I. Korint 7
7
1Im ugi siame mori kūmūtĭyi netiyi ugi: 2Tawi aremi nateman ante ūndū nasiven. Kō popōwo ugi tampalaū mōmū aremī neteme ampi retepon isen mantĭndowi ūndū iyi, ĭm nasiven ampi asūon isen sugkū mantĭndowi ūndū iyi. 3Asūon onumpi aremī nisekon retepon sugkū umanuwi ugi; ĭm retepon nisekon asūon sugkū. 4Itnasiven tawi isen iyi, kō isen asūon: ĭm sugkū sū asūon tawi isen iyi, kō isen retepon. 5Utūte sī ĭm sī pelah marugkūm kĭmi, kū pe nagkū ugi nam siteven enugkimi lap, ma kwontenimpe kĭmi ra nufwaki, penūri kwonavremugkūm sīteven ma otū onĭmpiri wugkūm Sētan popōwo ugi netromoro enugkimi. 6Kō ya otū manūwi imo ugi nam alam, kō sugkū ugi yaū pe yaū ugi nemolsep poyaū nĭmsĭn. 7Kō yakum nakiugi ma ōveteme omwisū wante sugkū yaū. Kō Nōbū yemevon ora ōveteme sugkū aremi nisekonda, sī ugi nilepon sī, ĭm sī ugi nilepon sī sī.
8Kō ya magkū pun ora ōvun nefi ĭm ōvun neviumpūwi, Aremī irora wante sugkū ya umante. 9Pot nagkū nugkugko iranda woretindowi sentevives, aremī irora wontūok: popōwo mōmū aremī worotovrugi, kō ĭtokoveki nĭlasĭvevian sat. 10Kō yakum magkū punora dūmūtūok sū, kō tawi nam enyaū, kō eni Novsūromon,, Magkū retepon otū owi asūon isen (potnagkū iyi umampe, aremi iyi anti nefi, 11kū oiti iyi ūndū asūon): ĭm asūon otū owi retepon isen. 12Kō pun ora ōveteme omwisū ra nilepon sī ya magkū, kō tawi nam eni Novsuromon: Nagkū sī ra ravĭnsīeme yivi retepon, netūtavniri, ĭm iyi umagkū woretindowi ūndū iyi, aremī iyi otū owi. 13Im nasiven mori yivi asūon netūtavniri ĭm iyi umagkū woretindowi ūndū iyi, aremi iyi otū owi asūon sugkū. 14Popōwo umesesi aremī pugi asūon netūtavniri retepon, ĭm umesesi aremi pugi retepon netūtavniri asūon: kū pe ĭntawi ovunyan enugkimi ōvun nagkaū; kō irora ōvun tanepo. 15Kō nagkū netūtavniri umampe, owi sugkū aremī iyi umampe: otū ante ugi nugkugko sī nateman tavniri kū itnasiven tavniri nagkū antepū sugkū: kō Nōbū yemovrugkos ugi ninparata. 16Pah itnasiven kĭk otū magkili nigoi kosemsempari asūom kū? Pah nateman, kĭk otū magkili nĭgoi kosemsempari ratepmi? 17Aremī wonavan ōveteme sugkū Novsūromon yemetevūrak nisekonda sī ĭm sī, ĭm sugkū Nōbū yemovrokonda. Im sugkū nam alam enyaū pun ora ōvun nilepon sī lō tumpora omwisū. 18Nagkū dūmūvrugi sī mori dumumpi namon iran? aremī iyi otū pĭpelah namon iran. Nagkū dūmūvrugi sī mori dūtū umpi namon iran? aremi iyi otū umpi namon iran. 19Worumpi namon nĭndevavū, ĭm woretū umpi namon nĭndewavo; kō aremī pe woralekoleki nam eni Nōbū. 20Aremi neteme antindowi ra numpūrak mori dūmovrugi iyi nimsin. 21Nagkū dūmūvrugkĭk pol sugkū kĭm lĭvsaū wokon nisekon sī, etūrĭgi sat ugi: potnagkū faneteme woresūlok, aremī esūlok. 22Popōwo iyi mori dūmovrugi ra Novsūromon pol sugkū yemelĭvsaū wokon, ĭt iyi sī nesūli ves eni Novsūromon: ĭm sugkū iyi mori dūmūvrugi polekū yemete wokon nesūli, iyi oti lĭvsaū wokon eni Kristo. 