Amose 3
3
Dikitu dia Tambwe
1Nyu asi Isariyele, nyulungi diui ne,
Mbakati Latuyalaka lu dikambu
dianyu,
Lu dikambu dia khumbu tshe
kakandatundja
Uma lʼEdjibitu ati:
2Dimi lakanyosonola paka nyu nyame
Lʼatei a khumbu tshe ya la kete
Diako mbayumunyusuya ne dia kolo
yanyu tshe.
3Antu ahendi mbeyaka nkendakenda
kame,
Aha vo ntukanyi uka?
4Undi, tambwe mbeyaka ndjikita
lʼukunda
Lamʼahato la nyama kakatandji?
Osongo a tambwe mbeyaka ndela lu
wuku ato
Lamʼahawandji nduku engo uka?
5Fudu mbeyaka ntala la kete lamʼaha
djunga?
Otei mbeyaka nyukuto la kete
Lamʼahandami nduku engo loko?
6Vo mbeyaka mvuda dimama lʼatei
wʼusumba,
Ku antu hawuki woma?
Elanyelu mbeyaka ndjala lʼusumba,
Naka Latuyalaka hakitumi?
7Mete, Khumadiondjo Latuyalaka
hatutshaka nduku dikambu,
Tshikima ndi ambutashudi dikambu
diandi
Dia lu usheshe le ekambi andi
amvutshi.
8Naka tambwe kambudikita,
Akona ahuki woma?
Khumadiondjo Latuyalaka amboteketa,
Akona aheyi mvuta akambu wahatayi?
Dianyelu Dia Samariya
9Nyudianganya lukumu lu mvudu ya
khumʼekanga ya la Asuriya,
Ndu lu mvudu ya khumʼekanga ya lu
kete ya Edjibitu,
Nyuti nyati: Nyusangani ladiku
diʼekungu wa Samariya;
Nyendi ufutanu a wulu weli lʼatei awo,
La akambu wa ngala weli loko.
10Vo haweyi ntsha akambu wʼusimbwi,
Mbata Latuyalaka.
Vo watuyaumbelaka diango diʼuma lu
akambu wa ngala
La uvi lu mvudu yawo.
11Diako mbata Khumadiondjo
Latuyalaka ati:
Utunyi omotshi ayudinga kete yanyu,
Ayulanya wulu anyu,
Ayuhandjula mvudu yanyu ya
khumʼekanga.
12Latuyalaka kata ati: Uku atuhatulaka ulami wʼekoko dimba pendi, kana etshi ka tui uma lʼunyo a tambwe, osoku mbayuwuhatula asi Isariyele wudjashi la Samariya, kame la tshuku dia mbetu ndu etenyi ka tangi.
13Nyulungi, nyuyali emenyi wa
dikambu ne,
Mbata Latuyalaka Kanga lulimbilimbi.
14Lushi layumusuya Isariyele ne dia
ehedia awo.
Dimi layulanya diakelu dia la Betele.#3:14 2 Khum. 23:15.
Seki ya lʼediakelu yayuhimbwama,
yayoko lu kete.
15Dimi layuhandjula mvudu yawo ya
Lu nshi ya tshitshi, ndu ya lu nshi ya
yanyi.
Mvudu yʼewanga yayulanyema,
Mvudu ya waki hayenama ntu, mbata
Latuyalaka.
Currently Selected:
Amose 3: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
