Ezekiyele 43

Lutumbu la Latuyalaka Lambulula lu Etemwelo

1Lʼokongo diku, ndi akantole utsha la suku dia lu leke lʼehutwelu. 2Menyi ku lutumbu la Unyashungu wa Isariyele lone layayi uma lu leke lʼehutwelu.#43:2 Ezek. 10:3-4, 18-19; 11:22-23. Diui diandi diaki uku lundju lʼasukhu wʼashi a waki; kete yakahete ngaingai la lutumbu landi. 3Enelo kako kaki uku enelo kakamenyi lamʼakamayi dia ndjulanya usumba; enelo kako akafani la enelo kakamenyi lʼumamu wʼokedi wa Kibara. Ku dimi lakako ekhukhumadi la kete. 4Lutumbu la Latuyalaka lakoto lu etemwelo uma lu suku dia lu leke lʼehutwelu. 5Nyuma akamembe, akambela lu seke dia lʼetei, menyi ku lutumbu la Latuyalaka lone lakaludi lu etemwelo.

Adjangu Dikambu Dia Etemwelo

6Lamʼakemadi untu omotshi lasuki la mi, dimi lakuki diui dia one lakateketaka le mi uma lʼetemwelo. 7Ndi akamvutela ati: Onʼa untu, lanʼeli dihuli dia kiti kami ka diulelu, la dihuli diayumukitsha akaka ami. Laawo kayumudjase pundju pundju lʼatei wʼasi Isariyele. Khumbu ka Isariyele la khumi ya dikanga yawo hawuyusanya lukumbu lami lʼekila ntu la otemwelo awo wa ditemolatemola ndu la edu wa khumi ya dikanga yawo. 8Vo wakakitshaka suku diawo lasuki la suku diami, dikoho diawo dia la suku lasuki la dikoho diami dia la suku, keli paka eheli otoi ketu kaki lʼasami la wo. Osoku mbakawasanyaka lukumbu lami lʼekila lʼakambu wa wononyi wakawatshaka, diako mbakamashili ushiki lu kele kami. 9Kakiane watanyisha ditshelu diawo dia ntemola ditemolatemola la edu wa khumi ya dikanga yawo etali uma le mi, ku dimi layudjase lʼatei awo pundju.

10We, onʼa untu, ulimbitshiya khumbu ka Isariyele etemwelo kene, efanelu kato la tediko tato, dia vo mbutshama sonyi. 11Naka vo wambuka sonyi lu akambu tshe wakawatshaka, kuwalimbitshiya wuhu wayuyala etemwelo kako, elongoswelo kato, atumbelu ato, aotwelo ato, asangu ato tshe la adjangu ato tshe, asangu ato tshe la elembe ato tshe. Ufundi akambu tshe la ntundu kawo, dia vo nama asangu ato tshe la adjangu ato tshe, dia vo mbatsha. 12Kete tshe ya lʼutshimba wʼote wʼukungu yeko ekila kuleki. Nyuki, oso eli olembe wa etemwelo.

13Lanʼeli tediko takawedikaka ediakelu lu kubita (kubita kakayalaka kubita otoi la wuki wʼetambi): etshina kato kayuyala kubita otoi lu wemema, la kubita otoi lu wekeki; uhimbu wa yediko ya nana otoi waki lʼutshimba tshe. Oso aki usuko wʼediakelu. 14Umaka etshina ladiku dia kete edja ndu uhimbu wa lʼesi, aki kubita hyendi; wekeki, kubita otoi. Uma lʼehimbu wa tshitshe pulu lʼehimbu a waki, kubita nyei, wekeki aki kubita otoi. 15Wemema wʼediakelu waki kubita nyei; seki nyei yakakami ladiku diʼediakelu, yaki kubita otoi lʼutali. 16Ediakelu kaki utali wa kubita dikumi la hyendi, la wekeki dikumi la hyendi; to kaki la beke nei pupu. 17Ukingo aki utali wa kubita dikumi la nyei, la wekeki kubita dikumi la nyei; beke diako nei pupu. Umamu waki lʼutshimba tshe aki etenyi ka hendi ka kubita; etshina kawo aki kubita otoi lʼutshimba tshe. Bandelu diakeledi utsha lʼehutwelu.#43:17 Etum. 27:1-2; 2 Ek. 4:1.

18Ndi akamvutela ati: Onʼa untu, Khumadiondjo Latuyalaka kata ati: Lanʼeli elambu wʼediakelu lu lushi layuwukitsha, dia nambula elambu wa lutshumba la monga dikila loko. 19Kusha elombedi wʼasi Lewi, wane weli tukanula ta Zadoka, watusukanaka le mi dia nkambelami ulimu, osongo a ngombe, ne dia ulambu wa kolo, mbata Khumadiondjo Latuyalaka. 20Rose dikila diawo, kudikiti lu seki nyei yʼediakelu, lu atshuku anei wʼukingo ndu lʼumamu lʼutshimba tshe. Osoku mbayuyukiedia la nkikidia. 21Kose osongo a ngombe wʼulambu wa kolo, kawutshumbi lu dihuli diakasonwama lu etemwelo, lʼandja a dihuli diʼekila. 22Lu lushi la hendi, kulambuli mbudi kʼumi kaha la ekomo, ne dia ulambu wa kolo. Kawedia ediakelu uku ayuwukiedia la osongo a ngombe. 23Lamʼayuyushidiya nkikidia, kulambuli osongo a ngombe waha la ekomo la okoko wʼumi wʼuma lu limba, waha la ekomo. 24Kuyi la ntundu ka Latuyalaka. Elombedi kawusakuyaki leho; kawuyilambuli ulambu wa lutshumba le Latuyalaka. 25Lʼatei wa nshi esambeli, kolongosolaki mbudi ne dia ulambu wa kolo la lushi la lushi. Kawolongosolaki ndu osongo a ngombe la okoko wʼumi wʼuma lu limba, waha la ekomo. 26Nshi esambeli mbayuwedia, ndu mbayuwukidia ediakelu. Osoku mbayuwukikidia. 27Lamʼayushila nshi yako, umaka lushi lʼenanei, elombedi wayulambulaka elambu anyu wa lutshumba, ndu elambu anyu wa ki lu ediakelu. Ku dimi layunyetawo, mbata Khumadiondjo Latuyalaka.#43:27 Etum. 29:35-37.

Currently Selected:

Ezekiyele 43: TLL

Highlight

Copy

Compare