Rom 8
8
1Popōwo pe sugkū tawi sī murian iranda umante ūndū Iesū Krĭsto. 2Popōwo nam alam isen Naviat ra Iesū Krĭsto yemsūli yaū marugi nam ugi sat im nemas. 3Im imo mori nam alam yetū faneteme worumpi popōwo ugi netromori ra nokolisiran, Nōbū yemtamuli Netni eni ra safi nokolisirant sat woreti nĭmsĭn sokowar ugi sat, yemenūwali sat ra nokolisirant: 4ma netevarū ra nam alam antĭnakompeli ugi irant, mori ūtū avan sugkū netevarū ra nokolisiran kō sugkū ra naviat. 5Irora mon ūmnakīugi siame ra nokolisiran ūmnumpi sugkū nokolisiran; kō irora mori ūmnakīugi siame ra naviat ūmnumpi sugkū naviat. 6Ovun nakiugi ūnōwag, etūwi oti nemas, kō nakīugi siame isen Naviat Aremi oti nomūrep ĭm ninparata: 7popōwo imo nakiugi ra nokolisiran oti nakan pugi Nōbū; otū akīugi worumpi sugkū nam eni Nōbū, mitnesog tawi faneteme worumpi sugkū; 8ĭm irora mori umante ugi tarū ra nokolissiran tawi faneteme worumpi sugkū aremī ūnĭpmi eni Nōbū. 9Kō kĭmi kūmūte tawi ra tarū ra nokolisiran ko ra Naviat Aremī, nagkū itnesog. Naviat eni Nōbū umantindowi ūnisog kĭmi. Iyi mori neteme sī kū sī yetūvī Naviat eni Krĭstō, tawi iyi isen. 10Im nagkū Krĭsto ūnisog kĭmi, okemas nokolisiran popōwo ugi sat; kō nōwami umamūrep popōwo ugi tanepoves. 11Ko nagkū umantindowi iram Naviat eni iyi mori yemtori Iesū marugi nemas, iyi mori yemtori Iesū Krĭstō marugi nemas, onumpi nokolisirami netromoro nomūrep sugkū ugi Naviat mori umantĭndowi ūnisog kĭmi.
12Popōwo pe sugkū, ravūgeme, ūtū magkū kos kelentorugat iranda nōwant nugkugko, worumpi sugkū: netevarū ra nokolisiran: 13popōwo nagkū kĭmi kwonumpi sugkū tarū ra nokolisiran, kĭmi kwamas itnesog; kō nagkū kwontar ōvun netevarū ra nokolisirami kwamūrep kĭmi. 14Popōwo irora sū mori ūmnūri ugi Naviateni Nōbū, ĭt irora ōvun netnime eni Nōbū. 15Popōwo kūmūtū vī naviat nagalaū nugkugko ra nemetet; ko kūmū vī naviat nemolsep sugkū umentorora, ōvala laū memagkū kos kel anūwi ĭm lagkū, Aba, Etemen kam. 16It nowanda ūmagkili ugi Naviat eni Nōbū ma kos ōvun netni eni Nōbū: 17ĭm nagkū kos ōvun netnime, kos ōvun nevi; worevi siame eni Nōbū kel andiuki nesorū ūndū iyi, ma kos kel ampi ōndū moĭmpi narigi ugi ūndū Krĭstō; nagkū ĭtnesog kos kelampī ūndū iyi nilasilswi.