23Dūmūvasi kĭmi; ūtū walĭvsaū wokon enirora ōveteme. 24Ravūgsīme, aremī ōveteme wantĭndowi ra imo mori dūmovrokonda ugi, ūndū Nōbū. 25Im marima ugi ōvun itnumpokon yaū metūvī sī nam alam marugi Novsūromon: kō ya magkū ugi tarū sorug, sugkū sī yivi nelintugi marugi Novsūromon woreti tanepo. 26Im va magkū imo aremī popōwo Ugi imo norĭgumpūnū marima, momagkū aremī neteme ante wokon sugkū iyi umante. 27Nagkū retepmi etū magkū woresūlok marugi. Nagkū tawi retepmi etū sorūgi sī retepmi. 28Nagkū kwontūok, imo tawi sat nisekom; ĭm nagkū ĭtnumpūkon ontūok, imo tawi sat nisekon. Kō irora mo wampi norĭgumpūnū ra nokolisiranda: imo yakum nakiugi woresemsempari irami marugi. 29Kō ya umagkū pugkūm, ravūgsīme umbotibot nempugon, ma ran dan sū irora mori dūmūvĭ ōvun reteponda wanti sugkū nagkū tawi reteponda; 30ĭm irora mori ūmnageri, wante sugkū nagkū dūtū ageri; ĭm irora mori ūmnavos, wanti sugkū dūtū avos ĭm irora mori ūmsevasi, wanti sugkū nagkū dūtū sevasi; 31ĭm irora mori ūmante nisekonda, siame ranemap kō ūtū neyōmpelĭgi ugi: popōwo netevani ra imo nemap umampia. 32Kō ya umnakĭugi nemolsep nisekomi marugi tarū indowi ugi siame nagelaū ra nemap. Iyi mori umante nefi umentarū ugi siame isen Novsūromon, ma iyi onumpi aremī nisekon Novsuromon: 33kō iyi mori yementevintorugi okevi retepon umentarū siame ra nemap, ma iyi onumpi aremī nisekon retepon isen. 34Im retepon neteme tawi sugkū sī ĭtnumpūkon, kō irora sī ĭm sī. Iyi mori ĭtnumpūkon umĭntarū ugi siame eni Novsūromon, ma iyi ante tumpora ra nokolisiran ĭm ra naviat: kō iyi mori yivi asūon umĭntarū ugi siame ra nemap, ma iyi onumpi aremī nisekon asūon isen. 35Im ya umanūwi imo popōwo ĭt aremī nisekomi kimi; tawi ma ya onumpi sugkū netakeli irami, kō popōwo ugi imo siame netevarū aremī ĭm ma kwontorugat kĭmi ra Novsūromon wokon ĭm tawi ugi tarū tarū. 36Kō nagkū sī neteme umĭntarū memagkū iyi umnumpi tawi aremī nisekon netni itnasiven ĭm nagkū iyi neteme talam, ĭm nagkū nugkugko woreti tanepo, aremī iyi onumpi nisekon sugkū iyi umnakĭugi; imo tawi nagkaū isen; aremī iyi ampugi sī asūon nisekon. 37Kō iyi mori umante ūnam ūnō wan isen, ĭm tawi nugkugko nisekon sugkū, kō faneteme woretindowi tanepo, miyi umagkū ma nitni ĭtnasiven antindowi nefi indowi iyi umnumpi aremī. 38Popōwo pe sugkū iyi mori otĭnĭmpe netni woretūok wampi sī asūon umnumpi aremī; kō iyi mori otū omentrnĭmpe netni woretūok ĭmpī sī asūon umnumpi aremī mōmūgū. 39Nugkugko iran sī nasiven worūwi asūon pol sugkū asūon umamūrep; kō nagkū imas asūon, umesūli iyi, miyi faneteme ugi tanepo worevi sī mōmū asūon sugkū tampoli isen; kō ra Novsūromon wokon. 40Kō ya magkū ugi tarū enyau mōmū aremī iyi antindowi sugkū neviumpūwi: ĭm ya umagkū umante ūndū yaū Naviat eni Nōbū.
Currently Selected:
I. Korint 7: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
