I. Korint 8
8
1Im ugi siame nevag umampunora ōvun natamas: Kos kimlagkili sū memagkū kos ōvun nelekon. Nelekon umnumpi nugkugko nowan, kō nelintugi umnumpi aremī. 2Nagkū sī umagkū iyi umagkili sie sī, kō iyi otū magkili sugkū aremī nisekon worokili; 3kō nagkū sī umnelintugi Nōbū, Nōbū umagkili iyi. 4Im woreni nevag mori umsokowar ugi pugi natamas, kos kĭm lagkili magkū ōvun natamas ra nemap nĭn-dewavū wokon, kō Nōbū siteven ĭm tawi sī mōmū. 5Im nagkū umante mori ūmatovninda memagkū ōvun nōbū, ūnpokop kū ra nemap; sugkū ūmante sikat nōbū, ĭm sikat narisah; 6kō umante nisekont Nōbū siteven wokon, mori Itement, marugi umamne siame sū ugi iyi, ĭm kos ugi iyi. 7Kō ōveteme omwisū otū magkili imo siame: kō nugkon popōwo ugi netevarū enirora ugi natamas mafeli marima keleneni siame nevag dūmūsokowar mokili ugi sugkū ĭm ūmnumpi ūr nowanda netromoro ugi. 8Nevag otū onumpi kos aremi ūnĭpmi eni Nōbū: ĭm sugkū, nagkū kos kel etū eni nevag, kos tawi mōmū ūr ugi imo; kū, nagkū kos keleni nevagukos tawi aremī mōmū ugi imo. 9Kō ūfinte kĭmi ma imo faneteme enugkimi otū ante nūrah ĭtahkeli iranda ōvun netromoro. 10Im kĭk neteme nelekon, nagkū sī agesok ampag ūnisog nimo nĭmsĭn natamas, otū onumpi iyi, nagkū iyi netromoro, woretapmi woreni nevag dūmūsokowar pugi ōvun natamas ĭm laūwo. 11Im popōwo ugi numpi enugkĭk, kĭk sī nelekon, kumpi worokini tavniri eni apmi sī, mori Krĭstō yimas nisekon. 12Im sugkū, pol sugkū kum numpi imo satindi iranda ravinsime, momumpi nesorū ūnōwanda ōvun netromoro, kĭmi kūmnumpi sat iran Krĭsto. 13Popōwo pe sugkū, nagkū nevag umnumpi avug sī woretahkeli, ya otū oneni nelat indowi, ma ya otū onumpi avugsi woretahkeli.
Currently Selected:
I. Korint 8: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
