Amose 4
4
Isariyele Kunduwana Uma lu Asui wa Unyashungu
1Nyu ngombe ya wadi ya la Bashana
yeli lʼukungu wa Samariya,
Nyulungi diui ne;
Nyu wane watusuyaka asi wula,
watohotshahotshaka ehumbi,
Watutelaka waumewo nyati: Nyela,
tuyono!
2Khumadiondjo Latuyalaka akatshibi
lu ekila kandi ati:
Nyulungi, nshi yayuya dikambu
dianyu,
Yayuwunyuhatula la tokoho, la
tukanula tanyu la todi.
3Nyu nyayutumba lu ahuli wayunyuko
lukumbu,
Untu lʼuntu lu mbuka kandi.
Ku nyayuyakadja lʼukungu wa
Haramona,
Mbata Latuyalaka.
4Nyutshu la Betele, nyututshi kolo.
Nyutshu la Ngilingala, nyututshi kolo
utamanya.
Nyulambulaki elambu pindju tshe,
La tenyi dianyu dia dikumi lamʼayetaka
nshi shatu.
5Nyukimoki elambu wʼeukelu ka
lusaka weli la edya.
Nyuti diui dia elambu wa lulangu,
Nyudianganya lukumu dikambu
diawo,
Ne dia dikambu diako mbatunyulangaka,
nyu asi Isariyele,
Mbata Khumadiondjo Latuyalaka.
6Dimi lakanyutumela ndjala ka kasha
Lu esumba anyu tshe,
Ndu uhumba wa ma lu ahuli anyu
tshe.
Keli nyu kunkalula le mi, mbata
Latuyalaka.
7Dimi lakanyudimi mvula ngondo
shatu
La ntundu ka dinela.
Dimi lakalosha mvula lʼusumba
omotshi,
La aha nkilosha lʼusumba ukina.
Mvula akalo lu ekambo kemotshi.
Keli lu ekambo kekina kakito kondo,
diango diakumi.
8Wa lu esumba ehendi kana esatu,
Wakatshu utsha lu esumba ekina
Dia ntuyanga ashi wa no.
Keli vo kumunduya pusa.
Kuyanga osoku, nyu kunkadimo le
mi, mbata Latuyalaka.
9Dimi lakanyutumela elanyelu ka mbu
ya nde.
Endjo wakali efula ka diango dia lu
dikambo dianyu,
Ekodi anyu wa vinyo, etamba anyu
wa fingu,
La etamba anyu wa mbeli.
Keli nyu kunkalula le mi, mbata
Latuyalaka.
10Dimi lakatumi asui lʼatei anyu
Wuhu waki lʼEdjibitu.
Dimi lakadiaki elongo anyu wʼapami
la yombo,
Lakandamia punda yanyu.
Dimi lakanyukia sulu ka lu pangu
kanyu lu ehembe anyu,
Keli nyu kunkadimo le mi,
Mbata Latuyalaka.
11Dimi, Unyashungu, lakalanya esumba
anyu,
Uku akamalanya Sodoma la Ngomora.#4:11 Etat. 19:24.
Nyu nyakayala uku efuki ka dja
Kakawatundja uma lu etshumbelu,
Keli nyu kunkalula le mi,
Mbata Latuyalaka.
12Diako mbayumunyusuya wuhu ako,
nyu Isariyele.
Ne dia dimi layunyusuya wuhu ako,
Nyuyalongosole dia mpumana la
Unyashungu anyu, nyu Isariyele.
13Nyulungi, one lakatshi ekungu ndu
lakatungi lopepe,
Latulimbitshiyaka antu tukanyi tandi,
Latukadimulaka pindju udjima,
Ndu latokendakendaka ladiku
diʼahuli wa ladiku dia kete,
Latuyalaka, Unyashungu Kanga
lulimbilimbi,
Keli lukumbu landi.
Currently Selected:
Amose 4: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
