I. Korint 10
10
1Im ya um nakiugi, ravūgsieme, ma kwagkili kĭmi, memagkū retemĭnteme omwisū mori dūmūte ra netekon nakoūp, mirorasū dūmavan ran tok; 2ĭm dūmūvi baptiso iranda pugi Moses ĭm ra nakoūp ĭm ran tok sugkū; 3ĭm irora sū, dūmoni nevag siteven mori Nōbū yemavugonora ugi; 4ĭm irora sū dūmone ki nū siteven mori Nōbū yemtalug pun ora: popōwo irora dūmoneki marugi vetūnam mori yemūrora, mori Nōbū yemovunora: ĭm vetūnam mori yeti Krĭsto. 5Kō Nōbū yemaraki iranda nugkon sikat ra irora: miyi yemtafugi irora ra nūrū wokon. 6Dūmūtĭyi imo siame safi nisekomi ma kos keletū nilasivian sat sugkū irora dūmūlasivian ugi. 7Utū tivita ra ōvun natmas kĭmi sugkū nugkon ra irora sugkū yetin netiyi. Netevokontū dūmūtisep woreni ĭm woremoneki, momūtūok worevovowi. 8Im tawi kos kel etū wumpi tampalaū, sugkū nugkon ra irora dūmumpi, ĭm mas ra irora ran dan siteven twenti-tri taūsan ōveteme. 9Im kos keletū tapmi Krĭsto sugkū, nugkon ra irora dūmūtapmi iyi, ĭm niskel dūmūtalokonda. 10Im kos keletū tavuntan, sugkū nugkon ra irora dūmūtavūnan, ĭm nagelo talugi yemtetokonda. 11Im yemetepū siamesū imosū sugkū safi nisekonda; ĭm dūmūtĭyi imo siame woretavsugkos, mori kos kĭm lante ra ōvun dan sū ra nisah marima. 12Popōwo pe sugkū aremi iyi mori umagkū iyi umantūr ūnam, afinte ma iyi otū amol. 13Ovun tapmi sū dūmuvelum irami dūmūvelum iranda ōveteme sū sugkū: kō Nōbū tanepoves, miyi otū owi kĭmi nagkū tapmi ampelum irami; kō pol sugkū tapmi ampelum iyi onumpi selat woralō, ma kĭmi kwontantevakepe ugi.
14Popōwo pe sugkū, ali ravugsieme aremi, kalo marugi nufwaki iranda ōvun natmas. 15Ya umanuwi nam pugkūm sugkū pun ora ōveteme nelekon; ūtarū kĭmi nokowo nam enyaū. 16Kup imo mori nevieves kos kem lenūwi nevieves ugi, imo oti de eni Krĭsto nisekont pe nokowo? Yōūp imo mori kos kĭmlandūsevi, 17imo oti nokolisiran eni Krĭstō nisekont pe nokowo? yōūp pe siteven, kos sikat, kos yōūp siteven, nokolisirant siteven: popōwo kos kĭm leni yōūp siteven. 18Ukosora lō Isrēel ugi nokolisiran: ĭt nisekonda sugkū nefate, mori ovragi mori ūmneni pe nevag, ūmesokowara ugi ra nefate kū? 19Ya anūwi sie? ma sī sie sī mori umnesokowara ugi pugi natmas oti ĭtnesog, kū ma natmas oti ĭtnesog? 20Kō yaū manūwi memagkū, ma siame mori ōvun nilebokevat ūmūsokowarugi irora ūmūsokowar ugi iranda ōvun nimo sevasi, ūtū tagkelĭgi ugi popōwo ugi nakiugi ma kĭmi kwonavremugi dal ōvun naviatindi. 21Nugkugko irami woremoneki ra kup eni Novsūromon ĭm ra kup enirora ōvun naviatindi: nugkugko irami woreni ra nevlok eni Novsuromon, ĭm ra nevlok enirora ōvun naviatindi. 22Kos kelentapmi Novsūromon worarakar irant kū? kos mōniū horog iran iyi kū?
23Tawi dūtūnūwali siame sū; kō tawi aremī worumpi siame sū. Dūtū ūnūwali siame sū; kō siame sū otū umpi aremī ugi nesitū, tawi. 24Tawi aremī nagku sī neteme umnesorugi tiame aremī nisekon iyi wokon, kō aremī iyi onesorugi siame aremī nisekonda ōveteme omwisū. 25Woni siame sū mori umsevasi ra ōvun nimo sevasi, ūtū tagkelĭgi ugi popōwo ugi nōwami; 26popōwo nemap isen Novsūromon, ĭm siame sū omwisū iran. 27Nagkū sī nelebokevat osenugkūm worampag ūndū iyi, ĭm nagkū kūmagkū kwampe sugkū; kwoneni siame nevag umantipe ūnĭmetemi, ūtū tagkelĭgi ugi sī popōwo ugi nōwami. 28Kō nagkū sī neteme anūwi pugkūm memokū, Dūmūsokowar ugi imo iranda ōvun natmas, ūtūwoni, popōwo ugi iyi yemesesi sū pugkūm, ĭm ugi nowan: 29ya otū magkū popōwo ugi nōwam kō popōwo ugi nowan isen sī; popōwo irasie sī umentarū sat irag ūnōwan ugi imo siame tawi nagkaū nisekūg? 30Potnagkū ya ampi umnumpalugi ugi, irasi umentavūntan irag popōwo ugi ima mori ya umpalugi ugi? 31Im popōwo pe sugkū kĭmi kwoneni, kū kwomoneki, kū sie sī kĭmi kūm umpi, wumpi omwisū ugi nĭlasĭlaswe ra Nōbū. 32Utūtipe nitakeli iran sī tawi iran neteme Yūdia, ĭm tawi iran neteme Krik, 33ĭm tawi iran, nilepon sī lō tumpora eni Nōbū: sugkū ya umnumpi netevarū mori aremī nisekonda ōveteme sū ugi siame sū omwisū, ĭm ya otum magkū ugi siame aremī nisekūg, kō siame aremī nisekonda ōveteme sikat, ma irora, wampī nēyōwara.
Currently Selected:
I. Korint 10: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