18Popōwo yakum manūwi memagkū ĭt irora ōvun norĭgumpūnū marima nĭndewavū wokon ĭm tawi worenūwi ugi irora popōwo ugi nilasilaswi mori umanūatumpene pugkos. 19Popōwo lō sū lō sū ūmentevetuwi ugi nakiugi nūsian siame sū aremi ōvun netnime eni Nōbū wanūtumpene. 20Dumumpi siame sū omwisū memokū nĭndewavū, tawi ugi nakiugi isen, kō popōwo ugi iyi mori yemetipe irora sugkū, 21ma sugkū wantavetūwi nempugon wantin tĭnepe irora sū losū omwisū sugkū marugi nugkugko ra nokolisiran avetar mo mĭntorora ra nemolsep ĭm navos isenda ōvun netnime eni Nōbū. 22Kos kem lagkili ma nemap omwisū yemete ugi nesorū nilasewoni ĭm norĭgumpūnū mafeli marima. 23Im tawi imo wokon, kō kos pe kos kĭm lagkili sugkū, mori koskĭm livĭ novūwan ĭt mampūm isen Naviat, kos pe kos, kos kĭm landĭgumpūnū ūnowant pe mori, 24nēyōwara nokolisirant. Popōwo worate vetūwi umumkosēyōwara irant ugi: kō nagku uvi sū tawi tevetūwi mōmū popōwo mē umen tevetūwi sie mori yemokesi sū? 25Kō nagkū kos kilentevetūwi nimsin ima mori kos kĭmletokesi, kos kĭm lentevetūwi ugi, nemolsep.
26Im sugkū umnesitū irant Naviat Aremi popōwo ugi netromoro enugkos: popōwo kos kĭm letūkili worefwaki sugkū aremī; kō iyi Naviat umesenigi nisekont ugi natekisah horog wokon nugkugko worenūwi; 27ĭm iyi mori umnesorugi tarū ūnowanda oveteme umagkili nakiugi isen Naviat Aremī, popōwo iyi umnesenigi nisekonda ōveteme aremī sugkū nam alam eni Nōbū. 28Im kos kim lagkili ma siame umnumpi aremī ugi nisekonda mori ūmnelĭntugi Nōbū, nesekonda pe dūmūvronkonda sugkū nesepentarū eni.
29Im irora mori yemesepen okilora, yepimtampolora woreta ūnōwanda sugkū sū safi eni iyi pe iyi Netni isen, ma iyi ante ĭtnetemefi iranda raveneme sikat: 30ĭm irora mori yemĭmtamūlora, yemovrokonda sugkū: ĭm irora mori yemovrokonda, yemenūwi tanepo isenda: mirora yemenūwi tanepoves, yemovun ora sugkū nūrū ves nilasewi.
31Sie momu ko kel anūwi ugi imo siamei? Nagkū Nōbū dal kos, mē novsĭn nakan irant? 32Iyi mori yetū siugi Netni isen iyi, kō yemtenimpe iyi nisekont omwisū, kō ampugkos ūndū iyi siame omwisū: 33Me anūwi sī sie sī iranda mori Nōbū yemtampol ora? 34It iyi Nōbū yemokū kos tanepo; mē iyi mori anūwi memagkū noworepatevi (irant)? Iyi Iesū Krĭstō yimas, kō mōmū, dūmūtori sah marugi nemas, mori umante ra nokoven mevis eni Nōbū, miyi umnesenigi sugkū nisekont. 35Mē osampat amtugkos marugi nelintugi eni Krĭstō? norĭgumpūnū, kū norĭgisat, kū nesisaū, kū temas, kū norumkor, kū nemtitugi, kū ūvrami? 36Sugkū dūmūtīyi ugi memokū,
Irora ūmentalugkam ran dan sū omwisē popōwo ugi nin enugkĭk;
Umagkū ugi kos memagkū ōvun pugipugi nimsin talugi.
37Kō kos faneteme, ĭm kos kelen tantevakepe ra imo sū siame omwisū ugi iyi yemelĭntugkos. 38It yakum magkili mĭntavniri, ma tawi nemas, tawi nomūrep, tawi ōvun nagelo, tawi netevokontū fan lō, tawi siame ra nemap marima, tawi siame ampelum, kū ōvun siame lō horog, kū siame imelūo ūnēī, 39kū nompōū ĭmpwap, kū sī sie sī omwisū wante faneteme woresompat amtugkos marugi nelintugi eni Nōbū, mori umante ra Iseū Krĭstō Novsūromon enugkos.
Currently Selected:
Rom 8: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
