 2Lu saka dimotshi kaki fingu yuleki ololo uku fingu yatuwumbaka ntundu, keli saka dikina aki la fingu yakaleki kolo, yaki kolo wuhu waki kunkuka untu nde. 3Latuyalaka akamumbula ati: Jeremiya, kenaye na? Ku dimi lakûkaluya diui nti: Fingu. Fingu yʼololo, yuleki ololo, ndu fingu ya kolo efula, kolo wuhu wahakuki untu nde.
4Ku diui dia Latuyalaka diakayi le mi ati: 5Latuyalaka, Unyashungu wa Isariyele, kata okone ati: Dimi layenaka fumbi yʼuma la Juda yakamatumi uma lu dihuli ne utsha la Kaladiya uku fingu nye yʼololo, dia mbalama ololo. 6Dimi layuwaendaka dia mbatshela ololo dimi layakaluya lu kete nye. Dimi layashikike, haluwahandjula. Layuwaune, haluwakula. 7Dimi layuwasha utema dia vo nimbitela vati: Dimi keli Latuyalaka. Vo wayuyala wudja ami, la dimi layuyala Unyashungu awo, ne dia vo wayukalula le mi lʼutema otoi.
8Latuyalaka kata ati: Dimi layena Zedekiya, khumʼekanga ka Juda, ewandji andi, asi Jerusalema wutshikadi lu kete nye la waku wudjashi lu kete yʼEdjibitu, uku fingu yako ya kolo yahakuki untu nde, ne dia yo yeko kolo. 9Dimi layuwata asulu, layatshela kolo lʼatei a waulelu tshe wa la kete dia vo ndjala engo ka dionyo, engo ka wela, engo ka mpongwela soi, la engo ka mananu lu ahuli tshe wayumutshanya. 10Dimi layatumela yombo, ndjala ka kasha, la elandu, edja ndu lamʼayuwushila lu kete yaka-mawasha, vo la washewo.
Currently Selected:
Jeremiya 24: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
