Rom 9
9
1Yakum manūwi nam itnesog ra Krĭstō, ya otū manūwi namli, ĭm nōwug amumpūvsok irag ugi Naviat Tumpora, 2ma yakum mandegi norĭgumpūnū horog ĭm nesorū dan sū ūnowag. 3Popōwo ya magkū aremī anti neworapatevi irag popōwo ugi nelintugi enyaū nisekonda ravugsieme, ōvun numpūnarag ra nokolisirag: irora oveteme Isrēel; 4ōvun netnime eni Nōbū, umante tovun ora nilara, im netiyi tumpora, ĭm nam alam dūmūvun ora, ĭm nufwaki iran, ĭm nam neyeviwos; 5dūmūvelum morokonda ōvun ĭtīseme, ĭm iyi Krĭstō yemne iranda ugi nokolisiran, iyi mori umentantevakepe ra siame omwisū, Nōbū itnesog nevīevēs ūvum nevi sū ĭndowi. Amen. 6Kō tawi sugkū nagkū nam eni Nōbū yemyevia. Popōwo tawi irora ōvun Isrēel, mori dūmne ra Isrēel: 7ĭm tawi irora sū ōvun netnime eni Ebraham mori dūmne ra iyi: kō, yetūnūwi memokū, Wanatovninda ōvun netnime ra Isak. 8Im tawi irora ōvun netnime eni Nōbū dūmumprokomol ugi fanda ra sī; kō umagkū irora ōvun novsin mori dūmūyeviwos ugi irora. 9Im nam niyeviwos oti imo, Sugkū ra nempugon dūmūtipe ya ampelum, ĭm Sēra ampi netni ĭtnateman. 10Im tawi imo wokon; kō Rebeka wontantekompo ugi Isak pe nokowo ĭtement —— 11popōwo pol sugkū ovunyan dūtū umprokomol lap, ĭm tawi dūtū umpi sī sie sī aremī ku ūr, ma tarū eni Nōbū ante ūnam ugi tampoli isen, 12tawi ugi numpūrak, kō ugi iyi yemovrokonda ugi tampoli, yetin enūwi pugi. Itnetemefi ontorgat iran ĭtevirok. 13Sugkū dūmūtĭyi, yaum nelintugi Yēkob, kō ya okesi sat Iso. 14Kos kel anūwi sie? Sī sie sī eni Nōbū tawi tanepo kū? 15Eyi tawi sugkū. Popōwo vemenūwi pugi Moses, ya osemsempari iran iyi mori ya magkū ya osemsempari iran, ĭm ya onelĭntugi iran iyi mori ya magkū ya onelintugi. 16Popōwo pe tawi ugi iyi mori umnakĭugi, kū ugi iyi umnaloves, kō ugi Nōbū yemelintugi. 17Im dūmūtiyi pugi Fēro, yaū ya okotorok ugi imo wokon, ma ya osesi ugi iram horog enyaū, ĭm ma atĭn torenūwi nin enyaū ra nemap omwisū. 18Popōwo pe iyi umnelĭntugi mē mē iyi umagkū ugi, 19ĭm iyi unumpi nugkugko nowan eni mē mē iyi umagkū ugi. 20Kĭk anūwi poyaū ugi imo, Irasie iyi umiveyi sī? Popōwo mē umesompat nam isen? Eyi atepū kĭk neteme. Kĭk mē sī ko tamsie pugi Nōbū? 21Nūrah mori dūmumpi anūwi pugi iyi yemumpi memokū, Irasie kĭm mumpi yaū sugkū imo? Kū neteme mori umnumpi ōvun pot kū sī ōvun vesel ugi nĭvlugkon nemap siteven, tawi tantevakepe ra navivon tan nemap worumpi sī nurah aremī, ĭm sī nurah ūr? 22Im nagku Nōbū yemokū iyi osesi naraki isen iyi, ĭm worenūatumpeni horog isen, yemelintugi nempugon tantop iranda ōvun nūrah (vesel) umnakan pun ora dūmūtipe irora nimsin woretavtiti: 23ĭm ma iyi anūatumpeni siame horog nilasewi aremī wokon isen iranda ōvun nurah yemelintugi, mori yipmovūm mumpi nimsin nilasewi, kos pe nokowo, 24mri yemovrugkos sugkū, tawi marugi ōveteme Yūdia wokon, kō morokonda ōvun Yentīĭlĭs? 25Sugkū yemetiyi ra Hosea,
Ya anūwora oveteme enyaū, mori dūtūte oveteme enyaū.
Im iyi mori umnelintugi ugi, mori yetūte nelintugi.
Im ya nelintugi iyi Nasiven, mori yaū metū elintugi.
26Im anti sugkū, ma ra nūrū mori dūmūnūwi pun ora.
Kĭmi tawi oveteme enyaū,
Yūi wonatovninda ōvun netni ĭtnateman, isen Nōbū nomūrep.
27Im Isea yemenūwi ugi irora lō Isrēel memokū, Nagkū wasepi netnime Isrēel tamas sugkū narevin ran telugon tok kō wamkorēyōwara nilpon sī vilek wokon, tawi sikat: 28popōwo onakompeli imo numpūrak itnum, moĭmsompat marimago ugi tanepo: popōwo Iēhōva onūrian iran nemap ire ugi nugkugko domo. 29Im sugkū Isēa yepmenūwi memokū,
Nagkū Novsūromon Tantevakepe yetūwi nugkon novsin soret nisekont,
Petepū irant sugkū Sodom, mūmūte nisekont sugkū yetepū ra Komora.
30Kos kel anūwi sie ugi imo? Ma ōvun nelebokevat, mori dūtūri tanepo ra netevarū enirora, kō dūmūvĭ tanepo iranda, pe tanepo mori ra tavniri: 31kō lō Isrēel, dūmokū worūri nam alam tanepo worevi tanepo ugi, dūtūvī. Im popōwo irasie? 32Popōwo dūtūesorugi ugi tavniri, kō sugkū sū ugi ōvun numpi enirora ra nam alam popōwo dūmūtakeli ra imo nevat ĭtakeli; 33sugkū dūmūtĭyi memokū,
Pah yakum mantine ra Sīon sī nevat ĭtakeli ĭm vetūnam okosĭndi:
Im sī kū sī mori ontavnirigi iran otū onarumprum.
Currently Selected:
Rom 9: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
